IMAMAT 3
3
Korbang u purarame
1Boko singkatau mangonggo sasumba sapi simbau guna ngu korbang purarame, sapi e'e botonge ko ese, botonge kowawine, kateho ta botonge ko pia kurange. 2Taumata ko mangonggo sasumba e'e mambeng manimbo l᷊imange su wawo u timbo u binatang e'e bou e'e muhata binatang e'e su saruang u tukari u Kema ngu Mawu. Manga imam hintou ngi Harun mambeng maniwohi daha ngu sapi e'e su sindihange pa su mesba. 3Guna ngu korbang purarame su Mawu, imam mambeng mangonggo sasumba manga bahageang i'i bou binatang e'e: tawa ko namikung tataho u tiange, 4kamangange dingang u tawange l᷊au bahageang ko kapiange bou atenge. 5Kaul᷊i u e'e singkahindo dingang u korbang tongkateng ko wal᷊inge, mambeng itongka su wawo u mesba. Raruru ngu korbang kang e'e makal᷊uasi naung u Mawu.
6Boko ionggo sasumba guna ngu korbang purarame e'e simbau domba arako kambing, binatang e'e botonge ko ese, botonge kowawine, kateho ta botonge ko pia kurange. 7Boko singkatau mangonggo sasumba domba simbau, i sie mambeng mumbawa e'e sarang Kema ngu Mawu. 8Su se'e i sie mambeng manimbo ngu l᷊imange su wawo u timbo u domba e'e muhata domba e'e su saruang u Kema. Bou e'e imam mambeng maniwohi daha ngu domba e'e su sindihange pa su mesba. 9Guna ngu korbang purarame su Mawu, imam mambeng mangonggo sasumba manga bahageang i'i bou domba e'e: tawange, kaul᷊i u tol᷊e'e ko pia tawange ipoto masandighi u duhi ngu l᷊ikuri, tawa ko mamikung tataho u tiange, 10kamangange l᷊au tawange dang bahageang ko kapiange bou atenge. 11Imam ko kahal᷊ie mambeng manongka kaul᷊i u e'e su wawo u mesba guna ngu korbang kang su Mawu.
12Boko ionggo sasumba kambing simbau, taumata ko mangonggo sasumba kambing e'e mambeng mumbawa kambing e'e sarang Kema ngu Mawu. 13Su se'e i sie mambeng manimbo ngu l᷊imange su wawo u timbo u kambing e'e bou e'e muhata kambing e'e su saruang u Kema. Imam mambeng maniwohi daha ngu binatang e'e su sindihange pa mesba. 14Guna ngu korbang kang su Mawu, imam mambeng mangonggo sasumba manga bahageang i'i bou kambing e'e: tawange ko namikung tataho u tiange, 15kamangange dingang u tawange dang bahageang ko kapia nge bou atenge. 16Imam ko kahal᷊ie mambeng nanongka kaul᷊i u e'e su wawo u mesba. Raruru ngu korbang kang e'e makal᷊uasi naung u Mawu. Kaul᷊i u tawa ngu binatang e'e guna ngu Mawu. 17Tau Israel kumbahang-bahang kumang tawa arako daha. Atorang e'e makoa guna ngu sarang kal᷊iwuenge dang mambeng ituhukang u apang tau Israel su apang tampa katanakenge.
Currently Selected:
IMAMAT 3: PLT
Highlight
Copy
Compare
Share
Want to have your highlights saved across all your devices? Sign up or sign in
IMAMAT 3
3
Korbang u purarame
1Boko singkatau mangonggo sasumba sapi simbau guna ngu korbang purarame, sapi e'e botonge ko ese, botonge kowawine, kateho ta botonge ko pia kurange. 2Taumata ko mangonggo sasumba e'e mambeng manimbo l᷊imange su wawo u timbo u binatang e'e bou e'e muhata binatang e'e su saruang u tukari u Kema ngu Mawu. Manga imam hintou ngi Harun mambeng maniwohi daha ngu sapi e'e su sindihange pa su mesba. 3Guna ngu korbang purarame su Mawu, imam mambeng mangonggo sasumba manga bahageang i'i bou binatang e'e: tawa ko namikung tataho u tiange, 4kamangange dingang u tawange l᷊au bahageang ko kapiange bou atenge. 5Kaul᷊i u e'e singkahindo dingang u korbang tongkateng ko wal᷊inge, mambeng itongka su wawo u mesba. Raruru ngu korbang kang e'e makal᷊uasi naung u Mawu.
6Boko ionggo sasumba guna ngu korbang purarame e'e simbau domba arako kambing, binatang e'e botonge ko ese, botonge kowawine, kateho ta botonge ko pia kurange. 7Boko singkatau mangonggo sasumba domba simbau, i sie mambeng mumbawa e'e sarang Kema ngu Mawu. 8Su se'e i sie mambeng manimbo ngu l᷊imange su wawo u timbo u domba e'e muhata domba e'e su saruang u Kema. Bou e'e imam mambeng maniwohi daha ngu domba e'e su sindihange pa su mesba. 9Guna ngu korbang purarame su Mawu, imam mambeng mangonggo sasumba manga bahageang i'i bou domba e'e: tawange, kaul᷊i u tol᷊e'e ko pia tawange ipoto masandighi u duhi ngu l᷊ikuri, tawa ko mamikung tataho u tiange, 10kamangange l᷊au tawange dang bahageang ko kapiange bou atenge. 11Imam ko kahal᷊ie mambeng manongka kaul᷊i u e'e su wawo u mesba guna ngu korbang kang su Mawu.
12Boko ionggo sasumba kambing simbau, taumata ko mangonggo sasumba kambing e'e mambeng mumbawa kambing e'e sarang Kema ngu Mawu. 13Su se'e i sie mambeng manimbo ngu l᷊imange su wawo u timbo u kambing e'e bou e'e muhata kambing e'e su saruang u Kema. Imam mambeng maniwohi daha ngu binatang e'e su sindihange pa mesba. 14Guna ngu korbang kang su Mawu, imam mambeng mangonggo sasumba manga bahageang i'i bou kambing e'e: tawange ko namikung tataho u tiange, 15kamangange dingang u tawange dang bahageang ko kapia nge bou atenge. 16Imam ko kahal᷊ie mambeng nanongka kaul᷊i u e'e su wawo u mesba. Raruru ngu korbang kang e'e makal᷊uasi naung u Mawu. Kaul᷊i u tawa ngu binatang e'e guna ngu Mawu. 17Tau Israel kumbahang-bahang kumang tawa arako daha. Atorang e'e makoa guna ngu sarang kal᷊iwuenge dang mambeng ituhukang u apang tau Israel su apang tampa katanakenge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in