SASUWANG 28
28
Pakeang u imam
(Sasu. 39:1-7)
1Kuiko i Harun tuhangu dingang u manga anae i Nadab, i Abihu, i Eleazar dang i Tamar, dang haeko i sire tadeau botonge mutangkiang si Sia kere imam. 2Koateko pakeang u imam guna ngi Harun tadeau i sie ikawua ko l᷊uadateng. 3Kuieko kaul᷊i u apang tahaghepe ko seng Daku nionggol᷊ang u kakapilesa. Roiko i sire l᷊ai pukoa pakeang i Harun tadeau i sie botonge ihae guna ngu mutangkiang si Sia kere imam. 4Roiko i sire l᷊ai pukoa tataka roko, efod, juba, kameja pia sujie, paporong dang l᷊aiki u kal᷊uwaeng. Pakeang imam e'e mambeng koateng i sire guna ngi Harun tuhangu dang manga anae tadeau botonge mutangkiang si Sia kere imam. 5-6Pakeang e'e mambeng ikoa i sire bou wol ko biru, ungu dang mahamu, banang wul᷊aeng dang leneng ko al᷊usi. Su l᷊ikuri e'e efod mambeng l᷊ighaheng dingang nisuji. 7Tal᷊i ngu wumbang darua l᷊aiki efod mambeng ighepe su sindihange. 8Simbau l᷊aiki kal᷊uwaeng ko al᷊usi nitenung bou barang ko musul᷊ung mambeng ighepe su efod e'e tadeau makoa simbau. 9-12Al᷊akeko watu delima darua. Reakeko singkatau mapapande ngu wul᷊aeng ko pilesa guna ngu mamohe su watu e'e manga areng u mapul᷊odua ana i Yakub tumuhu umuri sire, nung areng su apang watu. Bou e'e permata darua e'e mambeng itaing su bingke wul᷊aeng dang ipilo su tal᷊i wumbang u efod kere tatia putinaungang mapul᷊odua suku ngu Israel. Dingang kere'e i Harun mumbawa areng i sire su wumbange hakiu Ia, Mawu sintinia mutinaung si sire. 13Su l᷊ikuru darua bingke wul᷊aeng e'e 14mambeng koate l᷊ai darua hante bou wul᷊aeng tuleng ko nitawiri kere tal᷊i guna ngu nitaing su bingke wul᷊aeng e'e.
Tataka roko
(Sasu. 39:8-21)
15Kateho guna ngu imam ko l᷊abo tataka roko simbau guna ngu ipake su tempo i sie mo matitong kao u Mawu Ruata. Kakoae dang suji ngu tataka roko e'e mambeng musul᷊ung u barang dang suji u efod. 16Kakakoae muwuku dang il᷊ukuhi darua, nandue dang wunahie taha duampul᷊odua su sentinge. 17Taingko pa u barisi watu permata su tataka roko e'e. Su barisi kahimotongange watu delima, topas dang baiduri sepa. 18Su barisi karuange watu zamrud, watu nilam dang intang. 19Su barisi katilunge watu lazuardi, watu akik dang watu kecubung. 20Su barisi kapae watu pirus, yakut dang ratna sampakang. Mapul᷊odua permata e'e mambeng i'iki dingang u wul᷊aeng. 21Suapang permata mambeng wohekang simbau bou areng u mapul᷊odua ana i Yakub kere tatia putatinaungang manga suku ngu Israel. 22Koateko guna ngu tataka roko e'e darua hante bou wul᷊aeng tuleng ko nitawiri kere tal᷊i. 23Kateho l᷊ai darua wukal᷊a wul᷊aeng dang taingko su pondol᷊i darua su rasi u tataka roko e'e 24bou e'e pasuko darua hante wul᷊aeng e'e sarang l᷊al᷊ung u manga wukal᷊ae kanini. 25Pondol᷊i darua ko wal᷊inge bou hante e'e mambeng i'iki su bingke darua, tadeau tataka u roko e'e botonge isumpu dingang u tal᷊i wumbang u efod. 26Koateko darua wukal᷊a wul᷊aeng l᷊ai, bou e'e taingko su tataka roko e'e su pondol᷊i wawa bahageang l᷊al᷊unge ko muhino su efod. 27Bou e'e koateko darua wukal᷊a wul᷊aeng l᷊ai dang taingko su tingo ngu darua tal᷊i wumbang u efod masandighi sumpu u ghaghepe'e dio tanae, su simbuka ngu rasi l᷊aiki kal᷊uwaeng bou tenung ko al᷊usi. 28Wukal᷊a tataka roko e'e mambeng isumpu dingang u tal᷊i ko biru su wukal᷊a u efod tadeau tataka roko e'e tatapi ene su wawo u l᷊aiki kal᷊uwaeng dang ta mapilo.
