KARARIADI 47
47
I Yakub nupasaruang u ratu ngu Mesir
1-2Bou e'e i Yusuf numbawa l᷊ima ngkatau bou manga tamahuaringe mbuhue nupasaruang u ratu. Angkunge, “I Papa l᷊au manga tamahuari ngu l᷊ang seng nasongo bou Kanaan dingang u ghapang u kambing domba, sapi l᷊au apang rarotong i sire. Orasi i'i i sire ene su Gosyen.” Bou e'e nitode'e manga ana u singkataunge e'e su ratu. 3Ratu nakina si sire, “Apa hal᷊i i kumu?”
I sire nusumimbahi, “I kami i'i ko mul᷊al᷊ukari binatang kere manga i upung i kami. 4I kami nusumongo tadeau matana su wanua i'i, ual᷊ingu su tana Kanaan kal᷊ahutung seng tumaniu napal᷊iu, hakiu seng takoae onasi guna ngu kambing domba ngi kami. Pakawalako i kami matana su Gosyen.” 5Bou e'e ratu nangul᷊i si Yusuf, “I'i i papa ngu l᷊au manga ana u simbau'u seng ene su si'i. 6Koate wanua ngu Mesir kere wanua ngi kumu sisane. Walate i sire patana su Gosyen, tampa ko kapiange su wanua i'i. Dang onggol᷊eko hal᷊i su taumata ko papande muhal᷊i guna ngu putal᷊ung binatang papal᷊iharangku.”
7I Yusuf l᷊ai numbawa si papange su ratu. I Yakub nangal᷊amati ratu, 8dang ratu nakina si sie, “Pira umuri i L᷊uadateng?”
9 9I Yakub nusumimbahi, “L᷊ang u seng nuwiahi mahasutilumpul᷊o su taunge kere mul᷊al᷊iku. Wiahi u l᷊ang u e'e napene u kababuha dang ko pol᷊o boko isul᷊ung dingang umuri manga i upung u l᷊angu kere mul᷊al᷊iku.” 10Nasue e'e i Yakub nughilei dang nangonggo u al᷊amati putatal᷊ei. 11I Yusuf nutul᷊ung si papange dang manga ana u simbaue natana su Mesir. Nionggoe si sire tana kere haki i sire su tampa ko kapiange su wanua e'e, masandighi u soa Rameses, sintuhu dingang u parenta ngu ratu. 12Dang i Yusuf nanimu sasadia ngu kang guna ngi papange, manga tamahuaringe dang kaul᷊i u ana u simbaue sarang ko kakudakenge.
Tempo ngu kal᷊ahutung
13Kal᷊ahutung e'e kere'e katital᷊ie, hakiu su apang tampa seng takoae kang. Kawanua ngu Mesir l᷊au kawanua ngu Kanaan seng ko l᷊ome dang seng ta makakoa manga apa ual᷊ingu nahutung. 14Sintinia i sire mul᷊uang gandung, i Yusuf mangomol᷊i doi wawaehi gandung e'e, bou e'e niresoe su istana ngu ratu. 15Suapang nasue doi su Mesir l᷊au su Kanaan, manga tau Mesir nusumongo sarang koa i Yusuf dang nangul᷊i, “Onggoko si kami kang! Ari pakawala i kami mate. Doi ngi kami seng nasue.”
16I Yusuf nusumimbahi, “Boko doi ngi kumu seng nasue, onggote binatang papal᷊iharang i kumu; ia sarung mangonggo kang si kumu.” 17Bou e'e i sire nangonggo binatang papal᷊iharang i sire si Yusuf, dang i sie nangonggo kang si sire kere ghaghanti ngu kawal᷊o, domba, kambing, sapi l᷊au keledai ngi sire. Su taung e'e i Yusuf nangonggo kang si sire dang i sire namaehi dingang u binatang papal᷊iharang.
