1 KORINTUS 9
9
Manga haki dingang u manga tatuhu rasuli
1Wal᷊ingewe ia taumata ko nal᷊iwiri? Wal᷊ingewe ia rasuli? Apa ia mborong tangkeng nakawua si Yesus, Mawu ngi kite? Apa i kumu wal᷊inge l᷊uang u hal᷊iku guna ngu Mawu? 2Boko manga taumata ko wal᷊inge mandi mangaku ngu ia kere singkatau rasuli, mutingkadio i kumu mangaku ngu e'e! Watu'u puwawiahiku kere taumata ngu Sahani e'e ko nul᷊ahe himoneu ia ko singkatau rasuli.
3Boko taumata manungkul᷊i si sia, ia sarung sumimbahi kiri'i: 4Apa ia takoae hakiku manarima kang dang inung kere l᷊uang u hal᷊iku? 5Apa ia takoae hakiku boko singkatau kawing Sahani mahundingang ia su l᷊al᷊ung u l᷊al᷊al᷊engangku, kere ko nikoa u manga ana u simbau Mawu Yesus dang manga rasuli ko wal᷊inge, dang l᷊ai i Petrus? 6Arako kitang i Barnabas dang ia ko pundea wiahi sisane? 7Takoae tataho u sordado mangongkosi watangenge sisane su l᷊al᷊ung u angkatang parang! Takoae musasuang ko musuang u anggori su awuhi bou e'e ta kumang l᷊uang u awuhi e'e! Takoae gembala ko mupal᷊ihara domba, bou e'e ta manginung susu bou manga dombae e'e!
8Ia muhabari e'e wal᷊inge kitang ual᷊ingu seng nanarang su l᷊al᷊ung u puwawiahi l᷊ou-l᷊ou, kateho watu'u Buki Susi l᷊ai nuhabari hal᷊i e'e. 9#Sau. 25:4; 1Tim. 5:18Su l᷊al᷊ung u buki i Musa mawawohe, “Sapi ko kapul᷊indange gandung tadeau panontongang u watu ngu gandung bou wul᷊ihie, kumbahang kuwung mohonge.” Ko sapi kahipandungang u Mawu Ruata? 10Arako e'e nitarang si kite. Tingari e'e ko kawawohe guna ngi kite. Watu'u taumata ko muhal᷊i awuhi dang i sie l᷊ai mamursi gandunge seng hinonge muhal᷊i dang muharapi manarima simbahageang bou l᷊uang u hal᷊ie. 11#Rm. 15:27I kami seng nanawuhi sasuang rohani su l᷊al᷊ung u puwawiahi kumu. Kuteu boko i kami mundo manga rarotong i kumu, apa e'e mangal᷊enge i kami nanuntu tumaniu maul᷊i bou i kumu? 12Boko manga taumata ko wal᷊inge pia hakie muharapi i'i bo i kumu, wal᷊ingewe i kami nangilembo l᷊ai pia hakie bo i sire?
Kateho ia mborong ta nupake haki e'e. Su simbuka ngu e'e ia nangilembo mo mananggong kaul᷊i u haghi ko makasahaghe pangangeke ngu Habari Mapia hal᷊i I Kristus. 13#Sau. 18:1I kau tantu matitong himoneu taumata ko muhal᷊i su l᷊al᷊ung u wal᷊e ngu Mawu Ruata manarima kang i sire bou Wal᷊e ngu Mawu Ruata. Dang apang taumata ko mangurusi tampa panimbong sasumba, makarea simbahageang bou sasumba ko nisumba su se'e. 14#Mat. 10:10; Luk. 10:7Kere l᷊ai Mawu seng nanantu himoneu taumata ko muhabari Habari Mapia e'e mambeng makarea puwawiahie bou hal᷊i e'e.
