Omoŋ Korontoosuk 4
4
Wosɛytaanak Kereseek
1Ɗɛyɛ joopa baŋɛ a tin ɗegerar kɛ eteŋk ijaageer Kereseek, sigɔ yaaŋɛr any sinɔ dugaaŋɔŋk Waakoyotoŋkuk. 2Ɗɛyɛ joopa sigaaga latu adaratik a ŋaadɛɛ sɛɛgiŋ. 3Kɛɛte rakatɛ ɔkɔnte pɛrɛdɛɛr sɔɔkuŋ maŋk ɔkɔnte pɛrɛdɛ iɗit omaayiŋ. Kaa aasi saak oolɛ a pɛrɛda eek naakɛŋ. 4Mentan kalbi naakɛŋ, moko sinɔɔnɛ kɛ kɛɛte tikiyɛɛk. Sinɛ pɛrɛdɛ eete raŋkik Suumi dakɛɗa. 5Agut sini kat pɛrɛdɛɛ kɛygun wooɗe, a in kiiki mɛlɛ Suumi Yeese pirdiya. Boŋkukoy sɛŋk any sinɔ dugaaŋɔŋk, sinɛɓa dugɛɛ nyuugurk pɛɗɛrkaata, yaaŋɛkoy koɓi sinɛɓa duger joop ɓayɛtunɛɛkɛ gɛŋkikiŋ. Ɓeny saakoy laŋkoy iɗit a omoŋ omoŋ pɔɔsiyɛ sigɔ likik Waakoyote.
6Iinak manyaakak eeta, tonɗiikakɔ kɛnɔ kɔnu kɔnyɛɗ nɛkɔ ara ɛɛk naak a Apiloos a rɔmɛ. Nɔkɔ ariiɗa sinik kɛnɔ tine barɛɛr rɔɔriyɔn sinɛɓa tonɛɛ kɛ, "Kat kaalin sinɛɓa taapɛɛk," agut sini kikɔna ɗɛyɛ a ɓɔŋgɔɔrɛɛr iɗit om raŋana, ma daraayɛɛr iɗit omoŋ. 7Wooɗ sinɛni ari a kaalin iɗit omk? Jikon sinɛ nook a kan kin boŋiiɗ etek? Anɛ ɔkɔnkan boŋun baŋɛ eteŋ nɛ merin ɛɛk agut jikon a itokan kin boŋiiɗ ete?
8Laŋiirkɔ sisɔ any sinɛ kɔna ɗɛyɛk baŋɛ. Iinak sisɔ worikaanak. Pakatiirkɔ tine ɛɛk nɛ tapaaɗanɛɛrɗ! Ɔkɔn tapaaɗanɛɛr eekeerɛŋ, agut sinɔ tapaaɗanɛrɗɔ a eteŋk agut omoŋɔŋkuk, gun mentan tapaaɗan noŋkuŋ. 9Gayita a eteŋk sigɛ wosɛytaanak Waakoyotoŋk, a tin ari sɛŋk a eteŋk pedtaanak joop sigɛkoy sɛɛge pɛrɛdɛɛ rer nɛ diilɛɛ sɛɛg soona ɓokorɗɛɛ sɛɛgŋɔŋk. Dɛnɛr tin joop ɗookoŋk a wosɛytaanak Waakoyotoŋk ɗook baŋɛ, joope taamɛkɛ a ito eteŋk any ibaaloŋk a tɔrɔgoŋk. 10Dakiikɔ seek a ito eteŋk gaagɛyɛ koɓiiɗ naŋk agut Keresee, makɔ sɔɔk dakɛɛr a ito ɗegerari ɛɛk Keresee. Dakiikɔ a bɔɔlak, makɔ dakɛɛr a ɓaŋkaawakariŋ. Dakɛɛrkɔ a eemɛytaanak, makɔ seek dakii a tin daraayɛɛŋ. 11Kɛygun ɓɔrɛ sisɔ nɔ mɛlɛɛɗa sayitiya sineena nɛ lakii ŋaawu, lakii paar, ɓɛɛlii konaan, ɗiŋɛɛtiniŋ, sanii nyon beeɗitoŋk a ito eteŋk dɔɔkutaanak. 12Ijaagɗikii arnɛ gaŋk a bɔɔlaakiiŋ, saa tin koonyɛɗɛɛk ma seek geetiɗikiiŋ, saa tin epapayarɗik ma seek ɓaŋkaawurii oolaan. 13Saa tin nyɔɔnarɗi ɛ sɔɔkɛr tiriya gaŋkik, nɛ sɛɛga jumurii pɛɛnii mɛyinoŋk sinɔɔnɛ mentanŋɔŋk. Mɛlɛɛɗa sisɔwa dakiikɔ a eteŋk turi ɗookoŋk a diirɛ sinɔ gaaliirɛ ɗookuk.
