1 KORINTUS 7
7
Manga kakina su hal᷊i u pukakawing
1Su orasi i'i ia mo muwisara hal᷊i ko niul᷊i i kumu su surati kumu. Boko singkatau ko ese ta nukawing, e'e ko mapia.#7:1: Boko singkatau ko ese ta mukawing, e'e ko mapia: arako i kumu nangul᷊i himoneu boko singkatau ko ese ta mukawing, e'e mapia. 2Kateho tadeau tai kasal᷊ukateng mukoa manga hal᷊i ko ta mutatahino, mapiang kaul᷊i u taumata ko ese pia kawinge sisane dang kaul᷊i u kowawine pia kawinge sisane. 3Ko ese mambeng mungganapi hal᷊ie kere ko ese su tingo ngu kawinge, dang kowawine mambeng mungganapi hal᷊ie kere kowawine su ting ngu kawinge; singkatau-singkatau mungganapi hal᷊ie su tingo ngu ko wal᷊inge. 4Ko wawine takoae kawasange su badange sisane; ko pia kawasange su badange ko kawinge. Kere l᷊ai ko ese takoae kawasange su badange sisane; ko pia kawasange su badange ko kawinge. 5Kumbahang mughaghea singkatau bou ko wal᷊inge kere singkawingang. Botonge singkodo tempo, asal᷊i singkanaung. Dingang kere'e singkatau-singkatau makapukal᷊iomaneng dingang takoae gangguange. Kateho samuringe, i kumu mambeng sau pusul᷊e putatamba kere singkawingang. Boko ta kere'e, ntihang i kumu ikasal᷊ukateng u roh ko dal᷊ai, watu'u i kumu ta makakuhirang u kao.
6Ia muhabari i'i wal᷊inge kere parenta, kateho kere sasasa. 7Ia mang pia kaoku lebe l᷊abo boko kaul᷊i u taumata makoa kere ia. Kateho singkatau-singkatau seng nahia u l᷊aonggo nitarima bou Mawu Ruata. Singkatau pia l᷊aonggo i'i, su ko wal᷊inge l᷊aonggo e'e.
8Suapang taumata ko tangkeng nukawing dang su manga kowawine seng ko wal᷊u, i'i sasasaku: Mapiang i kumu tatapi muwiahi sisane kere ia. 9Kateho boko i kumu ta makakuhirang mutatahang kao, mapiang i kumu pukawing. Watu'u mapiangwe i kumu pukawing, sul᷊ung u kao mangkate susahoka. 10#Mat. 5:32, 19:9; Mrk. 10:11-12; Luk. 16:18Si sire ko seng mbuae nukawing, i'i sasasaku: (Tuhu hinonge wal᷊ingewe ia ko nangonggo parenta i'i, kateho ko Mawu.) Singkatau kowawine ko seng mbuae nukawing kumbahang manintang u kawinge. 11Kateho boko i sie seng nanintang, i sie mambeng matatana ta mukawing, arako sau musul᷊e sarang kawinge. Dang singkatau ko ese tawe wotonge manindo kawinge.
12Su ko wal᷊inge sasasaku ko: – i'i sasasaku sisane, wal᷊inge Mawu – boko singkatau Sahani mukawing dingang u singkatau kowawine ko ta mangimang si Kristus, dang kawinge mo muwiahi singkapuwiahi dingange, taumata e'e tawe wotonge manindo kawinge. 13Dang boko singkatau ko kawinge sahani mukawing dingang u singkatau ko ta mangimang si Kristus, dang kawinge mo muwiahi singkapuwiahi dingange, kuteu kowawine e'e tawe wotonge manindo kawinge. 14Watu'u kawinge ko ta mangimang ipakawala makoa tataho u umati Mawu Ruata watu'u pukakawinge dingang kowawine ko seng nitataghuaneng u Mawu Ruata. Kere l᷊ai kawinge ko ta mangimang nipakawala guna ngu makoa tataho u umati Mawu Ruata watu'u pukakawinge dingang ko ese ko seng nitaghuaneng u Mawu Ruata. Boko ta kere, manga ana i sire tantu musul᷊ung u manga ana u tau ko kapehi, sumbal᷊i manga ana e'e nirekeng kere tataho u umati Mawu Ruata. 15Kateho boko taumata ko ta mangimang e'e manintang kowawine arako ko ese Sahani, kumbahang manahang si sie. Su hal᷊i i'i, i kau kowawine arako i kau ko ese seng nal᷊iwiri, watu'u Mawu Ruata mo i kumu muwiahi su purarame. 16Watu'u i kau kere kowawine – ko seng mangimang su Mawu – kirapa i kau botonge makatitong dingang mal᷊ahe himoneu i kau ta makasal᷊amati#7:16: kirapa i kau botonge makatitong dingang mal᷊ahe himoneu i kau ta makasal᷊amati: arako kirapa i kau nakatitong himoneu i kau ta makasal᷊amati kawingu? Kere l᷊ai i kau kere ko ese Sahani, kirapa i kau botonge makatitong dingang mal᷊ahe himoneu i kau ta makasal᷊amati kawingu?
Puwiahite kere i Kau niaha u Mawu
17Singkatau-singkatau pangatori puwawiahie tumuhu l᷊aaha u Mawu kere ko seng nitantu u Mawu Ruata si sie su tempo ngu Mawu Ruata nukui si sie tadeau mangimang si Sie. E'e atorang ko daku nitintiro su apang jamaati. 18Umpamange, boko singkatau seng mbuae nisunati su tempo ngi sie nanarima kakui ngu Mawu Ruata, kumbahang taumata e'e mutawakal᷊i mangumu manga tatia ngu sunati e'e. Kere l᷊ai boko singkatau mborong tangkeng nisunati su tempo ngi sie nanarima kakui ngu Mawu Ruata, kumbahang taumata e'e mundo makisunati. 19Watu'u tumuhu atorang u sunati arako ta, kaul᷊ie takoae mangal᷊enge. Kapiange ko tumuhu apang parenta ngu Mawu Ruata. 20Apang taumata mapiang pakatatana muwiahi su l᷊al᷊ung u kakakoae kere su tempo ngi sie nanarima kakui ngu Mawu Ruata. 21Boko su tempo i kau nikuing, i kau ko singkatau l᷊ang, ta wahal᷊uasi i kau mutawakal᷊i mupikiri u hal᷊i e'e. Kateho boko i kau hindo makarea l᷊al᷊eng tadeau mal᷊iwiri, pake'e l᷊al᷊eng e'e.#7:21: Kateho boko i kau hindo makarea l᷊al᷊eng tadeau mal᷊iwiri, pake'e l᷊al᷊eng e'e: arako Kateho maneng i kau makarea tempo tadeau mal᷊iwiri, mapiang i kau pukoa pakapia-pia dingang u kakakoa u kere l᷊ang 22Watu'u singkatau l᷊ang ko seng nangimang su Mawu, ko taumata ngu Mawu ko nal᷊iwiri. Dang singkatau ko nal᷊iwiri ko seng nangimang su Mawu, ko l᷊ang I Kristus. 23Mawu Ruata seng nul᷊uang si kau dang seng niwaehang kaul᷊ie. Watu'u e'e kumbahang i kau manarakang watangengu tadeau makoa l᷊ang u taumata. 24Inau, manga ana u simbau, kirapa kakakoa i kumu su tempo ngu nikuing, i kumu pakatatana puwiahi kere'e dingang u Mawu Ruata.
Hal᷊i u apang taumata ko tangkeng nukawing dang apang kowawine ko wal᷊u
25Su orasi i'i hal᷊i apang taumata ko tangkeng nukawing. Su hal᷊i e'e, ia mborong ta nanarima parenta manga apa bou Mawu. Kateho kere taumata ko ual᷊ingu al᷊amatiu Mawu ko hinonge ipangimaneng, ia mo mangonggo sasasaku.
26Mutinaung kaul᷊i u kasasusa ko humombang orasi i'i, su pundangku mapiang boko taumata matatana muwiahi kere'e kakakoae su orasi i'i. 27Boko i kau seng pia kawingu kumbahang manintang u kawingu e'e. Boko i kau mborong ta nukawing ta wahal᷊uasi i kau mundea kawingu. 28Kateho boko i kau mukawing, e'e wal᷊ingewe dosa. Kere'e l᷊ai boko singkatau mahua mukawing, i sie wal᷊inge nubardosa. Kitang, i sire ko nukawing e'e sarung mupatingo maul᷊i u kasasusa. Dang ia mo i kumu mal᷊iu bou haghi ngu kasasusa e'e.
