1 KORINTUS 6
6
Mangalaki ana u simbau su pangadilang
1Nakurawe pia su tal᷊oara i kumu ko wahani matamai sarang koa u hakim ko wugha ngu Mawu Ruata, guna ngu mangalaki ana u simbau singpangimaneng, boko i sie nul᷊al᷊al᷊ai dingang ana u simbau e'e? Nakurawe i sie ta nundo umati Mawu Ruata pangurusi parkara e'e? 2Apa i kumu ko wugha himoneu umati Mawu Ruata sarung muhukung dunia i'i? Inau, boko tingari i kumu sarung muhukung dunia i'i, apa i kumu ta makakoa mangurusi apang parkara pangadilang ko takoae mangal᷊enge? 3Apa i kumu wugha himoneu i kite sarung muhukung manga malaikati? Nangilembo l᷊ai hal᷊i u puwawiahi l᷊ou-l᷊ou! 4Boko tumimbul᷊i manga parkara ko kere e'e, apa i kumu mangalaki su manga taumata ko takoae jabatange su l᷊al᷊ung u jamaati? 5Makamea kahingang! Tantu su tal᷊oara i kumu mang pia singkatau ko dio pia pilesa mangurusi purarendehi su tal᷊oara u manga ana u simbau ko l᷊awo tau Sahani! 6Kateho su simbukange singkatau Sahani natamai sarang koa u taumata wal᷊inge tau Sahani guna ngu mangalaki parkarae dingang ana u simbaue ko tau Sahani!
7Kumbahang matamai muparkara dingang u taumata ko wal᷊inge tau Sahani; pia manga purarendehi su tal᷊oara i kumu l᷊ai seng kere simbau kararugi si kumu. Mapiang i kumu nikoa takoae tul᷊irie, arako nipakarugi! 8Kateho i kumu ha kasaunge mukoa taumata ko wal᷊inge takoae tul᷊irie. I kumu ha l᷊ai nupakarugi ngu taumata ko wal᷊inge. Dang e'e l᷊ai nikoa i kumu su manga ana u simbau singpangimaneng! 9Apa i kumu matitong himoneu manga taumata ko ta mutumuhu kao u Mawu Ruata, ta sarung makoa tataho umati Mawu Ruata? Kumbahang kaakal᷊eng! Apang taumata ko mukoa ko l᷊amuhu, apang taumata ko manumba barhala, ko nawuang, manga ko ese ko tahakoa hal᷊i ko makamea su sinsul᷊unge dang parie, 10ko tahatako, ko mal᷊aanggang, ko babukang, ko makihaghi mupakal᷊al᷊ai u taumata ko wal᷊inge, dingang ko taghunang mupakasusa ngu taumata ko wal᷊inge – kaul᷊i u taumata ko kere'e ta sarung makoa tataho umati Mawu Ruata. 11Pira ngkatau bou tal᷊oara i kumu ndahuwite taghunang mukoa kere'e. Arawe su orasi i'i i kumu seng nipakal᷊ahe bursi bou dosa. I kumu seng nakoa koa u Mawu Ruata sisane. I kumu seng sau nutingkapia dingang u Mawu Ruata, ual᷊ing i kumu seng nangimang su Mawu Yesus Kristus dang ual᷊ingu kawasa ngu Roh bou Mawu Ruata ngi kite.
Koako badangu guna ngu mupakawantughi Mawu Ruata
12 #
1Kor. 10:23
Pia ko nangul᷊i uare kaul᷊i u taumata botonge mukoa kaul᷊i u haghi. Kateho si sia wal᷊inge kaul᷊ie pia gunange. Inau maning we ia botonge mukoa kaul᷊i u haghi, kateho ia mandi mupakawala ngu badangku pakikawasa su manga apa. 13Pia l᷊ai ko nangul᷊i uare kang ko guna ngu tiang, dang tiang nisadia guna ngu kang. Kateho kaul᷊ie sarung ipakailang u Mawu Ruata. Badang u taumata tawe wotonge ipake guna ngu hal᷊i ko mal᷊amuhu, kateho kitang guna ngu putangkiang Mawu. Dang Mawu sarung mupal᷊ihara badang e'e. 14Mawu Ruata seng nupuwiahi Mawu Yesus bou papate, kere'e l᷊ai Mawu Ruata sarung mupuwiahi kite dingang u kawasang-E.
