ROMA 10
10
1Manga ana u simbau! Ia mangkate mo tadeau bangsaku ipakasal᷊amati. Dang ia mangkate mukal᷊iomaneng su Mawu Ruata guna ngi sire. 2Ia wahani mangul᷊i himoneu i sire mang tingari matoghasi mutahamawu Mawu Ruata. Katewe toghasi sire e'e ta niraseli su titong ko bou Mawu Ruata. 3I sire wugha ngu l᷊al᷊eng u Mawu Ruata mukoa pukakauhang u taumata dingang I Sie sau mapia. Dang i sire mutumuhu l᷊al᷊eng i sire ha, kuteu i sire ta tumuhu su l᷊al᷊eng ko nitibo u Mawu Ruata. 4Atorang u Agama seng nipakaganapi I Kristus. Inau apang taumata ko mangimang si Kristus, pukakauhie dingang u Mawu Ruata seng sau napia.
Kasal᷊amati ko guna ngu kaul᷊i u taumata
5 #
Im. 18:5
I Musa namohe himoneu taumata ko nutingkapia dingang u Mawu Ruata niraseli su atorang u agama, taumata e'e sarung muwiahi watu'u tatuhu su atorang u agama e'e. 6#Sau. 30:12-14Arawe hal᷊i u l᷊al᷊eng u taumata mutingkapia dingang u Mawu Ruata ko niraseli su pangangimang su Mawu Ruata, Buki Susi nangul᷊i kiri'i, “Ta wahal᷊uasi i kau nangul᷊i su l᷊al᷊ung u naung, ‘Ko i sai sarung makaawi sarang sorga?’ (mangal᷊enge mupal᷊intu I Kristus), 7arako ‘I sai sarung l᷊umintu sarang dunia ngu taumata ko nate?’ (mangal᷊enge muhengke I Kristus bou papate).” 8Pandunge ko kiri'i, “Habari bou Mawu Ruata e'e masandighi kahingang dingangu; su mohongu dang su l᷊al᷊ung naungu.” Ko e'e habari i ko ikeke ngi kami; habari himoneu taumata mambeng mangimang. 9Watu'u boko i kumu mangaku su mohong himoneu “I Yesus e'e ko Mawu”, dang i kumu mangimang su l᷊al᷊ung u naung u himoneu Mawu Ruata seng nupuwiahi I Yesus bou papate, kuteu i kumu sarung masal᷊amati. 10Watu'u dingang u naunge taumata mangimang, hakiu Mawu Ruata manarima i sie kere taumata ko seng nutingkapia dingang u Mawu Ruata. Dang dingang u mohonge taumata mangaku hakiu i sie ipakasal᷊amati. 11#Yes. 28:16Su l᷊al᷊ung u Buki Susi kawawohe, “Taumata ko mangimang ta sarung ipakasusa naunge.” 12E'e mariadi su kaul᷊i u taumata, watu'u takoae putatintangenge su tal᷊oara u tau Yahudi dingang u apang taumata bou bangsa ko wal᷊inge. Mawu Ruata ko mang simbau e'e ko Mawu ngu kaul᷊i u taumata. I Sie mangonggo u al᷊amati maul᷊i-ul᷊i su kaul᷊i u taumata ko makitul᷊ung si Sie. 13#Yl. 2:32Su l᷊al᷊ung u Buki Susi kawawohe, “Kaul᷊i u taumata ko mukui su Mawu, sarung masal᷊amati.”
14Watu'u kirapa taumata makapukui su Mawu boko i sire mborong ta mangimang? Dang kirapa i sire mangimang su Mawu boko i sire mborong ta makaringihi bou hal᷊i I Sie? L᷊ai, kirapa i sire makaringihi bou hal᷊i u Mawu, boko takoae ko muhabari? 15#Yes. 52:7Dang kirapa taumata mumbawa habari e'e boko takoae ko niroi? Su l᷊al᷊ung u Buki Susi kawawohe kiri'i, “Wal᷊inge gampang kapiange sasongo ngu manga taumata ko mumbawa Habari Mapia bou Mawu Ruata!” 16#Yes. 53:1Kateho wal᷊inge kaul᷊i u Taumata manarima habari mapia e'e. Watu'u i Yesaya nangul᷊i, “Mawu ko i sai mangimang su habari kami?” 17E'e sabapie apang taumata nangimang watu'u i sire nakaringihi habari, dang habari nikaringihi watu'u pia taumata ko nuhabari u hal᷊i I Kristus.
