Röm 9
9
Jwøk Jø Icriel Ajiere
1'Ba a caana gïn ma adïëri ki nyeŋ Krictø, naa ba caan tööt, ni beeye gïn mo ŋääa ki cwïnya ki køør Jwïëc Jwøk na en kur keere, 2ni cwïnya da kïmmö mo dwøŋ, ni cwïnya rämö cooth ki rääm mo ba cöök. 3Doo beer kee aani ki dëëra, aano cienø, ni ŋul aani wøk dëër Krictø kiper nyïïmera, na näk tuuŋwa na jø powa. 4Kiper gena jø Icriel, ni beeye geni na tïïc Jwøki na nyïïe. Na ajiem, ki luupa tuut, ki ciik Jwøk na cïp, ki lam, ki gïïa buuk wëëga geni, 5ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.
6Ni manøgø ba caan gø ni luum Jwøk kär thur kare. Kiper nyïïkwaac Icriel paa jø Icriel bëët, 7ni ge patha nyïï Eeberam bëët kiper mana näkge nyïïkwaaye. 'Ba akøp, ni «Aydhak beeye noo cwøl nyeŋ nyïïkwaayï ree.»#Wïlöölö 21:12 8'Ba manøgø nyootha gø ni patha nyïëdi mo wø nywöli ki ec jaak noo tïmö na nyïï Jwøk, 'ba beege nyïëdi mo wø nywöli ki køør buuk ni wø jïëc ni gena nyïïkwaaye. 9Kiper gïna buuk beeye en, ni «Aano duui kanyo näk kar kany nø, kanyøca Ceera ojïti ki dhaanhø ma cïïŋŋö.»#Wïlöölö 18:10, 14 10Ni patha manøgø keere. 'Ba Rebëëka thuwø kanya jït yie ki jiy baŋ ŋata näk aciel na näk kwarø ma Aydhak, 11këël kanya pootge ni kär nywølø, ni bäŋ gïn mo beer wala mo raac mo ege tïïö, 12acaan jïre, ni «Ŋata dwøŋ ŋata thiinh otïnynye.»#Wïlöölö 25:23 13Kaa mana gööri, na «A mëër ka Jeekap, ni mäna ki Icøø.»#Milkiya 1:2-3 Ni gïnögø atïïc Jwøki kiper nee tier jïër mare bëëde kare kiper cwönne, ni patha kiper tïïe.
14?Agïnaŋø noo caanø nø? ?Ø doo köö ni mar Jwøk raac? Ba doo løny. 15Kiper ena köö jï Modhe,
ni «Ŋato kønya beeye ŋato kønya.
Ni ŋato päth cwïnya ki gïre, beeye ŋato päth cwïnya ki gïre.»#Bwøth Wøk 33:19
16Kiper manøgønø, ba en ri gïn wø many dhaanhe wala tïïe moe, 'ba beeye køny Jwøk keere. 17Kiper wëël Jwøk aköö jï Peerø, ni «Beeye gïn kiree na thïïŋa ïïni kipere, kiper nee teek mara nyoodha ki riï, nee nyeŋŋa tïme ni wïnyö dï piny bäre.»#Bwøth Wøk 9:6 18Kiper manøgønø, eni wø kønya ŋat wø kønye kaa mana manynye, ni ŋat wø cwïny gø døøc mo teek, wø døøye mo teek kaawat mana manynye.
19'Ba kanymør ï pëëö, na «?Aŋø ni poot Jwøki ni jääla dhaanhø en? ?Kiper aŋa na doo dhal mare na manynye?» 20?'Ba ï na dhaanhø, ïïna ŋa na doo dwök baŋ Jwøk? Gïn mo ocwääö doo köö jï ŋata cwääc gø, na «?Aŋø ni cwääyï aani na ennø nø?» 21?Aŋø, dïcwäc dääe jïre bäŋ teek bäät odhöönh mo ee göölö ki man cwääe ki dääe ariiø ro odhöönhögø na aciel enø? ?Na aciel ee kadø ni mïërö, ni maya ee cwääö na mar tïïc? 22Këël na bëëde ni Jwøk manynya man nyooth wëëye nee teege tïïc ni ŋäc, ena tïmö ni poot bëëdö ni cwïnye ee cïp piny ki gïïo wëërö ki geni na rømø ki raanynyø, 23kiper nee ajiem mare na päl nyoodhe jï gïïo kønye na kwøŋ jiiŋŋø nee ge jiem. 24Ni beeye øøni na cwøle, ni patha ø keerø na en røk jø Juuth, 'ba këël ki røk juurre thuwø. 25Kaawat mana caane møn yi wëël Odheea,
ni «Jøøa näk patha jiya ocwøla ni jiya.
Ni nyaana näk bäŋ omëëye, ocwøla no omëëya.»#Odheea 2:23
26«'Ba yi kanya kwøŋ ge cäännö yie kiree, no ‹U patha jiya,›
bee geni noo cwøl ni ‹nyïï Jwøa kwøw.› »#Odheea 1:10
27'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem. 28Kiper Wuuö Jwøk luumme ŋøle piny ni laar gø thöör ni ciek.»#Aydheea 10:22-23 29Ni manøgø caala luumma køp Aydheea, na kööe,
no «Onää Wuuö Jwøk, eni na wïth jammi bëët,
ø käre wëënnö ki köödhi,
doo na øøno nø tïmö kaamar Cødam,
ni tïïc ø kaamar Gømöra.»#Aydheea 1:9
Luum Jø Icriel Ki Luumma Nyään Na Met
30?Agïnaŋø noo caanø nø? Juurre na kär løp køør bëënynyö, bëënynyö ajootge. Ni beeye bëënynyö man wø joot ki køør ŋäädhe. 31'Ba jø Icriel na løp køør bëënynyö man wø göök ri ciik Jwøk, kär løny jïge ki man thöörge ciigøgø. 32?A per ŋø nø? Beeye kiper na kärge køøre løpø ki køør ŋäädhe, 'ba atïïcge keda gïn mo ogöök ri tïïe. Ni cwanyge tietge ri kïn wø cwany tiel, 33kaawat mana gööri,
ni «Neennu, akïtha kïdi yi Dhayan,
na kïdi mano cwany tiet jiy,
na kïnno wëëk ge päänhnhö.
'Ba ŋato jïëy ki eni ni ŋääth gø,
wïïe ba lääy.»#Aydheea 8:14; 28:16
Currently Selected:
Röm 9: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Röm 9
9
Jwøk Jø Icriel Ajiere
1'Ba a caana gïn ma adïëri ki nyeŋ Krictø, naa ba caan tööt, ni beeye gïn mo ŋääa ki cwïnya ki køør Jwïëc Jwøk na en kur keere, 2ni cwïnya da kïmmö mo dwøŋ, ni cwïnya rämö cooth ki rääm mo ba cöök. 3Doo beer kee aani ki dëëra, aano cienø, ni ŋul aani wøk dëër Krictø kiper nyïïmera, na näk tuuŋwa na jø powa. 4Kiper gena jø Icriel, ni beeye geni na tïïc Jwøki na nyïïe. Na ajiem, ki luupa tuut, ki ciik Jwøk na cïp, ki lam, ki gïïa buuk wëëga geni, 5ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.
6Ni manøgø ba caan gø ni luum Jwøk kär thur kare. Kiper nyïïkwaac Icriel paa jø Icriel bëët, 7ni ge patha nyïï Eeberam bëët kiper mana näkge nyïïkwaaye. 'Ba akøp, ni «Aydhak beeye noo cwøl nyeŋ nyïïkwaayï ree.»#Wïlöölö 21:12 8'Ba manøgø nyootha gø ni patha nyïëdi mo wø nywöli ki ec jaak noo tïmö na nyïï Jwøk, 'ba beege nyïëdi mo wø nywöli ki køør buuk ni wø jïëc ni gena nyïïkwaaye. 9Kiper gïna buuk beeye en, ni «Aano duui kanyo näk kar kany nø, kanyøca Ceera ojïti ki dhaanhø ma cïïŋŋö.»#Wïlöölö 18:10, 14 10Ni patha manøgø keere. 'Ba Rebëëka thuwø kanya jït yie ki jiy baŋ ŋata näk aciel na näk kwarø ma Aydhak, 11këël kanya pootge ni kär nywølø, ni bäŋ gïn mo beer wala mo raac mo ege tïïö, 12acaan jïre, ni «Ŋata dwøŋ ŋata thiinh otïnynye.»#Wïlöölö 25:23 13Kaa mana gööri, na «A mëër ka Jeekap, ni mäna ki Icøø.»#Milkiya 1:2-3 Ni gïnögø atïïc Jwøki kiper nee tier jïër mare bëëde kare kiper cwönne, ni patha kiper tïïe.
14?Agïnaŋø noo caanø nø? ?Ø doo köö ni mar Jwøk raac? Ba doo løny. 15Kiper ena köö jï Modhe,
ni «Ŋato kønya beeye ŋato kønya.
Ni ŋato päth cwïnya ki gïre, beeye ŋato päth cwïnya ki gïre.»#Bwøth Wøk 33:19
16Kiper manøgønø, ba en ri gïn wø many dhaanhe wala tïïe moe, 'ba beeye køny Jwøk keere. 17Kiper wëël Jwøk aköö jï Peerø, ni «Beeye gïn kiree na thïïŋa ïïni kipere, kiper nee teek mara nyoodha ki riï, nee nyeŋŋa tïme ni wïnyö dï piny bäre.»#Bwøth Wøk 9:6 18Kiper manøgønø, eni wø kønya ŋat wø kønye kaa mana manynye, ni ŋat wø cwïny gø døøc mo teek, wø døøye mo teek kaawat mana manynye.
19'Ba kanymør ï pëëö, na «?Aŋø ni poot Jwøki ni jääla dhaanhø en? ?Kiper aŋa na doo dhal mare na manynye?» 20?'Ba ï na dhaanhø, ïïna ŋa na doo dwök baŋ Jwøk? Gïn mo ocwääö doo köö jï ŋata cwääc gø, na «?Aŋø ni cwääyï aani na ennø nø?» 21?Aŋø, dïcwäc dääe jïre bäŋ teek bäät odhöönh mo ee göölö ki man cwääe ki dääe ariiø ro odhöönhögø na aciel enø? ?Na aciel ee kadø ni mïërö, ni maya ee cwääö na mar tïïc? 22Këël na bëëde ni Jwøk manynya man nyooth wëëye nee teege tïïc ni ŋäc, ena tïmö ni poot bëëdö ni cwïnye ee cïp piny ki gïïo wëërö ki geni na rømø ki raanynyø, 23kiper nee ajiem mare na päl nyoodhe jï gïïo kønye na kwøŋ jiiŋŋø nee ge jiem. 24Ni beeye øøni na cwøle, ni patha ø keerø na en røk jø Juuth, 'ba këël ki røk juurre thuwø. 25Kaawat mana caane møn yi wëël Odheea,
ni «Jøøa näk patha jiya ocwøla ni jiya.
Ni nyaana näk bäŋ omëëye, ocwøla no omëëya.»#Odheea 2:23
26«'Ba yi kanya kwøŋ ge cäännö yie kiree, no ‹U patha jiya,›
bee geni noo cwøl ni ‹nyïï Jwøa kwøw.› »#Odheea 1:10
27'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem. 28Kiper Wuuö Jwøk luumme ŋøle piny ni laar gø thöör ni ciek.»#Aydheea 10:22-23 29Ni manøgø caala luumma køp Aydheea, na kööe,
no «Onää Wuuö Jwøk, eni na wïth jammi bëët,
ø käre wëënnö ki köödhi,
doo na øøno nø tïmö kaamar Cødam,
ni tïïc ø kaamar Gømöra.»#Aydheea 1:9
Luum Jø Icriel Ki Luumma Nyään Na Met
30?Agïnaŋø noo caanø nø? Juurre na kär løp køør bëënynyö, bëënynyö ajootge. Ni beeye bëënynyö man wø joot ki køør ŋäädhe. 31'Ba jø Icriel na løp køør bëënynyö man wø göök ri ciik Jwøk, kär løny jïge ki man thöörge ciigøgø. 32?A per ŋø nø? Beeye kiper na kärge køøre løpø ki køør ŋäädhe, 'ba atïïcge keda gïn mo ogöök ri tïïe. Ni cwanyge tietge ri kïn wø cwany tiel, 33kaawat mana gööri,
ni «Neennu, akïtha kïdi yi Dhayan,
na kïdi mano cwany tiet jiy,
na kïnno wëëk ge päänhnhö.
'Ba ŋato jïëy ki eni ni ŋääth gø,
wïïe ba lääy.»#Aydheea 8:14; 28:16
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia