Omoŋ Korontoosuk 3
3
Ijaageer Waakoyotoŋk
1Iinak manyaakak eeta sigɛ dooytaanakik, kaakan oolɛ a kɔnu rɔɔriya a ito iinak joop sigɔ atu Wɛɛŋakɛk. Makan kɔnu rɔɔriya a ito iinak joop sigɔ atu taarek ɛ sɛɛg tɔɔmɔk sigɔ in kir ɓaŋkaawurɔnk. 2Gijakan kɔnu ɛrsɛɛ, ma moko ɗama sinɔ ɓaŋkawuŋɔŋk. Agut sinɔ kirɗɔ oolɛ ɗamata ɗama sinɔ ɓaŋkawuŋɔŋkuk. Kɛygun ɓɔrɛ sisɔ in kiir oolɛ ɗamata ɗama sinɔ ɓaŋkawuŋɔŋk. 3In ɓɔrɛ sisɔ iinak joop ɗookoŋk agut sinɔ a'ararɗɔ nyeken ɛ ɗaakiɗɔɔ ɛkanɛɛkɛ goŋkuk. Anɛ moko iinak joop ɗookoŋk? In aasi dakɛ sinɔ kɛ iinak joop Waakoyotoŋkuk, a moko iinak joop ɗookoŋku? 4Saa kɔne tonurɗu joop a omoŋ omoŋɔŋk kɛ, "Eet sɛŋk Paawuloosuk," maɓɔrɛ iɗit omaay tɔnu kɛ, "Eet sɛŋk Apiloosuk." In dakɛ sinɔ kɛ iinak joop Waakoyotoŋk, a moko iinak joop ɗookoŋku?
5A ege sɛŋk Apiloos wooɗ? Maɓɔrɛ Paawuloos wooɗ? Egetɔ sɛɛk ijaageer sigɛkan kɔnu arir kɛnɔ ŋaadiɗikarik. Ijaagɗiɗ sɛɛk ijaag sinɛkan sɛɛga gaamu Suumii a omoŋ omoŋɔŋk. 6Waayakan saak wɛykon, makan sawuɗi Apiloos, mayakana ari Waakoyot a ɓɔlɔɔrɛŋ. 7Iɗit sinɛ waayɗik a sinɛ sawuɗik moko dɔɔs sɛɛg, ma iɗit sinɛ ari any sinɛkan waayɛɛk a ɓɔlɔɔrɛŋɔŋk Waakoyo dakɛɗa. 8Iɗit sinɛ waayɗik a iɗit sinɛ sawuɗik ijaagir any sinɔ omoŋɔŋk. Boŋukoy iɗit a omoŋ omoŋ gati nɛɛk oko ijaag nɛɛk. 9Agut sinɔ eteŋk joop sigɛ ijaagɗikii a Waakoyo agut omoŋɔŋk. Ito iinak taawa ɛ ito iinak gode Waakoyotoŋk.
10Tukaakɔ wookaan sinaanɛ kanta gaɓɛ Waakoyotuk ɗoo sinɛ godeyoŋk oko iɗit sinɔ ɗeger ɛɛkik kɛny gode giɗekɛk. Ɛ ɓɔrɛ iɗit omaay kɛnyi sinaanɛkan tukaak raŋk. Yakana iɗit a omoŋ omoŋ in koorɛ ɛɛk nɛɛk kɛ kɛnyi ɛk. 11Ɔkɔnkɔ tukɛɛ ɗook agut omoŋ, nɛɓɔ kɛɛ iɗit sinɔ oolɛ a tuke omk. Ege tuktan sini Yeese Keresee. 12Ɔkɔn lakɛ iɗit sinɔ kɛnyir tuktaana sineena raŋana workee, maŋk birii, maŋk giɗe sinɔɔnɛ eemɛytank, maŋk keet, maŋk ŋɔnyikɛ, maŋk ɛlti, 13mɛlkikoy ɓɛɛnyɔ pirdiyoŋk sinɔ yaaŋɛɛdɛɛ ijaag etoŋk a omoŋ omoŋ. Ɓeny saakoyk yaaŋɛɛkoy a paarɛɛ maɗ ijaag etoŋk a omoŋ omoŋ. 14Ɔkɔn koy iɗit sinɛ kɛny gode giɗekɛk ɓaŋkaawur ijaag nɛɛkɛ a ki aalɗiit maɗiŋ, nɛkoy boŋu ruukeet. 15Mayakana ɔkɔn koy moɗiɗ ijaag nɛɛkɛ maɗiŋ, nɛkoy dakɛɛɗ ruukeet nɛɛkɛŋ. Yakana koy sɛŋk bɔdɛ oko iɗit sinɔ ɗeyi rakatɛɛ sinɔɔnɛ maɗ takank.