29Pandungku ko kiri'i, manga ana u simbau: Kite seng takoae tempo ko manandu l᷊ai. Manita bou orasi i'i, apang taumata ko seng pia kawinge puwiahite karlagu ngu i sie ta nukawing; 30Taumata ko kapumpal᷊ehenge, kapuwawiahi karlagu ngu i sie ko ta masusa naunge; taumata ko kal᷊igheinge, karlagu ngu i sie ko ta mal᷊uasi; taumata ko mbuae nul᷊uang, karlagu ngu i sie takoae manga apa; 31dang taumata ko mul᷊al᷊al᷊au su l᷊al᷊ung u manga hal᷊i u dunia, puwawiahie karlagu ngu i sie ta kapusasibu ngu manga hal᷊i e'e. Watu'u seng ta mal᷊iwue l᷊ai dunia i'i, su l᷊al᷊ung u kakakoae su orasi i'i, sarung mailang!
32Ia mo tadeau i kau mal᷊iwiri bou kasasusa. Taumata ko ta nukawing sarung mupakasimbau sipirange su manga hal᷊i u Mawu, watu'u i sie mo mupakal᷊uasi u naung u Mawu. 33Arawe taumata ko pia kawinge sarung maul᷊i mupikiri manga hal᷊i u dunia i'i, watu'u i sie mo mupakal᷊uasi naung u kawinge; 34hakiu suenge naunge mapahia. Singkatau kowawine ko takoae kawinge, arako singkatau ko ana ko mahua, sarung maul᷊i mupikiri manga hal᷊i u Mawu Ruata, watu'u i sie mo tadeau badange dang jiwange makoa koa u Mawu Ruata. Arawe singkatau kowawine ko seng pia kawinge, mupakasimbau sipirange su manga hal᷊i u dunia i'i, watu'u i sie mo mupakal᷊uasi u naung u kawinge.
35Ia namohe kaul᷊i u e'e guna ngu kapapia ngi kumu, wal᷊ingewe pia pandung mutahatinda u i'i dang mutahatinda u e'e. Kaoku kitang tadeau i kumu mukoa ko tingari dang mutatahino, dang tadeau i kumu botonge mupakasimbau sipirang i kumu su Mawu.
36Boko singkatau makapundang ta nukoa hal᷊i ko nuhino su tunangange, boko i sie ta makapukuhirang mutatahang u kaoe, dang i sie mupundang mo mukawing dingang ana ko mahua e'e, walate kere'e i sie pukoa apa ko i kapundangenge mapia.#7:36: Boko singkatau … ko i kapundangenge mapia: arako hal᷊i u singkatau ko ese dang anae ko mahua: boko i sie mupundang himoneu i sie nukoa ko ta nutatahino su saruang u anae e'e, dang ana e'e seng dio matilang guna ngu mukawing, kuteu i sie mambeng mukoa kaoe dang mupukawing anae ko mahua e'e. I sie ta nubardosa, boko i sie mukawing. 37Arawe boko singkatau seng namutusi su l᷊al᷊ung u naunge ta mukawing dingang u tunangange#7:37: naunge ta mukawing dingang u tunangange: arako tadeau ta mupukawing anae ko mahua. dang putusange e'e ta nisihasa, kuteu ko nikoa e'e mapia, asal᷊i i sie matoghasi mukoa e'e. 38Nimbue taumata ko nukawing,#7:38: mukawing: arako mupukawing anae ko mahua. mapia kakakoae, dang taumata ko ta nukawing#7:38: ta nukawing: arako ta mupukawing anae ko mahua. nangilembo mapia kakanoae.
39Singkatau kowawine ko seng nukawing naiki dingang kawinge kitang su tempo ngu kawinge wiahi. Boko kawinge seng nate, kowawine e'e botonge sau mukawing dingang ko ese ko nikaoe; asal᷊i pukakawing e'e pukakawing u taumata ngu sahani. 40Kateho lebe kapiange boko i sie seng ta sau mukawing. E'e sipirangku sisaneku, kateho su pundangku ko daku nihabari e'e ko dingang u kawasa ngu Roh u Mawu Ruata.
