KARARIADI 48
48
I Yakub nangal᷊amati si Efraim l᷊au si Manasye
1Pira l᷊ou bou e'e nihabari si Yusuf himoneu i papange masaki maturu. Inau i sie natamai dingang anae darua, i Manasye l᷊au i Efraim nutiwo si Yakub. 2Suapang i Yakub nakaringihi himoneu i Yusuf nasongo, i sie nutingkatoghasi, bou e'e nukumangiang. 3#Kar. 28:13-14 Angkung i Yakub si Yusuf, “Mawu Ruata ko Tumaniu Makawasa seng nutingkaandaghi watangenge si sia su Lus, su tana ngu Kanaan, dang seng nangal᷊amati si sia.” 4I sie nuhengetang si sia, “Ia sarung mangonggo si kau ana pung maul᷊i, tadeau hintou ngu makoa bangsa ko maul᷊i; Ia sarung mangonggo wanua i'i su hintou ngu kere pusaka i sire sarang kal᷊iwuenge.”
5I Yakub nanurusi, “Yusuf, ana u darua i Efraim l᷊au i Manasye ko nipahinding su Mesir i'i su horo u ia nasongo su si'i, daku irekeng kere anaku, musul᷊ung dingang i Ruben l᷊au i Simeon. 6Boko i kau sau makarea manga ana su Mesir i'i, i sire ta daku irekeng kere anaku kateho tatapi ana u; pusaka guna ngi sire sarung itarima i sire bo i Efraim l᷊au i Manasye. 7#Kar. 35:16-19Ia nukoa hal᷊i e'e guna ngi Rahel i mama ngu. Su l᷊al᷊al᷊engangku nusul᷊e bou Mesopotamia, i mama ngu nanintang u dunia su tana ngu Kanaan, ta marau bou Efrata, dang ia nasusa kahingang. Daku nil᷊uwing i mama ngu pai se'e, su sindihang u l᷊al᷊eng sarang Efrata.” (Orasi i'i Efrata su titong u taumata ko Betlehem.)
8Suapang i Yakub nakawua manga ana i Yusuf e'e, i sie nakina, “Ko i sai manga ana i'i?”
9I Yusuf nusumimbahi, “Ko i'i manga anaku ko nionggo u Mawu Ruata si sia su Mesir.” I Yakub nangul᷊i, “Pakasandighi mai i sire dingangku tadeau daku al᷊amating.” 10I Yakub ta makawua mal᷊ahe ual᷊ingu seng maghurang dang matange seng marundung. I Yusuf nupakasandighi manga anae si Yakub, dang i sie nul᷊ahuku dang nangimbu si sire. 11Bou e'e i Yakub nangul᷊i si Yusuf, “Ia tinga-tingari takoae harapengku ko botonge sau musombang dingangu, kateho orasi i'i Mawu Ruata nupakawala ngu ia botonge sau makawua manga anaku.” 12Bou e'e i Yusuf nangal᷊a si sire bou hiwa ngi Yakub, bou e'e i sie sisanenge nusuba su tingo ngi papange.
13-14Bou e'e i Yusuf namilo anae darua e'e su sindihang i Yakub, i Efraim ko tuari e'e su simbuka kuihi, dang i Manasye ko iyakang su simbuka kuaneng. Kateho i Yakub nupusasal᷊iu ngu l᷊imange dang namilo l᷊imange ko kuaneng su wawo u timbo i Efraim, arawe l᷊imange ko kuihi nipiloe su wawo u timbo i Manasye. 15Bou e'e nial᷊amatenge i Yusuf, #48:15: Yusuf: Su tempo i Yakub nangal᷊amati si Efraim l᷊au i Manasye, tuhu hinonge ko i Yusuf nial᷊amatenge. angkunge,
“Mawu Ruata, ko I Sie Mawu, ko nisumba ngi Abraham l᷊au i Ishak,
Seng I Sie nangaha si sia sarang orasi i'i.
16Ko I Sie malaikati ko seng nul᷊iwiri ia bou apang silaka.
Mal᷊umbako Mawu Ruata e'e mangal᷊amati manga ana i'i.
Mal᷊umbako muwiahi turusi arengku dang areng i Abraham l᷊au i Ishak
ual᷊ingu manga ana i'i!
