Epesoon 2

Ekaŋɛɛt Ret Bɔdɛɗaak

1Iinakɓa reteer beeɗit wɛɛŋakoŋk agut ŋɛɛwɛnka noŋk a tikiyɛ goŋk. 2Saaɓak beeɗiirɓa badɛɛɗ a tikiyɛɛkɛ a nomɛrɗɔ any sinɔ ŋɛɛwɛnŋɔŋk ɗoo sinik, ɛɓa ɓɔrɛ nomɛrɗɔ ɓaŋkawuka wɛɛŋa sigɔ ŋɛɛwɛŋɔŋkuk sigɔ ɓalɗi walas taamtuk. Sɛɛg wɛɛŋa sigɔ somkaanakik sigɛ ijaagɗi sisɔ joope sigaagɛ kir tiiɗitik. 3Beebeɗiiɓa ɓɔre jeemɛ ɗɛyaan taar naŋkik sɛɛge kɔɔr aɓa nonomɗii ɗɛyan taar naŋkik a koɓi kalbi naŋkik. Arkiiɓa goopan Waakoyotoŋk goyse ɗeek riiɓ naŋk oko joop ɔgɔ.

4Yakana agut sinɔ obiikiɗ maariyeet Waakoyotoŋk a mɛyin sinɛ tina lakik, 5kɛygunɓa aasi eteŋk reteer tikiyɛɛkɛ gaŋkiŋ, nɛɓa tina gaɓɛ Waakoyot Wɛɛŋa a Keresee agut omoŋ. Bɔdɛɛrɓa sɔɔk wookaan nɛɛkɛk. 6Nɛɓa tin boŋku Waakoyot ret walasa goy Kereseek, nɛɓa tin riiɓe nyon sinoonɛ ar darik a Sɛɛn agut omoŋ. 7Nɔɓa ijaagiiɗ sinik kɛnɔ koy tina yaaŋɛ wookan geet nɛɛkik sinɔ ar koɓiiɗ rakaayk emeyikɛ sigaagɛkoy mɛlɛrkik agut mentanka nɛɛk. 8Agut sinɔ bɔdɛɛrɓa wookaan nɛɛkɛk goy ŋaadiyɛɛkoŋk, ege sini tigi Waakoyotoŋk, ma moko sinɔɓa laŋɛɛ ijaag noŋkuk. 9Wookan sini bɔdɛɛɗoŋk mokoɓa laŋɛɛ ijaag noŋk, agut sini kat lakɛ iɗit sinɔ meri ɛɛk ijaag nɛɛkɛkik. 10Agut sinɔ eteŋk riiɓ Waakoyotoŋk sigɔɓa tin riiɓɛɛ goy Yeese Kereseek kɛnɔ ijaagii ijaagak sigɔ mentaanaŋɔŋk sigɛɓa ragadi Waakoyot jeemɛk.

Omaayikeen

11Agut sini in koɓukɛ sinɛɓa kɔnu daraayɛrɗi joop Ayuuduk iinak sigɛ ɓartiyɛɛkɛ moko joop Ayuuduk kɛ, "Iinak sigiɓa kɛɛ yayawɛɛk," a merir ɛɛk agut sinɔɓa yayawuɗɛɛ taara gɛŋk ariit etoŋkuk. 12Saaɓak ɓɛɛlɛɛrɓa a kɔne kɛɛ Keresee. Pakatiirɓa ɛɛk beeɗit joop Israeelik, iinakɓa konan pɛɛniya kuumiyɛ ŋaadiyɛ sigɛ kookoriik Waakoyotoŋk. Pakatiirɓa ɛɛk Waakoyote a sanɛɛr ŋaadiyɛ ɗook sineene raŋk. 13Iinak sigɛɓa yowɛrkari jeemɛk, yakanaɓɔ sisɔ atukari Yeese Keresee, akɔ widerkɔɔ ɛɛk yɛrom nɛɛkɛk. 14Bɔdɛ naŋk Keresee. Sɛɛn sinɛɓa ari joop Ayuuduk a joop sigɛ moko Ayuuduk a omoŋɔŋk. Nɛɓa sɛŋk aalɛ rektan ɗaakanoŋk sinɛɓa tin pakarkiŋ. 15Aalɛɓa sɛŋk taare nɛɛkɛk sekiyɛ higi joop Ayuuduk kɛnɔ riiɓe iɗit sinɔ tɔɔnuk kɛnɔ ijaag bɔdɛ. 16Ɔɔyɛɓa gumakikeen ret nɛɛkɛk sinaanɛɓa rɛrɗi laalawutant raŋk. Nɛɓa ijaag sigɛ pɛɛyk a sɛɛg ɛɛk omoŋ, nɛɓa sɛɛg ari a taakiɗi a Waakoyo. 17Nɛɓa kus nɛ waasɛ Pɛɛni sinɔ Ɓɛlkɛɛstank bɔdɛɗoŋk iinaka sigaaga moko joop Ayuuduk sigaagaɓa yowɛrkarik a eteŋka sigaaga joop Ayuuduk sigaaga arkii jɔkuk. 18Agut sinɔ ege sini Keresee sinɛ wideerii ɛɛk goy nɛɛkɛ son lak Ɛpɛn eteŋkaak Wɛɛgakɛ sigɔɔgɛ Geetitaanakik.

19Agut sini iinak sigɛ moko joop Ayuuduk moko kɔɔɓɔ seedi son iinak konan a gaatiyaatɛ, ma iinak joop omoŋ a dooytaanak agut omoŋ ɛ iinak joop wɛy Waakoyotoŋk. 20Iinak gode sinɔɓa kɛnyirɛɛ wosɛytaanaka a joopa pɛrkaakoŋk raŋanaak. Giɗe sinɛ obiik Yeese Kerese ɔɗɔwa nɛɛkak. 21Arɛɛ kɛnɔ in ɓɔlɔɔrɛ a Gode sinɔ Geetitank Suumiyoŋk, nɛ tootokɛɛ gode nɛɛk baŋɛ sɛɛne. 22Kɛnyɛ ɓɔrɛ kɔnu Wɛɛŋakɛ Kereseek kɛnɔ iinak gode sinɔ beeɗiɗ Waakoyotuk.

Currently Selected:

Epesoon 2: KSTM

Highlight

Copy