1 ERGAA PHETHROS 3

Haati Manaa Abbaa Manaaf Fakkeenya Gaarii Ta'uu Danda'uu Ishee

1Akkasumas isin dubartoota nana, warra dhiiraa keessaa kaan dubbii Waaqayyoo hin amanne yoo ta'an iyyuu, isin waan tokko utuu hin dubbatin, amala isin warri haadhota manaa isaanii taatan argisiiftaniin akka mo'amanitti, abboota manaa keessaniif abboomamaa*! 2Isaan amala keessan isa qullaa'aa fi isa sodaa Waaqayyoo argisiisu in argu. 3Of kuuluun keessan, wanta alaan mul'atu, mataa tolfachuudhaan, warqee naqachuudhaan, uffata babba'eessa uffachuudhaanis hin ta'in*! 4Garuu of kuuluun keessan inni hin badne keessa namummaa keessanii isa dhokataadhaan haa ta'u! Kunis hafuura garraamummaa fi gabii isa Waaqayyo duratti guddaa gati-jabeessa ta'e sanaan haa mul'atu! 5Bara duriitti dubartoonni Waaqayyoof qulqullaa'anii isa abdatan, akkasitti abboota manaa isaaniitiif abboomamuudhaan of kuulaa turan. 6Saaraan akkas Abrahaamiif abboomamaa, gooftaa koo jettees isa waamaa turte; ammas isin gaarii yoo gootan, doorsisa tokkos hin sodaattan yoo ta'e, ijoollee ishee ta'uu keessan*.#1 Efe 5:22; Qol 3:18; Tit 2:5 3 1Xim 2:9 6 18:12

7Akkasuma isinis dhiirota nana, dubartoota keessaniif beekaatii wajjin jiraadhaa! Walii wajjin jireenya isa tola isiniif kennamutti galuuf waan jirtaniif, kadhanni keessan gufuu argatee akka hin ittifamnetti, dubartii keessan akka gar tokko dhagna keessanii isa dadhabaatti ulfina kennaaf*!#7 Efe 5:25; Qol 3:19

Sababii Waan Gaarii Hojjetaniif Dhiphachuun Bu'aa Qabaachuu Isaa

8Ammas hundumti keessan hafuuraan, dhageettii yaada garaatiinis tokkummaa qabaadhaa! Obboloota jaallachuudhaan, gara-laafinaan, gad of deebisuudhaanis walii wajjin jiraadhaa*! 9Hamaa, hamaadhaan, abaarsas, abaarsaan hin deebisinaa! Gara galchii iyyuu eebbisaa! Isin eebba akka argattaniif waamamtan*.

10Caaffanni qulqullaa'aan,

?Namni jireenyatti gammaduu barbaadu,

inni bara gaarii arguu fedhus,

arraba isaa hamaa dubbachuuttii,

afaan isaas haxxummaadhaan dubbachuuttii haa ittisu!

11Inni hamaattii gara galee gaarii haa godhu,

nagaa haa barbaadu, duukaas haa bu'u!

12Iji gooftichaa,

gara warra qajeelotaa in ilaala;

gurri isaas kadhata isaanii in dhaga'a;

garuu fuulli gooftichaa warra hamaa godhanitti

nyaara guureera? in jedha*.#8 Filp 2:2-3 9 2:23; Mat 5:44; 1Tas 5:15; Rom 12:14,17 10-12 Far 34:12-16; Yaq 1:26

13Wanta gaarii gochuudhaaf warra hinaafan yoo taatan, eenyutu hamaa isin irratti hojjeta ree? 14Wanta qajeelaadhaaf utuu dhiphattanii iyyuu immoo attam gammaddu laata! Sodaachisa warra isin sodaachisanii hin sodaatinaa! Hin raafaminaas*! 15Kristosiif garuu akka gooftaatti garaa keessan keessatti ulfina addaan ba'e kennaaf! Waa'ee abdii isin keessa jiruuf, nama isin gaafatee, deebii isin irraa barbaaduuf, deebii ga'u deebisuudhaaf yeroo hundumaa qophaa'oo ta'aa! 16Deebiin keessanis arraba laafaadhaan nama safeeffachuudhaanis haa ta'u! Warri hamaa isin irratti dubbachuudhaan maqaa keessan balleessan, amala keessan isa gaarii, isa erga kan Kristos taatanii argisiiftan sana hammeessan akka yeella'aniif, yaadni garaa keessanii akka isin hin ceephaanetti jiraadhaa*! 17Isa hamaa godhaniif dhiphachuu mannaa, jaalala Waaqayyoo taanaan, sababii wanta gaarii godhaniif dhiphachuu wayya*.#14 2:20; Mat 5:10; Isa 8:12-13 16 2:15 17 2:20; 4:13-14,16

18Kristos immoo gara Waaqayyootti isin fiduudhaaf jedhee, yeroo hundumaaf akka ta'utti al tokkicha, cubbuu namoota baay'eetiif dhiphateera; inni qajeelaan foon uffatee, qooda warra jal'ootaa ajjeefame, hafuuraan jiraachifameera*. 19Hafuuruma sanaanis dhaqee hafuurota warra mana hidhaa keessa jiranitti lallabe*. 20Isaan hafuurota namoota warra dura bara Nohitti, yeroo markabni tolfame, yommuu Waaqayyo obsaan isaaniif eeggachaa turetti, isaaf hin abboomamin hafanii dha. Markaba kanaan namoonni muraasi, kana jechuun lubbuun saddeet bishaan keessaa oolan*. 21Kunis fakkeenya cuupphaa isa isin amma ittiin ooltanii ti; cuupphaan waan ittiin, karaa du'aa ka'uu Yesus Kristos, yaada garaa nama hin ceephaane argachuudhaaf, Waaqayyotti himatanii dha malee, waan ittiin xurii dhagnaa dhiqatan miti*. 22Inni du'aa ka'e sun gara waaqaatti ol ba'ee, gara mirga Waaqayyoo jira; ergamoonni Waaqayyoo, warri aboo qabu jedhamanii sodaataman, humnoonnis harka isaa jala jiru*.#18 2:21-24; Rom 6:10 19 4:6 20 Uma 6:1-22; 7:1-24; 2Phe 2:5 21 Ibr 10:22; Efe 5:26 22 Efe 1:20-21

Currently Selected:

1 ERGAA PHETHROS 3: MacQul

Highlight

Compare

Copy