WUKE NGU MANGA RASULI 10
10
I Petrus dingang i Kornelius
1Su Kaisarea pia singkatau ko ese arenge i Kornelius. I sie singkatau kapiteng “Pasukang u Italia”. 2I sie singkatau ko mataku u Mawu Ruata dang kaul᷊i u ana u simbaue mutahamawu su Mawu Ruata. I sie masau mutul᷊ung u manga tau Yahudi ko susa, dang i sie sintinia mukal᷊iomaneng su Mawu Ruata. 3Pia su silou manga pukul᷊i tatilu wawul᷊aeng i sie nakawua mal᷊ahe su l᷊al᷊ung u simbau kawawua, singkatau malaikati u Mawu Ruata nusumongo dang nukui si sie, “Kornelius!”
4I Kornelius nutumaeri malaikati e'e dingang u taku bou e'e nangul᷊i, “Pia apa Tuang?”
Malaikati e'e nusumimbahi, “Kal᷊iomanengu dingang u kapapia naungu seng nitarima u Mawu Ruata dang Mawu Ruata nutinaung si kau. 5I'i pundoiko taumata sarang Yope pukui si Simon arenge ko natimu i Simon Petrus. 6I sie natana su wal᷊e ngu singkatau ko mul᷊al᷊ekesi pisi ngu binatang arenge i Simon, ko natana su wiwihi u apeng.” 7Suapang malaikati ko nudidato dingang i Kornelius e'e napal᷊usi, i Kornelius nukui dua ngkatau paparentang su wal᷊enge dang singkatau sordado mundadiaga si sie ko maagama. 8I Kornelius nuwuke si sire apa ko seng nariadi e'e, bou e'e nundoi si sire sarang Yope.
9Ndai mal᷊ou, saritau i sire mborong su l᷊al᷊eng dang seng masandighi murating u Yope, i Petrus naawi sarang wawo u wal᷊e kal᷊ihae e'e guna ngu mukal᷊iomaneng 10Bou e'e i sie nakapundang nahutung-hutung dang mo kumang. Saritau kang kahisadia, i sie nakahombang simbau kawawua. 11I sie nakawua l᷊angi nawuka dang pia barang musul᷊ung u heka ko mawunahi niul᷊uhi sarang dunia, mawawiting su wuku ngu pa 12Su l᷊al᷊unge pia haghi ngu binatang l᷊aeri pa, kaul᷊i u binatang ko tutondo dang manga burung ko maghaghila. 13Bou e'e pia tingihi nangul᷊i si sie, “Petrus, wangungko! Hatate dang kangte!”
14I Petrus nusumimbahi, “Ta, Mawu! Mborong ta sarang paghisa ia nukumang barang ko nilarang arako mal᷊amuhu e'e.” 15Kateho tingihi e'e sau nangul᷊i si sie, “Apa ko seng nil᷊ahe u Mawu Ruata botonge, kumbahang i kau musipiri e'e tawe wotonge.” 16Kawawua e'e nusau sarang pakatilu, bou e'e heka e'e nahengke sarang sorga.
17I Petrus nubingo nupikiri apa mangal᷊eng u kawawua e'e. Saritau i Petrus kasipirie, manga taumata ko niroi i Kornelius seng nakahombang wal᷊e ngi si Simon dang i sire seng ene su tingo ngu tukari. 18Bou e'e i sire nukui taumata dang nakina, “Apa su si'i pia sake ko natana, arenge i Simon Petrus?”
19Saritau i Petrus mborong turusi kapundeae sarang makahingang apa mangal᷊eng u kawawua e'e, Roh u Mawu Ruata nangul᷊i si sie, “Ei Petrus, pia tilu ngkatau#10:19: tilu ngkatau: pira mbau wohe horo: taumata; simbau wohe: dua ngkatau. kapundeae si kau. 20Kaehongte tanae l᷊intu dang ari kagho mutumuhu si sire, watu'u ko Ia nundoi si sire.” 21Kuteu i Petrus nul᷊umintu tanae dang nangul᷊i si sire e'e. “Ko ia kahireakeng u manga ana u simbau. Ko mukura manga ana u simbau nusumongo?”
22I sire nusumimbahi, “Kapiteng Kornelius nundoi si kami pamai sarang i'i. I sie singkatau ko mapia dang mataku u Mawu Ruata, l᷊au ikahungge u manga tau Yahudi. Singkatau malaikati u Mawu Ruata nundoi si sie pundo si Tuang pasongo su wal᷊enge watu'u, kere sasimbahi kal᷊iomanenge, i sie niroi pundaringihi apa ko sarung iul᷊i i Tuang si sie.” 23I Petrus nupasu si sire guna ngu matiki su se'e.