29Su tempo i Harun musumu sarang tampa ko susi, i sie mambeng mumbawa manga areng manga suku ngu Israel ko kawawohe su tataka rokonge, tadeau Ia, Mawu sintinia mutinaung umati-Ku 30#Rek. 27:21; Ezr. 2:63; Neh. 7:65Piloko Urim dang Tumim #28:30: Urim dang Tumim: Darua denda ko nipake u imam guna ngu mupakatitong kao u Mawu Ruata. Ta nikatitonang dingang mal᷊ahe kirapa mupake manga barang e'e. su l᷊al᷊ung u tataka roko e'e guna ngu ipake i Harun boko i sie mupasaruang si Sia. Su manga orasi kere e'e ia mambeng sintinia mupake tataka roko, tadeau i sie botonge matitong kao-Ku guna ngu umati Israel.”
Pakeang ko wal᷊inge guna ngu imam
(Sasu. 39:22-31)
31“Juba ko ipake su wawo u efod mambeng kaul᷊ie ikoa bou wol ko biru. 32L᷊ohang u l᷊ehie ipakatoghasi dingang u pita nitenung tadeau ta maehong maghehe. 33-34Su kaul᷊i u wiwihi wawa mambeng koateng u l᷊al᷊ighahie musul᷊ung wua ngu delima bou wol ko biru, ungu dang mahamu niwulakeng u l᷊al᷊ighahie ko l᷊umuntingihi bou wul᷊aeng. 35Juba e'e mambeng ipake i Harun boko i sie muhal᷊i kere imam. Su tempo i sie sumongo sarang saruang-Ku su kamari susi arako manintang tampa e'e, sarung karingihang tingihi u lonceng e'e tadeau i sie ta mate.
36Koateko simbau l᷊al᷊ighahie bou wul᷊aeng tuleng dang woheko manga didato. ‘Nitani guna ngu Mawu’. 37Ikiko e'e su paporong dingang u tal᷊i ko biru. 38L᷊al᷊ighahi wul᷊aeng e'e mambeng itaing i Harun su ruhue tadeau Ia, Mawu manarima kaul᷊i u sasumba ko iwawa u taumata ngu Israel si Sia, maneng su l᷊al᷊ung u mumbawa sasumba e'e i sire seng nukoa pusansal᷊a.
39Kameja i Harun mambeng itenung bou leneng ko al᷊usi. Koako l᷊ai simbau paporong bou leneng ko al᷊usi dang wawukisi kal᷊uwaeng ko nisuji.
40Koateko kameja, wawukisi kal᷊uwaeng dang paporong guna ngu manga ana i Harun tadeau i sire ikawua l᷊uadateng. 41Pakeko pakeang e'e si Harun tuhangu dang manga anae. L᷊anaiko i sire dingang u l᷊ana zaitung; dingang u e'e i sire itabisi dang itani guna ngu mutangkiang si Sia kere imam. 42Bou e'e koateko guna ngi sire sal᷊ana ko pol᷊o bou heka leneng, nandue bou kal᷊uwaeng sarang pang guna ngu manaka bahageang u badang ko ta hinonge ikawua. 43Sal᷊ana e'e mambeng sintinia ipake i sire su tempo ngu musumu su l᷊al᷊ung u Kema-Ku arako sumandighi mesba guna ngu mukoa nggaweti kere imam su kamari ko susi, tadeau i sire ta mapul᷊e asal᷊ie watu'u nakawua bahageang u badang i sire ko ta wahal᷊uasi ikawua. Atorang e'e tatapi mariadi guna ngi Harun dang hintounge.”