18 #
Mzm. 19:5
Kateho ia mukina: Tingari i sire mborong ta nakaringihi habari e'e? Nal᷊ahe mbuae! Watu'u su l᷊al᷊ung u Buki Susi kawawohe kiri'i,
“Tingihi sire seng nawombeng su kaul᷊i u dunia,
manga didato ngi sire seng nurating u pondol᷊i dunia.”
19 #
Sau. 32:21
Ia mukina l᷊ai: Apa taumata ngu Israel mang mborong wugha? Walate kakina e'e kahorokange pakisimbahi si Musa. I Musa nangul᷊i, “Kiri'i angkung u Mawu Ruata,
‘Ia sarung mukoa i kumu mananoi su manga simbau bangsa ko wal᷊inge umati
dang Ia sarung mukoa i kumu puwawal᷊uang su manga bangsa ko bodoki.’ ”
20 #
Yes. 65:1
I Yesaya lebe wahani l᷊ai. I sie nangul᷊i, “Kiri'i angkung u Mawu Ruata,
‘Apang taumata ko ta mundea si Sia, seng nusombang i Ia;
dang Ia nutingkaandaghi watangeng-Ku si sire ta mukina u Ia.’ ”
21 #
Yes. 65:2
Arawe su bangsa Israel i Yesaya nangul᷊i, “Kiri'i didato ngu Mawu Ruata, ‘Su silou matiwatu Ia mangul᷊uhi l᷊ima-Ku su bangsa ko makul᷊i dingang ta satia.’ ”
Currently Selected:
ROMA 10: PLT
Highlight
Share
Copy
Want to have your highlights saved across all your devices? Sign up or sign in
ROMA 10
10
1Manga ana u simbau! Ia mangkate mo tadeau bangsaku ipakasal᷊amati. Dang ia mangkate mukal᷊iomaneng su Mawu Ruata guna ngi sire. 2Ia wahani mangul᷊i himoneu i sire mang tingari matoghasi mutahamawu Mawu Ruata. Katewe toghasi sire e'e ta niraseli su titong ko bou Mawu Ruata. 3I sire wugha ngu l᷊al᷊eng u Mawu Ruata mukoa pukakauhang u taumata dingang I Sie sau mapia. Dang i sire mutumuhu l᷊al᷊eng i sire ha, kuteu i sire ta tumuhu su l᷊al᷊eng ko nitibo u Mawu Ruata. 4Atorang u Agama seng nipakaganapi I Kristus. Inau apang taumata ko mangimang si Kristus, pukakauhie dingang u Mawu Ruata seng sau napia.