Ndai mal᷊ou i Petrus nuwangung dang natamai dingang i sire. Pira ngkatau taumata ko mangimang bou Yope nutumuhu l᷊ai. 24Silou bou e'e i sire nurating su Kaisarea. Pai se'e i sire seng kahiampal᷊eng i Kornelius dingang u manga ana u singkataunge l᷊au manga ghawe'e ko seng ninotie. 25Suapang i Petrus nurating, i Kornelius natamai nanomahi si sie dang nusuba su tingonge. 26Kateho i Petrus nutul᷊ung si sie pararisi, bou e'e nangul᷊i, “Wangungte. Ia sisaneku mang taumata l᷊ai.” 27Tintal᷊a kapudidatonge dingang i Kornelius, i Petrus nusumu su l᷊al᷊ung u wal᷊e. Su se'e i sie nakawua maul᷊i taumata seng nakomol᷊i. 28Bou e'e i sie nangul᷊i si sire, “Manga ana u simbau sisane seng matitong himoneu taumata ngu Yahudi nilarang u agamae musombang arako mul᷊al᷊au dingang u taumata bou bangsa ko wal᷊inge. Kateho Mawu Ruata seng nanul᷊ara si sia himoneu ia ta wotonge mutuhung si sai-sai ko mal᷊amuhu arako ta mapake. 29E'e sabapie suapang i Tuang nundo tadeau ia pasongo, ia seng ta nundendehi dang turusi nusumongo. Inau i'i ia mo matitong nakurawe i Tuang mundo si sia pasongo.”
30I Kornelius nusumimbahi, “Tilu l᷊ou nal᷊iu, pari kere orasi i'i, ia kapukal᷊iomanenge#10:30: mukal᷊iomaneng: pira mbau wohe horo: mukal᷊iomaneng dang mupuasa. su wal᷊e pukul᷊i tatilu wawul᷊aeng. Singkawua pia singkatau ko ese kararisi su tingoku. L᷊aku u tau e'e kukerong. 31I Sie nangul᷊i, ‘Kornelius! Mawu Ruata seng nanarima kal᷊iomanengu dang nutinaung kapia ngu naungu. 32Inau pundoiko taumata sarang Yope pukui ko taumata arenge i Simon Petrus. I sie natana su wal᷊e ngu singkatau mul᷊al᷊ekesi pisi ngu binatang arenge i Simon wal᷊e e'e su apeng.’ 33E'e sabapie ia turusi nundoi taumata patamai pukui si Tuang. Dang kere kapiange naung i Tuang sarang namai sarang i'i. Su orasi i'i i kami kaul᷊i nukomol᷊i su si'i su saruang ngu Mawu Ruata guna ngu mundaringihi kaul᷊i u ko niroi u Mawu Ruata si Tuang pakihabari si kami.”
Pidato ngi Petrus
34 #
Sau. 10:17
Bou e'e i Petrus nangul᷊i, “Su orasi i'i ia tinga-tingari natitong himoneu Mawu Ruata mukoa taumata kaul᷊ie musul᷊ung. 35Taumata ko mataku u Mawu Ruata dang mukoa ko mutatahino, taumata e'e itarima u Mawu Ruata, ta makoa apa minsang i sie bou wanua apa. 36Manga ana u simbau seng matitong tataho u habari ko nihabariu u Mawu Ruata su tau Israel. Habari e'e ko Habari Mapia hal᷊i u purarame bo I Yesus Kristus, ko Mawu ngu kaul᷊i u taumata. 37I kumu matitong apa ko seng nariadi su kaul᷊i u Yudea, ko nanita bou Galilea bou pusasahani ko nihabari Yohanes. 38I kumu matitong himoneu Mawu Ruata seng namile si Yesus tau Nazaret e'e dang nangonggo si Sie Roh u Mawu Ruata dang kawasa. I kumu matitong l᷊ai himoneu I Yesus e'e nakoa sarang manga tampa guna ngu mukoa ko mapia; I Sie nupakaul᷊e ngu kaul᷊i u taumata ko nikawasa ngu setang, watu'u Mawu Ruata nuhundingang si Sie. 39I kami manga taumata ko seng nakawua sisane kaul᷊i u patiku ko nikoa-E su soa ngu tau Yahudi dang su Yerusalem. Maning kere'e i sire nunggantong dang namate si Sie. 40Kateho su katilu l᷊ounge Mawu Ruata sau nupuwiahi I Sie bou papate dang nupakawawua ngi Sie su taumata; 41wal᷊ingewe su kaul᷊i u taumata, kateho kitang si kami ko seng nipile ngu Mawu Ruata kahorokange guna ngu makoa manga saksi-E. I kami nukumang l᷊au nanginung dingang-E suapang I Sie seng sau nuwiahi bou papate. 42Dang I Sie nundoi si kami puhabari Habari Mapia e'e suapang taumata dang pusaksi ngu himoneu I Sie ko nihengke u Mawu Ruata nakoa Mamamonesi manga taumata ko mborong wiahi l᷊au manga taumata ko seng nate. 43Kaul᷊i u manga nabi nudidato hal᷊i I Sie. I sire nangul᷊i uare kaul᷊i u taumata mangimang si Yesus, sarung ampungang dosange dingang u kawasa bou I Yesus.”
