SASUWANG 29
29
Atorang u pananabisi Harun dang manga anae
(Im. 8:1-36)
1“Kiri'i kakakoa u pananabisi Harun dang manga anae tadeau i sire botonge mutangkiang si Sia kere imam. Pangal᷊ako sapi ko ese makuda simbau dang darua domba ko ese ko takoae kurange. 2Bou tapong ko kapiange, koako adonang takoae kaboe. Simbahageang tapong nil᷊au e'e mambeng ikoa boroti dingang u l᷊ana ngu zaitung, simbahageang l᷊ai takoae l᷊anange, dang l᷊umbeinge ikoa kukisi ko ilaburi dingang u l᷊ana. 3Tahoko su l᷊al᷊ung u wawewe dang sumbako e'e si Sia singkahindo dingang u sasumba sapi ko ese dang domba ko ese darua.
4Roiko i Harun dang manga anae pasongo sarang tukari u Kema-Ku dang panguhasi watangenge. 5L᷊ohoko pakeang u imam si Harun, kameja, efod, juba ko manaka efod, tataka roko, dang l᷊aiki kal᷊uwaeng 6Ikiko paporong su timboe dang sangeko su paporong e'e l᷊al᷊ighahie wul᷊aeng pia wohe'e nitani guna ngu Mawu. 7Bou e'e al᷊ako l᷊ana guna ngu upacara, siwohi su timboe dang l᷊anaiko i sie.
8Bou e'e roiko manga anae pasongo dang l᷊ohokeko kameja 9dang l᷊aiki kal᷊uwaeng si sire. Bou e'e ikiko paporong su timbo i sire. Kere'e atorang u manabisi si Harun dang manga anae. I sire dang hintou ngi sire mambeng mutangkiang si Sia kere imam sarang kal᷊iwuenge.
10Bou e'e sapi ko ese e'e mambeng iwawa u sarang tingo ngu Kema-Ku. I Harun dang manga anae mambeng manimbo ngu l᷊ima ngi sire su wawo u timbo u binatang e'e. 11Hatako sapi ko ese e'e su tingo-Ku, su tukari u kema. 12Al᷊ako simbahageang daha ngu sapi e'e dang laburiko dingang u tal᷊imboro su manga sasunge ngu mesba. L᷊umbei ngu manga daha e'e mambeng isiwohi su wal᷊ang u mesba. 13Bou e'e al᷊ako kaul᷊i u tawa ko nanaka tataho u tiange, bahageang ko kapiange bou atenge l᷊au kamangange darua dingang u tawae dang piloko kaul᷊i u e'e su wawo u mesba dang tongkako guna ngu sasumba si Sia. 14Ghisinge, pisi dang tinai ngu sapi ko ese e'e mambeng tongka su l᷊ikuru pukakemang. E'e ko sasumba guna ngu kal᷊aampung dosa ngu manga imam.
15Tuhue bou tal᷊oara u manga domba ko ese e'e al᷊ako simbau. I Harun dang manga anae mambeng manimbo ngu l᷊ima ngi sire su wawo u timbo u binatang e'e. 16Bou e'e hatako binatang e'e, al᷊ako dahange dang siwohiko su sindihange pa u mesba. 17Domba ko ese e'e mambeng ikakompeng. Tataho u tiange dang pange mambeng iuhasi dang timbo su wawo u timboe dang su wawo u manga kompenge ko wal᷊inge. 18#Ef. 5:2; Flp. 4:18 Onggoko kaul᷊i u manga domba ko ese su wawo u mesba guna ngu korbang tongkateng. Raruru ngu korbang e'e makal᷊uasi naung-Ku. 19Al᷊ako domba ko ese simbau l᷊ai, e'e ko domba ko ese guna ngu upacara ngu pananabisi. Roiko i Harun dang manga anae panimbo ngu l᷊ima ngi sire su wawo u timbo u binatang e'e. 20Bou e'e hatako domba ko ese e'e, al᷊ako singkodo dahange dang laburiko su tul᷊i kuaneng i Harun dang manga anae, su tal᷊imboro mae l᷊ima kuaneng dang tal᷊imboro mae l᷊aeri kuaneng i sire, l᷊umbei ngu daha e'e mambeng i siwohi su kapa u sindihang u mesba. 21Al᷊ako daha singkodo ko ene su wawo u mesba dang l᷊ana singkodo guna ngu upacara, bou e'e pusikeko i Harun dang manga anae dingang u pakeang i sire. Dingang l᷊al᷊eng e'e i Harun dingang u manga anae l᷊au pakeang i sire nitani guna ngu Ia.