18Su taung tuhue i sire sau nusumongo si sie dang nangul᷊i, “I kami muhabari si Tuang himoneu doi ngi kami seng nasue dang binatang papal᷊iharang i kami seng nariadi koa i Tuang. I kami seng takoae manga apa l᷊ai ko botonge ikaonggo i kami si Tuang, su l᷊ikuri watangeng i kami sisane dingang u tana ngi kami. 19Ariwe wala i kami pakapate! Ari wala manga anseri i kami pakal᷊inggi. L᷊uangete i kami l᷊au tana ngi kami dingang u gandung wawaehi. I kami dingang u tana ngi kami sarung mariadi koa u ratu. Onggol᷊eko i kami gandung guna ngu panumpu puwawiahi kami dang l᷊ai bibiti guna ngu isawuhi su anseri i kami!”
20Bou e'e i Yusuf nul᷊uang kaul᷊i u tana su Mesir guna ngu ratu. Apang tau Mesir nasihasa nuwal᷊u tana ngi sire, ual᷊ingu tempo kal᷊ahutung e'e tumaniu matital᷊i; bou e'e kaul᷊i u tana su Mesir nariadi koa u ratu. 21Kaul᷊i u kawanua ngu Mesir nikoa i Yusuf l᷊ang. 22Kitang simbau tana ko ta nil᷊uangenge, e'e ko tana ngu manga imam. I sire tawahal᷊uasi muwal᷊u tana ngi sire ual᷊ingu pia l᷊aonggo tatapi ionggo u ratu guna ngu puwawiahi sire. 23I Yusuf nangul᷊i su manga kawanuange e'e, “Tuhungete, i kumu l᷊au tana ngi kumu seng daku nil᷊uangeng guna ngu ratu. I'i bibiti ko botonge isawuhi kumu su anseri i kumu. 24Su tempo ngu manipo, i kumu mambeng pangonggo su ratu simbahageang l᷊ima bou l᷊uange. L᷊umbeinge botonge ipake guna ngu bibiti l᷊au guna ngu kang i kumu l᷊au guna ngu walaghenge ngi kumu.”
25I sire nusumimbahi, “I Tuang seng nangambang si kami dang i kami muputarimakase. I kami sadia makoa l᷊ang u ratu.” 26Bou e'e i Yusuf nukoa hal᷊i e'e simbau atorang su Mesir, himoneu simbahageang l᷊ima bou l᷊uang u panipong mambeng makoa koa u ratu. Sarang l᷊ou ntihang i'i atorang e'e mborong kahipake. Kitang tana ngu manga imam ta nariadi koa u ratu.
Ndo i Yakub panginsuenge
27Kere'e kakakoa u tau Israel natana natatapi su Mesir, su tana ngu Gosyen. I sire nakoa ko kala dang nuhana nupung maul᷊i su se'e. 28I Yakub mborong nuwiahi mapul᷊opitu su taunge su Mesir sarang umurie nurating mahasupaupul᷊opitu su taunge. 29#Kar. 49:29-32, 50:6 Suapang seng masandighi tempo nge i Yakub manintang u dunia, nikuinge i Yusuf, anae e'e, bou e'e niul᷊ie si sie, “Piloe l᷊imau su tal᷊oara pung u pangku dang putewa himoneu i kau ta sarung mangubul᷊i si sia su Mesir i'i. #47:29: Piloe …: Tuhunge 24:2. 30Ia mo il᷊uwing su tampa u manga i upungku; wawako badangku bou wanua i'i dang l᷊uwing su l᷊al᷊ung u kubul᷊i sire.”
I Yusuf nusumimbahi, “Ia sarung mukoa apang ko niparenta ngi Papa e'e.”
31I Yakub nangul᷊i, “Putewako himoneu i kau sarung mukoa e'e.” I Yusuf nutewa, dang i Yakub nuputarimakase su l᷊al᷊okange.
