1 KORINTUS 10
10
L᷊aingati hal᷊i u barhala
1 #
Sasu. 13:21-22, 14:22-29 Manga ana u simbau! I kumu putinaung apang ko nariadi su manga i upung i kite su tempo i sire nutumuhu si Musa. I sire kaul᷊ie nisirungang u winawa, dang dingang u sal᷊amati i sire nul᷊umiu L᷊auri Mahamu. 2Tadeau makoa tumatuhu i Musa, i sire kaul᷊ie nisahani su l᷊al᷊ung u winawa dang su l᷊al᷊ung u l᷊auri e'e. 3#Sasu. 16:35I sire kaul᷊ie nukumang kang rohani ko musul᷊ung, 4#Sasu. 17:6; Rek. 20:11dang nanginung inung rohani ko musul᷊ung. I sire kaul᷊ie nanginung bou wul᷊uri u watu rohani ko nuhundingang i sire; wul᷊uri u watu e'e ko I Kristus sisane. 5#Rek. 14:29-30Maneng kere'e, Mawu Ruata ta mal᷊uasi su simbahageang ko kaul᷊i kange bo i sire, dang e'e sabapie manga bangke ngi sire nusawuhi su tana ko l᷊inggi.
6 #
Rek. 11:4
Kaul᷊i e'e makoa kere putatuhungang si kite, guna ngu mangonggo ingati si kite tadeau kumbahang mo manga hal᷊i ko dal᷊ai kere si sire. 7#Sasu. 32:6Tadeau i kite l᷊ai kumbahang manumba barhala kere ko nikoa u simbahageang bo i sire. Su l᷊al᷊ung u Buki Susi kawawohe, “Kuteu bangsa e'e nanita nukumang nanginung, l᷊au nusal᷊ai guna ngu manumba barhala.” 8#Rek. 25:1-18I kite tawe wotonge mukoa manga hal᷊i ko mal᷊amuhu kere ko seng nikoa u simbahageang bo i sire, watu'u duampul᷊otilu su hiwunge taumata bo i sire nate su silou ual᷊ingu nukoa e'e. 9#Rek. 21:5-6I kite tawe wotonge manal᷊uka Mawu#10:9: Mawu: pira mbau wohe horo: I Kristus. kere ko nikoa u simbahageang bo i sire ndahuwite, hakiu i sire nate nikiki ngu katoang ko pia bisange. 10#Rek. 16:41-49I kite ta wotonge l᷊ai mukarubu; kere ko nikoa u simbahageang bo i sire ndahuwite, hakiu i sire nipate ngu Malaikati Papate.
11Kaul᷊i u hal᷊i e'e nariadi si sire guna ngu makoa putatuhungang su apang taumata ko wal᷊inge. Dang kaul᷊i e'e ko kawawohe guna ngu makoa l᷊aingati l᷊ai si kite. Watu'u i kite su orasi i'i kapuwiahi su panginsueng u dunia.
12Taumata ko manika watangenge kararisi matei, mambeng pakaingati, kumbahang sarang i sie manawo. 13Apang sasal᷊uka ko ana u simbau nakapundang e'e ko sasal᷊uka seng tilahu kapundangeng u taumata. Kateho Mawu Ruata mang masatia su diandi-Nge. I Sie sarung tawe mupakawala ngi kumu sal᷊ukateng mangilebe bou katatoghasi kumu. Su tempo i kumu nihombangeng u sasal᷊uka, I Sie sarung mangonggo l᷊al᷊eng si kumu guna ngu mupakatoghasi tadeau i kumu botonge makatanggong.
14Ual᷊ingu e'e manga ana u simbau ko daku ikukindaghi, i kumu mambeng pubunsi hal᷊i u mutahamawu barhala. 15Ia nudidato si kumu kere su manga taumata ko pilesa. I kumu putimbang sisane didatoku i'i. 16#Mat. 26:26-28; Mrk. 14:22-24; Luk. 22:19-20Su tempo i kite nanginung anggori dingang nuputarimakase su Mawu Ruata, wal᷊inge we e'e mupakal᷊ahe himoneu i kite nasimbau dingang I Kristus su l᷊al᷊ung u papate-Nge? Dang su tempo ngu i kite nupapahia u boroti guna ngu i kang singkakang, wal᷊inge we e'e mupakal᷊ahe i kite nasimbau dingang u badang I Kristus? 17Ual᷊ingu kitang pia simbau boroti, dang i kite kaul᷊ie nukumang bou boroti simbau e'e l᷊ai, kuteu i kite ko maul᷊i i'i musul᷊ung u badang simbau.