15Kateho ia mborong tangkeng nupake sarang paghisa bou manga haki e'e. Dang ia namohe surati i'i wal᷊inge we l᷊ai dingang pandung tadeau manga hal᷊i e'e i koa si sia su orasi i'i. Mapiangwe ia nate sul᷊ung u ia kailangeng u hal᷊i ko nakal᷊uasi si sia e'e. 16Watu'u boko e'e kitang hal᷊i u muhabari Habari Mapia bou Mawu Ruata, kuteu ia takoae hakiku mangoboti, watu'u Mawu Ruata seng namarenta si sia pukoa hal᷊i e'e. Silaka si sia, boko ia ta muhabari Habari Mapia e'e! 17Andenge ia mupal᷊al᷊eng u hal᷊i e'e bou kaoku sisane kuteu ia botonge muharapi makarea wawaehi. Kateho ia muhabari Habari Mapia e'e kitang ual᷊ingu niparentang. Ia niparentang u Mawu Ruata pukoa hal᷊i e'e. 18Boko kere, apa wawaehi si sia? Ii wawaehi: himoneu ia nakapuhabari u Habari Mapia ta nupakabuha sarang singkatau guna ngu pangongkosi si sia, ual᷊ingu ia ta nanuntu apang hakiku kere mul᷊ahabari u Habari Mapia e'e.
19Ia i'i wal᷊inge we l᷊angi sai-sai, ia ko nal᷊iwiri. Maning kere'e ia seng nukoa watangengku i'i l᷊ang u apang taumata. Ia nukoa e'e tadeau ia botonge makawawa nangilembo maul᷊i taumata guna ngi Kristus. 20Su tingo ngu tau Yahudi, ia mutingkakoa kere tau Yahudi tadeau ia botonge makawawa tau Yahudi guna ngi Kristus. Su tingo ngu apang taumata ko kapuwiahi nutumuhu atorang i Musa, ia nutingkakoa kere ia kal᷊aiki su atorang e'e, maning ia tuhu hinonge tawe kal᷊aiki su se'e. Ia nukoa e'e tadeau ia botonge mamol᷊eng si sire makoa tumatuhu si Kristus. 21Su tingo ngu taumata ko wal᷊inge tau Yahudi, ia nutingkakoa kere singkatau ko wal᷊inge tau Yahudi, ko kapuwiahi su l᷊ikuru atorang i Musa. Ia nukoa e'e tadeau ia botonge mamol᷊eng si sire makoa tumatuhu si Kristus. Kateho e'e wal᷊ingewe ia ta nutumuhu apang parenta ngu Mawu Ruata; ia katewe nikawasa ngu apang parenta I Kristus. 22Su tal᷊oara apang taumata ko pangangimange ko l᷊ome, ia l᷊ai nutingkakoa kere taumata ko pangangimange ko l᷊ome tadeau ia botonge mamol᷊eng si sire makoa tumatuhu si Kristus. Pol᷊onge, ia nukoa kaul᷊i u haghi guna ngu kaul᷊i u taumata tadeau dingang u l᷊al᷊eng kirapa l᷊ai ia botonge makasal᷊amati simbahageang bo i sire.
23Kaul᷊i u e'e daku nikoa guna ngu Habari Mapia bou Mawu Ruata e'e, tadeau ia l᷊ai al᷊amating dingang. 24I kau tantu matitong himoneu su l᷊al᷊ung tanding kaul᷊i u mutatanding tumal᷊ang mutatandung, kateho kitang singkatau ko makatarima paraseng. Watu'u e'e tal᷊angte pakasahawu tadeau i kau makatarima parasenge. 25Apang taumata ko kapulatihange, mukuhirang u watangenge bou kaul᷊i u haghi. I sie nukoa e'e watu'u i sie mo sangetang u bungang kal᷊auntung, bungang ko singkakonda mal᷊obe. Arawe i kite i'i mukuhirang u watangeng bou kaul᷊i u haghi watu'u i kite mo isangetang u bungang ko ta sarung mal᷊obe. 26E'e sabapie ia tumal᷊ang dingang ol᷊ange ko seng natantu. Kere su l᷊al᷊ung u tanding mukakungkung, ia ta mangoka mangkate asal᷊i. 27Ia mupakawala ngu badangku pakil᷊ahukute pakauha sarang ia botonge makakoa naungku. Ia nukoa kere, watu'u ia mandi sarang mariadi ia mbuae namaringang taumata ko wal᷊inge patuhu su l᷊al᷊ung u tanding e'e, bou e'e ia sisaneku itolaki.