16A kiir ɗegerɔɔn kɛ iinak Gode sinɔ Geetitank Waakoyotoŋk ɛ atu Wɛɛŋa sigɔ Geetitaanak iinakɛ taki? 17Ɔkɔn iɗit aalɛ Gode sinɔ Geetitank Waakoyotoŋkuŋ, aalɛkɔɔ sɛɛn Waakoyotuŋ. Ege Gode sinɔ Geetitank Waakoyotoŋk geetitan, ege Gode sini Geetitank iinak.
18Kat lakɛ iɗit sinɔ raamɛ ɛɛk nɛɛkik. Ɔkɔn lakɛ iɗit sinɔ dɛnɛ a gayigeeɗ a ito ɗeger ɛɛk ɗook sineene raŋkiŋ, in ikomu ɛɛk nɛɛk a gaagɛy kɛnɔkoy laŋi ɗegerɔn sinɔ eekerkank. 19Ege ɗegerɔn ɗoo sinik gaagɛyikeen taamɛkɛ Waakoyotoŋk. Agut sinɔ taapɛɛɓa Wargatɛɛ Waakoyotoŋk kɛ, "Kaŋi Waakoyot joop sigɛ ɗegerar ɛɛkik ɗegeej nɛŋk." 20Ɛɓa ɓɔrɛ taapɛɛ kɛ, "Ɗeger Suumii kɛ ɓɛɛlɛ kalbi joop sigɛ ɗegerar ɛɛkik kanysɛya."
21Agut sini kat lakɛ iɗit sinɔ meri ɛɛk etek agut sinɔ ege any baŋɛ noŋkuk. 22Ege any baŋɛ noŋk kɛygun Paawuloos, kɛygun Apiloos, kɛygun Petros, kɛygun ɗoo, kɛygun wɛɛŋa, kɛygun rer, kɛygun sinɛ sisɔk, kɛygun sinɛkoy mɛlkik. 23Iinak ɓɔrɛ Kereseek, maɓɔrɛ Kerese Waakoyotoŋk.
Currently Selected:
Omoŋ Korontoosuk 3: KSTM
Highlight
Share
Copy
Want to have your highlights saved across all your devices? Sign up or sign in
Omoŋ Korontoosuk 3
3
Ijaageer Waakoyotoŋk
1Iinak manyaakak eeta sigɛ dooytaanakik, kaakan oolɛ a kɔnu rɔɔriya a ito iinak joop sigɔ atu Wɛɛŋakɛk. Makan kɔnu rɔɔriya a ito iinak joop sigɔ atu taarek ɛ sɛɛg tɔɔmɔk sigɔ in kir ɓaŋkaawurɔnk. 2Gijakan kɔnu ɛrsɛɛ, ma moko ɗama sinɔ ɓaŋkawuŋɔŋk. Agut sinɔ kirɗɔ oolɛ ɗamata ɗama sinɔ ɓaŋkawuŋɔŋkuk. Kɛygun ɓɔrɛ sisɔ in kiir oolɛ ɗamata ɗama sinɔ ɓaŋkawuŋɔŋk. 3In ɓɔrɛ sisɔ iinak joop ɗookoŋk agut sinɔ a'ararɗɔ nyeken ɛ ɗaakiɗɔɔ ɛkanɛɛkɛ goŋkuk. Anɛ moko iinak joop ɗookoŋk? In aasi dakɛ sinɔ kɛ iinak joop Waakoyotoŋkuk, a moko iinak joop ɗookoŋku? 4Saa kɔne tonurɗu joop a omoŋ omoŋɔŋk kɛ, "Eet sɛŋk Paawuloosuk," maɓɔrɛ iɗit omaay tɔnu kɛ, "Eet sɛŋk Apiloosuk." In dakɛ sinɔ kɛ iinak joop Waakoyotoŋk, a moko iinak joop ɗookoŋku?
5A ege sɛŋk Apiloos wooɗ? Maɓɔrɛ Paawuloos wooɗ? Egetɔ sɛɛk ijaageer sigɛkan kɔnu arir kɛnɔ ŋaadiɗikarik. Ijaagɗiɗ sɛɛk ijaag sinɛkan sɛɛga gaamu Suumii a omoŋ omoŋɔŋk. 6Waayakan saak wɛykon, makan sawuɗi Apiloos, mayakana ari Waakoyot a ɓɔlɔɔrɛŋ. 7Iɗit sinɛ waayɗik a sinɛ sawuɗik moko dɔɔs sɛɛg, ma iɗit sinɛ ari any sinɛkan waayɛɛk a ɓɔlɔɔrɛŋɔŋk Waakoyo dakɛɗa. 8Iɗit sinɛ waayɗik a iɗit sinɛ sawuɗik ijaagir any sinɔ omoŋɔŋk. Boŋukoy iɗit a omoŋ omoŋ gati nɛɛk oko ijaag nɛɛk. 9Agut sinɔ eteŋk joop sigɛ ijaagɗikii a Waakoyo agut omoŋɔŋk. Ito iinak taawa ɛ ito iinak gode Waakoyotoŋk.
