AMOS 1
1
1 #
2Mar. 14:23-29, 15:1-7; 2Taw. 26:1-23 I Amos ko singkatau mul᷊al᷊ukari domba bou soa ngu Tekoa. I sie nakoa nabi su tempo ngu wanua ngu Yehuda niparenta ngi Ratu Usia, dang Israel niparenta ngi Ratu Yerobeam, ahusi Yoas. Dua taung su horo u pia rinuhi nariadi, Mawu Ruata nupakal᷊ahe si Amos manga hal᷊i ko mariadi su Israel.
2 #
Yl. 3:16
I'i ko niul᷊i i Amos,
“Mawu nukumiha bou Bongkong u Sion,
Tingihi-E ghughal᷊udu bou Yerusalem.
Manga nguda u rindulu nasue namara,
rindulu su Wul᷊uri u Karmel nasue nahango.”
Hukumang u Mawu Ruata su manga negara l᷊ampung u Israel
Siria
3 #
Yes. 17:1-3; Yer. 49:23-27; Za. 9:1 Mawu nuhengetang, “Taumata ngu Damsyik seng masau mukoa dosa, ual᷊ingu e'e Ia nal᷊ahe sarung muhukung si sire. I sire mukoa tau Gilead matingkai kahingang, 4watu'u e'e Ia sarung mundoho ngu putung sarang wal᷊e ngu Ratu istana ngi Hazael, dang manutung pakasue manga tatinda u Ratu Benhadad. 5Manga tukari u soa ngu Damsyik sarung Daku ighoghahi, dang taumata ngu Wal᷊ang u Awen sarung Daku imu bou tampa katanakeng i sire. Mangangawasa ngu Bet-Eden sarung Daku ipal᷊intu bou kakangianenge, dang taumata ngu Siria sarung itaweng l᷊au iwawa sarang wanua ngu Kir.”
Filistin
6 #
Yes. 14:29-31; Yer. 47:1-7; Yeh. 25:15-17; Yl. 3:4-8; Zef. 2:4-7; Za. 9:5-7 Mawu nuhengetang, “Taumata ngu Gaza seng masau mukoa dosa, ual᷊ingu e'e Ia nal᷊ahe sarung muhukung si sire. I sire seng nanaweng bangsa simbau kaul᷊ie, dang niwal᷊u kere l᷊ang su tau Edom. 7Watu'u e'e Ia sarung mundoho ngu putung sarang manga meseli Gaza, dang manutung pakasue manga tatindae. 8Taumatange l᷊au mangangawasa soa ngu Asdod dang Askelon sarung Daku ipakaghea. Soa ngu Ekron sarung Daku ihukung, dang kaul᷊i u l᷊umbei ngu tau Filistin sarung Daku ipakawinasa.”
Tirus
9 #
Yes. 23:1-18; Yeh. 26:1–28:19; Yl. 3:4-8; Za. 9:1-4; Mat. 11:21-22; Luk. 10:13-14 Mawu nuhengetang, “Taumata ngu Tirus seng masau mukoa dosa, ual᷊ingu e'e Ia nal᷊ahe sarung muhukung si sire. I sire seng nanaweng bangsa simbau kaul᷊ie sarang pundandumekang, dang nisarakang su Edom; i sire seng nul᷊umawang pudadiandi pughaghawe. 10Watu'u e'e Ia sarung mundoho ngu putung sarang manga meseli Tirus dang manutung pakasue manga tatindae.”
Edom
11 #
Yes. 34:5-17, 63:1-6; Yer. 49:7-22; Yeh. 25:12-14, 35:1-15; Ob. 1-14; Mal. 1:2-5 Mawu nuhengetang, “Taumata ngu Edom seng masau mukoa dosa, ual᷊ingu e'e Ia nal᷊ahe sarung muhukung si sire. Takoae kakindaghie, i sire seng nangalo tau Israel, manga ana u simbau i sire.#1:11: manga ana u simbau i sire: Tau Israel e'e ko hintou ngi Yakub, sintamahuari dingang i Esau, i upung u tau Edom. I sire mangkate kapuwawal᷊uange turusi dang tatapi kapundeso u dugali. 12Watu'u e'e Ia sarung mundoho ngu putung sarang soa ngu Teman, dang manutung pakasue manga tatinda u Bozra.”
Amon
13 #
Yer. 49:1-6; Yeh. 21:28-32, 25:1-7; Zef. 2:8-11 Mawu nuhengetang, “Bangsa Amon seng masau mukoa dosa, ual᷊ingu e'e Ia nal᷊ahe sarung muhukung si sire. Su tempo ngu muparang mupakawunahi u kararatuange, i sire namuresi tiang u manga kowawine ko pia kal᷊uwaenge su Gilead. 14Watu'u e'e Ia sarung mundoho ngu putung sarang manga meseli soa ngu Raba, dang manutung pakasue manga tatindae. Su tempo e'e sarung ikaringihi gara u puraroka dang parang nariadi kere suwu-suwu. 15Ratu ngi sire l᷊au manga tumbonang u pamarentahange sarung itaweng sarang pundandumekang. Ia, Mawu, seng nuhengetang.”
Currently Selected:
AMOS 1: PLT
Highlight
Share
Compare
Copy
Want to have your highlights saved across all your devices? Sign up or sign in