Currently Selected:
1 KORINTUS 9: PLT
Highlight
Share
Copy
Want to have your highlights saved across all your devices? Sign up or sign in
1 KORINTUS 9
9
Manga haki dingang u manga tatuhu rasuli
1Wal᷊ingewe ia taumata ko nal᷊iwiri? Wal᷊ingewe ia rasuli? Apa ia mborong tangkeng nakawua si Yesus, Mawu ngi kite? Apa i kumu wal᷊inge l᷊uang u hal᷊iku guna ngu Mawu? 2Boko manga taumata ko wal᷊inge mandi mangaku ngu ia kere singkatau rasuli, mutingkadio i kumu mangaku ngu e'e! Watu'u puwawiahiku kere taumata ngu Sahani e'e ko nul᷊ahe himoneu ia ko singkatau rasuli.
3Boko taumata manungkul᷊i si sia, ia sarung sumimbahi kiri'i: 4Apa ia takoae hakiku manarima kang dang inung kere l᷊uang u hal᷊iku? 5Apa ia takoae hakiku boko singkatau kawing Sahani mahundingang ia su l᷊al᷊ung u l᷊al᷊al᷊engangku, kere ko nikoa u manga ana u simbau Mawu Yesus dang manga rasuli ko wal᷊inge, dang l᷊ai i Petrus? 6Arako kitang i Barnabas dang ia ko pundea wiahi sisane? 7Takoae tataho u sordado mangongkosi watangenge sisane su l᷊al᷊ung u angkatang parang! Takoae musasuang ko musuang u anggori su awuhi bou e'e ta kumang l᷊uang u awuhi e'e! Takoae gembala ko mupal᷊ihara domba, bou e'e ta manginung susu bou manga dombae e'e!
8Ia muhabari e'e wal᷊inge kitang ual᷊ingu seng nanarang su l᷊al᷊ung u puwawiahi l᷊ou-l᷊ou, kateho watu'u Buki Susi l᷊ai nuhabari hal᷊i e'e. 9#Sau. 25:4; 1Tim. 5:18Su l᷊al᷊ung u buki i Musa mawawohe, “Sapi ko kapul᷊indange gandung tadeau panontongang u watu ngu gandung bou wul᷊ihie, kumbahang kuwung mohonge.” Ko sapi kahipandungang u Mawu Ruata? 10Arako e'e nitarang si kite. Tingari e'e ko kawawohe guna ngi kite. Watu'u taumata ko muhal᷊i awuhi dang i sie l᷊ai mamursi gandunge seng hinonge muhal᷊i dang muharapi manarima simbahageang bou l᷊uang u hal᷊ie. 11#Rm. 15:27I kami seng nanawuhi sasuang rohani su l᷊al᷊ung u puwawiahi kumu. Kuteu boko i kami mundo manga rarotong i kumu, apa e'e mangal᷊enge i kami nanuntu tumaniu maul᷊i bou i kumu? 12Boko manga taumata ko wal᷊inge pia hakie muharapi i'i bo i kumu, wal᷊ingewe i kami nangilembo l᷊ai pia hakie bo i sire?
Kateho ia mborong ta nupake haki e'e. Su simbuka ngu e'e ia nangilembo mo mananggong kaul᷊i u haghi ko makasahaghe pangangeke ngu Habari Mapia hal᷊i I Kristus. 13#Sau. 18:1I kau tantu matitong himoneu taumata ko muhal᷊i su l᷊al᷊ung u wal᷊e ngu Mawu Ruata manarima kang i sire bou Wal᷊e ngu Mawu Ruata. Dang apang taumata ko mangurusi tampa panimbong sasumba, makarea simbahageang bou sasumba ko nisumba su se'e. 14#Mat. 10:10; Luk. 10:7Kere l᷊ai Mawu seng nanantu himoneu taumata ko muhabari Habari Mapia e'e mambeng makarea puwawiahie bou hal᷊i e'e.