Manga taumata ko wal᷊inge tau Yahudi nakahombang Roh u Mawu Ruata
44Tintal᷊a i Petrus mborong kadidatonge, Roh u Mawu Ruata natuntung dang nangawasa kaul᷊i u taumata ko kapundaringihi habari e'e. 45Manga tau Yahudi ko mangimang si Yesus dang nutumuhu si Petrus bou Yope, kaul᷊ie naherang nakawua Mawu Ruata nangonggo Roh-E l᷊ai su manga taumata ngu bangsa ko wal᷊inge, su l᷊ikuru tau Yahudi. 46Watu'u i sire nakaringihi manga taumata e'e kapudidatonge su haghi ngu wisara dang kapundalonge kawawantughi u Mawu Ruata. Bou e'e i Petrus nangul᷊i, 47“Kenang tuhunge, manga taumata i'i seng nakahombang Roh u Mawu Ruata musul᷊ung i kite. Inau apa mborong pia taumata managakang si sire guna ngu isahani dingang u ake?” 48Kuteu i Petrus nundoi si sire pakisahani su areng I Yesus Kristus. Bou e'e i sire nundo tadeau i Petrus patana l᷊ai dingang i sire manga pira l᷊ou l᷊iwuenge.
Currently Selected:
WUKE NGU MANGA RASULI 10: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 10
10
I Petrus dingang i Kornelius
1Su Kaisarea pia singkatau ko ese arenge i Kornelius. I sie singkatau kapiteng “Pasukang u Italia”. 2I sie singkatau ko mataku u Mawu Ruata dang kaul᷊i u ana u simbaue mutahamawu su Mawu Ruata. I sie masau mutul᷊ung u manga tau Yahudi ko susa, dang i sie sintinia mukal᷊iomaneng su Mawu Ruata. 3Pia su silou manga pukul᷊i tatilu wawul᷊aeng i sie nakawua mal᷊ahe su l᷊al᷊ung u simbau kawawua, singkatau malaikati u Mawu Ruata nusumongo dang nukui si sie, “Kornelius!”
4I Kornelius nutumaeri malaikati e'e dingang u taku bou e'e nangul᷊i, “Pia apa Tuang?”
Malaikati e'e nusumimbahi, “Kal᷊iomanengu dingang u kapapia naungu seng nitarima u Mawu Ruata dang Mawu Ruata nutinaung si kau. 5I'i pundoiko taumata sarang Yope pukui si Simon arenge ko natimu i Simon Petrus. 6I sie natana su wal᷊e ngu singkatau ko mul᷊al᷊ekesi pisi ngu binatang arenge i Simon, ko natana su wiwihi u apeng.” 7Suapang malaikati ko nudidato dingang i Kornelius e'e napal᷊usi, i Kornelius nukui dua ngkatau paparentang su wal᷊enge dang singkatau sordado mundadiaga si sie ko maagama. 8I Kornelius nuwuke si sire apa ko seng nariadi e'e, bou e'e nundoi si sire sarang Yope.
9Ndai mal᷊ou, saritau i sire mborong su l᷊al᷊eng dang seng masandighi murating u Yope, i Petrus naawi sarang wawo u wal᷊e kal᷊ihae e'e guna ngu mukal᷊iomaneng 10Bou e'e i sie nakapundang nahutung-hutung dang mo kumang. Saritau kang kahisadia, i sie nakahombang simbau kawawua. 11I sie nakawua l᷊angi nawuka dang pia barang musul᷊ung u heka ko mawunahi niul᷊uhi sarang dunia, mawawiting su wuku ngu pa 12Su l᷊al᷊unge pia haghi ngu binatang l᷊aeri pa, kaul᷊i u binatang ko tutondo dang manga burung ko maghaghila. 13Bou e'e pia tingihi nangul᷊i si sie, “Petrus, wangungko! Hatate dang kangte!”