15Manga ana u simbau matitong himoneu badang i kumu ko bahageang u badang I Kristus. Inau apa, botonge ia mangal᷊a simbahageang u badang I Kristus bou e'e i koa bahageang u badang u singkatau kowawine ko dal᷊ai? Mambeng ta! 16#Kar. 2:24Arako pari i kumu mborong wugha himoneu taumata ko mural᷊au dingang u singkatau kowawine ko dal᷊ai, makoa simbau dingang kowawine ko dal᷊ai e'e! Watu'u su l᷊al᷊ung u Buki Susi mawawohe, “I sire rua seng nakoa simbau.” 17Arawe taumata ko mupakasimbau u watangenge dingang u Mawu Ruata, Roh u Mawu dingang u roh u taumata e'e makoa simbau.
18Pakagheako bou manga kakanoa ko l᷊amuhu. Watu'u kaul᷊i u dosa ko wal᷊inge ko nikoa u taumata, nariadi su l᷊ikuru badang u taumata e'e. Arawe taumata ko nukoa ko mal᷊amuhu, mangal᷊enge ko nukoa su watangenge sisane. 19#1Kor. 3:16; 2Kor. 6:16I kumu mambeng matitong himoneu badang i kumu ko tampa katanakeng u Roh u Mawu Ruata. Roh e'e natana su l᷊al᷊ung i kumu. Dang Mawu Ruata sisane ko nunggile Roh e'e si kumu. Watangeng i kumu wal᷊inge we koa i kumu. E'e ko koa u Mawu Ruata. 20I kumu seng nil᷊uangeng u Mawu Ruata dang seng niwaehang kaul᷊ie. Watu'u e'e koako badangu pakapia sarang makawantughi Mawu Ruata.
Currently Selected:
1 KORINTUS 6: PLT
Highlight
Share
Copy
Want to have your highlights saved across all your devices? Sign up or sign in
1 KORINTUS 6
6
Mangalaki ana u simbau su pangadilang
1Nakurawe pia su tal᷊oara i kumu ko wahani matamai sarang koa u hakim ko wugha ngu Mawu Ruata, guna ngu mangalaki ana u simbau singpangimaneng, boko i sie nul᷊al᷊al᷊ai dingang ana u simbau e'e? Nakurawe i sie ta nundo umati Mawu Ruata pangurusi parkara e'e? 2Apa i kumu ko wugha himoneu umati Mawu Ruata sarung muhukung dunia i'i? Inau, boko tingari i kumu sarung muhukung dunia i'i, apa i kumu ta makakoa mangurusi apang parkara pangadilang ko takoae mangal᷊enge? 3Apa i kumu wugha himoneu i kite sarung muhukung manga malaikati? Nangilembo l᷊ai hal᷊i u puwawiahi l᷊ou-l᷊ou! 4Boko tumimbul᷊i manga parkara ko kere e'e, apa i kumu mangalaki su manga taumata ko takoae jabatange su l᷊al᷊ung u jamaati? 5Makamea kahingang! Tantu su tal᷊oara i kumu mang pia singkatau ko dio pia pilesa mangurusi purarendehi su tal᷊oara u manga ana u simbau ko l᷊awo tau Sahani! 6Kateho su simbukange singkatau Sahani natamai sarang koa u taumata wal᷊inge tau Sahani guna ngu mangalaki parkarae dingang ana u simbaue ko tau Sahani!