15Kateho ia mborong tangkeng nupake sarang paghisa bou manga haki e'e. Dang ia namohe surati i'i wal᷊inge we l᷊ai dingang pandung tadeau manga hal᷊i e'e i koa si sia su orasi i'i. Mapiangwe ia nate sul᷊ung u ia kailangeng u hal᷊i ko nakal᷊uasi si sia e'e. 16Watu'u boko e'e kitang hal᷊i u muhabari Habari Mapia bou Mawu Ruata, kuteu ia takoae hakiku mangoboti, watu'u Mawu Ruata seng namarenta si sia pukoa hal᷊i e'e. Silaka si sia, boko ia ta muhabari Habari Mapia e'e! 17Andenge ia mupal᷊al᷊eng u hal᷊i e'e bou kaoku sisane kuteu ia botonge muharapi makarea wawaehi. Kateho ia muhabari Habari Mapia e'e kitang ual᷊ingu niparentang. Ia niparentang u Mawu Ruata pukoa hal᷊i e'e. 18Boko kere, apa wawaehi si sia? Ii wawaehi: himoneu ia nakapuhabari u Habari Mapia ta nupakabuha sarang singkatau guna ngu pangongkosi si sia, ual᷊ingu ia ta nanuntu apang hakiku kere mul᷊ahabari u Habari Mapia e'e.
19Ia i'i wal᷊inge we l᷊angi sai-sai, ia ko nal᷊iwiri. Maning kere'e ia seng nukoa watangengku i'i l᷊ang u apang taumata. Ia nukoa e'e tadeau ia botonge makawawa nangilembo maul᷊i taumata guna ngi Kristus. 20Su tingo ngu tau Yahudi, ia mutingkakoa kere tau Yahudi tadeau ia botonge makawawa tau Yahudi guna ngi Kristus. Su tingo ngu apang taumata ko kapuwiahi nutumuhu atorang i Musa, ia nutingkakoa kere ia kal᷊aiki su atorang e'e, maning ia tuhu hinonge tawe kal᷊aiki su se'e. Ia nukoa e'e tadeau ia botonge mamol᷊eng si sire makoa tumatuhu si Kristus. 21Su tingo ngu taumata ko wal᷊inge tau Yahudi, ia nutingkakoa kere singkatau ko wal᷊inge tau Yahudi, ko kapuwiahi su l᷊ikuru atorang i Musa. Ia nukoa e'e tadeau ia botonge mamol᷊eng si sire makoa tumatuhu si Kristus. Kateho e'e wal᷊ingewe ia ta nutumuhu apang parenta ngu Mawu Ruata; ia katewe nikawasa ngu apang parenta I Kristus. 22Su tal᷊oara apang taumata ko pangangimange ko l᷊ome, ia l᷊ai nutingkakoa kere taumata ko pangangimange ko l᷊ome tadeau ia botonge mamol᷊eng si sire makoa tumatuhu si Kristus. Pol᷊onge, ia nukoa kaul᷊i u haghi guna ngu kaul᷊i u taumata tadeau dingang u l᷊al᷊eng kirapa l᷊ai ia botonge makasal᷊amati simbahageang bo i sire.
23Kaul᷊i u e'e daku nikoa guna ngu Habari Mapia bou Mawu Ruata e'e, tadeau ia l᷊ai al᷊amating dingang. 24I kau tantu matitong himoneu su l᷊al᷊ung tanding kaul᷊i u mutatanding tumal᷊ang mutatandung, kateho kitang singkatau ko makatarima paraseng. Watu'u e'e tal᷊angte pakasahawu tadeau i kau makatarima parasenge. 25Apang taumata ko kapulatihange, mukuhirang u watangenge bou kaul᷊i u haghi. I sie nukoa e'e watu'u i sie mo sangetang u bungang kal᷊auntung, bungang ko singkakonda mal᷊obe. Arawe i kite i'i mukuhirang u watangeng bou kaul᷊i u haghi watu'u i kite mo isangetang u bungang ko ta sarung mal᷊obe. 26E'e sabapie ia tumal᷊ang dingang ol᷊ange ko seng natantu. Kere su l᷊al᷊ung u tanding mukakungkung, ia ta mangoka mangkate asal᷊i. 27Ia mupakawala ngu badangku pakil᷊ahukute pakauha sarang ia botonge makakoa naungku. Ia nukoa kere, watu'u ia mandi sarang mariadi ia mbuae namaringang taumata ko wal᷊inge patuhu su l᷊al᷊ung u tanding e'e, bou e'e ia sisaneku itolaki.
Currently Selected:
:
Highlight
Share
Copy
Want to have your highlights saved across all your devices? Sign up or sign in