14Moko kɔna taapɛɛra sini kɛnɔ kɔnu ara a latukari keeny. Ma kɔnu koykoya a ito iinak tɔɔmɔk gaaŋk sigɛ sɛɛg poraak. 15Kɛygun latukaayar rɔɔriytaanak sigɔ ɓɔɔkaaŋɔŋk Kereseeŋ, ma kɔne kɛɛ ɓaaɓakak sigɔ ɓɔɔkaaŋɔŋk. Eet sinɛkan kɔnu ɓarta Pɛɛnii sinɔɔnɛ Ɓɛlkɛɛstank Yeese Kereseek. 16Nɛ agut sini kalɛya kɔnu kɛnɔ nomɛɛr rɔmɛɛɗ naakɛk. 17Agut any sini wosɛyɛrakɔ kɔna Timotiyoos sinɛ tɔɔn naak Suumiik sinɛ porɛɛ ɛ ŋaadɛɛk. Waasɛkɔɔkɔna sɛŋk ɓɛɛlɛɛt naak sinɛ tɔɔnuk, sinɛkan laŋka Yeese Kereseek, oko sinɛkan rɔriryiɗa godeyikɛ Sambatɛɛkoŋk sigɛ atu nyonitaakɛk.
18Iinakɛ a omoŋ omoŋ koɓur joop ɔgɔɔk kɛ, kiirakoy kɔnu lɛwɛɛt nɛkan enyɛɛri any sinɔ ɓɔŋgɔɔrɛrɗi ɛɛk nɛŋk rakaayak. 19Ma ɔkɔn oko ɗɛyan Suumiyoŋkuŋ, mɛlɛɛrakɔɔ son lak iinakik kɛ gonyuŋ. Nɛ ɗɛya a kɔɔ ɗegera ɓaŋkawuka joop sigi ɓɔŋgɔɔrɛr ɛɛkkiŋ, ma moko toni nɛŋk dakɛɗa. 20Agut sinɔ moko ege Burɛ Waakoyotoŋk any toniiɗoŋk dakɛɗa, ma ɓaŋkawuka Waakoyotoŋk. 21Ama ɗɛyɛɛr jikon? Ɗɛyɛɛr a kɔna diilera gumboy goopanoŋku? Maŋk ɗɛyɛɛr mɛyin a wɛɛŋakɛ rikiteet ɛɛkoŋk?
Currently Selected:
Omoŋ Korontoosuk 4: KSTM
Highlight
Share
Copy
Want to have your highlights saved across all your devices? Sign up or sign in
Omoŋ Korontoosuk 4
4
Wosɛytaanak Kereseek
1Ɗɛyɛ joopa baŋɛ a tin ɗegerar kɛ eteŋk ijaageer Kereseek, sigɔ yaaŋɛr any sinɔ dugaaŋɔŋk Waakoyotoŋkuk. 2Ɗɛyɛ joopa sigaaga latu adaratik a ŋaadɛɛ sɛɛgiŋ. 3Kɛɛte rakatɛ ɔkɔnte pɛrɛdɛɛr sɔɔkuŋ maŋk ɔkɔnte pɛrɛdɛ iɗit omaayiŋ. Kaa aasi saak oolɛ a pɛrɛda eek naakɛŋ. 4Mentan kalbi naakɛŋ, moko sinɔɔnɛ kɛ kɛɛte tikiyɛɛk. Sinɛ pɛrɛdɛ eete raŋkik Suumi dakɛɗa. 5Agut sini kat pɛrɛdɛɛ kɛygun wooɗe, a in kiiki mɛlɛ Suumi Yeese pirdiya. Boŋkukoy sɛŋk any sinɔ dugaaŋɔŋk, sinɛɓa dugɛɛ nyuugurk pɛɗɛrkaata, yaaŋɛkoy koɓi sinɛɓa duger joop ɓayɛtunɛɛkɛ gɛŋkikiŋ. Ɓeny saakoy laŋkoy iɗit a omoŋ omoŋ pɔɔsiyɛ sigɔ likik Waakoyote.
6Iinak manyaakak eeta, tonɗiikakɔ kɛnɔ kɔnu kɔnyɛɗ nɛkɔ ara ɛɛk naak a Apiloos a rɔmɛ. Nɔkɔ ariiɗa sinik kɛnɔ tine barɛɛr rɔɔriyɔn sinɛɓa tonɛɛ kɛ, "Kat kaalin sinɛɓa taapɛɛk," agut sini kikɔna ɗɛyɛ a ɓɔŋgɔɔrɛɛr iɗit om raŋana, ma daraayɛɛr iɗit omoŋ. 7Wooɗ sinɛni ari a kaalin iɗit omk? Jikon sinɛ nook a kan kin boŋiiɗ etek? Anɛ ɔkɔnkan boŋun baŋɛ eteŋ nɛ merin ɛɛk agut jikon a itokan kin boŋiiɗ ete?