7Kumbahang matamai muparkara dingang u taumata ko wal᷊inge tau Sahani; pia manga purarendehi su tal᷊oara i kumu l᷊ai seng kere simbau kararugi si kumu. Mapiang i kumu nikoa takoae tul᷊irie, arako nipakarugi! 8Kateho i kumu ha kasaunge mukoa taumata ko wal᷊inge takoae tul᷊irie. I kumu ha l᷊ai nupakarugi ngu taumata ko wal᷊inge. Dang e'e l᷊ai nikoa i kumu su manga ana u simbau singpangimaneng! 9Apa i kumu matitong himoneu manga taumata ko ta mutumuhu kao u Mawu Ruata, ta sarung makoa tataho umati Mawu Ruata? Kumbahang kaakal᷊eng! Apang taumata ko mukoa ko l᷊amuhu, apang taumata ko manumba barhala, ko nawuang, manga ko ese ko tahakoa hal᷊i ko makamea su sinsul᷊unge dang parie, 10ko tahatako, ko mal᷊aanggang, ko babukang, ko makihaghi mupakal᷊al᷊ai u taumata ko wal᷊inge, dingang ko taghunang mupakasusa ngu taumata ko wal᷊inge – kaul᷊i u taumata ko kere'e ta sarung makoa tataho umati Mawu Ruata. 11Pira ngkatau bou tal᷊oara i kumu ndahuwite taghunang mukoa kere'e. Arawe su orasi i'i i kumu seng nipakal᷊ahe bursi bou dosa. I kumu seng nakoa koa u Mawu Ruata sisane. I kumu seng sau nutingkapia dingang u Mawu Ruata, ual᷊ing i kumu seng nangimang su Mawu Yesus Kristus dang ual᷊ingu kawasa ngu Roh bou Mawu Ruata ngi kite.
Koako badangu guna ngu mupakawantughi Mawu Ruata
12 #
1Kor. 10:23
Pia ko nangul᷊i uare kaul᷊i u taumata botonge mukoa kaul᷊i u haghi. Kateho si sia wal᷊inge kaul᷊ie pia gunange. Inau maning we ia botonge mukoa kaul᷊i u haghi, kateho ia mandi mupakawala ngu badangku pakikawasa su manga apa. 13Pia l᷊ai ko nangul᷊i uare kang ko guna ngu tiang, dang tiang nisadia guna ngu kang. Kateho kaul᷊ie sarung ipakailang u Mawu Ruata. Badang u taumata tawe wotonge ipake guna ngu hal᷊i ko mal᷊amuhu, kateho kitang guna ngu putangkiang Mawu. Dang Mawu sarung mupal᷊ihara badang e'e. 14Mawu Ruata seng nupuwiahi Mawu Yesus bou papate, kere'e l᷊ai Mawu Ruata sarung mupuwiahi kite dingang u kawasang-E.
15Manga ana u simbau matitong himoneu badang i kumu ko bahageang u badang I Kristus. Inau apa, botonge ia mangal᷊a simbahageang u badang I Kristus bou e'e i koa bahageang u badang u singkatau kowawine ko dal᷊ai? Mambeng ta! 16#Kar. 2:24Arako pari i kumu mborong wugha himoneu taumata ko mural᷊au dingang u singkatau kowawine ko dal᷊ai, makoa simbau dingang kowawine ko dal᷊ai e'e! Watu'u su l᷊al᷊ung u Buki Susi mawawohe, “I sire rua seng nakoa simbau.” 17Arawe taumata ko mupakasimbau u watangenge dingang u Mawu Ruata, Roh u Mawu dingang u roh u taumata e'e makoa simbau.
18Pakagheako bou manga kakanoa ko l᷊amuhu. Watu'u kaul᷊i u dosa ko wal᷊inge ko nikoa u taumata, nariadi su l᷊ikuru badang u taumata e'e. Arawe taumata ko nukoa ko mal᷊amuhu, mangal᷊enge ko nukoa su watangenge sisane. 19#1Kor. 3:16; 2Kor. 6:16I kumu mambeng matitong himoneu badang i kumu ko tampa katanakeng u Roh u Mawu Ruata. Roh e'e natana su l᷊al᷊ung i kumu. Dang Mawu Ruata sisane ko nunggile Roh e'e si kumu. Watangeng i kumu wal᷊inge we koa i kumu. E'e ko koa u Mawu Ruata. 20I kumu seng nil᷊uangeng u Mawu Ruata dang seng niwaehang kaul᷊ie. Watu'u e'e koako badangu pakapia sarang makawantughi Mawu Ruata.
Currently Selected:
:
Highlight
Share
Copy
Want to have your highlights saved across all your devices? Sign up or sign in