Kasal᷊amati ko guna ngu kaul᷊i u taumata
5 #
Im. 18:5
I Musa namohe himoneu taumata ko nutingkapia dingang u Mawu Ruata niraseli su atorang u agama, taumata e'e sarung muwiahi watu'u tatuhu su atorang u agama e'e. 6#Sau. 30:12-14Arawe hal᷊i u l᷊al᷊eng u taumata mutingkapia dingang u Mawu Ruata ko niraseli su pangangimang su Mawu Ruata, Buki Susi nangul᷊i kiri'i, “Ta wahal᷊uasi i kau nangul᷊i su l᷊al᷊ung u naung, ‘Ko i sai sarung makaawi sarang sorga?’ (mangal᷊enge mupal᷊intu I Kristus), 7arako ‘I sai sarung l᷊umintu sarang dunia ngu taumata ko nate?’ (mangal᷊enge muhengke I Kristus bou papate).” 8Pandunge ko kiri'i, “Habari bou Mawu Ruata e'e masandighi kahingang dingangu; su mohongu dang su l᷊al᷊ung naungu.” Ko e'e habari i ko ikeke ngi kami; habari himoneu taumata mambeng mangimang. 9Watu'u boko i kumu mangaku su mohong himoneu “I Yesus e'e ko Mawu”, dang i kumu mangimang su l᷊al᷊ung u naung u himoneu Mawu Ruata seng nupuwiahi I Yesus bou papate, kuteu i kumu sarung masal᷊amati. 10Watu'u dingang u naunge taumata mangimang, hakiu Mawu Ruata manarima i sie kere taumata ko seng nutingkapia dingang u Mawu Ruata. Dang dingang u mohonge taumata mangaku hakiu i sie ipakasal᷊amati. 11#Yes. 28:16Su l᷊al᷊ung u Buki Susi kawawohe, “Taumata ko mangimang ta sarung ipakasusa naunge.” 12E'e mariadi su kaul᷊i u taumata, watu'u takoae putatintangenge su tal᷊oara u tau Yahudi dingang u apang taumata bou bangsa ko wal᷊inge. Mawu Ruata ko mang simbau e'e ko Mawu ngu kaul᷊i u taumata. I Sie mangonggo u al᷊amati maul᷊i-ul᷊i su kaul᷊i u taumata ko makitul᷊ung si Sie. 13#Yl. 2:32Su l᷊al᷊ung u Buki Susi kawawohe, “Kaul᷊i u taumata ko mukui su Mawu, sarung masal᷊amati.”
14Watu'u kirapa taumata makapukui su Mawu boko i sire mborong ta mangimang? Dang kirapa i sire mangimang su Mawu boko i sire mborong ta makaringihi bou hal᷊i I Sie? L᷊ai, kirapa i sire makaringihi bou hal᷊i u Mawu, boko takoae ko muhabari? 15#Yes. 52:7Dang kirapa taumata mumbawa habari e'e boko takoae ko niroi? Su l᷊al᷊ung u Buki Susi kawawohe kiri'i, “Wal᷊inge gampang kapiange sasongo ngu manga taumata ko mumbawa Habari Mapia bou Mawu Ruata!” 16#Yes. 53:1Kateho wal᷊inge kaul᷊i u Taumata manarima habari mapia e'e. Watu'u i Yesaya nangul᷊i, “Mawu ko i sai mangimang su habari kami?” 17E'e sabapie apang taumata nangimang watu'u i sire nakaringihi habari, dang habari nikaringihi watu'u pia taumata ko nuhabari u hal᷊i I Kristus.
18 #
Mzm. 19:5
Kateho ia mukina: Tingari i sire mborong ta nakaringihi habari e'e? Nal᷊ahe mbuae! Watu'u su l᷊al᷊ung u Buki Susi kawawohe kiri'i,
“Tingihi sire seng nawombeng su kaul᷊i u dunia,
manga didato ngi sire seng nurating u pondol᷊i dunia.”
19 #
Sau. 32:21
Ia mukina l᷊ai: Apa taumata ngu Israel mang mborong wugha? Walate kakina e'e kahorokange pakisimbahi si Musa. I Musa nangul᷊i, “Kiri'i angkung u Mawu Ruata,
‘Ia sarung mukoa i kumu mananoi su manga simbau bangsa ko wal᷊inge umati
dang Ia sarung mukoa i kumu puwawal᷊uang su manga bangsa ko bodoki.’ ”
20 #
Yes. 65:1
I Yesaya lebe wahani l᷊ai. I sie nangul᷊i, “Kiri'i angkung u Mawu Ruata,
‘Apang taumata ko ta mundea si Sia, seng nusombang i Ia;
dang Ia nutingkaandaghi watangeng-Ku si sire ta mukina u Ia.’ ”
21 #
Yes. 65:2
Arawe su bangsa Israel i Yesaya nangul᷊i, “Kiri'i didato ngu Mawu Ruata, ‘Su silou matiwatu Ia mangul᷊uhi l᷊ima-Ku su bangsa ko makul᷊i dingang ta satia.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in