SASUWANG 16
16
Manna l᷊au burung puyu
1Bou e'e kaul᷊i u umati Israel nuwua sarang Elim, dang su tanggali mapul᷊ol᷊ima wul᷊ang karuange suapang i sire bou nanintang u Mesir, nuratingte i sire su tana l᷊inggi Sin, su tal᷊oara u Elim dang wul᷊uri u Sinai. 2Su tana l᷊inggi e'e i sire kaul᷊ie nusughal᷊i si Musa l᷊au si Harun. 3Angkung i sire, “Lebe mapiang i kami seng nate nipate ngu Mawu su Mesir. Pai se'e mutingkadio i kami botonge kumang ghisi l᷊au u boroti sarang mal᷊aeri, kateho i kumu numbawa si kami sarang i'i tadeau i kami kaul᷊ie mate ngu kal᷊ahutung.”
4 #
Yoh. 6:31
Angkung u Mawu si Musa, “Tempo i'i sarung Daku i parasehi kang kere tahiti guna ngi kumu kaul᷊ie. Sintinia l᷊ou i kumu mambeng pangomol᷊i kang e'e su kitae guna ngu silou. Dingang l᷊al᷊eng kere'e Ia mo manal᷊uka umati-Ku tadeau Ia matitong apa i sire muhinggo kaul᷊i u parenta-Ku arako ta. 5Su l᷊ou kanunge i sire mambeng pangomol᷊i kang e'e sarang pakarua ul᷊ie.”
6Inau nangul᷊ite i Musa l᷊au i Harun su kaul᷊i u taumata ngu Israel, “Wawul᷊aeng i'i i kumu sarung matitong himoneu Mawu ko nupasuwang i kumu bou Mesir. 7Dol᷊ou mal᷊ukari i kumu sarung makawua sinang u sasongo ngu Mawu. Mawu nakaringihi i kumu mangkate kapuwawal᷊uange si Sie; ore l᷊ai su Mawu, watu i kami i'i kitang mukoa apang ko niparenta-E. 8Mawu sarung mangonggo si kumu ghisi su tempo wawul᷊aeng, dang boroti su tempo mal᷊ukari sarang i kumu kal᷊aerang, watu'u Mawu seng nakaringihi i kumu mangkate kapuwawal᷊uange si Sie. Tinga-tingari boko kumu kapuwawal᷊uange si kami, i kumu kapuwawal᷊uange su Mawu.”
9Bou e'e i Musa nangul᷊i si Harun, “Roiko i sire kaul᷊ie tumatingo Mawu, watu I Sie seng nakaringihi sasughal᷊i i sire.” 10Tintal᷊a i Harun kadidatonge si sire kaul᷊ie, i sire nutuhung sarang tana l᷊inggi dang singkahuwiu sinang u Mawu nikawua su l᷊al᷊ung u winawa. 11Angkung u Mawu si Musa, 12“Ia seng nakaringihi sasughal᷊i taumata ngu Israel. Ul᷊iko si sire himoneu su tempo ngu wawul᷊aeng i sire botonge kumina ghisi, dang su tempo ngu mal᷊ukari i sire botonge kumang boroti sarang mal᷊aeri. Inau i sire sarung matitong watu'u Ia ko Mawu, Ruata ngi sire.”
13Su tempo wawul᷊aeng nusumongote burung puyu sarang maul᷊i kahingang hakiu nanaka kaul᷊i u pukakemang, dang su tempo mal᷊ukari pia namuhi nul᷊iku pukakemang. 14Suapang namuhi e'e namara, nikawua su wawo u tana l᷊inggi pia simbau ko manipi kere ona ko al᷊usi kere namuhi ko nukompeli. 15#1Kor. 10:3Su tempo taumata ngu Israel nakawua, i sire wugha apa e'e. Inau i sire nukakinate simbau l᷊au u ko wal᷊inge, “Apa e'e?”
Bou e'e i Musa nangul᷊i si sire, “E'e ko kang ko nionggo u Mawu si kumu. 16Mawu nuparenta tadeau singkatau-singkatau mangomol᷊i mutingkaul᷊i ko kanengang, ul᷊ie dua literi suapang tataho u wal᷊e.”
