WUKE NGU MANGA RASULI 16
16
I Timotius nutumuhu si Paulus l᷊au i Silas
1I Paulus nanurusi l᷊al᷊al᷊engange sarang Derbe, bou e'e sarang Listra. Su se'e pia singkatau tumatuhu I Yesus arenge i Timotius. I mamange singkatau Yahudi, ko seng nangimang si Yesus; arawe i papange tau Yunani. 2Su tal᷊oara u manga taumata mangimang ko natana su Listra dang su Ikonium, i Timotius nikatitonang kere singkatau ko mapia. 3I Paulus mo tadeau i Timotius mutumuhu dingange; ual᷊ingu e'e i sie nanunati si Timotius. I sie nukoa e'e, watu'u manga tau Yahudi su tampa e'e kaul᷊ie matitong himoneu i papa ngi Timotius ko singkatau Yunani. 4Su manga soa ko nitiwong i sire, i sire nuhabari su manga taumata ko mangimang kaul᷊i u putusang ko seng nitatapi sire manga rasuli dingang u manga pangaha su Yerusalem. I sire nangonggo sasasa su manga ana u simbau ko seng nangimang e'e tadeau mutumuhu kaul᷊i u atorang e'e. 5Kuteu manga jamaati e'e nanamba natoghasi pangangimang i sire, dang l᷊ou-l᷊ou mang katatambange ul᷊ie.
Su Troas: I Paulus nakawua simbau kawawua
6Roh u Mawu Ruata ta namala si Paulus l᷊au i Silas nangeke ngu didato ngu Mawu Ruata su propinsi ngu Asia. Inau i sire nanurusi l᷊al᷊al᷊engang i sire sarang wanua Frigia l᷊au Galatia. 7Suapang nurating u pusarang u Misia, i sire nanuka nusumu su propinsi ngu Bitinia, kateho Roh I Yesus nanagakang si sire makoa tamai. 8Inau i sire manupasi#16:8: manupasi: arako mul᷊umiu. Misia dang naturusi u Troas. 9Huwinge, su Troas, i Paulus nakawua simbau kawawua. Su l᷊al᷊ung u kawawua e'e i sie nakawua pia singkatau Makedonia kararisi su tingonge apiru kapundoe singapang botonge i sie patamai sarang Makedonia guna ngu putul᷊ung si sire. 10Suapang i Paulus nakarea kawawua e'e, i kami turusi nusasadia guna ngu matamai sarang Makedonia. Watu'u i kami seng nanika su l᷊al᷊ung u kawawua e'e i kami nangaking himoneu Mawu Ruata nundoi si kami puhabari Habari Mapia e'e su kaul᷊i u taumata pai se'e.
Su Filipi: I Lidia nangimang su Mawu Ruata
11I kami nanintang u Troas dang turusi namundal᷊i sarang Samotrake, dang ndai mal᷊ou nakoa sarang Neapolis. 12Bou e'e i kami nakoa sarang Filipi, soa simbau su distrik kahimotongange su Makedonia.#16:12: soa simbau su distrik kahimotongange su Makedonia: pira mbau wohe horo: soa simbau su horonge su distrik Makedonia; arako soa simbau si horonge su l᷊al᷊ung u distrik e'e su Makedonia. Filipi ko su paparentang u kararatuang u Roma. Su se'e i kami natana pira l᷊ou. 13Su l᷊ou ngu Sabati i kami nakoa sarang wiwihi u sal᷊uhi su l᷊ikuri tukari sasukang sarang soa, watu'u i kami nakapundang su se'e pia tampa pukakal᷊iomanengang u tau Yahudi. Bou e'e i kami nukumangiang dang nudidato dingang i sire manga kowawine ko seng nukomol᷊i su tampa e'e. 14Singkatau bou tal᷊oara i sire ko kapudagange heka ko bung, arenge i Lidia dang asal᷊ie bou Tiatira. I sie nukumindaghi su Mawu Ruata, kuteu Mawu nanganoa naunge tadeau i sie manarima apa ko nitintiro ngi Paulus si sie. 15I Lidia l᷊au tataho u wal᷊enge kaul᷊ie nisahani. Bou nisahani i sie nunoti si kami. I sie nangul᷊i, “Boko manga ana u simbau mupundang u ia mang tinga-tingari seng nangimang si Yesus, maite katana su wal᷊eku.” Bou e'e i sie mang kapanihasange tadeau i kami mutumuhu ndoe.
