SASUWANG 25

Sasumba guna Kema ngu Mawu

(Sasu. 35:4-9)

1 Mawu Nuhengetang si Musa, 2“Roiko taumata ngu Israel pumbawa sasumba si Sia. I sai kumanoa naunge, mambeng mumbawa sasumba 3kere: wul᷊aeng, sal᷊aka dang witu; 4heka leneng ko al᷊usi, heka wol ko biru, ungu l᷊au mahamu, heka bou ruku u kambing, 5pisi ngu domba ko ese ko nilaburang ko mahamu, pisi ko al᷊usi, kau akasia, 6l᷊ana guna ngu sol᷊o, manga rampa guna ngu l᷊anisi u upacara dang guna ngu dupa ko mawungi, 7manga haghi ngu watu permata guna ngu pul᷊ighahi efod #25:7: efod: Simpoto pakeang musul᷊ung u l᷊aku rompi nikoa bou heka mul᷊ahaghi kulurie ko tumaniu mahariga. Su l᷊aku i'i niiki simbau papodi pia tahoe Urim l᷊au Tumim, darua barang ko ipake u imam guna ngu mupakatitong kao u Mawu Ruata. dang tataka u roko ngu imam ko l᷊abo. 8Roiko bangsa e'e pukoa kema simbau guna ngu Ia, tadeau Ia botonge matana su tal᷊oara i sire. 9Kema dang sal᷊iumpuhi mambeng koateng i sire tumuhu kao-Ku ko sarung Daku itibo si kumu.”

Wantal᷊i u Pudadiandi

(Sasu. 37:1-9)

10“Pukoako simbau wantal᷊i bou kau akasia ko nandue mahasumapul᷊o su sentinge, wunahie l᷊au u range'e nungupul᷊onung su sentinge. 11Lapiseko l᷊al᷊unge dang l᷊ikuri dingang u wul᷊aeng tuleng dang koateko bingkenge bou wul᷊aeng. 12Kau papikul᷊ange, koateko pa wukal᷊a wul᷊aeng dang kaiteko su l᷊aeri pa wukal᷊a darua suapang sindihange. 13Koateko l᷊ai papikul᷊ange bou kau akasia dang lapise e'e dingang u wul᷊aeng, 14bou e'e tahoko kau papikul᷊ang e'e su l᷊al᷊ung wukal᷊a u apang sindihang u wantal᷊i e'e. 15Kau papikul᷊ang e'e mambeng tatapi ene su l᷊al᷊ung u manga wukal᷊a e'e, dang ta botonge il᷊ua. 16Bou e'e su l᷊al᷊ung u wantal᷊i e'e mambeng pilonang u watu darua e'e dingang manga parenta ko sarung Daku ionggo si kumu.

17 # Ibr. 9:5 Koateko tatakae wantal᷊i e'e bou wul᷊aeng tuleng, nandue mahasumapul᷊o su sentinge dang wunahie nungupul᷊onung su sentinge. 18Koateko darua kerub #25:18: kerub: Komol᷊ang malaikati ko igambari kere binatang pia tatilae, tatia kapapia ngu Mawu Ruata l᷊au sasongo-E. bou wul᷊aeng ko nighora, 19simbau su apang pondol᷊i u tataka wantal᷊i e'e. Kerub darua e'e mambeng singkahaki dingang u tatakae, 20dang koa putatingo dingang u tatilae ko katatingkahi su wawo u wantal᷊i e'e. 21Tahoko watu darua e'e su l᷊al᷊ung u wantal᷊i e'e dang taingko tatakae su wawoe. 22Su tampa e'e Ia sarung musuma dingangu dang bou wawo u tatakae, su tal᷊oara u kerub darua e'e, i kau sarung Daku onggol᷊ang u manga parenta-Ku guna ngu bangsa Israel.”

Meda guna ngu boroti l᷊ahaghesi

(Sasu. 37:10-16)

23“Pukoako meda simbau bou kau akasia ko nandue wal᷊umpul᷊owal᷊u su sentinge, wunahie paupul᷊opa su sentinge, dang range'e nungupul᷊onung su sentinge. 24Lapiseko dingang u wul᷊aeng tuleng dang taing simbau bingke wul᷊aeng pakal᷊iku. 25Koako wiwihi u meda wunahie pitustenga su sentinge dang koako sasarae wul᷊aeng pakal᷊iku su wiwihie e'e. 26Koateko pa wukal᷊a bou wul᷊aeng dang taingko e'e su wukunge pa su l᷊aeri, masandighi u wiwihie. 27Wukal᷊a e'e guna ngu manahang kau papikul᷊ange tadeau meda e'e botonge tatimbangeng. 28Kau papikul᷊ang e'e mambeng ikoa bou kau akasia dang lapise ngu wul᷊aeng. 29Pukoako manga pinggang, bekeri, manga keteli dang manga wohosi guna ngu putahong u sasumba ake u anggori. Kaul᷊i u sal᷊iumpuhi u meda e'e mambeng koateng bou wul᷊aeng tuleng. 30#Im. 24:5-8 Meda e'e mambeng ipilo su tingo ngu Wantal᷊i u Pudadiandi, dang su wawo u meda e'e mambeng sintinia masasadia boroti l᷊ahaghesi.”

Rihi ngu sol᷊o

(Sasu. 37:17-24)

31“Pukoako rihi ngu sol᷊o bou wul᷊aeng tuleng. L᷊ampahie dang l᷊ahinggonange mambeng ikoa bou wul᷊aeng nighora; manga bungang l᷊al᷊ighahie, nasu howae dang wul᷊ihie mambeng masimbau dingang u l᷊ampahie dang l᷊ahinggonange. 32Su l᷊ahinggonange e'e mambeng koateng nungu lelang, tilu lelang suapang sindihange. 33Suapang lelange mambeng koateng l᷊al᷊ighahie ko kere bungang u badam tatilu dingang u howae dang wul᷊ihie. 34Su l᷊ahinggonange mambeng koateng l᷊al᷊ighahie manga bungang u kau badam pa dingang u howae dang wul᷊ihie. 35Su wawa u apang pare u lelange e'e mambeng koateng u howae simbau. 36Kaul᷊i u rihi ngu sol᷊o e'e dingang u manga howae dang manga lelange mambeng koateng bou wul᷊aeng tuleng nighora simpoto. 37Koateko pitu sol᷊o su rihi ngu sol᷊o e'e dang rikoko kere'e tadeau sinange suminang sarang tingonge. 38Koateko pakakasi guna pamursi sumbu ngu sol᷊o dang baki bou wul᷊aeng tuleng. 39Pakeko tilumpul᷊ol᷊ima su kilonge wul᷊aeng tuleng pukoa rihi ngu sol᷊o e'e dingang u kaul᷊i u sal᷊iumpuhie. 40#Wuk. 7:44; Ibr. 8:5Diagateko tadeau l᷊aeri u sol᷊o e'e nikoa tumuhu tal᷊ara ko Daku nitibo si kumu su wul᷊uri i'i.”

Currently Selected:

SASUWANG 25: PLT

Highlight

Copy

Compare