22Al᷊ako tawa ngu domba ko ese e'e, tol᷊e'e ko pia tawae, haweng u tawa bou tataho u tiange bahageang kapiange bou atenge, kamangange darua dingang u tawange dang pange kuaneng. 23Bou wawewekang u boroti ko seng mbuae nisumbau si Sia, al᷊ako boroti pusimbau bou apang haghinge: simbau ko nikoa dingang u l᷊ana zaitung, simbau ko takoae l᷊anange, dang kukisi simbau. 24Piloko kaul᷊i u kang e'e su l᷊ima ngi Harun dang manga anae dang roiko i sire pupatode si Sia kere sasumba ipatode. 25Bou e'e al᷊ako boroti e'e bo i sire dang tongkate su wawo u mesba, su wawo u korbang tongkateng e'e. Raruru ngu sasumba e'e makal᷊uasi naung-Ku.
26Al᷊ako roko ngu domba ko ese e'e dang sumbako kere korbang patode si Sia dang e'e ko bageangu.
27Su l᷊al᷊ung u upacara pananabisi u imam, roko dang pang u domba ko ese ko ipake su l᷊al᷊ung u upacara e'e mambeng isumba guna ngu korbang patode si Sia dang ihae guna ngu manga imam. 28I'i seng putusang-Ku ko ta botonge iwal᷊u: su tempo ngu umati-Ku sumongo mangonggo korbang purarame, roko dang pang u binatang e'e ko bageang u manga imam. E'e ko sasumba ngu umati-Ku guna ngu Ia.
29Pakeang nggaweti ngi Harun mambeng iareng su manga anae, tadeau botonge ipake i sire su tempo ngu itabisi. 30Ana i Harun ko mariadi imam mungganti si papange dang sumu su Kema-Ku guna ngu mukoa nggaweti su kamari ko susi, mambeng mul᷊oho pakeang e'e pitu l᷊ou l᷊iwuenge.
31Al᷊ako ghisi ngu domba ko ese ko ipake su upacara pananabisi i Harun dang manga anae dang sasako ghisi e'e su tampa simbau ko susi. 32Ghisi e'e mambeng kinaseng i sire su tukari Kema-Ku dingang u l᷊umbei ngu boroti ko ene su l᷊al᷊ung u wawewe. 33I sire mambeng kumang kang ko isumba su l᷊al᷊ung u upacara pangangampung u dosa su tempo ngu pananabisi. Kitang imam botonge kumang kang ko seng nitani guna-Ku e'e. 34Kamangkeng ndai mal᷊ou mal᷊ukari ghisi arako boroti e'e mborong nal᷊umbei, kuteu l᷊umbeinge e'e mambeng itutung pakasue, dang ta botonge kanengang, watu'u seng nitani.
35Upacara pananabisi i Harun dang manga anae mambeng koateng l᷊iwuenge pitu l᷊ou, kere ko seng Daku niparenta si kumu 36Sintinia l᷊ou mambeng ionggo simbau sapi ko ese guna ngu kal᷊aampung u dosa. Dingang u korbang e'e mesba e'e ipakasusi. Bou e'e mesba e'e mambeng l᷊anang dingang u l᷊ana zaitung tadeau itani guna ngu Ia. 37Koako e'e sintinia l᷊ou su kal᷊iwuenge pitu l᷊ou. Kuteu mesba kaul᷊ie makoa ko susi, maning apang ko mahino su mesba e'e mambeng isarakang su Mawu, dang maning i sai ko manuhung sarung makahombang silaka watu'u toghasi u kasasusinge.”#29:37: silaka ual᷊ingu katatoghasi u kasasusinge: Su tempo e'e pia pangangimang himoneu taumata ko biasa arako manga barang sarung masilaka boko kahinomang u simbau ko susi.
