WUKE NGU MANGA RASULI 11
11
Laporang i Petrus su jamaati u Yerusalem
1Manga Rasuli l᷊au manga taumata ko mangimang su kaul᷊i u Yudea nakaringihi himoneu manga taumata ko wal᷊inge agama Yahudi l᷊ai seng nanarima didato ngu Mawu Ruata. 2Bou e'e su tempo ngi Petrus nakoa sarang Yerusalem, manga taumata ngu Yahudi ko seng nangimang e'e, nuheghesi si Petrus. 3I sire nangul᷊i, “Nakurawe i kau natamai sarang wal᷊e ngu manga taumata ko tangkeng nisunati? I kau l᷊ai mborong nukumang dingang i sire!” 4Ual᷊ingu e'e i Petrus nanarangkang si sire kaul᷊ie ko seng nariadi, nanita bou panitakenge. I Petrus nangul᷊i,
5“Ia kapukal᷊iomanenge su soa ngu Yope, bou e'e ia nakawua simbau kawawua. Ia nakawua pia barang ko musul᷊ung u heka ko mawunahi niul᷊uhi bou l᷊angi, maghaghantong su wukunge pa, bou e'e nangiro su simbukaku. 6Su tempo ngu ia kaputuhunge sarang l᷊al᷊unge, ia nakawua pia manga binatang ko l᷊aeri pa, manga binatang ko maghaghila, manga binatang ko tutondo, l᷊au manga burung ko maghaghila. 7Bou e'e ia nakaringihi pia tingihi nangul᷊i si sia, ‘Wangungte, Petrus! Hatate e'e dang kang!’ 8Kateho ia nusumimbahi, ‘Ta, Mawu! Mborong ta sarang paghisa ia nukumang barang ko nilarang l᷊au ko mal᷊amuhu e'e.’ 9Kateho tingihi e'e sau nangul᷊i bou l᷊angi, ‘Apa ko nil᷊ahe u Mawu Ruata botonge, kumbahang i kau mangul᷊i e'e ko haram.’ 10Ia nakawua hal᷊i e'e sarang pakatilu dang panginsuenge kaul᷊ie sau nahengke sarang sorga. 11Nusarita su tempo e'e l᷊ai sire tilu bou Kaisarea, ko niroi sarang koaku,#11:11: koaku: pira mbau wohe horo: i kumu. nasongo su wal᷊e ko daku nikatanakeng. 12Bou e'e Roh u Mawu Ruata nundoi si sia patamai singkahindo dingang i sire dang ta magho. I sire nung ana u simbau i'i nutumuhu si sia l᷊ai sarang Kaisarea, dang i kami kaul᷊ie nusumu su l᷊al᷊ung u wal᷊e ngi Kornelius. 13Bou e'e i Kornelius nuwuke si kami kirapa i sie nakawua singkatau malaikati kararisi su wal᷊enge dang nangul᷊i, ‘Pundoi taumata sarang Yope pukui singkatau ko ese arenge i Simon Petrus. 14I sie sarung muhabari si kumu habari ko sarung makasal᷊amati si kau dingang ana u simbau'u.’ 15Dang su tempo ia nanita nudidato kere'e,” I Petrus nanurusi wukenge, “Roh u Mawu Ruata nusumongo si sire, musul᷊ung kere ko seng nariadi si kite horo su panitakenge. 16#Wuk. 1:5Bou e'e ia nakatinaung, Mawu mbuae nangul᷊i, ‘I Yohanes manahani dingang u ake, arawe i kumu sarung isahani dingang u Roh u Mawu Ruata.’ 17Inau nal᷊ahe Mawu Ruata l᷊ai nunggile su manga taumata ko wal᷊inge bou agama Yahudi e'e, l᷊aonggo ko musul᷊ung u ko ninggile-E si kite su tempo i kite nangimang su Mawu Yesus Kristus. Ual᷊ingu e'e, tumaniewe ia managakang Mawu Ruata!” 18Suapang nakaringihi e'e, i sire seng ta sau nunendehi. Bou e'e i sire nundalo Mawu Ruata. I sire nangul᷊i, “Boko kere'e, manga taumata ko wal᷊inge tau Yahudi l᷊ai nionggol᷊ang u l᷊oahi bou Mawu Ruata guna ngu putobati bou manga dosa ngi sire dang panemang wiahi ko kahingang!”
Jamaati su Antiokhia
19 #
Wuk. 8:1-4
Suapang i Stefanus seng nipate, manga taumata ko mangimang si Yesus nanita iwawatukang, hakiu i sire nukaesi suapang tampa. Pia ko nutumal᷊ang sarang Fenisia, dang pia l᷊ai sarang Siprus l᷊au Antiokhia. I sire nuhabari habari bou Mawu Ruata kitang su manga tau Yahudi. 20Kateho bou tal᷊oara u manga taumata ko mangimang e'e, ko asal᷊ie bou Siprus dang Kirene, pia l᷊ai manga taumata ko nakoa sarang Antiokhia dang nuhabari Habari Mapia hal᷊i u Mawu Yesus e'e su manga taumata ko su l᷊ikuru agama Yahudi#11:20: manga taumata ko su l᷊ikuru agama Yahudi: pira mbau wohe horo: manga tau Yahudi; arako: Tau Yahudi ko muwahasa ngu Yunani. l᷊ai. 21Kawasa ngu Mawu ene si sire hakiu maul᷊i taumata ko nangimang dang nanarakang u watangeng i sire su Mawu.
22Manga wuke hal᷊i u manga ko seng nariadi i'i nurating l᷊ai sarang jamaati su Yerusalem. Kuteu i sire nundoi i Barnabas sarang Antiokhia. 23Dang su tempo ngi Barnabas nurating u pai e'e, dang nakawua kirapa Mawu Ruata nangal᷊amati manga taumata e'e, i sie nul᷊umiaghi kahingang. Bou e'e i sie nundo tadeau i sire pakasatia kahingang su Mawu dingang kal᷊abo u naung. 24I Barnabas i'i taumata ko mapia naunge dingang nikawasa Roh u Mawu Ruata dang l᷊ai mangimang kahingang su Mawu hakiu maul᷊i taumata ko nutumuhu su Mawu.
25Bou e'e i Barnabas nakoa sarang Tarsus nundea si Saulus. 26Suapang nusombang i Saulus, i sie numbawa si Saulus sarang Antiokhia dang sintaung l᷊iwuenge i sire nukomol᷊i dingang u jamaati pai se'e apiru nanintiro taumata maul᷊i. Su Antiokhia e'e kahorokange manga taumata ko mangimang si Yesus nisigho taumata ngu sahani.
27Su tempo e'e pia pirangkatau nabi nusumongo bou Yerusalem nakoa sarang Antiokhia. 28#Wuk. 21:10Su tal᷊oara i sire pia singkatau arenge i Agabus. Ual᷊ingu kakanoa u Roh u Mawu Ruata i sie nuhabari uare su kaul᷊i u dunia sarung mariadi pia tempo kal᷊ahutung ko l᷊abo. (Dang hal᷊i e'e mang nariadi su tempo ngi Kaisari Klaudius namarenta). 29Kuteu kaul᷊i u tumatuhu I Yesus e'e singgighili guna ngu mundoho l᷊aonggo su manga ana u simbau i sire ko natana su Yudea; tuhu kuati u simbau-simbau. 30Ghaghighili i'i mang nikoa i sire, bou e'e i Barnabas l᷊au i Saulus niroi guna ngu pangunturi l᷊aonggo e'e su manga pangaha u jamaati.
Currently Selected:
WUKE NGU MANGA RASULI 11: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 11
11
Laporang i Petrus su jamaati u Yerusalem
1Manga Rasuli l᷊au manga taumata ko mangimang su kaul᷊i u Yudea nakaringihi himoneu manga taumata ko wal᷊inge agama Yahudi l᷊ai seng nanarima didato ngu Mawu Ruata. 2Bou e'e su tempo ngi Petrus nakoa sarang Yerusalem, manga taumata ngu Yahudi ko seng nangimang e'e, nuheghesi si Petrus. 3I sire nangul᷊i, “Nakurawe i kau natamai sarang wal᷊e ngu manga taumata ko tangkeng nisunati? I kau l᷊ai mborong nukumang dingang i sire!” 4Ual᷊ingu e'e i Petrus nanarangkang si sire kaul᷊ie ko seng nariadi, nanita bou panitakenge. I Petrus nangul᷊i,
5“Ia kapukal᷊iomanenge su soa ngu Yope, bou e'e ia nakawua simbau kawawua. Ia nakawua pia barang ko musul᷊ung u heka ko mawunahi niul᷊uhi bou l᷊angi, maghaghantong su wukunge pa, bou e'e nangiro su simbukaku. 6Su tempo ngu ia kaputuhunge sarang l᷊al᷊unge, ia nakawua pia manga binatang ko l᷊aeri pa, manga binatang ko maghaghila, manga binatang ko tutondo, l᷊au manga burung ko maghaghila. 7Bou e'e ia nakaringihi pia tingihi nangul᷊i si sia, ‘Wangungte, Petrus! Hatate e'e dang kang!’ 8Kateho ia nusumimbahi, ‘Ta, Mawu! Mborong ta sarang paghisa ia nukumang barang ko nilarang l᷊au ko mal᷊amuhu e'e.’ 9Kateho tingihi e'e sau nangul᷊i bou l᷊angi, ‘Apa ko nil᷊ahe u Mawu Ruata botonge, kumbahang i kau mangul᷊i e'e ko haram.’ 10Ia nakawua hal᷊i e'e sarang pakatilu dang panginsuenge kaul᷊ie sau nahengke sarang sorga. 11Nusarita su tempo e'e l᷊ai sire tilu bou Kaisarea, ko niroi sarang koaku,#11:11: koaku: pira mbau wohe horo: i kumu. nasongo su wal᷊e ko daku nikatanakeng. 12Bou e'e Roh u Mawu Ruata nundoi si sia patamai singkahindo dingang i sire dang ta magho. I sire nung ana u simbau i'i nutumuhu si sia l᷊ai sarang Kaisarea, dang i kami kaul᷊ie nusumu su l᷊al᷊ung u wal᷊e ngi Kornelius. 13Bou e'e i Kornelius nuwuke si kami kirapa i sie nakawua singkatau malaikati kararisi su wal᷊enge dang nangul᷊i, ‘Pundoi taumata sarang Yope pukui singkatau ko ese arenge i Simon Petrus. 14I sie sarung muhabari si kumu habari ko sarung makasal᷊amati si kau dingang ana u simbau'u.’ 15Dang su tempo ia nanita nudidato kere'e,” I Petrus nanurusi wukenge, “Roh u Mawu Ruata nusumongo si sire, musul᷊ung kere ko seng nariadi si kite horo su panitakenge. 16#Wuk. 1:5Bou e'e ia nakatinaung, Mawu mbuae nangul᷊i, ‘I Yohanes manahani dingang u ake, arawe i kumu sarung isahani dingang u Roh u Mawu Ruata.’ 17Inau nal᷊ahe Mawu Ruata l᷊ai nunggile su manga taumata ko wal᷊inge bou agama Yahudi e'e, l᷊aonggo ko musul᷊ung u ko ninggile-E si kite su tempo i kite nangimang su Mawu Yesus Kristus. Ual᷊ingu e'e, tumaniewe ia managakang Mawu Ruata!” 18Suapang nakaringihi e'e, i sire seng ta sau nunendehi. Bou e'e i sire nundalo Mawu Ruata. I sire nangul᷊i, “Boko kere'e, manga taumata ko wal᷊inge tau Yahudi l᷊ai nionggol᷊ang u l᷊oahi bou Mawu Ruata guna ngu putobati bou manga dosa ngi sire dang panemang wiahi ko kahingang!”
Jamaati su Antiokhia
19 #
Wuk. 8:1-4
Suapang i Stefanus seng nipate, manga taumata ko mangimang si Yesus nanita iwawatukang, hakiu i sire nukaesi suapang tampa. Pia ko nutumal᷊ang sarang Fenisia, dang pia l᷊ai sarang Siprus l᷊au Antiokhia. I sire nuhabari habari bou Mawu Ruata kitang su manga tau Yahudi. 20Kateho bou tal᷊oara u manga taumata ko mangimang e'e, ko asal᷊ie bou Siprus dang Kirene, pia l᷊ai manga taumata ko nakoa sarang Antiokhia dang nuhabari Habari Mapia hal᷊i u Mawu Yesus e'e su manga taumata ko su l᷊ikuru agama Yahudi#11:20: manga taumata ko su l᷊ikuru agama Yahudi: pira mbau wohe horo: manga tau Yahudi; arako: Tau Yahudi ko muwahasa ngu Yunani. l᷊ai. 21Kawasa ngu Mawu ene si sire hakiu maul᷊i taumata ko nangimang dang nanarakang u watangeng i sire su Mawu.
22Manga wuke hal᷊i u manga ko seng nariadi i'i nurating l᷊ai sarang jamaati su Yerusalem. Kuteu i sire nundoi i Barnabas sarang Antiokhia. 23Dang su tempo ngi Barnabas nurating u pai e'e, dang nakawua kirapa Mawu Ruata nangal᷊amati manga taumata e'e, i sie nul᷊umiaghi kahingang. Bou e'e i sie nundo tadeau i sire pakasatia kahingang su Mawu dingang kal᷊abo u naung. 24I Barnabas i'i taumata ko mapia naunge dingang nikawasa Roh u Mawu Ruata dang l᷊ai mangimang kahingang su Mawu hakiu maul᷊i taumata ko nutumuhu su Mawu.
25Bou e'e i Barnabas nakoa sarang Tarsus nundea si Saulus. 26Suapang nusombang i Saulus, i sie numbawa si Saulus sarang Antiokhia dang sintaung l᷊iwuenge i sire nukomol᷊i dingang u jamaati pai se'e apiru nanintiro taumata maul᷊i. Su Antiokhia e'e kahorokange manga taumata ko mangimang si Yesus nisigho taumata ngu sahani.
27Su tempo e'e pia pirangkatau nabi nusumongo bou Yerusalem nakoa sarang Antiokhia. 28#Wuk. 21:10Su tal᷊oara i sire pia singkatau arenge i Agabus. Ual᷊ingu kakanoa u Roh u Mawu Ruata i sie nuhabari uare su kaul᷊i u dunia sarung mariadi pia tempo kal᷊ahutung ko l᷊abo. (Dang hal᷊i e'e mang nariadi su tempo ngi Kaisari Klaudius namarenta). 29Kuteu kaul᷊i u tumatuhu I Yesus e'e singgighili guna ngu mundoho l᷊aonggo su manga ana u simbau i sire ko natana su Yudea; tuhu kuati u simbau-simbau. 30Ghaghighili i'i mang nikoa i sire, bou e'e i Barnabas l᷊au i Saulus niroi guna ngu pangunturi l᷊aonggo e'e su manga pangaha u jamaati.
Currently Selected:
:
Highlight
Share
Copy
Want to have your highlights saved across all your devices? Sign up or sign in