I Paulus nitaho su tutupang su Filipi
16Pia su silou su tempo ngi kami makoa sarang tampa pukakal᷊iomanengang, i kami nusombang dingang u singkatau kowawine; i sie ko singkatau l᷊ang. Ko wawine e'e nikawasa ngu roh ko dal᷊ai ko botonge mamatehi manga hal᷊i ko sarung karintange. Dingang mamatehi l᷊al᷊al᷊eng wiahi u taumata, kowawine e'e nangonggo kal᷊auntung ko l᷊abo su manga tuange. 17Ko wawine e'e mangkate turusi katuhue si Paulus l᷊au i kami apiru mangkate kakihae, “Manga taumata i'i ko l᷊ang u Mawu Ruata Ko Karangetange! I sire nusumongo guna ngu muhabari su manga ana u simbau kirapa l᷊al᷊enge i kumu makarea kasasal᷊amati!” 18Pira l᷊ou mutatuhu kowawine e'e mangkate turusi kakihae kere'e. I Paulus seng ta nakasabari, hakiu i sie nuwihu bou e'e nangul᷊i su roh e'e, “Su areng I Yesus Kristus ia mamarenta si kau, suwang bou kowawine i'i!” Singkatempo e'e l᷊ai roh e'e nanintang u kowawine e'e. 19Suapang manga Tuange nakahingang himoneu akal᷊i sire mundea doi seng nail᷊ang, i sire naname si Paulus l᷊au i Silas, bou e'e nuhiuri si sire rua sarang tingo ngu mangangawasa. 20I sire nupupatingo i Paulus sire rua ngi Silas su manga pamarenta ngu Roma, mbuhue nangul᷊i, “Manga taumata i'i ko tau Yahudi. I sire nukoa gara su soa ngi kite. 21I sire nangaha taumata pukoa tundu ngu adati ko mutatintang dingang u manga atorang i kite, tau Roma. I kite ta makatarima arako ta makatuhu tundu ngu adati e'e!” 22Taumata maul᷊i l᷊ai nutatuhu nundariha si Paulus l᷊au i Silas; dang manga pamarenta nunggehe l᷊aku su badang i sire rua rasuli e'e bou e'e nangoro taumata pakipundariha si sire rua. 23Suapang i sire rua seng mbuae nirarihang maturu-turu, i sire nupasu su l᷊al᷊ung u tutupang. Tumbonang u tutupang e'e niparentang pundiaga si sire pakapia-pia. 24Ual᷊ingu parenta e'e, tumbonang u tutupang e'e nanahang si sire rua su kamari u tutupang ko kal᷊al᷊ungange, dang l᷊aeri sire rua nitaho su mantung.
25Sihuwi pari seng manga kal᷊oarange i Paulus l᷊au i Silas kapukal᷊iomanenge dang kapusamperi dadalo su Mawu Ruata. Manga taumata ngu tutupang ko wal᷊inge kapundaringihi si sire kasamperi. 26Singkahuwiu pia rinuhi mauha-uha, sarang pondasi ngu tutupang l᷊ai naghio. Kaul᷊i u tukari u tutupang nawuka dang manga hante ko nipangiki kaul᷊i u taumata ngu tutupang e'e nasue nawuka. 27Tumbonang u tutupang e'e nahuwi dingang nuwangung. Suapang i sie nakawua manga tukari u tutupang nawuka, i sie nanawu perange guna ngu mamate badange watu'u su naunge manga taumata ngu tutupang seng nutumal᷊ang kaul᷊ie. 28Arawe i Paulus nukumiha mauha-uha, “Ari pamate badang! I kami kaul᷊ie mborong ene su si'i!”
29Tumbonang u tutupang e'e nundo sol᷊o bou e'e nutumal᷊ang sarang l᷊al᷊unge, dang dingang u kakendenge i sie nusuba su tingo ngi Paulus l᷊au i Silas. 30Bou e'e i sie numbawa si sire rua sarang l᷊ikuri dang nangul᷊i, “Manga tuang, apa mambeng daku koateng tadeau ia ipakasal᷊amati?”
31I Paulus l᷊au i Silas nusumimbahi, “Pangimangte su Mawu Yesus! I kau sarung masal᷊amati – i kau l᷊au kaul᷊i u taumata ko ene su wal᷊engu!” 32Bou e'e i Paulus l᷊au i Silas nupakal᷊ahe didato ngu Mawu su tumbonang u tutupang e'e dang su kaul᷊i u taumata ko ene su wal᷊enge. 33Su huwi e'e seng kal᷊oarange, tumbonang u tutupang e'e numbawa si sire rua, bou e'e nibursinge manga l᷊esi i sire rua. Kuteu i sie l᷊au kaul᷊i u taumata ko su l᷊al᷊ung u wal᷊enge turusi nisahani. 34Mbuhue i sie numbawa si Paulus l᷊au i Silas sarang wal᷊enge dang nanadia ngu kang si sire rua. I sire tahana kaul᷊ie mangkate ko mal᷊uasi kahingang watu'u i sire seng nangimang su Mawu Ruata.