Korbang l᷊ou-l᷊ou
(Rek. 28:1-8)
38“Sintinia l᷊ou sarang kal᷊iwuenge su wawo u mesba e'e mambeng ionggo sasumba domba darua ko umurie sintaung. 39Ko simbau guna ngu sasumba mal᷊ukari dang ko wal᷊inge guna ngu sasumba wawul᷊aeng. 40Singkahindo ana u domba guna ngu sasumba mal᷊ukari mambeng ikorbang tapong singkilo ko kapiange l᷊aukang u si literi l᷊ana zaitung. Su l᷊ikuri e'e si literi ake u anggori. 41Ana u domba guna ngu isumba wawul᷊aeng mambeng ikorbang dingang u atorang ko musul᷊ung, nil᷊aukang u tapong, l᷊ana zaitung dang ake u anggori. Raruru ngu korbang tongkateng e'e makal᷊uasi naung-Ku. 42Tuhue guna ngu kaul᷊i u tempo, korbang tongkateng e'e mambeng isumba su saruang-Ku su tukari u Kema-Ku. Ko se'e Ia sarung musombang dingang u manga umati-Ku dang mudidato dingangu. 43Pai se'e Ia sarung musombang dingang u bangsa Israel, dang sinang u sasongo-Ku sarung makariadi tampa e'e ko susi. 44Ia sarung mukoa kema dang mesba e'e ko susi. I Harun dang manga anae sarung Daku itani bou ko wal᷊inge tadeau i sire mutangkiang si Sia kere imam. 45Ia sarung matana su manga tal᷊oara u bangsa Israel, dang makoa Mawu Ruata ngi sire. 46I sire sarung matitong himoneu ko Ia Mawu Ruata ngi sire ko numbawa si sire nusumuwang bou Mesir, tadeau Ia botonge matana su tal᷊oara i sire. Ko Ia Mawu Ruata ngi sire.
Currently Selected:
SASUWANG 29: PLT
Highlight
Copy
Compare
Share
Want to have your highlights saved across all your devices? Sign up or sign in
SASUWANG 29
29
Atorang u pananabisi Harun dang manga anae
(Im. 8:1-36)
1“Kiri'i kakakoa u pananabisi Harun dang manga anae tadeau i sire botonge mutangkiang si Sia kere imam. Pangal᷊ako sapi ko ese makuda simbau dang darua domba ko ese ko takoae kurange. 2Bou tapong ko kapiange, koako adonang takoae kaboe. Simbahageang tapong nil᷊au e'e mambeng ikoa boroti dingang u l᷊ana ngu zaitung, simbahageang l᷊ai takoae l᷊anange, dang l᷊umbeinge ikoa kukisi ko ilaburi dingang u l᷊ana. 3Tahoko su l᷊al᷊ung u wawewe dang sumbako e'e si Sia singkahindo dingang u sasumba sapi ko ese dang domba ko ese darua.
4Roiko i Harun dang manga anae pasongo sarang tukari u Kema-Ku dang panguhasi watangenge. 5L᷊ohoko pakeang u imam si Harun, kameja, efod, juba ko manaka efod, tataka roko, dang l᷊aiki kal᷊uwaeng 6Ikiko paporong su timboe dang sangeko su paporong e'e l᷊al᷊ighahie wul᷊aeng pia wohe'e nitani guna ngu Mawu. 7Bou e'e al᷊ako l᷊ana guna ngu upacara, siwohi su timboe dang l᷊anaiko i sie.
8Bou e'e roiko manga anae pasongo dang l᷊ohokeko kameja 9dang l᷊aiki kal᷊uwaeng si sire. Bou e'e ikiko paporong su timbo i sire. Kere'e atorang u manabisi si Harun dang manga anae. I sire dang hintou ngi sire mambeng mutangkiang si Sia kere imam sarang kal᷊iwuenge.
10Bou e'e sapi ko ese e'e mambeng iwawa u sarang tingo ngu Kema-Ku. I Harun dang manga anae mambeng manimbo ngu l᷊ima ngi sire su wawo u timbo u binatang e'e. 11Hatako sapi ko ese e'e su tingo-Ku, su tukari u kema. 12Al᷊ako simbahageang daha ngu sapi e'e dang laburiko dingang u tal᷊imboro su manga sasunge ngu mesba. L᷊umbei ngu manga daha e'e mambeng isiwohi su wal᷊ang u mesba. 13Bou e'e al᷊ako kaul᷊i u tawa ko nanaka tataho u tiange, bahageang ko kapiange bou atenge l᷊au kamangange darua dingang u tawae dang piloko kaul᷊i u e'e su wawo u mesba dang tongkako guna ngu sasumba si Sia. 14Ghisinge, pisi dang tinai ngu sapi ko ese e'e mambeng tongka su l᷊ikuru pukakemang. E'e ko sasumba guna ngu kal᷊aampung dosa ngu manga imam.
15Tuhue bou tal᷊oara u manga domba ko ese e'e al᷊ako simbau. I Harun dang manga anae mambeng manimbo ngu l᷊ima ngi sire su wawo u timbo u binatang e'e. 16Bou e'e hatako binatang e'e, al᷊ako dahange dang siwohiko su sindihange pa u mesba. 17Domba ko ese e'e mambeng ikakompeng. Tataho u tiange dang pange mambeng iuhasi dang timbo su wawo u timboe dang su wawo u manga kompenge ko wal᷊inge. 18#Ef. 5:2; Flp. 4:18 Onggoko kaul᷊i u manga domba ko ese su wawo u mesba guna ngu korbang tongkateng. Raruru ngu korbang e'e makal᷊uasi naung-Ku. 19Al᷊ako domba ko ese simbau l᷊ai, e'e ko domba ko ese guna ngu upacara ngu pananabisi. Roiko i Harun dang manga anae panimbo ngu l᷊ima ngi sire su wawo u timbo u binatang e'e. 20Bou e'e hatako domba ko ese e'e, al᷊ako singkodo dahange dang laburiko su tul᷊i kuaneng i Harun dang manga anae, su tal᷊imboro mae l᷊ima kuaneng dang tal᷊imboro mae l᷊aeri kuaneng i sire, l᷊umbei ngu daha e'e mambeng i siwohi su kapa u sindihang u mesba. 21Al᷊ako daha singkodo ko ene su wawo u mesba dang l᷊ana singkodo guna ngu upacara, bou e'e pusikeko i Harun dang manga anae dingang u pakeang i sire. Dingang l᷊al᷊eng e'e i Harun dingang u manga anae l᷊au pakeang i sire nitani guna ngu Ia.
22Al᷊ako tawa ngu domba ko ese e'e, tol᷊e'e ko pia tawae, haweng u tawa bou tataho u tiange bahageang kapiange bou atenge, kamangange darua dingang u tawange dang pange kuaneng. 23Bou wawewekang u boroti ko seng mbuae nisumbau si Sia, al᷊ako boroti pusimbau bou apang haghinge: simbau ko nikoa dingang u l᷊ana zaitung, simbau ko takoae l᷊anange, dang kukisi simbau. 24Piloko kaul᷊i u kang e'e su l᷊ima ngi Harun dang manga anae dang roiko i sire pupatode si Sia kere sasumba ipatode. 25Bou e'e al᷊ako boroti e'e bo i sire dang tongkate su wawo u mesba, su wawo u korbang tongkateng e'e. Raruru ngu sasumba e'e makal᷊uasi naung-Ku.
26Al᷊ako roko ngu domba ko ese e'e dang sumbako kere korbang patode si Sia dang e'e ko bageangu.
27Su l᷊al᷊ung u upacara pananabisi u imam, roko dang pang u domba ko ese ko ipake su l᷊al᷊ung u upacara e'e mambeng isumba guna ngu korbang patode si Sia dang ihae guna ngu manga imam. 28I'i seng putusang-Ku ko ta botonge iwal᷊u: su tempo ngu umati-Ku sumongo mangonggo korbang purarame, roko dang pang u binatang e'e ko bageang u manga imam. E'e ko sasumba ngu umati-Ku guna ngu Ia.