17Taumata ngu Israel nukoa kere'e, kateho pia ko nangomol᷊i lebe bou dua literi guna ngu singkatau dang pia ko ta natimu. 18#2Kor. 8:15 Suapang i sire nangukuri nikatitonang himoneu taumata ko nangomol᷊i maul᷊i ta malebe, dang ko nangomol᷊i mahal᷊i, takoae kurange. Singkatau-singkatau nangomol᷊i su kaul᷊i u ko ipake. 19I Musa nangul᷊i si sire, “Maning i sai ta botonge mundeso kang e'e sarang singkodo guna ngu ndai mal᷊ou.” 20Kateho pirangkatau bou tal᷊oara i sire ta nupandung didato ngi Musa. I sire nundeso l᷊ai simbahageang bou kang e'e. Ndai mal᷊ou nikatitonang himoneu kang e'e nangul᷊iri dang nundaruru; inau i Musa nuwawal᷊uang si sire. 21Sintinia mal᷊ukari i sire nangomol᷊i kang e'e su kaul᷊i u ko ipake i sire dang kamangkeng l᷊ou manita matiti, kang ko nal᷊umbei su tana e'e matuno.
22Su l᷊ou kanunge i sire nangomol᷊i kang e'e pakarua ul᷊ie, e'e ko pa u literi singkatau. Kaul᷊i u pangaha i sire nusumongo dang nangul᷊i hal᷊i e'e si Musa. 23#Sas. 20:8-11Angkung i Musa si sire, “I'i ko parenta ngu Mawu: Dol᷊ou ko l᷊ou nitantu guna ngu mangindul᷊e, l᷊ou ngu Sabati, l᷊ou ko isumba su Mawu. Apang ko ipanggang i kumu l᷊ou i'i, panggangte, dang apang ko itung i kumu, tungte. Ko lebe bou ipake su silou i'i, haeko dang resoko guna ngu ndai mal᷊ou.” 24Inau kang ko nalebe e'e nireso i sire guna ngu ndai mal᷊ou kere ko niparenta i Musa; kang e'e ta mawulisi l᷊au ta mangul᷊iri.
25I Musa nangul᷊i, “I'i ko kang i kumu guna ngu silou i'i, watu'u l᷊ou i'i ko l᷊ou ngu Sabati, l᷊ou pangindul᷊eng guna ngu mangadati Mawu, dang i kumu ta sarung makarea kang e'e sarang singkodo su l᷊ikuru pukakemang. 26Nungu l᷊ou kal᷊iwuenge i kumu mambeng mangomol᷊i kang, kateho l᷊ou kapitunge e'e ko l᷊ou pangindul᷊eng, dang takoae kang ko l᷊umintu su silou e'e.”
27Su l᷊ou kapitunge pirangkatau taumata ngu Israel mo mangomol᷊i kang, kateho i sire ta nakarea manga apa. 28Bou e'e Mawu nangul᷊i si Musa, “Sarang kangereng i kumu tawe mo mundaringihi manga parenta-Ku? 29Tinaungeko himoneu Ia mangonggo si kumu l᷊ou silou guna ngu mangindul᷊e. E'e sabapie su l᷊ou kanunge Ia mangonggo kang ko nasuku guna ngu dua l᷊ou. Su l᷊ou kapitunge apang taumata mambeng katana su wal᷊e, dang ta botonge sumuwang.” 30Watu'u e'e su l᷊ou kapitunge i sire ta botonge muhal᷊i.
31 #
Rek. 11:7-8
Kang e'e isigho manna #16:31: manna: Areng i'i tingihie kere didato ngu Ibrani ko mangal᷊enge “apa e'e”. su taumata ngu Israel. Ghahie kere watu ko dadio mawira dang temange musul᷊ung kukisi ko nikoa nil᷊aukang u madu. 32I Musa nangul᷊i, “Mawu nundoi si kite pangal᷊a manga dua literi manna pakireso guna ngu hintou ngi kite, tadeau i sire botonge makawua kang ko nionggo u Mawu si kite su tana l᷊inggi, su tempo ngi kite niwawa-E nusumuwang bou Mesir.” 33#Ibr. 9:4 I Musa nangul᷊i si Harun, “Pangal᷊ako kuring simbau tahoneko manna manga dua literi su l᷊al᷊unge dang piloko su tingo ngu Mawu guna ngu ireso su hintou ngi kite.” 34Kuteu i Harun namilo u kuring e'e su tingo ngu Wantal᷊i u Pudadiandi tadeau ireso kere niparenta ngu Mawu si Musa. 35#Yos. 5:12 Manna e'e nakoa kang u taumata ngu Israel yul᷊enge paupul᷊o su taung tuhue, sarang i sire nurating u Kanaan, tampa i sire matana tatapi. (36L᷊aukurang bou barang makitihi ko sintinia ipake tempo e'e, tatahoe duampul᷊o su literi.)
