IMAMAT 2
2
Korbang l᷊ahaghesi
1Boko singkatau mangonggo sasumba korbang l᷊ahaghesi su Mawu, korbang e'e mambeng bou tapong ko kapiange ko nisiwohang u l᷊ana zaitung dang nitahonang u kamania su wawoe. 2I sie mambeng mumbawa e'e sarang koa u manga imam hintou ngi Harun. Imam ko kapuhal᷊ie mambeng mangal᷊a singhangkung bou tapong e'e dingang u l᷊ana zaitung l᷊au kaul᷊i u kamaniae, bou e'e manongka e'e su wawo u mesba kere tatia himoneu kaul᷊ie seng nisumba su Mawu. Raruru ngu korbang kang e'e makal᷊uasi naung u Mawu. 3L᷊umbei ngu korbang l᷊ahaghesi e'e guna ngu manga imam. Korbang e'e ko susi kahingang ual᷊ingu nial᷊a bou kang ko seng nisumba su Mawu.
4Boko nionggo sasumba e'e boroti nitongka su pananongkateng, boroti e'e mambeng koateng takoae kaboe. Boroti e'e botonge masubenehi, nil᷊aukang tapong ko maal᷊usi dingang u l᷊ana zaitung, botonge l᷊ai kukisi ko kitang niwuha dingang u l᷊ana zaitung.
5Boko ionggo sasumba boroti ko nipanggang su wawo u pamangganeng, boroti e'e mambeng ikoa bou tapong ko maal᷊usi dingang u l᷊ana zaitung, kateho ta mupake u kabo. 6Boroti ionggo sasumba e'e mambeng ikakompeng, bou e'e isiwohi u l᷊ana zaitung.
7Boko ionggo sasumba e'e boroti ko nikukusi su kawali, boroti e'e mambeng ikoa bou tapong ko maal᷊usi dingang u l᷊ana zaitung. 8Boroti ko nikoa ko kere'e mambeng isumba su Mawu dang isarakang su imam pumbawa sarang mesba. 9Imam mangal᷊a simbahageang bou boroti e'e bou e'e manongka e'e su wawo u mesba kere tatia himoneu kaul᷊i u e'e seng nisumba su Mawu. Rarurue makal᷊uasi naung Mawu. 10L᷊umbeinge guna ngu manga imam. Boroti e'e ko susi kahingang ual᷊ingu nial᷊a bou kang ko seng nisumba su Mawu.
11Korbang l᷊ahaghesi guna ngu Mawu ta botonge ilau dingang madu arako kabo, ual᷊ingu madu l᷊au kabo ta botonge itongka guna ngu sasumba su Mawu. 12Bou ghisi ngu tana ko kahimotongange sintinia taung, simbahageang mambeng isumba su Mawu, kateho ta botonge itongka su wawo u mesba. 13Apang korbang l᷊ahaghesi mambeng tahone asinge, ual᷊ingu asing ko tatia ngu pudadiandi ngu Mawu dingang i kumu. Inau kaul᷊i u sasumba mambeng tahone ngu asing. 14Boko i kumu mangonggo sasumba su Mawu gandung ko kahimotongange nitipo, wawako gandung ko wuhu ko seng nil᷊unta maal᷊usi arako nipanggang. 15Gandung e'e mambeng isiwohi u l᷊ana zaitung l᷊au tahonang u kamania su wawoe. 16Imam mambeng manongka simbahageang bou gandung l᷊au l᷊ana e'e dang kaul᷊i u kamania e'e, kere tatia himoneu kaul᷊i u e'e seng nisumba su Mawu.
Currently Selected:
IMAMAT 2: PLT
Highlight
Copy
Compare
Share
Want to have your highlights saved across all your devices? Sign up or sign in
IMAMAT 2
2
Korbang l᷊ahaghesi
1Boko singkatau mangonggo sasumba korbang l᷊ahaghesi su Mawu, korbang e'e mambeng bou tapong ko kapiange ko nisiwohang u l᷊ana zaitung dang nitahonang u kamania su wawoe. 2I sie mambeng mumbawa e'e sarang koa u manga imam hintou ngi Harun. Imam ko kapuhal᷊ie mambeng mangal᷊a singhangkung bou tapong e'e dingang u l᷊ana zaitung l᷊au kaul᷊i u kamaniae, bou e'e manongka e'e su wawo u mesba kere tatia himoneu kaul᷊ie seng nisumba su Mawu. Raruru ngu korbang kang e'e makal᷊uasi naung u Mawu. 3L᷊umbei ngu korbang l᷊ahaghesi e'e guna ngu manga imam. Korbang e'e ko susi kahingang ual᷊ingu nial᷊a bou kang ko seng nisumba su Mawu.
4Boko nionggo sasumba e'e boroti nitongka su pananongkateng, boroti e'e mambeng koateng takoae kaboe. Boroti e'e botonge masubenehi, nil᷊aukang tapong ko maal᷊usi dingang u l᷊ana zaitung, botonge l᷊ai kukisi ko kitang niwuha dingang u l᷊ana zaitung.
5Boko ionggo sasumba boroti ko nipanggang su wawo u pamangganeng, boroti e'e mambeng ikoa bou tapong ko maal᷊usi dingang u l᷊ana zaitung, kateho ta mupake u kabo. 6Boroti ionggo sasumba e'e mambeng ikakompeng, bou e'e isiwohi u l᷊ana zaitung.
7Boko ionggo sasumba e'e boroti ko nikukusi su kawali, boroti e'e mambeng ikoa bou tapong ko maal᷊usi dingang u l᷊ana zaitung. 8Boroti ko nikoa ko kere'e mambeng isumba su Mawu dang isarakang su imam pumbawa sarang mesba. 9Imam mangal᷊a simbahageang bou boroti e'e bou e'e manongka e'e su wawo u mesba kere tatia himoneu kaul᷊i u e'e seng nisumba su Mawu. Rarurue makal᷊uasi naung Mawu. 10L᷊umbeinge guna ngu manga imam. Boroti e'e ko susi kahingang ual᷊ingu nial᷊a bou kang ko seng nisumba su Mawu.
11Korbang l᷊ahaghesi guna ngu Mawu ta botonge ilau dingang madu arako kabo, ual᷊ingu madu l᷊au kabo ta botonge itongka guna ngu sasumba su Mawu. 12Bou ghisi ngu tana ko kahimotongange sintinia taung, simbahageang mambeng isumba su Mawu, kateho ta botonge itongka su wawo u mesba. 13Apang korbang l᷊ahaghesi mambeng tahone asinge, ual᷊ingu asing ko tatia ngu pudadiandi ngu Mawu dingang i kumu. Inau kaul᷊i u sasumba mambeng tahone ngu asing. 14Boko i kumu mangonggo sasumba su Mawu gandung ko kahimotongange nitipo, wawako gandung ko wuhu ko seng nil᷊unta maal᷊usi arako nipanggang. 15Gandung e'e mambeng isiwohi u l᷊ana zaitung l᷊au tahonang u kamania su wawoe. 16Imam mambeng manongka simbahageang bou gandung l᷊au l᷊ana e'e dang kaul᷊i u kamania e'e, kere tatia himoneu kaul᷊i u e'e seng nisumba su Mawu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in