29Pakeang nggaweti ngi Harun mambeng iareng su manga anae, tadeau botonge ipake i sire su tempo ngu itabisi. 30Ana i Harun ko mariadi imam mungganti si papange dang sumu su Kema-Ku guna ngu mukoa nggaweti su kamari ko susi, mambeng mul᷊oho pakeang e'e pitu l᷊ou l᷊iwuenge.
31Al᷊ako ghisi ngu domba ko ese ko ipake su upacara pananabisi i Harun dang manga anae dang sasako ghisi e'e su tampa simbau ko susi. 32Ghisi e'e mambeng kinaseng i sire su tukari Kema-Ku dingang u l᷊umbei ngu boroti ko ene su l᷊al᷊ung u wawewe. 33I sire mambeng kumang kang ko isumba su l᷊al᷊ung u upacara pangangampung u dosa su tempo ngu pananabisi. Kitang imam botonge kumang kang ko seng nitani guna-Ku e'e. 34Kamangkeng ndai mal᷊ou mal᷊ukari ghisi arako boroti e'e mborong nal᷊umbei, kuteu l᷊umbeinge e'e mambeng itutung pakasue, dang ta botonge kanengang, watu'u seng nitani.
35Upacara pananabisi i Harun dang manga anae mambeng koateng l᷊iwuenge pitu l᷊ou, kere ko seng Daku niparenta si kumu 36Sintinia l᷊ou mambeng ionggo simbau sapi ko ese guna ngu kal᷊aampung u dosa. Dingang u korbang e'e mesba e'e ipakasusi. Bou e'e mesba e'e mambeng l᷊anang dingang u l᷊ana zaitung tadeau itani guna ngu Ia. 37Koako e'e sintinia l᷊ou su kal᷊iwuenge pitu l᷊ou. Kuteu mesba kaul᷊ie makoa ko susi, maning apang ko mahino su mesba e'e mambeng isarakang su Mawu, dang maning i sai ko manuhung sarung makahombang silaka watu'u toghasi u kasasusinge.”#29:37: silaka ual᷊ingu katatoghasi u kasasusinge: Su tempo e'e pia pangangimang himoneu taumata ko biasa arako manga barang sarung masilaka boko kahinomang u simbau ko susi.
Korbang l᷊ou-l᷊ou
(Rek. 28:1-8)
38“Sintinia l᷊ou sarang kal᷊iwuenge su wawo u mesba e'e mambeng ionggo sasumba domba darua ko umurie sintaung. 39Ko simbau guna ngu sasumba mal᷊ukari dang ko wal᷊inge guna ngu sasumba wawul᷊aeng. 40Singkahindo ana u domba guna ngu sasumba mal᷊ukari mambeng ikorbang tapong singkilo ko kapiange l᷊aukang u si literi l᷊ana zaitung. Su l᷊ikuri e'e si literi ake u anggori. 41Ana u domba guna ngu isumba wawul᷊aeng mambeng ikorbang dingang u atorang ko musul᷊ung, nil᷊aukang u tapong, l᷊ana zaitung dang ake u anggori. Raruru ngu korbang tongkateng e'e makal᷊uasi naung-Ku. 42Tuhue guna ngu kaul᷊i u tempo, korbang tongkateng e'e mambeng isumba su saruang-Ku su tukari u Kema-Ku. Ko se'e Ia sarung musombang dingang u manga umati-Ku dang mudidato dingangu. 43Pai se'e Ia sarung musombang dingang u bangsa Israel, dang sinang u sasongo-Ku sarung makariadi tampa e'e ko susi. 44Ia sarung mukoa kema dang mesba e'e ko susi. I Harun dang manga anae sarung Daku itani bou ko wal᷊inge tadeau i sire mutangkiang si Sia kere imam. 45Ia sarung matana su manga tal᷊oara u bangsa Israel, dang makoa Mawu Ruata ngi sire. 46I sire sarung matitong himoneu ko Ia Mawu Ruata ngi sire ko numbawa si sire nusumuwang bou Mesir, tadeau Ia botonge matana su tal᷊oara i sire. Ko Ia Mawu Ruata ngi sire.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in