Currently Selected:
SASUWANG 16: PLT
Highlight
Copy
Compare
Share
Want to have your highlights saved across all your devices? Sign up or sign in
SASUWANG 16
16
Manna l᷊au burung puyu
1Bou e'e kaul᷊i u umati Israel nuwua sarang Elim, dang su tanggali mapul᷊ol᷊ima wul᷊ang karuange suapang i sire bou nanintang u Mesir, nuratingte i sire su tana l᷊inggi Sin, su tal᷊oara u Elim dang wul᷊uri u Sinai. 2Su tana l᷊inggi e'e i sire kaul᷊ie nusughal᷊i si Musa l᷊au si Harun. 3Angkung i sire, “Lebe mapiang i kami seng nate nipate ngu Mawu su Mesir. Pai se'e mutingkadio i kami botonge kumang ghisi l᷊au u boroti sarang mal᷊aeri, kateho i kumu numbawa si kami sarang i'i tadeau i kami kaul᷊ie mate ngu kal᷊ahutung.”
4 #
Yoh. 6:31
Angkung u Mawu si Musa, “Tempo i'i sarung Daku i parasehi kang kere tahiti guna ngi kumu kaul᷊ie. Sintinia l᷊ou i kumu mambeng pangomol᷊i kang e'e su kitae guna ngu silou. Dingang l᷊al᷊eng kere'e Ia mo manal᷊uka umati-Ku tadeau Ia matitong apa i sire muhinggo kaul᷊i u parenta-Ku arako ta. 5Su l᷊ou kanunge i sire mambeng pangomol᷊i kang e'e sarang pakarua ul᷊ie.”
6Inau nangul᷊ite i Musa l᷊au i Harun su kaul᷊i u taumata ngu Israel, “Wawul᷊aeng i'i i kumu sarung matitong himoneu Mawu ko nupasuwang i kumu bou Mesir. 7Dol᷊ou mal᷊ukari i kumu sarung makawua sinang u sasongo ngu Mawu. Mawu nakaringihi i kumu mangkate kapuwawal᷊uange si Sie; ore l᷊ai su Mawu, watu i kami i'i kitang mukoa apang ko niparenta-E. 8Mawu sarung mangonggo si kumu ghisi su tempo wawul᷊aeng, dang boroti su tempo mal᷊ukari sarang i kumu kal᷊aerang, watu'u Mawu seng nakaringihi i kumu mangkate kapuwawal᷊uange si Sie. Tinga-tingari boko kumu kapuwawal᷊uange si kami, i kumu kapuwawal᷊uange su Mawu.”
9Bou e'e i Musa nangul᷊i si Harun, “Roiko i sire kaul᷊ie tumatingo Mawu, watu I Sie seng nakaringihi sasughal᷊i i sire.” 10Tintal᷊a i Harun kadidatonge si sire kaul᷊ie, i sire nutuhung sarang tana l᷊inggi dang singkahuwiu sinang u Mawu nikawua su l᷊al᷊ung u winawa. 11Angkung u Mawu si Musa, 12“Ia seng nakaringihi sasughal᷊i taumata ngu Israel. Ul᷊iko si sire himoneu su tempo ngu wawul᷊aeng i sire botonge kumina ghisi, dang su tempo ngu mal᷊ukari i sire botonge kumang boroti sarang mal᷊aeri. Inau i sire sarung matitong watu'u Ia ko Mawu, Ruata ngi sire.”
13Su tempo wawul᷊aeng nusumongote burung puyu sarang maul᷊i kahingang hakiu nanaka kaul᷊i u pukakemang, dang su tempo mal᷊ukari pia namuhi nul᷊iku pukakemang. 14Suapang namuhi e'e namara, nikawua su wawo u tana l᷊inggi pia simbau ko manipi kere ona ko al᷊usi kere namuhi ko nukompeli. 15#1Kor. 10:3Su tempo taumata ngu Israel nakawua, i sire wugha apa e'e. Inau i sire nukakinate simbau l᷊au u ko wal᷊inge, “Apa e'e?”
Bou e'e i Musa nangul᷊i si sire, “E'e ko kang ko nionggo u Mawu si kumu. 16Mawu nuparenta tadeau singkatau-singkatau mangomol᷊i mutingkaul᷊i ko kanengang, ul᷊ie dua literi suapang tataho u wal᷊e.”