14I Petrus nusumimbahi, “Ta, Mawu! Mborong ta sarang paghisa ia nukumang barang ko nilarang arako mal᷊amuhu e'e.” 15Kateho tingihi e'e sau nangul᷊i si sie, “Apa ko seng nil᷊ahe u Mawu Ruata botonge, kumbahang i kau musipiri e'e tawe wotonge.” 16Kawawua e'e nusau sarang pakatilu, bou e'e heka e'e nahengke sarang sorga.
17I Petrus nubingo nupikiri apa mangal᷊eng u kawawua e'e. Saritau i Petrus kasipirie, manga taumata ko niroi i Kornelius seng nakahombang wal᷊e ngi si Simon dang i sire seng ene su tingo ngu tukari. 18Bou e'e i sire nukui taumata dang nakina, “Apa su si'i pia sake ko natana, arenge i Simon Petrus?”
19Saritau i Petrus mborong turusi kapundeae sarang makahingang apa mangal᷊eng u kawawua e'e, Roh u Mawu Ruata nangul᷊i si sie, “Ei Petrus, pia tilu ngkatau#10:19: tilu ngkatau: pira mbau wohe horo: taumata; simbau wohe: dua ngkatau. kapundeae si kau. 20Kaehongte tanae l᷊intu dang ari kagho mutumuhu si sire, watu'u ko Ia nundoi si sire.” 21Kuteu i Petrus nul᷊umintu tanae dang nangul᷊i si sire e'e. “Ko ia kahireakeng u manga ana u simbau. Ko mukura manga ana u simbau nusumongo?”
22I sire nusumimbahi, “Kapiteng Kornelius nundoi si kami pamai sarang i'i. I sie singkatau ko mapia dang mataku u Mawu Ruata, l᷊au ikahungge u manga tau Yahudi. Singkatau malaikati u Mawu Ruata nundoi si sie pundo si Tuang pasongo su wal᷊enge watu'u, kere sasimbahi kal᷊iomanenge, i sie niroi pundaringihi apa ko sarung iul᷊i i Tuang si sie.” 23I Petrus nupasu si sire guna ngu matiki su se'e.
Ndai mal᷊ou i Petrus nuwangung dang natamai dingang i sire. Pira ngkatau taumata ko mangimang bou Yope nutumuhu l᷊ai. 24Silou bou e'e i sire nurating su Kaisarea. Pai se'e i sire seng kahiampal᷊eng i Kornelius dingang u manga ana u singkataunge l᷊au manga ghawe'e ko seng ninotie. 25Suapang i Petrus nurating, i Kornelius natamai nanomahi si sie dang nusuba su tingonge. 26Kateho i Petrus nutul᷊ung si sie pararisi, bou e'e nangul᷊i, “Wangungte. Ia sisaneku mang taumata l᷊ai.” 27Tintal᷊a kapudidatonge dingang i Kornelius, i Petrus nusumu su l᷊al᷊ung u wal᷊e. Su se'e i sie nakawua maul᷊i taumata seng nakomol᷊i. 28Bou e'e i sie nangul᷊i si sire, “Manga ana u simbau sisane seng matitong himoneu taumata ngu Yahudi nilarang u agamae musombang arako mul᷊al᷊au dingang u taumata bou bangsa ko wal᷊inge. Kateho Mawu Ruata seng nanul᷊ara si sia himoneu ia ta wotonge mutuhung si sai-sai ko mal᷊amuhu arako ta mapake. 29E'e sabapie suapang i Tuang nundo tadeau ia pasongo, ia seng ta nundendehi dang turusi nusumongo. Inau i'i ia mo matitong nakurawe i Tuang mundo si sia pasongo.”