18 #
Im. 7:6
Kenang tuhunge pakatiti manga taumata ngu Yahudi. I sire ko nukumang kang ko nisumba su wawo u tampa pananimbo ngu sasumba, e'e manga taumata ko nasimbau dingang u tampa e'e. 19Apa pandungku dingang u e'e? Barhala arako kang nisumba su barhala e'e tinga-tingari takoae mangal᷊enge. 20#Sau. 32:17Apang ko nisumba su tampa pananimbo ngu sasumba guna ngu barhala wal᷊inge we nisumba su Mawu Ruata, kateho su manga roh ko dal᷊ai. Dang ia mandi i kumu mutingkasimbau dingang u roh ko dal᷊ai. 21I kumu tawe wotonge manginung bou wohosi anggori Mawu, dang l᷊ai bou wohosi anggori roh ko dal᷊ai. I kumu tawe wotonge kumang su meda ngu Mawu, dang l᷊ai su meda ngu roh ko dal᷊ai. 22#Sau. 32:21Arako i kite mo mupakaturu naung u Mawu? Apa i kite nangilembo matoghasi bou Mawu?
23 #
1Kor. 6:12
Angkung u taumata, “I kite botonge mukoa apang ko ikao i kite.” Tingari! Kateho wal᷊inge kaul᷊ie ko ikao i kite e'e pia mangal᷊enge. “I kite botonge mukoa apang ko ikao i kite” – kateho wal᷊inge kaul᷊ie ko ikao i kite e'e makawangung puwawiahi kite. 24Kumbahang sarang singkatau kitang mutawakal᷊i guna ngu watangenge sisane. Apang taumata mambeng putawakal᷊i guna ngu taumata ko wal᷊inge.
25I kumu botonge mukumang manga apang ko kawawal᷊u su pasari u kina. Ta wahal᷊uasi mutuhung pakatiti-titi horo, maning pia manga kababuha su l᷊al᷊ung u naungu. 26#Mzm. 24:1Watu'u su l᷊al᷊ung u Buki Susi kawawohe, “Dunia i'i dingang u kaul᷊i u tatahoe e'e ko koa u Mawu.”
27Boko i kumu inoti u taumata ko wal᷊inge tau Sahani kumang, dang i kumu manarima noti e'e, kangte apang ko nipilo si kumu. Ta wahal᷊uasu mutuhung pakatiti-titi bou apa kang e'e, tadeau takoae ko makabuha su l᷊al᷊ung u naung ngi kumu. 28Kateho boko pia ko nangul᷊i si kau, “Kang i'i mbuae nisumba su barhala,” kumbahang mukumang kang e'e, watu'u mutinaung taumata e'e dang ual᷊ingu pundang u naung. 29Pandungku wal᷊inge pundang u naung ngi kumu, kateho pundang u naung u taumata e'e.
Pari pia ko makina, “Anu, nakurawe kal᷊al᷊oahi u naungku mambeng ihumpingang u pundang u taumata ko wal᷊inge? 30Boko ia nukumang kang dingang nuputarimakase su Mawu Ruata, nakurawe taumata muheghesi si sia bou kang e'e, sumbal᷊i ia seng nuputarimakase u e'e su Mawu Ruata?”
31Apa l᷊ai ko ikoa u – i kau kumang arako i kau manginung – koa ko kaul᷊i u e'e guna ngu pamantughi Mawu Ruata. 32Puwiahite pakaudupi tadeau i kumu tawe makakoa taumata ko wal᷊inge mubardosa; apa i sire taumata ngu Yahudi arako wal᷊inge taumata ngu Yahudi, arako l᷊ai jamaati u Mawu Ruata. 33Puwiahite kere ia. Ia mutatitehi mupakal᷊uasi u naung u kaul᷊i u taumata su l᷊al᷊ung u kaul᷊i u haghi, takoae manga guna ngu watangengku sisane. Ol᷊angku ko kitang tadeau i sire kaul᷊ie botonge ipakasal᷊amati.