10Tukaakɔ wookaan sinaanɛ kanta gaɓɛ Waakoyotuk ɗoo sinɛ godeyoŋk oko iɗit sinɔ ɗeger ɛɛkik kɛny gode giɗekɛk. Ɛ ɓɔrɛ iɗit omaay kɛnyi sinaanɛkan tukaak raŋk. Yakana iɗit a omoŋ omoŋ in koorɛ ɛɛk nɛɛk kɛ kɛnyi ɛk. 11Ɔkɔnkɔ tukɛɛ ɗook agut omoŋ, nɛɓɔ kɛɛ iɗit sinɔ oolɛ a tuke omk. Ege tuktan sini Yeese Keresee. 12Ɔkɔn lakɛ iɗit sinɔ kɛnyir tuktaana sineena raŋana workee, maŋk birii, maŋk giɗe sinɔɔnɛ eemɛytank, maŋk keet, maŋk ŋɔnyikɛ, maŋk ɛlti, 13mɛlkikoy ɓɛɛnyɔ pirdiyoŋk sinɔ yaaŋɛɛdɛɛ ijaag etoŋk a omoŋ omoŋ. Ɓeny saakoyk yaaŋɛɛkoy a paarɛɛ maɗ ijaag etoŋk a omoŋ omoŋ. 14Ɔkɔn koy iɗit sinɛ kɛny gode giɗekɛk ɓaŋkaawur ijaag nɛɛkɛ a ki aalɗiit maɗiŋ, nɛkoy boŋu ruukeet. 15Mayakana ɔkɔn koy moɗiɗ ijaag nɛɛkɛ maɗiŋ, nɛkoy dakɛɛɗ ruukeet nɛɛkɛŋ. Yakana koy sɛŋk bɔdɛ oko iɗit sinɔ ɗeyi rakatɛɛ sinɔɔnɛ maɗ takank.
16A kiir ɗegerɔɔn kɛ iinak Gode sinɔ Geetitank Waakoyotoŋk ɛ atu Wɛɛŋa sigɔ Geetitaanak iinakɛ taki? 17Ɔkɔn iɗit aalɛ Gode sinɔ Geetitank Waakoyotoŋkuŋ, aalɛkɔɔ sɛɛn Waakoyotuŋ. Ege Gode sinɔ Geetitank Waakoyotoŋk geetitan, ege Gode sini Geetitank iinak.
18Kat lakɛ iɗit sinɔ raamɛ ɛɛk nɛɛkik. Ɔkɔn lakɛ iɗit sinɔ dɛnɛ a gayigeeɗ a ito ɗeger ɛɛk ɗook sineene raŋkiŋ, in ikomu ɛɛk nɛɛk a gaagɛy kɛnɔkoy laŋi ɗegerɔn sinɔ eekerkank. 19Ege ɗegerɔn ɗoo sinik gaagɛyikeen taamɛkɛ Waakoyotoŋk. Agut sinɔ taapɛɛɓa Wargatɛɛ Waakoyotoŋk kɛ, "Kaŋi Waakoyot joop sigɛ ɗegerar ɛɛkik ɗegeej nɛŋk." 20Ɛɓa ɓɔrɛ taapɛɛ kɛ, "Ɗeger Suumii kɛ ɓɛɛlɛ kalbi joop sigɛ ɗegerar ɛɛkik kanysɛya."
21Agut sini kat lakɛ iɗit sinɔ meri ɛɛk etek agut sinɔ ege any baŋɛ noŋkuk. 22Ege any baŋɛ noŋk kɛygun Paawuloos, kɛygun Apiloos, kɛygun Petros, kɛygun ɗoo, kɛygun wɛɛŋa, kɛygun rer, kɛygun sinɛ sisɔk, kɛygun sinɛkoy mɛlkik. 23Iinak ɓɔrɛ Kereseek, maɓɔrɛ Kerese Waakoyotoŋk.
Currently Selected:
:
Highlight
Share
Copy
Want to have your highlights saved across all your devices? Sign up or sign in