Currently Selected:
1 KORINTUS 7: PLT
Highlight
Share
Copy
Want to have your highlights saved across all your devices? Sign up or sign in
1 KORINTUS 7
7
Manga kakina su hal᷊i u pukakawing
1Su orasi i'i ia mo muwisara hal᷊i ko niul᷊i i kumu su surati kumu. Boko singkatau ko ese ta nukawing, e'e ko mapia.#7:1: Boko singkatau ko ese ta mukawing, e'e ko mapia: arako i kumu nangul᷊i himoneu boko singkatau ko ese ta mukawing, e'e mapia. 2Kateho tadeau tai kasal᷊ukateng mukoa manga hal᷊i ko ta mutatahino, mapiang kaul᷊i u taumata ko ese pia kawinge sisane dang kaul᷊i u kowawine pia kawinge sisane. 3Ko ese mambeng mungganapi hal᷊ie kere ko ese su tingo ngu kawinge, dang kowawine mambeng mungganapi hal᷊ie kere kowawine su ting ngu kawinge; singkatau-singkatau mungganapi hal᷊ie su tingo ngu ko wal᷊inge. 4Ko wawine takoae kawasange su badange sisane; ko pia kawasange su badange ko kawinge. Kere l᷊ai ko ese takoae kawasange su badange sisane; ko pia kawasange su badange ko kawinge. 5Kumbahang mughaghea singkatau bou ko wal᷊inge kere singkawingang. Botonge singkodo tempo, asal᷊i singkanaung. Dingang kere'e singkatau-singkatau makapukal᷊iomaneng dingang takoae gangguange. Kateho samuringe, i kumu mambeng sau pusul᷊e putatamba kere singkawingang. Boko ta kere'e, ntihang i kumu ikasal᷊ukateng u roh ko dal᷊ai, watu'u i kumu ta makakuhirang u kao.
6Ia muhabari i'i wal᷊inge kere parenta, kateho kere sasasa. 7Ia mang pia kaoku lebe l᷊abo boko kaul᷊i u taumata makoa kere ia. Kateho singkatau-singkatau seng nahia u l᷊aonggo nitarima bou Mawu Ruata. Singkatau pia l᷊aonggo i'i, su ko wal᷊inge l᷊aonggo e'e.
8Suapang taumata ko tangkeng nukawing dang su manga kowawine seng ko wal᷊u, i'i sasasaku: Mapiang i kumu tatapi muwiahi sisane kere ia. 9Kateho boko i kumu ta makakuhirang mutatahang kao, mapiang i kumu pukawing. Watu'u mapiangwe i kumu pukawing, sul᷊ung u kao mangkate susahoka. 10#Mat. 5:32, 19:9; Mrk. 10:11-12; Luk. 16:18Si sire ko seng mbuae nukawing, i'i sasasaku: (Tuhu hinonge wal᷊ingewe ia ko nangonggo parenta i'i, kateho ko Mawu.) Singkatau kowawine ko seng mbuae nukawing kumbahang manintang u kawinge. 11Kateho boko i sie seng nanintang, i sie mambeng matatana ta mukawing, arako sau musul᷊e sarang kawinge. Dang singkatau ko ese tawe wotonge manindo kawinge.
12Su ko wal᷊inge sasasaku ko: – i'i sasasaku sisane, wal᷊inge Mawu – boko singkatau Sahani mukawing dingang u singkatau kowawine ko ta mangimang si Kristus, dang kawinge mo muwiahi singkapuwiahi dingange, taumata e'e tawe wotonge manindo kawinge. 13Dang boko singkatau ko kawinge sahani mukawing dingang u singkatau ko ta mangimang si Kristus, dang kawinge mo muwiahi singkapuwiahi dingange, kuteu kowawine e'e tawe wotonge manindo kawinge. 14Watu'u kawinge ko ta mangimang ipakawala makoa tataho u umati Mawu Ruata watu'u pukakawinge dingang kowawine ko seng nitataghuaneng u Mawu Ruata. Kere l᷊ai kawinge ko ta mangimang nipakawala guna ngu makoa tataho u umati Mawu Ruata watu'u pukakawinge dingang ko ese ko seng nitaghuaneng u Mawu Ruata. Boko ta kere, manga ana i sire tantu musul᷊ung u manga ana u tau ko kapehi, sumbal᷊i manga ana e'e nirekeng kere tataho u umati Mawu Ruata. 15Kateho boko taumata ko ta mangimang e'e manintang kowawine arako ko ese Sahani, kumbahang manahang si sie. Su hal᷊i i'i, i kau kowawine arako i kau ko ese seng nal᷊iwiri, watu'u Mawu Ruata mo i kumu muwiahi su purarame. 16Watu'u i kau kere kowawine – ko seng mangimang su Mawu – kirapa i kau botonge makatitong dingang mal᷊ahe himoneu i kau ta makasal᷊amati#7:16: kirapa i kau botonge makatitong dingang mal᷊ahe himoneu i kau ta makasal᷊amati: arako kirapa i kau nakatitong himoneu i kau ta makasal᷊amati kawingu? Kere l᷊ai i kau kere ko ese Sahani, kirapa i kau botonge makatitong dingang mal᷊ahe himoneu i kau ta makasal᷊amati kawingu?