Mal᷊umbako i sire muhana mupung, dang muhintou maul᷊i su dunia.”
17I Yusuf ta mal᷊uasi suapang nakawua si papa nge namilo l᷊ima kuanenge su wawo u timbo i Efraim; bou e'e nihinggonange l᷊ima ngi papange tadeau ial᷊inge bou timbo i Efraim sarang wawo u timbo i Manasye. 18Niul᷊ie si Papange, “Ari kere'e, Papa. Ko i'i ana ko iyakang; pilo ko l᷊ima kuaneng ngi Papa su wawo u timboe.”
19Kateho i papange nanolaki, angkunge, “Ia matitong yamang, ia matitong. I Manasye sarung ko l᷊abo kawasange dang hintounge l᷊ai sarung makoa bangsa ko l᷊abo. Kateho tuaringe sarung lebe l᷊abo l᷊ai kawasange bo i sie, dang hintou ngu tuaringe e'e sarung makoa manga bangsa ko l᷊abo.”
20 #
Ibr. 11:21
Bou e'e nial᷊amatenge sau manga ana e'e su l᷊ou e'e, angkunge, “Tau Israel sarung musigho areng u boko i sire mangal᷊amati taumata. I sire sarung mangul᷊i, ‘Mal᷊umbako Mawu Ruata mukoa si kau kere si Efraim l᷊au si Manasye.’ ” Dingang kere'e i Yakub nupuhoro i Efraim bo i Manasye.
21Bou e'e i Yakub nangul᷊i si Yusuf, “Kere ko nikawua ngu, papateku seng masandighi, kateho Mawu Ruata sarung mutul᷊ung si kumu dang mumbawa si kumu musul᷊e sarang wanua ngi upung i kumu. 22Ko si kau, dang wal᷊inge su manga ana u singkatau ngu, ia mangonggo u Sikhem, tana ko matawa e'e ko seng daku niaho bou tau Amori dingang u pera l᷊au u panaku.”
Currently Selected:
KARARIADI 48: PLT
Highlight
Copy
Compare
Share
Want to have your highlights saved across all your devices? Sign up or sign in
KARARIADI 48
48
I Yakub nangal᷊amati si Efraim l᷊au si Manasye
1Pira l᷊ou bou e'e nihabari si Yusuf himoneu i papange masaki maturu. Inau i sie natamai dingang anae darua, i Manasye l᷊au i Efraim nutiwo si Yakub. 2Suapang i Yakub nakaringihi himoneu i Yusuf nasongo, i sie nutingkatoghasi, bou e'e nukumangiang. 3#Kar. 28:13-14 Angkung i Yakub si Yusuf, “Mawu Ruata ko Tumaniu Makawasa seng nutingkaandaghi watangenge si sia su Lus, su tana ngu Kanaan, dang seng nangal᷊amati si sia.” 4I sie nuhengetang si sia, “Ia sarung mangonggo si kau ana pung maul᷊i, tadeau hintou ngu makoa bangsa ko maul᷊i; Ia sarung mangonggo wanua i'i su hintou ngu kere pusaka i sire sarang kal᷊iwuenge.”
5I Yakub nanurusi, “Yusuf, ana u darua i Efraim l᷊au i Manasye ko nipahinding su Mesir i'i su horo u ia nasongo su si'i, daku irekeng kere anaku, musul᷊ung dingang i Ruben l᷊au i Simeon. 6Boko i kau sau makarea manga ana su Mesir i'i, i sire ta daku irekeng kere anaku kateho tatapi ana u; pusaka guna ngi sire sarung itarima i sire bo i Efraim l᷊au i Manasye. 7#Kar. 35:16-19Ia nukoa hal᷊i e'e guna ngi Rahel i mama ngu. Su l᷊al᷊al᷊engangku nusul᷊e bou Mesopotamia, i mama ngu nanintang u dunia su tana ngu Kanaan, ta marau bou Efrata, dang ia nasusa kahingang. Daku nil᷊uwing i mama ngu pai se'e, su sindihang u l᷊al᷊eng sarang Efrata.” (Orasi i'i Efrata su titong u taumata ko Betlehem.)
