Obeec Dudi Luubö Mo Cäänö Kaper Wëël Obeec Dudi
Luubö Mo Cäänö Kaper Wëël Obeec Dudi
Wëëlö man cwøl no Obeec Dudi, ni beeye duut mana pere letha eni mo cäänö kaper nywöm mana näk yie da mëër mana näk adïëri. Dhaagø-thiinh ge ki cwøre dëëtge pakge pagø ki luup mo käla yïth cwïnyge na adïëri, ni ge nyootha mëër marge ki dëëtge, ni ŋati man nø lääŋŋa wati ni per wati leth jïre døc, ni bäŋ dhaanhø mør mo manynye.
'Ba kiper nee nywöm marge gwøkge ki man put thur kare na adïëri, dhaagø-thiinh nyïïakuue møøk aköömme, ni kööe, ni «Kär mëër tuuŋŋu nee ö maal këël kanyo pïïc kare.»
Wëëlö man ki kwör møøk di cwølø ni «Duut Cølöman,» ni tiere løny ki man tïme ni gööra Cølömanni wala göör kaper Cølöman (1:1). Kiper nyeŋ Cølöman ogöörö yie ki kwöre abïriiø.
Acaara mar wëëlö man løny ki man tïme ni päära mëër man wø en yïthakic Jwøk ki jiye, ki mëër mar Krictø ka acooŋ Jwøk. (Odheea 2:19-20) ø
Currently Selected:
Obeec Dudi Luubö Mo Cäänö Kaper Wëël Obeec Dudi: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia