Röm 10
10
1'Ba nyïïmera, mana manynya ki cwïnya kiper jø Icriel, ki man wø kwaaya Jwøk kiperge, beeye nee ge piem. 2'Ba marge ŋääa ni ge caya Jwøk døøc, 'ba mar Jwøk kärge ŋiiø. 3'Ba na kucge bëënynyö man wø ööi ki baŋ Jwøk ni tïmge ni ge caya man jootge bëënynyö marge keerge, dëëtge kärge cïbö køør bëënynyö man wø cïp Jwøki. 4Kiper ciik Jwøk bëënna Krictø, kiper nee jiy bëët mo wø ŋäädhö nee ge piem.
5'Ba Modhe agöödö, ni kööe, ni «Ŋato caath jöör bëënynyö man wø göök ri ciik Jwøk, okwøw ki køør gø.»#Ciik Kiper Dïlämme 18:5 6'Ba bëënynyö mana no ogöök ri ŋäädhe wø köö, ni «Kär niï köö ki cwïnyï, na ‹?Aŋa noo ci maal?› »#Tiet Ciik 30:12 Ni tiere beeye nee Krictø käl piny. 7«Wala ‹?Aŋa noo ci kar bëët jwïëc jøøa näk othøw?› »#Tiet Ciik 30:13 Ni tiere beeye nee Krictø tïŋ maal ki yi thøø. 8?'Ba agïnaŋø ni wø caane? Køpa gø, ni «Luubö kare cään ki ïïni ni ena dhiï, ni en cwïnyï.»#Tiet Ciik 30:14 Ni beeye luum ŋäädhe man wø køpwa. 9Kiper ni näk mo iï caanø ki dhiï, ni «Jecu beeye Kwäärö,» ni jïëyï ki cwïnyï ni ena tïŋ Jwøki maal ki yi thøø, ï di piemø. 10Kiper dhaanhø wø jïëy ka cwïnye ni läwi jïëc ni mare beer. Ni caan mare ki dhee, ni läwi piem. 11Kiper wëël Jwøk wø köö, ni «Ŋato jïëy ki eni ni ŋääth gø wïïe ba lääy.»#Aydheea 28:16 12Kiper bäŋ ajeeny yïthakic jø Juuth ki jøw mo patha jø Juuth. Kiper Uunögø na aciel enø beeye Wääge bëët, ni jap kwärö moe na thööth wø mëëge jø wø cøør nyeŋŋe bëët. 13Kiper «Jiy bëët mo wø cøør nyeŋ Wuuö ge di piemø.»#Jool 2:32
14?'Ba jiy nyeŋŋe a dege gø cwølø nidïï, ŋat mo kärge jïëö ni ŋääthge gø? ?Na a dege gø jïëö ni ŋääthge gø nidïï, ŋat mo luumme kärge wïnynyö bäre bäre? ?A luumme a dege gø wïnynyö nidïï, ni bäŋ ŋat mo okøp gø? 15?A jiy a dege pöö nidïï ni näk mo ge kär jääŋŋö? Kaawat mana gööri, na «A teeŋ öönynya ŋø ni beer en jï jø wø køp luumma nyään na met!»#Aydheea 52:7 16'Ba ïthge kärge ciiø bëët ki luumma nyään na met. Kiper acaan Aydheea, ni «?Wui Wuuö Jwøk, aŋa na jïëy ki luumma køpwa?»#Aydheea 53:1 17Kiper manøgø nø, ŋäädhe wø ööi ka køør gïn mo owïnynyö. Ni gïn wø wïnynyi wø ööi ka køør man wø køp luum Krictø.
18'Ba a pëëö. ?Aŋø, geni, kärge wïnynyö? Awïnyge møn, keda mana caani ya Wëël Jwøki,
ni «Döötge awïnyö bäät piny bäre,
ni ö luupge ni këët dï piny bäre.»#Dut Pwøc 19:4
19'Ba a cäŋa pëëö. ?Aŋø, kär wïny jø Icrielli ni beer? Kiper Modhe akwøŋ köö,
ni «Uuno tïïa nou këëö kiper jiy mo bäŋ karge,
ni wëëga u wëër ki køør wï jur mo bäŋ gïn ŋääe.»#Tiet Ciik 32:21
20Ni Aydheea cwïnye da cer kanya caan gø,
ni «Aana joot jøøa kär many aani,
ni nyoodha raa jï jøøa kär pëëny aani.»#Aydheea 65:1
21'Ba kiper jø Icriel ena köö,
ni «Cäŋ bäre athööra ni ceŋŋa yaa thaaŋø
jï jøøa wïthge teek ni wø ba wïny luubö.»#Aydheea 65:2
Currently Selected:
Röm 10: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Röm 10
10
1'Ba nyïïmera, mana manynya ki cwïnya kiper jø Icriel, ki man wø kwaaya Jwøk kiperge, beeye nee ge piem. 2'Ba marge ŋääa ni ge caya Jwøk døøc, 'ba mar Jwøk kärge ŋiiø. 3'Ba na kucge bëënynyö man wø ööi ki baŋ Jwøk ni tïmge ni ge caya man jootge bëënynyö marge keerge, dëëtge kärge cïbö køør bëënynyö man wø cïp Jwøki. 4Kiper ciik Jwøk bëënna Krictø, kiper nee jiy bëët mo wø ŋäädhö nee ge piem.
5'Ba Modhe agöödö, ni kööe, ni «Ŋato caath jöör bëënynyö man wø göök ri ciik Jwøk, okwøw ki køør gø.»#Ciik Kiper Dïlämme 18:5 6'Ba bëënynyö mana no ogöök ri ŋäädhe wø köö, ni «Kär niï köö ki cwïnyï, na ‹?Aŋa noo ci maal?› »#Tiet Ciik 30:12 Ni tiere beeye nee Krictø käl piny. 7«Wala ‹?Aŋa noo ci kar bëët jwïëc jøøa näk othøw?› »#Tiet Ciik 30:13 Ni tiere beeye nee Krictø tïŋ maal ki yi thøø. 8?'Ba agïnaŋø ni wø caane? Køpa gø, ni «Luubö kare cään ki ïïni ni ena dhiï, ni en cwïnyï.»#Tiet Ciik 30:14 Ni beeye luum ŋäädhe man wø køpwa. 9Kiper ni näk mo iï caanø ki dhiï, ni «Jecu beeye Kwäärö,» ni jïëyï ki cwïnyï ni ena tïŋ Jwøki maal ki yi thøø, ï di piemø. 10Kiper dhaanhø wø jïëy ka cwïnye ni läwi jïëc ni mare beer. Ni caan mare ki dhee, ni läwi piem. 11Kiper wëël Jwøk wø köö, ni «Ŋato jïëy ki eni ni ŋääth gø wïïe ba lääy.»#Aydheea 28:16 12Kiper bäŋ ajeeny yïthakic jø Juuth ki jøw mo patha jø Juuth. Kiper Uunögø na aciel enø beeye Wääge bëët, ni jap kwärö moe na thööth wø mëëge jø wø cøør nyeŋŋe bëët. 13Kiper «Jiy bëët mo wø cøør nyeŋ Wuuö ge di piemø.»#Jool 2:32
14?'Ba jiy nyeŋŋe a dege gø cwølø nidïï, ŋat mo kärge jïëö ni ŋääthge gø? ?Na a dege gø jïëö ni ŋääthge gø nidïï, ŋat mo luumme kärge wïnynyö bäre bäre? ?A luumme a dege gø wïnynyö nidïï, ni bäŋ ŋat mo okøp gø? 15?A jiy a dege pöö nidïï ni näk mo ge kär jääŋŋö? Kaawat mana gööri, na «A teeŋ öönynya ŋø ni beer en jï jø wø køp luumma nyään na met!»#Aydheea 52:7 16'Ba ïthge kärge ciiø bëët ki luumma nyään na met. Kiper acaan Aydheea, ni «?Wui Wuuö Jwøk, aŋa na jïëy ki luumma køpwa?»#Aydheea 53:1 17Kiper manøgø nø, ŋäädhe wø ööi ka køør gïn mo owïnynyö. Ni gïn wø wïnynyi wø ööi ka køør man wø køp luum Krictø.
18'Ba a pëëö. ?Aŋø, geni, kärge wïnynyö? Awïnyge møn, keda mana caani ya Wëël Jwøki,
ni «Döötge awïnyö bäät piny bäre,
ni ö luupge ni këët dï piny bäre.»#Dut Pwøc 19:4
19'Ba a cäŋa pëëö. ?Aŋø, kär wïny jø Icrielli ni beer? Kiper Modhe akwøŋ köö,
ni «Uuno tïïa nou këëö kiper jiy mo bäŋ karge,
ni wëëga u wëër ki køør wï jur mo bäŋ gïn ŋääe.»#Tiet Ciik 32:21
20Ni Aydheea cwïnye da cer kanya caan gø,
ni «Aana joot jøøa kär many aani,
ni nyoodha raa jï jøøa kär pëëny aani.»#Aydheea 65:1
21'Ba kiper jø Icriel ena köö,
ni «Cäŋ bäre athööra ni ceŋŋa yaa thaaŋø
jï jøøa wïthge teek ni wø ba wïny luubö.»#Aydheea 65:2
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia