ROMA 7
7
Atorang u pukawingang kere l᷊auntu
1Manga ana u simbauku! I kumu kaul᷊ie seng matitong u atorang. Inau i kumu seng matitong himoneu kawasa ngu atorang su manga singkatau, kitang mariadi su tempo taumata e'e borong wiahi. 2Umpamange, singkatau kowawine ko pia kawinge, naiki su kawinge kitang su tempo kawinge e'e mborong wiahi. Boko kawinge mate kowawine e'e mapilo bou atorang ko nangiki i sie su kawinge. 3Boko tau kowawine e'e mul᷊al᷊ahiking dingang ko ese ko wal᷊inge su tempo kawinge mborong wiahi, kuteu tau kowawine e'e isigho nawuang. Arawe boko kawinge nate, kuteu tumuhu atorang, tau kowawine e'e seng napilo. Dang boko i sie sau mukawing dingang ko ese wal᷊inge, kuteu i sie wal᷊inge nawuang. 4Kere l᷊ai dingang i kumu manga ana u simbauku. Su hal᷊i u atorang u agama Yahudi i kumu seng nate, watu'u i kumu seng nipakasimbau dingang u badang I Kristus dang nakoa koa-E ko seng sau nipuwiahi bou papate. I Sie nipuwiahi bou papate tadeau i kite makoa pia gunange su Mawu Ruata su l᷊al᷊ung u puwawiahi kite. 5Watu'u kangereng i kite nuwiahi tumuhu tabieti u taumata. Su tempo e'e apang kao u dosa, ko tumimbul᷊i watu'u atorang u agama pia kawasange su l᷊al᷊ung u watangeng i kite. E'e sabapie i kite mukoa manga hal᷊i ko pia suwue sarang papate. 6Arawe i kite seng wal᷊inge l᷊ai mal᷊aiki su atorang u agama Yahudi. I kite seng nate su atorang ko ndahuwite nangawasa si kite. I kite seng ta mutahamawu dingang u l᷊al᷊eng ko tuwei tumuhu atorang ko mawawohe. Su orasi i'i i kite mutahamawu tumuhu l᷊al᷊eng ko wuhu ko nitintiro ngu Roh u Mawu Ruata si kite.
Atorang dang dosa
7 #
Sasu. 20:17; Sau. 5:21 Boko kere'e apawe hinonge iul᷊i i kite? Himoneu atorang u agama Yahudi ko l᷊al᷊ai? Tantu ta! Watu'u atorang e'e nanintiro si sia hal᷊i u dosa. Ia wugha minsang kao u naung e'e ko apa, boko ta mal᷊ahabari su atorang u agama. “Kumbahang mainging.” 8Bou atorang u agama, dosa nakarea wulae mupupatitong u haghi ngu kao, makal᷊ainging su l᷊al᷊ung u naungku, watu'u boko takoae atorang u agama, kuteu dosa mang l᷊ai mate. 9Ia horo muwiahi takoae atorang u agama. Arawe su tempo nisongong u atorang u agama, dosa nanita nuwiahi 10dang ia nate. Kuteu atorang u agama e'e ko pandunge horo mangonggo u puwawiahi, katewe kasaunge nakosongo papate si sia. 11#Kar. 3:13Watu'u bou atorang u agama e'e, dosa mundea wulae nangakal᷊i dang namate si sia.
12Atorang u agama asal᷊ie bou Mawu Ruata, dang apang parenta bou l᷊al᷊ung u atorang e'e sasongoe bou Mawu Ruata, inau adili dang mapia. 13Ho, apa i'i mangal᷊enge himoneu ko mapia e'e makasongo ngu kapapate si sia? Tantu ta! Ko dosa makasongo papate e'e. Dingang mupake ko mapia, dosa mupasongo ngu papate si sia, tadeau manga tabieti dosa ikawua mal᷊ahe. Bou apang parenta ngu Mawu Ruata, seng nal᷊ahe kirapa kal᷊al᷊aie hal᷊i u dosa.
Purararendehi su l᷊al᷊ung watangeng u taumata
14I kite matitong himoneu atorang u agama Yahudi asal᷊ie bou Roh u Mawu Ruata; katewe ia i'i taumata ko l᷊ome. Ia seng niwal᷊u tadeau makoa l᷊ang u dosa. 15#Gal. 5:17Watu'u ia sisaneku ta makahingang kakanoaku. Apang hal᷊i ko daku i kao hino ngu ikoa e'e ta daku nikoa; watu'u apang hal᷊i ko daku ipubunsi, e'e daku nikoa. 16Ho, boko ia mukoa manga hal᷊i ko mutatintang u kaoku e'e mangal᷊enge ia manarima u atorang u agama Yahudi e'e ko mapia. 17Inau, seng wal᷊inge ia hinonge mukoa e'e, kateho ko dosa e'e nangawasa su watangengku. 18Ia matitong himoneu mang takoae manga sarang simbau ko mapia su watangengku; su tabietiku kere taumata. Watu'u pia kao si sia mukoa ko mapia, katewe ta makamampo ia mupal᷊al᷊eng u e'e. 19Ia ta mukoa ko mapia ko daku i kao koateng; su simbukange ia mukoa apang hal᷊i ko dal᷊ai, ko ta daku ikao koateng. 20Boko ia mukoa apang hal᷊i ko ia tawe mo mukoa, mangal᷊enge e'e wal᷊inge ia mukoa manga hal᷊i e'e, watu'u ko dosa e'e mangawasa su watangengku.
21Inau ia mangal᷊a suenge himoneu atorang i'i ko muhinggo kawasa, mangal᷊enge boko ia mo mukoa ko mapia, kuteu kitang ko dal᷊ai mariadi. 22Su l᷊al᷊ung u naungku ia mo u atorang u Mawu Ruata, 23kateho ia makapundang himoneu su watangengku pia l᷊ai atorang ko wal᷊inge ko mangawasa – atorang ko mutatintang u atorang ko nataho su sipirangku. E'e sabapie ia naiki su parenta ngu dosa ko mangawasa su watangengku. 24-26Ho, kiri'i kakanoaku: ia tumuhu atorang u Mawu Ruata dingang u sipirangku. Arawe dingang u tabietiku kere taumata, ia sumulung su dosa. Wal᷊inge gampang silakae ia i'i! Ko i sai mo manal᷊amati si sia bou watangengku ko sarung mate i'i? Tarima kase su Mawu Ruata! I Sie mo mangambang si sia su l᷊al᷊ung I Yesus Kristus.
Currently Selected:
ROMA 7: PLT
Highlight
Share
Copy
Want to have your highlights saved across all your devices? Sign up or sign in
ROMA 7
7
Atorang u pukawingang kere l᷊auntu
1Manga ana u simbauku! I kumu kaul᷊ie seng matitong u atorang. Inau i kumu seng matitong himoneu kawasa ngu atorang su manga singkatau, kitang mariadi su tempo taumata e'e borong wiahi. 2Umpamange, singkatau kowawine ko pia kawinge, naiki su kawinge kitang su tempo kawinge e'e mborong wiahi. Boko kawinge mate kowawine e'e mapilo bou atorang ko nangiki i sie su kawinge. 3Boko tau kowawine e'e mul᷊al᷊ahiking dingang ko ese ko wal᷊inge su tempo kawinge mborong wiahi, kuteu tau kowawine e'e isigho nawuang. Arawe boko kawinge nate, kuteu tumuhu atorang, tau kowawine e'e seng napilo. Dang boko i sie sau mukawing dingang ko ese wal᷊inge, kuteu i sie wal᷊inge nawuang. 4Kere l᷊ai dingang i kumu manga ana u simbauku. Su hal᷊i u atorang u agama Yahudi i kumu seng nate, watu'u i kumu seng nipakasimbau dingang u badang I Kristus dang nakoa koa-E ko seng sau nipuwiahi bou papate. I Sie nipuwiahi bou papate tadeau i kite makoa pia gunange su Mawu Ruata su l᷊al᷊ung u puwawiahi kite. 5Watu'u kangereng i kite nuwiahi tumuhu tabieti u taumata. Su tempo e'e apang kao u dosa, ko tumimbul᷊i watu'u atorang u agama pia kawasange su l᷊al᷊ung u watangeng i kite. E'e sabapie i kite mukoa manga hal᷊i ko pia suwue sarang papate. 6Arawe i kite seng wal᷊inge l᷊ai mal᷊aiki su atorang u agama Yahudi. I kite seng nate su atorang ko ndahuwite nangawasa si kite. I kite seng ta mutahamawu dingang u l᷊al᷊eng ko tuwei tumuhu atorang ko mawawohe. Su orasi i'i i kite mutahamawu tumuhu l᷊al᷊eng ko wuhu ko nitintiro ngu Roh u Mawu Ruata si kite.
Atorang dang dosa
7 #
Sasu. 20:17; Sau. 5:21 Boko kere'e apawe hinonge iul᷊i i kite? Himoneu atorang u agama Yahudi ko l᷊al᷊ai? Tantu ta! Watu'u atorang e'e nanintiro si sia hal᷊i u dosa. Ia wugha minsang kao u naung e'e ko apa, boko ta mal᷊ahabari su atorang u agama. “Kumbahang mainging.” 8Bou atorang u agama, dosa nakarea wulae mupupatitong u haghi ngu kao, makal᷊ainging su l᷊al᷊ung u naungku, watu'u boko takoae atorang u agama, kuteu dosa mang l᷊ai mate. 9Ia horo muwiahi takoae atorang u agama. Arawe su tempo nisongong u atorang u agama, dosa nanita nuwiahi 10dang ia nate. Kuteu atorang u agama e'e ko pandunge horo mangonggo u puwawiahi, katewe kasaunge nakosongo papate si sia. 11#Kar. 3:13Watu'u bou atorang u agama e'e, dosa mundea wulae nangakal᷊i dang namate si sia.
12Atorang u agama asal᷊ie bou Mawu Ruata, dang apang parenta bou l᷊al᷊ung u atorang e'e sasongoe bou Mawu Ruata, inau adili dang mapia. 13Ho, apa i'i mangal᷊enge himoneu ko mapia e'e makasongo ngu kapapate si sia? Tantu ta! Ko dosa makasongo papate e'e. Dingang mupake ko mapia, dosa mupasongo ngu papate si sia, tadeau manga tabieti dosa ikawua mal᷊ahe. Bou apang parenta ngu Mawu Ruata, seng nal᷊ahe kirapa kal᷊al᷊aie hal᷊i u dosa.
Purararendehi su l᷊al᷊ung watangeng u taumata
14I kite matitong himoneu atorang u agama Yahudi asal᷊ie bou Roh u Mawu Ruata; katewe ia i'i taumata ko l᷊ome. Ia seng niwal᷊u tadeau makoa l᷊ang u dosa. 15#Gal. 5:17Watu'u ia sisaneku ta makahingang kakanoaku. Apang hal᷊i ko daku i kao hino ngu ikoa e'e ta daku nikoa; watu'u apang hal᷊i ko daku ipubunsi, e'e daku nikoa. 16Ho, boko ia mukoa manga hal᷊i ko mutatintang u kaoku e'e mangal᷊enge ia manarima u atorang u agama Yahudi e'e ko mapia. 17Inau, seng wal᷊inge ia hinonge mukoa e'e, kateho ko dosa e'e nangawasa su watangengku. 18Ia matitong himoneu mang takoae manga sarang simbau ko mapia su watangengku; su tabietiku kere taumata. Watu'u pia kao si sia mukoa ko mapia, katewe ta makamampo ia mupal᷊al᷊eng u e'e. 19Ia ta mukoa ko mapia ko daku i kao koateng; su simbukange ia mukoa apang hal᷊i ko dal᷊ai, ko ta daku ikao koateng. 20Boko ia mukoa apang hal᷊i ko ia tawe mo mukoa, mangal᷊enge e'e wal᷊inge ia mukoa manga hal᷊i e'e, watu'u ko dosa e'e mangawasa su watangengku.
21Inau ia mangal᷊a suenge himoneu atorang i'i ko muhinggo kawasa, mangal᷊enge boko ia mo mukoa ko mapia, kuteu kitang ko dal᷊ai mariadi. 22Su l᷊al᷊ung u naungku ia mo u atorang u Mawu Ruata, 23kateho ia makapundang himoneu su watangengku pia l᷊ai atorang ko wal᷊inge ko mangawasa – atorang ko mutatintang u atorang ko nataho su sipirangku. E'e sabapie ia naiki su parenta ngu dosa ko mangawasa su watangengku. 24-26Ho, kiri'i kakanoaku: ia tumuhu atorang u Mawu Ruata dingang u sipirangku. Arawe dingang u tabietiku kere taumata, ia sumulung su dosa. Wal᷊inge gampang silakae ia i'i! Ko i sai mo manal᷊amati si sia bou watangengku ko sarung mate i'i? Tarima kase su Mawu Ruata! I Sie mo mangambang si sia su l᷊al᷊ung I Yesus Kristus.
Currently Selected:
:
Highlight
Share
Copy
Want to have your highlights saved across all your devices? Sign up or sign in