Currently Selected:
SASUWANG 28: PLT
Highlight
Copy
Compare
Share
Want to have your highlights saved across all your devices? Sign up or sign in
SASUWANG 28
28
Pakeang u imam
(Sasu. 39:1-7)
1Kuiko i Harun tuhangu dingang u manga anae i Nadab, i Abihu, i Eleazar dang i Tamar, dang haeko i sire tadeau botonge mutangkiang si Sia kere imam. 2Koateko pakeang u imam guna ngi Harun tadeau i sie ikawua ko l᷊uadateng. 3Kuieko kaul᷊i u apang tahaghepe ko seng Daku nionggol᷊ang u kakapilesa. Roiko i sire l᷊ai pukoa pakeang i Harun tadeau i sie botonge ihae guna ngu mutangkiang si Sia kere imam. 4Roiko i sire l᷊ai pukoa tataka roko, efod, juba, kameja pia sujie, paporong dang l᷊aiki u kal᷊uwaeng. Pakeang imam e'e mambeng koateng i sire guna ngi Harun tuhangu dang manga anae tadeau botonge mutangkiang si Sia kere imam. 5-6Pakeang e'e mambeng ikoa i sire bou wol ko biru, ungu dang mahamu, banang wul᷊aeng dang leneng ko al᷊usi. Su l᷊ikuri e'e efod mambeng l᷊ighaheng dingang nisuji. 7Tal᷊i ngu wumbang darua l᷊aiki efod mambeng ighepe su sindihange. 8Simbau l᷊aiki kal᷊uwaeng ko al᷊usi nitenung bou barang ko musul᷊ung mambeng ighepe su efod e'e tadeau makoa simbau. 9-12Al᷊akeko watu delima darua. Reakeko singkatau mapapande ngu wul᷊aeng ko pilesa guna ngu mamohe su watu e'e manga areng u mapul᷊odua ana i Yakub tumuhu umuri sire, nung areng su apang watu. Bou e'e permata darua e'e mambeng itaing su bingke wul᷊aeng dang ipilo su tal᷊i wumbang u efod kere tatia putinaungang mapul᷊odua suku ngu Israel. Dingang kere'e i Harun mumbawa areng i sire su wumbange hakiu Ia, Mawu sintinia mutinaung si sire. 13Su l᷊ikuru darua bingke wul᷊aeng e'e 14mambeng koate l᷊ai darua hante bou wul᷊aeng tuleng ko nitawiri kere tal᷊i guna ngu nitaing su bingke wul᷊aeng e'e.
Tataka roko
(Sasu. 39:8-21)
15Kateho guna ngu imam ko l᷊abo tataka roko simbau guna ngu ipake su tempo i sie mo matitong kao u Mawu Ruata. Kakoae dang suji ngu tataka roko e'e mambeng musul᷊ung u barang dang suji u efod. 16Kakakoae muwuku dang il᷊ukuhi darua, nandue dang wunahie taha duampul᷊odua su sentinge. 17Taingko pa u barisi watu permata su tataka roko e'e. Su barisi kahimotongange watu delima, topas dang baiduri sepa. 18Su barisi karuange watu zamrud, watu nilam dang intang. 19Su barisi katilunge watu lazuardi, watu akik dang watu kecubung. 20Su barisi kapae watu pirus, yakut dang ratna sampakang. Mapul᷊odua permata e'e mambeng i'iki dingang u wul᷊aeng. 21Suapang permata mambeng wohekang simbau bou areng u mapul᷊odua ana i Yakub kere tatia putatinaungang manga suku ngu Israel. 22Koateko guna ngu tataka roko e'e darua hante bou wul᷊aeng tuleng ko nitawiri kere tal᷊i. 23Kateho l᷊ai darua wukal᷊a wul᷊aeng dang taingko su pondol᷊i darua su rasi u tataka roko e'e 24bou e'e pasuko darua hante wul᷊aeng e'e sarang l᷊al᷊ung u manga wukal᷊ae kanini. 25Pondol᷊i darua ko wal᷊inge bou hante e'e mambeng i'iki su bingke darua, tadeau tataka u roko e'e botonge isumpu dingang u tal᷊i wumbang u efod. 26Koateko darua wukal᷊a wul᷊aeng l᷊ai, bou e'e taingko su tataka roko e'e su pondol᷊i wawa bahageang l᷊al᷊unge ko muhino su efod. 27Bou e'e koateko darua wukal᷊a wul᷊aeng l᷊ai dang taingko su tingo ngu darua tal᷊i wumbang u efod masandighi sumpu u ghaghepe'e dio tanae, su simbuka ngu rasi l᷊aiki kal᷊uwaeng bou tenung ko al᷊usi. 28Wukal᷊a tataka roko e'e mambeng isumpu dingang u tal᷊i ko biru su wukal᷊a u efod tadeau tataka roko e'e tatapi ene su wawo u l᷊aiki kal᷊uwaeng dang ta mapilo.