Currently Selected:
KARARIADI 47: PLT
Highlight
Copy
Compare
Share
Want to have your highlights saved across all your devices? Sign up or sign in
KARARIADI 47
47
I Yakub nupasaruang u ratu ngu Mesir
1-2Bou e'e i Yusuf numbawa l᷊ima ngkatau bou manga tamahuaringe mbuhue nupasaruang u ratu. Angkunge, “I Papa l᷊au manga tamahuari ngu l᷊ang seng nasongo bou Kanaan dingang u ghapang u kambing domba, sapi l᷊au apang rarotong i sire. Orasi i'i i sire ene su Gosyen.” Bou e'e nitode'e manga ana u singkataunge e'e su ratu. 3Ratu nakina si sire, “Apa hal᷊i i kumu?”
I sire nusumimbahi, “I kami i'i ko mul᷊al᷊ukari binatang kere manga i upung i kami. 4I kami nusumongo tadeau matana su wanua i'i, ual᷊ingu su tana Kanaan kal᷊ahutung seng tumaniu napal᷊iu, hakiu seng takoae onasi guna ngu kambing domba ngi kami. Pakawalako i kami matana su Gosyen.” 5Bou e'e ratu nangul᷊i si Yusuf, “I'i i papa ngu l᷊au manga ana u simbau'u seng ene su si'i. 6Koate wanua ngu Mesir kere wanua ngi kumu sisane. Walate i sire patana su Gosyen, tampa ko kapiange su wanua i'i. Dang onggol᷊eko hal᷊i su taumata ko papande muhal᷊i guna ngu putal᷊ung binatang papal᷊iharangku.”
7I Yusuf l᷊ai numbawa si papange su ratu. I Yakub nangal᷊amati ratu, 8dang ratu nakina si sie, “Pira umuri i L᷊uadateng?”
9 9I Yakub nusumimbahi, “L᷊ang u seng nuwiahi mahasutilumpul᷊o su taunge kere mul᷊al᷊iku. Wiahi u l᷊ang u e'e napene u kababuha dang ko pol᷊o boko isul᷊ung dingang umuri manga i upung u l᷊angu kere mul᷊al᷊iku.” 10Nasue e'e i Yakub nughilei dang nangonggo u al᷊amati putatal᷊ei. 11I Yusuf nutul᷊ung si papange dang manga ana u simbaue natana su Mesir. Nionggoe si sire tana kere haki i sire su tampa ko kapiange su wanua e'e, masandighi u soa Rameses, sintuhu dingang u parenta ngu ratu. 12Dang i Yusuf nanimu sasadia ngu kang guna ngi papange, manga tamahuaringe dang kaul᷊i u ana u simbaue sarang ko kakudakenge.
Tempo ngu kal᷊ahutung
13Kal᷊ahutung e'e kere'e katital᷊ie, hakiu su apang tampa seng takoae kang. Kawanua ngu Mesir l᷊au kawanua ngu Kanaan seng ko l᷊ome dang seng ta makakoa manga apa ual᷊ingu nahutung. 14Sintinia i sire mul᷊uang gandung, i Yusuf mangomol᷊i doi wawaehi gandung e'e, bou e'e niresoe su istana ngu ratu. 15Suapang nasue doi su Mesir l᷊au su Kanaan, manga tau Mesir nusumongo sarang koa i Yusuf dang nangul᷊i, “Onggoko si kami kang! Ari pakawala i kami mate. Doi ngi kami seng nasue.”
16I Yusuf nusumimbahi, “Boko doi ngi kumu seng nasue, onggote binatang papal᷊iharang i kumu; ia sarung mangonggo kang si kumu.” 17Bou e'e i sire nangonggo binatang papal᷊iharang i sire si Yusuf, dang i sie nangonggo kang si sire kere ghaghanti ngu kawal᷊o, domba, kambing, sapi l᷊au keledai ngi sire. Su taung e'e i Yusuf nangonggo kang si sire dang i sire namaehi dingang u binatang papal᷊iharang.