17Taumata ngu Israel nukoa kere'e, kateho pia ko nangomol᷊i lebe bou dua literi guna ngu singkatau dang pia ko ta natimu. 18#2Kor. 8:15 Suapang i sire nangukuri nikatitonang himoneu taumata ko nangomol᷊i maul᷊i ta malebe, dang ko nangomol᷊i mahal᷊i, takoae kurange. Singkatau-singkatau nangomol᷊i su kaul᷊i u ko ipake. 19I Musa nangul᷊i si sire, “Maning i sai ta botonge mundeso kang e'e sarang singkodo guna ngu ndai mal᷊ou.” 20Kateho pirangkatau bou tal᷊oara i sire ta nupandung didato ngi Musa. I sire nundeso l᷊ai simbahageang bou kang e'e. Ndai mal᷊ou nikatitonang himoneu kang e'e nangul᷊iri dang nundaruru; inau i Musa nuwawal᷊uang si sire. 21Sintinia mal᷊ukari i sire nangomol᷊i kang e'e su kaul᷊i u ko ipake i sire dang kamangkeng l᷊ou manita matiti, kang ko nal᷊umbei su tana e'e matuno.
22Su l᷊ou kanunge i sire nangomol᷊i kang e'e pakarua ul᷊ie, e'e ko pa u literi singkatau. Kaul᷊i u pangaha i sire nusumongo dang nangul᷊i hal᷊i e'e si Musa. 23#Sas. 20:8-11Angkung i Musa si sire, “I'i ko parenta ngu Mawu: Dol᷊ou ko l᷊ou nitantu guna ngu mangindul᷊e, l᷊ou ngu Sabati, l᷊ou ko isumba su Mawu. Apang ko ipanggang i kumu l᷊ou i'i, panggangte, dang apang ko itung i kumu, tungte. Ko lebe bou ipake su silou i'i, haeko dang resoko guna ngu ndai mal᷊ou.” 24Inau kang ko nalebe e'e nireso i sire guna ngu ndai mal᷊ou kere ko niparenta i Musa; kang e'e ta mawulisi l᷊au ta mangul᷊iri.
25I Musa nangul᷊i, “I'i ko kang i kumu guna ngu silou i'i, watu'u l᷊ou i'i ko l᷊ou ngu Sabati, l᷊ou pangindul᷊eng guna ngu mangadati Mawu, dang i kumu ta sarung makarea kang e'e sarang singkodo su l᷊ikuru pukakemang. 26Nungu l᷊ou kal᷊iwuenge i kumu mambeng mangomol᷊i kang, kateho l᷊ou kapitunge e'e ko l᷊ou pangindul᷊eng, dang takoae kang ko l᷊umintu su silou e'e.”
27Su l᷊ou kapitunge pirangkatau taumata ngu Israel mo mangomol᷊i kang, kateho i sire ta nakarea manga apa. 28Bou e'e Mawu nangul᷊i si Musa, “Sarang kangereng i kumu tawe mo mundaringihi manga parenta-Ku? 29Tinaungeko himoneu Ia mangonggo si kumu l᷊ou silou guna ngu mangindul᷊e. E'e sabapie su l᷊ou kanunge Ia mangonggo kang ko nasuku guna ngu dua l᷊ou. Su l᷊ou kapitunge apang taumata mambeng katana su wal᷊e, dang ta botonge sumuwang.” 30Watu'u e'e su l᷊ou kapitunge i sire ta botonge muhal᷊i.
31 #
Rek. 11:7-8
Kang e'e isigho manna #16:31: manna: Areng i'i tingihie kere didato ngu Ibrani ko mangal᷊enge “apa e'e”. su taumata ngu Israel. Ghahie kere watu ko dadio mawira dang temange musul᷊ung kukisi ko nikoa nil᷊aukang u madu. 32I Musa nangul᷊i, “Mawu nundoi si kite pangal᷊a manga dua literi manna pakireso guna ngu hintou ngi kite, tadeau i sire botonge makawua kang ko nionggo u Mawu si kite su tana l᷊inggi, su tempo ngi kite niwawa-E nusumuwang bou Mesir.” 33#Ibr. 9:4 I Musa nangul᷊i si Harun, “Pangal᷊ako kuring simbau tahoneko manna manga dua literi su l᷊al᷊unge dang piloko su tingo ngu Mawu guna ngu ireso su hintou ngi kite.” 34Kuteu i Harun namilo u kuring e'e su tingo ngu Wantal᷊i u Pudadiandi tadeau ireso kere niparenta ngu Mawu si Musa. 35#Yos. 5:12 Manna e'e nakoa kang u taumata ngu Israel yul᷊enge paupul᷊o su taung tuhue, sarang i sire nurating u Kanaan, tampa i sire matana tatapi. (36L᷊aukurang bou barang makitihi ko sintinia ipake tempo e'e, tatahoe duampul᷊o su literi.)
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in