Puwiahite kere i Kau niaha u Mawu
17Singkatau-singkatau pangatori puwawiahie tumuhu l᷊aaha u Mawu kere ko seng nitantu u Mawu Ruata si sie su tempo ngu Mawu Ruata nukui si sie tadeau mangimang si Sie. E'e atorang ko daku nitintiro su apang jamaati. 18Umpamange, boko singkatau seng mbuae nisunati su tempo ngi sie nanarima kakui ngu Mawu Ruata, kumbahang taumata e'e mutawakal᷊i mangumu manga tatia ngu sunati e'e. Kere l᷊ai boko singkatau mborong tangkeng nisunati su tempo ngi sie nanarima kakui ngu Mawu Ruata, kumbahang taumata e'e mundo makisunati. 19Watu'u tumuhu atorang u sunati arako ta, kaul᷊ie takoae mangal᷊enge. Kapiange ko tumuhu apang parenta ngu Mawu Ruata. 20Apang taumata mapiang pakatatana muwiahi su l᷊al᷊ung u kakakoae kere su tempo ngi sie nanarima kakui ngu Mawu Ruata. 21Boko su tempo i kau nikuing, i kau ko singkatau l᷊ang, ta wahal᷊uasi i kau mutawakal᷊i mupikiri u hal᷊i e'e. Kateho boko i kau hindo makarea l᷊al᷊eng tadeau mal᷊iwiri, pake'e l᷊al᷊eng e'e.#7:21: Kateho boko i kau hindo makarea l᷊al᷊eng tadeau mal᷊iwiri, pake'e l᷊al᷊eng e'e: arako Kateho maneng i kau makarea tempo tadeau mal᷊iwiri, mapiang i kau pukoa pakapia-pia dingang u kakakoa u kere l᷊ang 22Watu'u singkatau l᷊ang ko seng nangimang su Mawu, ko taumata ngu Mawu ko nal᷊iwiri. Dang singkatau ko nal᷊iwiri ko seng nangimang su Mawu, ko l᷊ang I Kristus. 23Mawu Ruata seng nul᷊uang si kau dang seng niwaehang kaul᷊ie. Watu'u e'e kumbahang i kau manarakang watangengu tadeau makoa l᷊ang u taumata. 24Inau, manga ana u simbau, kirapa kakakoa i kumu su tempo ngu nikuing, i kumu pakatatana puwiahi kere'e dingang u Mawu Ruata.
Hal᷊i u apang taumata ko tangkeng nukawing dang apang kowawine ko wal᷊u
25Su orasi i'i hal᷊i apang taumata ko tangkeng nukawing. Su hal᷊i e'e, ia mborong ta nanarima parenta manga apa bou Mawu. Kateho kere taumata ko ual᷊ingu al᷊amatiu Mawu ko hinonge ipangimaneng, ia mo mangonggo sasasaku.
26Mutinaung kaul᷊i u kasasusa ko humombang orasi i'i, su pundangku mapiang boko taumata matatana muwiahi kere'e kakakoae su orasi i'i. 27Boko i kau seng pia kawingu kumbahang manintang u kawingu e'e. Boko i kau mborong ta nukawing ta wahal᷊uasi i kau mundea kawingu. 28Kateho boko i kau mukawing, e'e wal᷊ingewe dosa. Kere'e l᷊ai boko singkatau mahua mukawing, i sie wal᷊inge nubardosa. Kitang, i sire ko nukawing e'e sarung mupatingo maul᷊i u kasasusa. Dang ia mo i kumu mal᷊iu bou haghi ngu kasasusa e'e.