8Suapang i Yakub nakawua manga ana i Yusuf e'e, i sie nakina, “Ko i sai manga ana i'i?”
9I Yusuf nusumimbahi, “Ko i'i manga anaku ko nionggo u Mawu Ruata si sia su Mesir.” I Yakub nangul᷊i, “Pakasandighi mai i sire dingangku tadeau daku al᷊amating.” 10I Yakub ta makawua mal᷊ahe ual᷊ingu seng maghurang dang matange seng marundung. I Yusuf nupakasandighi manga anae si Yakub, dang i sie nul᷊ahuku dang nangimbu si sire. 11Bou e'e i Yakub nangul᷊i si Yusuf, “Ia tinga-tingari takoae harapengku ko botonge sau musombang dingangu, kateho orasi i'i Mawu Ruata nupakawala ngu ia botonge sau makawua manga anaku.” 12Bou e'e i Yusuf nangal᷊a si sire bou hiwa ngi Yakub, bou e'e i sie sisanenge nusuba su tingo ngi papange.
13-14Bou e'e i Yusuf namilo anae darua e'e su sindihang i Yakub, i Efraim ko tuari e'e su simbuka kuihi, dang i Manasye ko iyakang su simbuka kuaneng. Kateho i Yakub nupusasal᷊iu ngu l᷊imange dang namilo l᷊imange ko kuaneng su wawo u timbo i Efraim, arawe l᷊imange ko kuihi nipiloe su wawo u timbo i Manasye. 15Bou e'e nial᷊amatenge i Yusuf, #48:15: Yusuf: Su tempo i Yakub nangal᷊amati si Efraim l᷊au i Manasye, tuhu hinonge ko i Yusuf nial᷊amatenge. angkunge,
“Mawu Ruata, ko I Sie Mawu, ko nisumba ngi Abraham l᷊au i Ishak,
Seng I Sie nangaha si sia sarang orasi i'i.
16Ko I Sie malaikati ko seng nul᷊iwiri ia bou apang silaka.
Mal᷊umbako Mawu Ruata e'e mangal᷊amati manga ana i'i.
Mal᷊umbako muwiahi turusi arengku dang areng i Abraham l᷊au i Ishak
ual᷊ingu manga ana i'i!
Mal᷊umbako i sire muhana mupung, dang muhintou maul᷊i su dunia.”
17I Yusuf ta mal᷊uasi suapang nakawua si papa nge namilo l᷊ima kuanenge su wawo u timbo i Efraim; bou e'e nihinggonange l᷊ima ngi papange tadeau ial᷊inge bou timbo i Efraim sarang wawo u timbo i Manasye. 18Niul᷊ie si Papange, “Ari kere'e, Papa. Ko i'i ana ko iyakang; pilo ko l᷊ima kuaneng ngi Papa su wawo u timboe.”
19Kateho i papange nanolaki, angkunge, “Ia matitong yamang, ia matitong. I Manasye sarung ko l᷊abo kawasange dang hintounge l᷊ai sarung makoa bangsa ko l᷊abo. Kateho tuaringe sarung lebe l᷊abo l᷊ai kawasange bo i sie, dang hintou ngu tuaringe e'e sarung makoa manga bangsa ko l᷊abo.”
20 #
Ibr. 11:21
Bou e'e nial᷊amatenge sau manga ana e'e su l᷊ou e'e, angkunge, “Tau Israel sarung musigho areng u boko i sire mangal᷊amati taumata. I sire sarung mangul᷊i, ‘Mal᷊umbako Mawu Ruata mukoa si kau kere si Efraim l᷊au si Manasye.’ ” Dingang kere'e i Yakub nupuhoro i Efraim bo i Manasye.
21Bou e'e i Yakub nangul᷊i si Yusuf, “Kere ko nikawua ngu, papateku seng masandighi, kateho Mawu Ruata sarung mutul᷊ung si kumu dang mumbawa si kumu musul᷊e sarang wanua ngi upung i kumu. 22Ko si kau, dang wal᷊inge su manga ana u singkatau ngu, ia mangonggo u Sikhem, tana ko matawa e'e ko seng daku niaho bou tau Amori dingang u pera l᷊au u panaku.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in