8Laŋiirkɔ sisɔ any sinɛ kɔna ɗɛyɛk baŋɛ. Iinak sisɔ worikaanak. Pakatiirkɔ tine ɛɛk nɛ tapaaɗanɛɛrɗ! Ɔkɔn tapaaɗanɛɛr eekeerɛŋ, agut sinɔ tapaaɗanɛrɗɔ a eteŋk agut omoŋɔŋkuk, gun mentan tapaaɗan noŋkuŋ. 9Gayita a eteŋk sigɛ wosɛytaanak Waakoyotoŋk, a tin ari sɛŋk a eteŋk pedtaanak joop sigɛkoy sɛɛge pɛrɛdɛɛ rer nɛ diilɛɛ sɛɛg soona ɓokorɗɛɛ sɛɛgŋɔŋk. Dɛnɛr tin joop ɗookoŋk a wosɛytaanak Waakoyotoŋk ɗook baŋɛ, joope taamɛkɛ a ito eteŋk any ibaaloŋk a tɔrɔgoŋk. 10Dakiikɔ seek a ito eteŋk gaagɛyɛ koɓiiɗ naŋk agut Keresee, makɔ sɔɔk dakɛɛr a ito ɗegerari ɛɛk Keresee. Dakiikɔ a bɔɔlak, makɔ dakɛɛr a ɓaŋkaawakariŋ. Dakɛɛrkɔ a eemɛytaanak, makɔ seek dakii a tin daraayɛɛŋ. 11Kɛygun ɓɔrɛ sisɔ nɔ mɛlɛɛɗa sayitiya sineena nɛ lakii ŋaawu, lakii paar, ɓɛɛlii konaan, ɗiŋɛɛtiniŋ, sanii nyon beeɗitoŋk a ito eteŋk dɔɔkutaanak. 12Ijaagɗikii arnɛ gaŋk a bɔɔlaakiiŋ, saa tin koonyɛɗɛɛk ma seek geetiɗikiiŋ, saa tin epapayarɗik ma seek ɓaŋkaawurii oolaan. 13Saa tin nyɔɔnarɗi ɛ sɔɔkɛr tiriya gaŋkik, nɛ sɛɛga jumurii pɛɛnii mɛyinoŋk sinɔɔnɛ mentanŋɔŋk. Mɛlɛɛɗa sisɔwa dakiikɔ a eteŋk turi ɗookoŋk a diirɛ sinɔ gaaliirɛ ɗookuk.
14Moko kɔna taapɛɛra sini kɛnɔ kɔnu ara a latukari keeny. Ma kɔnu koykoya a ito iinak tɔɔmɔk gaaŋk sigɛ sɛɛg poraak. 15Kɛygun latukaayar rɔɔriytaanak sigɔ ɓɔɔkaaŋɔŋk Kereseeŋ, ma kɔne kɛɛ ɓaaɓakak sigɔ ɓɔɔkaaŋɔŋk. Eet sinɛkan kɔnu ɓarta Pɛɛnii sinɔɔnɛ Ɓɛlkɛɛstank Yeese Kereseek. 16Nɛ agut sini kalɛya kɔnu kɛnɔ nomɛɛr rɔmɛɛɗ naakɛk. 17Agut any sini wosɛyɛrakɔ kɔna Timotiyoos sinɛ tɔɔn naak Suumiik sinɛ porɛɛ ɛ ŋaadɛɛk. Waasɛkɔɔkɔna sɛŋk ɓɛɛlɛɛt naak sinɛ tɔɔnuk, sinɛkan laŋka Yeese Kereseek, oko sinɛkan rɔriryiɗa godeyikɛ Sambatɛɛkoŋk sigɛ atu nyonitaakɛk.
18Iinakɛ a omoŋ omoŋ koɓur joop ɔgɔɔk kɛ, kiirakoy kɔnu lɛwɛɛt nɛkan enyɛɛri any sinɔ ɓɔŋgɔɔrɛrɗi ɛɛk nɛŋk rakaayak. 19Ma ɔkɔn oko ɗɛyan Suumiyoŋkuŋ, mɛlɛɛrakɔɔ son lak iinakik kɛ gonyuŋ. Nɛ ɗɛya a kɔɔ ɗegera ɓaŋkawuka joop sigi ɓɔŋgɔɔrɛr ɛɛkkiŋ, ma moko toni nɛŋk dakɛɗa. 20Agut sinɔ moko ege Burɛ Waakoyotoŋk any toniiɗoŋk dakɛɗa, ma ɓaŋkawuka Waakoyotoŋk. 21Ama ɗɛyɛɛr jikon? Ɗɛyɛɛr a kɔna diilera gumboy goopanoŋku? Maŋk ɗɛyɛɛr mɛyin a wɛɛŋakɛ rikiteet ɛɛkoŋk?
Currently Selected:
:
Highlight
Share
Copy
Want to have your highlights saved across all your devices? Sign up or sign in