29Pandungku ko kiri'i, manga ana u simbau: Kite seng takoae tempo ko manandu l᷊ai. Manita bou orasi i'i, apang taumata ko seng pia kawinge puwiahite karlagu ngu i sie ta nukawing; 30Taumata ko kapumpal᷊ehenge, kapuwawiahi karlagu ngu i sie ko ta masusa naunge; taumata ko kal᷊igheinge, karlagu ngu i sie ko ta mal᷊uasi; taumata ko mbuae nul᷊uang, karlagu ngu i sie takoae manga apa; 31dang taumata ko mul᷊al᷊al᷊au su l᷊al᷊ung u manga hal᷊i u dunia, puwawiahie karlagu ngu i sie ta kapusasibu ngu manga hal᷊i e'e. Watu'u seng ta mal᷊iwue l᷊ai dunia i'i, su l᷊al᷊ung u kakakoae su orasi i'i, sarung mailang!
32Ia mo tadeau i kau mal᷊iwiri bou kasasusa. Taumata ko ta nukawing sarung mupakasimbau sipirange su manga hal᷊i u Mawu, watu'u i sie mo mupakal᷊uasi u naung u Mawu. 33Arawe taumata ko pia kawinge sarung maul᷊i mupikiri manga hal᷊i u dunia i'i, watu'u i sie mo mupakal᷊uasi naung u kawinge; 34hakiu suenge naunge mapahia. Singkatau kowawine ko takoae kawinge, arako singkatau ko ana ko mahua, sarung maul᷊i mupikiri manga hal᷊i u Mawu Ruata, watu'u i sie mo tadeau badange dang jiwange makoa koa u Mawu Ruata. Arawe singkatau kowawine ko seng pia kawinge, mupakasimbau sipirange su manga hal᷊i u dunia i'i, watu'u i sie mo mupakal᷊uasi u naung u kawinge.
35Ia namohe kaul᷊i u e'e guna ngu kapapia ngi kumu, wal᷊ingewe pia pandung mutahatinda u i'i dang mutahatinda u e'e. Kaoku kitang tadeau i kumu mukoa ko tingari dang mutatahino, dang tadeau i kumu botonge mupakasimbau sipirang i kumu su Mawu.
36Boko singkatau makapundang ta nukoa hal᷊i ko nuhino su tunangange, boko i sie ta makapukuhirang mutatahang u kaoe, dang i sie mupundang mo mukawing dingang ana ko mahua e'e, walate kere'e i sie pukoa apa ko i kapundangenge mapia.#7:36: Boko singkatau … ko i kapundangenge mapia: arako hal᷊i u singkatau ko ese dang anae ko mahua: boko i sie mupundang himoneu i sie nukoa ko ta nutatahino su saruang u anae e'e, dang ana e'e seng dio matilang guna ngu mukawing, kuteu i sie mambeng mukoa kaoe dang mupukawing anae ko mahua e'e. I sie ta nubardosa, boko i sie mukawing. 37Arawe boko singkatau seng namutusi su l᷊al᷊ung u naunge ta mukawing dingang u tunangange#7:37: naunge ta mukawing dingang u tunangange: arako tadeau ta mupukawing anae ko mahua. dang putusange e'e ta nisihasa, kuteu ko nikoa e'e mapia, asal᷊i i sie matoghasi mukoa e'e. 38Nimbue taumata ko nukawing,#7:38: mukawing: arako mupukawing anae ko mahua. mapia kakakoae, dang taumata ko ta nukawing#7:38: ta nukawing: arako ta mupukawing anae ko mahua. nangilembo mapia kakanoae.
39Singkatau kowawine ko seng nukawing naiki dingang kawinge kitang su tempo ngu kawinge wiahi. Boko kawinge seng nate, kowawine e'e botonge sau mukawing dingang ko ese ko nikaoe; asal᷊i pukakawing e'e pukakawing u taumata ngu sahani. 40Kateho lebe kapiange boko i sie seng ta sau mukawing. E'e sipirangku sisaneku, kateho su pundangku ko daku nihabari e'e ko dingang u kawasa ngu Roh u Mawu Ruata.
Currently Selected:
:
Highlight
Share
Copy
Want to have your highlights saved across all your devices? Sign up or sign in