Currently Selected:
1 KORINTUS 10: PLT
Highlight
Share
Copy
Want to have your highlights saved across all your devices? Sign up or sign in
1 KORINTUS 10
10
L᷊aingati hal᷊i u barhala
1 #
Sasu. 13:21-22, 14:22-29 Manga ana u simbau! I kumu putinaung apang ko nariadi su manga i upung i kite su tempo i sire nutumuhu si Musa. I sire kaul᷊ie nisirungang u winawa, dang dingang u sal᷊amati i sire nul᷊umiu L᷊auri Mahamu. 2Tadeau makoa tumatuhu i Musa, i sire kaul᷊ie nisahani su l᷊al᷊ung u winawa dang su l᷊al᷊ung u l᷊auri e'e. 3#Sasu. 16:35I sire kaul᷊ie nukumang kang rohani ko musul᷊ung, 4#Sasu. 17:6; Rek. 20:11dang nanginung inung rohani ko musul᷊ung. I sire kaul᷊ie nanginung bou wul᷊uri u watu rohani ko nuhundingang i sire; wul᷊uri u watu e'e ko I Kristus sisane. 5#Rek. 14:29-30Maneng kere'e, Mawu Ruata ta mal᷊uasi su simbahageang ko kaul᷊i kange bo i sire, dang e'e sabapie manga bangke ngi sire nusawuhi su tana ko l᷊inggi.
6 #
Rek. 11:4
Kaul᷊i e'e makoa kere putatuhungang si kite, guna ngu mangonggo ingati si kite tadeau kumbahang mo manga hal᷊i ko dal᷊ai kere si sire. 7#Sasu. 32:6Tadeau i kite l᷊ai kumbahang manumba barhala kere ko nikoa u simbahageang bo i sire. Su l᷊al᷊ung u Buki Susi kawawohe, “Kuteu bangsa e'e nanita nukumang nanginung, l᷊au nusal᷊ai guna ngu manumba barhala.” 8#Rek. 25:1-18I kite tawe wotonge mukoa manga hal᷊i ko mal᷊amuhu kere ko seng nikoa u simbahageang bo i sire, watu'u duampul᷊otilu su hiwunge taumata bo i sire nate su silou ual᷊ingu nukoa e'e. 9#Rek. 21:5-6I kite tawe wotonge manal᷊uka Mawu#10:9: Mawu: pira mbau wohe horo: I Kristus. kere ko nikoa u simbahageang bo i sire ndahuwite, hakiu i sire nate nikiki ngu katoang ko pia bisange. 10#Rek. 16:41-49I kite ta wotonge l᷊ai mukarubu; kere ko nikoa u simbahageang bo i sire ndahuwite, hakiu i sire nipate ngu Malaikati Papate.
11Kaul᷊i u hal᷊i e'e nariadi si sire guna ngu makoa putatuhungang su apang taumata ko wal᷊inge. Dang kaul᷊i e'e ko kawawohe guna ngu makoa l᷊aingati l᷊ai si kite. Watu'u i kite su orasi i'i kapuwiahi su panginsueng u dunia.
12Taumata ko manika watangenge kararisi matei, mambeng pakaingati, kumbahang sarang i sie manawo. 13Apang sasal᷊uka ko ana u simbau nakapundang e'e ko sasal᷊uka seng tilahu kapundangeng u taumata. Kateho Mawu Ruata mang masatia su diandi-Nge. I Sie sarung tawe mupakawala ngi kumu sal᷊ukateng mangilebe bou katatoghasi kumu. Su tempo i kumu nihombangeng u sasal᷊uka, I Sie sarung mangonggo l᷊al᷊eng si kumu guna ngu mupakatoghasi tadeau i kumu botonge makatanggong.
14Ual᷊ingu e'e manga ana u simbau ko daku ikukindaghi, i kumu mambeng pubunsi hal᷊i u mutahamawu barhala. 15Ia nudidato si kumu kere su manga taumata ko pilesa. I kumu putimbang sisane didatoku i'i. 16#Mat. 26:26-28; Mrk. 14:22-24; Luk. 22:19-20Su tempo i kite nanginung anggori dingang nuputarimakase su Mawu Ruata, wal᷊inge we e'e mupakal᷊ahe himoneu i kite nasimbau dingang I Kristus su l᷊al᷊ung u papate-Nge? Dang su tempo ngu i kite nupapahia u boroti guna ngu i kang singkakang, wal᷊inge we e'e mupakal᷊ahe i kite nasimbau dingang u badang I Kristus? 17Ual᷊ingu kitang pia simbau boroti, dang i kite kaul᷊ie nukumang bou boroti simbau e'e l᷊ai, kuteu i kite ko maul᷊i i'i musul᷊ung u badang simbau.