18Su taung tuhue i sire sau nusumongo si sie dang nangul᷊i, “I kami muhabari si Tuang himoneu doi ngi kami seng nasue dang binatang papal᷊iharang i kami seng nariadi koa i Tuang. I kami seng takoae manga apa l᷊ai ko botonge ikaonggo i kami si Tuang, su l᷊ikuri watangeng i kami sisane dingang u tana ngi kami. 19Ariwe wala i kami pakapate! Ari wala manga anseri i kami pakal᷊inggi. L᷊uangete i kami l᷊au tana ngi kami dingang u gandung wawaehi. I kami dingang u tana ngi kami sarung mariadi koa u ratu. Onggol᷊eko i kami gandung guna ngu panumpu puwawiahi kami dang l᷊ai bibiti guna ngu isawuhi su anseri i kami!”
20Bou e'e i Yusuf nul᷊uang kaul᷊i u tana su Mesir guna ngu ratu. Apang tau Mesir nasihasa nuwal᷊u tana ngi sire, ual᷊ingu tempo kal᷊ahutung e'e tumaniu matital᷊i; bou e'e kaul᷊i u tana su Mesir nariadi koa u ratu. 21Kaul᷊i u kawanua ngu Mesir nikoa i Yusuf l᷊ang. 22Kitang simbau tana ko ta nil᷊uangenge, e'e ko tana ngu manga imam. I sire tawahal᷊uasi muwal᷊u tana ngi sire ual᷊ingu pia l᷊aonggo tatapi ionggo u ratu guna ngu puwawiahi sire. 23I Yusuf nangul᷊i su manga kawanuange e'e, “Tuhungete, i kumu l᷊au tana ngi kumu seng daku nil᷊uangeng guna ngu ratu. I'i bibiti ko botonge isawuhi kumu su anseri i kumu. 24Su tempo ngu manipo, i kumu mambeng pangonggo su ratu simbahageang l᷊ima bou l᷊uange. L᷊umbeinge botonge ipake guna ngu bibiti l᷊au guna ngu kang i kumu l᷊au guna ngu walaghenge ngi kumu.”
25I sire nusumimbahi, “I Tuang seng nangambang si kami dang i kami muputarimakase. I kami sadia makoa l᷊ang u ratu.” 26Bou e'e i Yusuf nukoa hal᷊i e'e simbau atorang su Mesir, himoneu simbahageang l᷊ima bou l᷊uang u panipong mambeng makoa koa u ratu. Sarang l᷊ou ntihang i'i atorang e'e mborong kahipake. Kitang tana ngu manga imam ta nariadi koa u ratu.
Ndo i Yakub panginsuenge
27Kere'e kakakoa u tau Israel natana natatapi su Mesir, su tana ngu Gosyen. I sire nakoa ko kala dang nuhana nupung maul᷊i su se'e. 28I Yakub mborong nuwiahi mapul᷊opitu su taunge su Mesir sarang umurie nurating mahasupaupul᷊opitu su taunge. 29#Kar. 49:29-32, 50:6 Suapang seng masandighi tempo nge i Yakub manintang u dunia, nikuinge i Yusuf, anae e'e, bou e'e niul᷊ie si sie, “Piloe l᷊imau su tal᷊oara pung u pangku dang putewa himoneu i kau ta sarung mangubul᷊i si sia su Mesir i'i. #47:29: Piloe …: Tuhunge 24:2. 30Ia mo il᷊uwing su tampa u manga i upungku; wawako badangku bou wanua i'i dang l᷊uwing su l᷊al᷊ung u kubul᷊i sire.”
I Yusuf nusumimbahi, “Ia sarung mukoa apang ko niparenta ngi Papa e'e.”
31I Yakub nangul᷊i, “Putewako himoneu i kau sarung mukoa e'e.” I Yusuf nutewa, dang i Yakub nuputarimakase su l᷊al᷊okange.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in