35Ndai mal᷊ou, manga pamarenta ngu Roma nuparenta polisi pakoa sarang tutupang guna ngu puhabari parenta tadeau i Paulus l᷊au i Silas pakipilo.
36Tumbonang u tutupang e'e nuhabari hal᷊i e'e si Paulus. I sie nangul᷊i, “Manga Tuang, manga pamarenta seng nangonggo parenta guna ngu pamilo si tuang sire rua. Su orasi i'i manga Tuang seng botonge mapul᷊e. Sal᷊amati, pakapiawe su l᷊al᷊eng!”
37Arawe i Paulus nangul᷊i su manga Tuang polisi e'e, “I kami kawanua ngu Roma. Mborong ta nipariksa, i kami seng nirarihang su tingo ngu hape dang nipasu su l᷊al᷊ung u tutupang. I'i i sire nundoi si kami tadeau pakapul᷊e pakarumasi? I kami mandi! Roi manga tumbonang u kawanua e'e pasongo sisane sarang i'i pamilo si kami.”
38Manga polisi e'e nuhabari hal᷊i e'e su manga tumbonang u kawanua ngu Roma. Suapang manga tumbonang u kawanua ngu Roma e'e nakaringihi himoneu i Paulus l᷊au i Silas ko kawanua ngu Roma, i sire nataku. 39Bou e'e i sire natamai nangaku sal᷊a si Paulus l᷊au si Silas, bou e'e nangunturi si sire rua nusumuwang bou tutupang, l᷊au nundo tadeau i sire rua pasuwang bou soa e'e. 40I Paulus l᷊au i Silas nanintang u tutupang e'e bou e'e nakoa sarang wal᷊e ngi Lidia. Suapang bou nusombang dingang u manga tau ko mangimang pai se'e, dang nangonggo l᷊aosa si sire, i Paulus l᷊au i Silas nul᷊umal᷊eng
Currently Selected:
WUKE NGU MANGA RASULI 16: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 16
16
I Timotius nutumuhu si Paulus l᷊au i Silas
1I Paulus nanurusi l᷊al᷊al᷊engange sarang Derbe, bou e'e sarang Listra. Su se'e pia singkatau tumatuhu I Yesus arenge i Timotius. I mamange singkatau Yahudi, ko seng nangimang si Yesus; arawe i papange tau Yunani. 2Su tal᷊oara u manga taumata mangimang ko natana su Listra dang su Ikonium, i Timotius nikatitonang kere singkatau ko mapia. 3I Paulus mo tadeau i Timotius mutumuhu dingange; ual᷊ingu e'e i sie nanunati si Timotius. I sie nukoa e'e, watu'u manga tau Yahudi su tampa e'e kaul᷊ie matitong himoneu i papa ngi Timotius ko singkatau Yunani. 4Su manga soa ko nitiwong i sire, i sire nuhabari su manga taumata ko mangimang kaul᷊i u putusang ko seng nitatapi sire manga rasuli dingang u manga pangaha su Yerusalem. I sire nangonggo sasasa su manga ana u simbau ko seng nangimang e'e tadeau mutumuhu kaul᷊i u atorang e'e. 5Kuteu manga jamaati e'e nanamba natoghasi pangangimang i sire, dang l᷊ou-l᷊ou mang katatambange ul᷊ie.
Su Troas: I Paulus nakawua simbau kawawua
6Roh u Mawu Ruata ta namala si Paulus l᷊au i Silas nangeke ngu didato ngu Mawu Ruata su propinsi ngu Asia. Inau i sire nanurusi l᷊al᷊al᷊engang i sire sarang wanua Frigia l᷊au Galatia. 7Suapang nurating u pusarang u Misia, i sire nanuka nusumu su propinsi ngu Bitinia, kateho Roh I Yesus nanagakang si sire makoa tamai. 8Inau i sire manupasi#16:8: manupasi: arako mul᷊umiu. Misia dang naturusi u Troas. 9Huwinge, su Troas, i Paulus nakawua simbau kawawua. Su l᷊al᷊ung u kawawua e'e i sie nakawua pia singkatau Makedonia kararisi su tingonge apiru kapundoe singapang botonge i sie patamai sarang Makedonia guna ngu putul᷊ung si sire. 10Suapang i Paulus nakarea kawawua e'e, i kami turusi nusasadia guna ngu matamai sarang Makedonia. Watu'u i kami seng nanika su l᷊al᷊ung u kawawua e'e i kami nangaking himoneu Mawu Ruata nundoi si kami puhabari Habari Mapia e'e su kaul᷊i u taumata pai se'e.
Su Filipi: I Lidia nangimang su Mawu Ruata
11I kami nanintang u Troas dang turusi namundal᷊i sarang Samotrake, dang ndai mal᷊ou nakoa sarang Neapolis. 12Bou e'e i kami nakoa sarang Filipi, soa simbau su distrik kahimotongange su Makedonia.#16:12: soa simbau su distrik kahimotongange su Makedonia: pira mbau wohe horo: soa simbau su horonge su distrik Makedonia; arako soa simbau si horonge su l᷊al᷊ung u distrik e'e su Makedonia. Filipi ko su paparentang u kararatuang u Roma. Su se'e i kami natana pira l᷊ou. 13Su l᷊ou ngu Sabati i kami nakoa sarang wiwihi u sal᷊uhi su l᷊ikuri tukari sasukang sarang soa, watu'u i kami nakapundang su se'e pia tampa pukakal᷊iomanengang u tau Yahudi. Bou e'e i kami nukumangiang dang nudidato dingang i sire manga kowawine ko seng nukomol᷊i su tampa e'e. 14Singkatau bou tal᷊oara i sire ko kapudagange heka ko bung, arenge i Lidia dang asal᷊ie bou Tiatira. I sie nukumindaghi su Mawu Ruata, kuteu Mawu nanganoa naunge tadeau i sie manarima apa ko nitintiro ngi Paulus si sie. 15I Lidia l᷊au tataho u wal᷊enge kaul᷊ie nisahani. Bou nisahani i sie nunoti si kami. I sie nangul᷊i, “Boko manga ana u simbau mupundang u ia mang tinga-tingari seng nangimang si Yesus, maite katana su wal᷊eku.” Bou e'e i sie mang kapanihasange tadeau i kami mutumuhu ndoe.
I Paulus nitaho su tutupang su Filipi
16Pia su silou su tempo ngi kami makoa sarang tampa pukakal᷊iomanengang, i kami nusombang dingang u singkatau kowawine; i sie ko singkatau l᷊ang. Ko wawine e'e nikawasa ngu roh ko dal᷊ai ko botonge mamatehi manga hal᷊i ko sarung karintange. Dingang mamatehi l᷊al᷊al᷊eng wiahi u taumata, kowawine e'e nangonggo kal᷊auntung ko l᷊abo su manga tuange. 17Ko wawine e'e mangkate turusi katuhue si Paulus l᷊au i kami apiru mangkate kakihae, “Manga taumata i'i ko l᷊ang u Mawu Ruata Ko Karangetange! I sire nusumongo guna ngu muhabari su manga ana u simbau kirapa l᷊al᷊enge i kumu makarea kasasal᷊amati!” 18Pira l᷊ou mutatuhu kowawine e'e mangkate turusi kakihae kere'e. I Paulus seng ta nakasabari, hakiu i sie nuwihu bou e'e nangul᷊i su roh e'e, “Su areng I Yesus Kristus ia mamarenta si kau, suwang bou kowawine i'i!” Singkatempo e'e l᷊ai roh e'e nanintang u kowawine e'e. 19Suapang manga Tuange nakahingang himoneu akal᷊i sire mundea doi seng nail᷊ang, i sire naname si Paulus l᷊au i Silas, bou e'e nuhiuri si sire rua sarang tingo ngu mangangawasa. 20I sire nupupatingo i Paulus sire rua ngi Silas su manga pamarenta ngu Roma, mbuhue nangul᷊i, “Manga taumata i'i ko tau Yahudi. I sire nukoa gara su soa ngi kite. 21I sire nangaha taumata pukoa tundu ngu adati ko mutatintang dingang u manga atorang i kite, tau Roma. I kite ta makatarima arako ta makatuhu tundu ngu adati e'e!” 22Taumata maul᷊i l᷊ai nutatuhu nundariha si Paulus l᷊au i Silas; dang manga pamarenta nunggehe l᷊aku su badang i sire rua rasuli e'e bou e'e nangoro taumata pakipundariha si sire rua. 23Suapang i sire rua seng mbuae nirarihang maturu-turu, i sire nupasu su l᷊al᷊ung u tutupang. Tumbonang u tutupang e'e niparentang pundiaga si sire pakapia-pia. 24Ual᷊ingu parenta e'e, tumbonang u tutupang e'e nanahang si sire rua su kamari u tutupang ko kal᷊al᷊ungange, dang l᷊aeri sire rua nitaho su mantung.
25Sihuwi pari seng manga kal᷊oarange i Paulus l᷊au i Silas kapukal᷊iomanenge dang kapusamperi dadalo su Mawu Ruata. Manga taumata ngu tutupang ko wal᷊inge kapundaringihi si sire kasamperi. 26Singkahuwiu pia rinuhi mauha-uha, sarang pondasi ngu tutupang l᷊ai naghio. Kaul᷊i u tukari u tutupang nawuka dang manga hante ko nipangiki kaul᷊i u taumata ngu tutupang e'e nasue nawuka. 27Tumbonang u tutupang e'e nahuwi dingang nuwangung. Suapang i sie nakawua manga tukari u tutupang nawuka, i sie nanawu perange guna ngu mamate badange watu'u su naunge manga taumata ngu tutupang seng nutumal᷊ang kaul᷊ie. 28Arawe i Paulus nukumiha mauha-uha, “Ari pamate badang! I kami kaul᷊ie mborong ene su si'i!”
29Tumbonang u tutupang e'e nundo sol᷊o bou e'e nutumal᷊ang sarang l᷊al᷊unge, dang dingang u kakendenge i sie nusuba su tingo ngi Paulus l᷊au i Silas. 30Bou e'e i sie numbawa si sire rua sarang l᷊ikuri dang nangul᷊i, “Manga tuang, apa mambeng daku koateng tadeau ia ipakasal᷊amati?”
31I Paulus l᷊au i Silas nusumimbahi, “Pangimangte su Mawu Yesus! I kau sarung masal᷊amati – i kau l᷊au kaul᷊i u taumata ko ene su wal᷊engu!” 32Bou e'e i Paulus l᷊au i Silas nupakal᷊ahe didato ngu Mawu su tumbonang u tutupang e'e dang su kaul᷊i u taumata ko ene su wal᷊enge. 33Su huwi e'e seng kal᷊oarange, tumbonang u tutupang e'e numbawa si sire rua, bou e'e nibursinge manga l᷊esi i sire rua. Kuteu i sie l᷊au kaul᷊i u taumata ko su l᷊al᷊ung u wal᷊enge turusi nisahani. 34Mbuhue i sie numbawa si Paulus l᷊au i Silas sarang wal᷊enge dang nanadia ngu kang si sire rua. I sire tahana kaul᷊ie mangkate ko mal᷊uasi kahingang watu'u i sire seng nangimang su Mawu Ruata.
35Ndai mal᷊ou, manga pamarenta ngu Roma nuparenta polisi pakoa sarang tutupang guna ngu puhabari parenta tadeau i Paulus l᷊au i Silas pakipilo.
36Tumbonang u tutupang e'e nuhabari hal᷊i e'e si Paulus. I sie nangul᷊i, “Manga Tuang, manga pamarenta seng nangonggo parenta guna ngu pamilo si tuang sire rua. Su orasi i'i manga Tuang seng botonge mapul᷊e. Sal᷊amati, pakapiawe su l᷊al᷊eng!”
37Arawe i Paulus nangul᷊i su manga Tuang polisi e'e, “I kami kawanua ngu Roma. Mborong ta nipariksa, i kami seng nirarihang su tingo ngu hape dang nipasu su l᷊al᷊ung u tutupang. I'i i sire nundoi si kami tadeau pakapul᷊e pakarumasi? I kami mandi! Roi manga tumbonang u kawanua e'e pasongo sisane sarang i'i pamilo si kami.”
38Manga polisi e'e nuhabari hal᷊i e'e su manga tumbonang u kawanua ngu Roma. Suapang manga tumbonang u kawanua ngu Roma e'e nakaringihi himoneu i Paulus l᷊au i Silas ko kawanua ngu Roma, i sire nataku. 39Bou e'e i sire natamai nangaku sal᷊a si Paulus l᷊au si Silas, bou e'e nangunturi si sire rua nusumuwang bou tutupang, l᷊au nundo tadeau i sire rua pasuwang bou soa e'e. 40I Paulus l᷊au i Silas nanintang u tutupang e'e bou e'e nakoa sarang wal᷊e ngi Lidia. Suapang bou nusombang dingang u manga tau ko mangimang pai se'e, dang nangonggo l᷊aosa si sire, i Paulus l᷊au i Silas nul᷊umal᷊eng
Currently Selected:
:
Highlight
Share
Copy
Want to have your highlights saved across all your devices? Sign up or sign in