18 #
Im. 7:6
Kenang tuhunge pakatiti manga taumata ngu Yahudi. I sire ko nukumang kang ko nisumba su wawo u tampa pananimbo ngu sasumba, e'e manga taumata ko nasimbau dingang u tampa e'e. 19Apa pandungku dingang u e'e? Barhala arako kang nisumba su barhala e'e tinga-tingari takoae mangal᷊enge. 20#Sau. 32:17Apang ko nisumba su tampa pananimbo ngu sasumba guna ngu barhala wal᷊inge we nisumba su Mawu Ruata, kateho su manga roh ko dal᷊ai. Dang ia mandi i kumu mutingkasimbau dingang u roh ko dal᷊ai. 21I kumu tawe wotonge manginung bou wohosi anggori Mawu, dang l᷊ai bou wohosi anggori roh ko dal᷊ai. I kumu tawe wotonge kumang su meda ngu Mawu, dang l᷊ai su meda ngu roh ko dal᷊ai. 22#Sau. 32:21Arako i kite mo mupakaturu naung u Mawu? Apa i kite nangilembo matoghasi bou Mawu?
23 #
1Kor. 6:12
Angkung u taumata, “I kite botonge mukoa apang ko ikao i kite.” Tingari! Kateho wal᷊inge kaul᷊ie ko ikao i kite e'e pia mangal᷊enge. “I kite botonge mukoa apang ko ikao i kite” – kateho wal᷊inge kaul᷊ie ko ikao i kite e'e makawangung puwawiahi kite. 24Kumbahang sarang singkatau kitang mutawakal᷊i guna ngu watangenge sisane. Apang taumata mambeng putawakal᷊i guna ngu taumata ko wal᷊inge.
25I kumu botonge mukumang manga apang ko kawawal᷊u su pasari u kina. Ta wahal᷊uasi mutuhung pakatiti-titi horo, maning pia manga kababuha su l᷊al᷊ung u naungu. 26#Mzm. 24:1Watu'u su l᷊al᷊ung u Buki Susi kawawohe, “Dunia i'i dingang u kaul᷊i u tatahoe e'e ko koa u Mawu.”
27Boko i kumu inoti u taumata ko wal᷊inge tau Sahani kumang, dang i kumu manarima noti e'e, kangte apang ko nipilo si kumu. Ta wahal᷊uasu mutuhung pakatiti-titi bou apa kang e'e, tadeau takoae ko makabuha su l᷊al᷊ung u naung ngi kumu. 28Kateho boko pia ko nangul᷊i si kau, “Kang i'i mbuae nisumba su barhala,” kumbahang mukumang kang e'e, watu'u mutinaung taumata e'e dang ual᷊ingu pundang u naung. 29Pandungku wal᷊inge pundang u naung ngi kumu, kateho pundang u naung u taumata e'e.
Pari pia ko makina, “Anu, nakurawe kal᷊al᷊oahi u naungku mambeng ihumpingang u pundang u taumata ko wal᷊inge? 30Boko ia nukumang kang dingang nuputarimakase su Mawu Ruata, nakurawe taumata muheghesi si sia bou kang e'e, sumbal᷊i ia seng nuputarimakase u e'e su Mawu Ruata?”
31Apa l᷊ai ko ikoa u – i kau kumang arako i kau manginung – koa ko kaul᷊i u e'e guna ngu pamantughi Mawu Ruata. 32Puwiahite pakaudupi tadeau i kumu tawe makakoa taumata ko wal᷊inge mubardosa; apa i sire taumata ngu Yahudi arako wal᷊inge taumata ngu Yahudi, arako l᷊ai jamaati u Mawu Ruata. 33Puwiahite kere ia. Ia mutatitehi mupakal᷊uasi u naung u kaul᷊i u taumata su l᷊al᷊ung u kaul᷊i u haghi, takoae manga guna ngu watangengku sisane. Ol᷊angku ko kitang tadeau i sire kaul᷊ie botonge ipakasal᷊amati.
Currently Selected:
:
Highlight
Share
Copy
Want to have your highlights saved across all your devices? Sign up or sign in