29Su tempo i Harun musumu sarang tampa ko susi, i sie mambeng mumbawa manga areng manga suku ngu Israel ko kawawohe su tataka rokonge, tadeau Ia, Mawu sintinia mutinaung umati-Ku 30#Rek. 27:21; Ezr. 2:63; Neh. 7:65Piloko Urim dang Tumim #28:30: Urim dang Tumim: Darua denda ko nipake u imam guna ngu mupakatitong kao u Mawu Ruata. Ta nikatitonang dingang mal᷊ahe kirapa mupake manga barang e'e. su l᷊al᷊ung u tataka roko e'e guna ngu ipake i Harun boko i sie mupasaruang si Sia. Su manga orasi kere e'e ia mambeng sintinia mupake tataka roko, tadeau i sie botonge matitong kao-Ku guna ngu umati Israel.”
Pakeang ko wal᷊inge guna ngu imam
(Sasu. 39:22-31)
31“Juba ko ipake su wawo u efod mambeng kaul᷊ie ikoa bou wol ko biru. 32L᷊ohang u l᷊ehie ipakatoghasi dingang u pita nitenung tadeau ta maehong maghehe. 33-34Su kaul᷊i u wiwihi wawa mambeng koateng u l᷊al᷊ighahie musul᷊ung wua ngu delima bou wol ko biru, ungu dang mahamu niwulakeng u l᷊al᷊ighahie ko l᷊umuntingihi bou wul᷊aeng. 35Juba e'e mambeng ipake i Harun boko i sie muhal᷊i kere imam. Su tempo i sie sumongo sarang saruang-Ku su kamari susi arako manintang tampa e'e, sarung karingihang tingihi u lonceng e'e tadeau i sie ta mate.
36Koateko simbau l᷊al᷊ighahie bou wul᷊aeng tuleng dang woheko manga didato. ‘Nitani guna ngu Mawu’. 37Ikiko e'e su paporong dingang u tal᷊i ko biru. 38L᷊al᷊ighahi wul᷊aeng e'e mambeng itaing i Harun su ruhue tadeau Ia, Mawu manarima kaul᷊i u sasumba ko iwawa u taumata ngu Israel si Sia, maneng su l᷊al᷊ung u mumbawa sasumba e'e i sire seng nukoa pusansal᷊a.
39Kameja i Harun mambeng itenung bou leneng ko al᷊usi. Koako l᷊ai simbau paporong bou leneng ko al᷊usi dang wawukisi kal᷊uwaeng ko nisuji.
40Koateko kameja, wawukisi kal᷊uwaeng dang paporong guna ngu manga ana i Harun tadeau i sire ikawua l᷊uadateng. 41Pakeko pakeang e'e si Harun tuhangu dang manga anae. L᷊anaiko i sire dingang u l᷊ana zaitung; dingang u e'e i sire itabisi dang itani guna ngu mutangkiang si Sia kere imam. 42Bou e'e koateko guna ngi sire sal᷊ana ko pol᷊o bou heka leneng, nandue bou kal᷊uwaeng sarang pang guna ngu manaka bahageang u badang ko ta hinonge ikawua. 43Sal᷊ana e'e mambeng sintinia ipake i sire su tempo ngu musumu su l᷊al᷊ung u Kema-Ku arako sumandighi mesba guna ngu mukoa nggaweti kere imam su kamari ko susi, tadeau i sire ta mapul᷊e asal᷊ie watu'u nakawua bahageang u badang i sire ko ta wahal᷊uasi ikawua. Atorang e'e tatapi mariadi guna ngi Harun dang hintounge.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in