30I Kornelius nusumimbahi, “Tilu l᷊ou nal᷊iu, pari kere orasi i'i, ia kapukal᷊iomanenge#10:30: mukal᷊iomaneng: pira mbau wohe horo: mukal᷊iomaneng dang mupuasa. su wal᷊e pukul᷊i tatilu wawul᷊aeng. Singkawua pia singkatau ko ese kararisi su tingoku. L᷊aku u tau e'e kukerong. 31I Sie nangul᷊i, ‘Kornelius! Mawu Ruata seng nanarima kal᷊iomanengu dang nutinaung kapia ngu naungu. 32Inau pundoiko taumata sarang Yope pukui ko taumata arenge i Simon Petrus. I sie natana su wal᷊e ngu singkatau mul᷊al᷊ekesi pisi ngu binatang arenge i Simon wal᷊e e'e su apeng.’ 33E'e sabapie ia turusi nundoi taumata patamai pukui si Tuang. Dang kere kapiange naung i Tuang sarang namai sarang i'i. Su orasi i'i i kami kaul᷊i nukomol᷊i su si'i su saruang ngu Mawu Ruata guna ngu mundaringihi kaul᷊i u ko niroi u Mawu Ruata si Tuang pakihabari si kami.”
Pidato ngi Petrus
34 #
Sau. 10:17
Bou e'e i Petrus nangul᷊i, “Su orasi i'i ia tinga-tingari natitong himoneu Mawu Ruata mukoa taumata kaul᷊ie musul᷊ung. 35Taumata ko mataku u Mawu Ruata dang mukoa ko mutatahino, taumata e'e itarima u Mawu Ruata, ta makoa apa minsang i sie bou wanua apa. 36Manga ana u simbau seng matitong tataho u habari ko nihabariu u Mawu Ruata su tau Israel. Habari e'e ko Habari Mapia hal᷊i u purarame bo I Yesus Kristus, ko Mawu ngu kaul᷊i u taumata. 37I kumu matitong apa ko seng nariadi su kaul᷊i u Yudea, ko nanita bou Galilea bou pusasahani ko nihabari Yohanes. 38I kumu matitong himoneu Mawu Ruata seng namile si Yesus tau Nazaret e'e dang nangonggo si Sie Roh u Mawu Ruata dang kawasa. I kumu matitong l᷊ai himoneu I Yesus e'e nakoa sarang manga tampa guna ngu mukoa ko mapia; I Sie nupakaul᷊e ngu kaul᷊i u taumata ko nikawasa ngu setang, watu'u Mawu Ruata nuhundingang si Sie. 39I kami manga taumata ko seng nakawua sisane kaul᷊i u patiku ko nikoa-E su soa ngu tau Yahudi dang su Yerusalem. Maning kere'e i sire nunggantong dang namate si Sie. 40Kateho su katilu l᷊ounge Mawu Ruata sau nupuwiahi I Sie bou papate dang nupakawawua ngi Sie su taumata; 41wal᷊ingewe su kaul᷊i u taumata, kateho kitang si kami ko seng nipile ngu Mawu Ruata kahorokange guna ngu makoa manga saksi-E. I kami nukumang l᷊au nanginung dingang-E suapang I Sie seng sau nuwiahi bou papate. 42Dang I Sie nundoi si kami puhabari Habari Mapia e'e suapang taumata dang pusaksi ngu himoneu I Sie ko nihengke u Mawu Ruata nakoa Mamamonesi manga taumata ko mborong wiahi l᷊au manga taumata ko seng nate. 43Kaul᷊i u manga nabi nudidato hal᷊i I Sie. I sire nangul᷊i uare kaul᷊i u taumata mangimang si Yesus, sarung ampungang dosange dingang u kawasa bou I Yesus.”
Manga taumata ko wal᷊inge tau Yahudi nakahombang Roh u Mawu Ruata
44Tintal᷊a i Petrus mborong kadidatonge, Roh u Mawu Ruata natuntung dang nangawasa kaul᷊i u taumata ko kapundaringihi habari e'e. 45Manga tau Yahudi ko mangimang si Yesus dang nutumuhu si Petrus bou Yope, kaul᷊ie naherang nakawua Mawu Ruata nangonggo Roh-E l᷊ai su manga taumata ngu bangsa ko wal᷊inge, su l᷊ikuru tau Yahudi. 46Watu'u i sire nakaringihi manga taumata e'e kapudidatonge su haghi ngu wisara dang kapundalonge kawawantughi u Mawu Ruata. Bou e'e i Petrus nangul᷊i, 47“Kenang tuhunge, manga taumata i'i seng nakahombang Roh u Mawu Ruata musul᷊ung i kite. Inau apa mborong pia taumata managakang si sire guna ngu isahani dingang u ake?” 48Kuteu i Petrus nundoi si sire pakisahani su areng I Yesus Kristus. Bou e'e i sire nundo tadeau i Petrus patana l᷊ai dingang i sire manga pira l᷊ou l᷊iwuenge.
Currently Selected:
:
Highlight
Share
Copy
Want to have your highlights saved across all your devices? Sign up or sign in