ኀበ ቲቶ 2

ምዕራፍ 2

በእንተ ሥርዐተ ቤተ ክርስቲያን

1 # 1ጢሞ. 6፥3፤ 2ጢሞ. 1፥13። ወአንተሰ ንግር ዘይደሉ ለትምህርተ ሕይወት። 2#1ጢሞ. 5፥1። ሊቃውንትኒ ይኩኑ ንጹሓነ እምዝሙት ወንቁሃነ ወጠቢባነ ወኢይናፍቁ በሃይማኖት ይትፋቀሩ ወይለብዉ ወይትዐገሡ። 3#1ጢሞ. 3፥11፤ 1ጴጥ. 3፥3። ልሂቃትሂ ከማሁ ይትቀደሳ ወያሠንያ ግዕዞን ኢያስተሓውራ ነገረ ወኢይትቀነያ ለስቴ ወኢይሰጠያ ውስተ ስካር ዳእሙ ይገሥፃ ወይምሀራ ሠናየ ትምህርተ ለአንስት ከመ ያንጽሓ ርእሶን። 4ወንኡሳትሂ ያፍቅራ አምታቲሆን ወውሉዶን። 5#ኤፌ. 5፥22፤ ቈላ. 3፥18። ኢይዘምዋ ወይግበራ ሠናየ ወያሠንያ ግዕዞን ወሥርዐተ ቤቶን ወይትአዘዛ ለአምታቲሆን ከመ ኢይፅርፍ አሐዱሂ ላዕለ ቃለ እግዚአብሔር በእንቲኣሆን። 6ወለወራዙትኒ ገሥጾሙ ያንጽሑ ርእሶሙ ወይኩኑ ጠቢባነ። 7#1ጢሞ. 4፥12፤ 5፥3። ወኩኖሙ አርኣያ ወአምሳለ ለኵሎሙ በምግባረ ሠናይ። 8#ነህ. 5፥9፤ 1ጢሞ. 6፥3፤ 1ጴጥ. 2፥15። ወይኩን ነገርከ ወትምህርትከ በንጽሕ ወበሥሩዕ ነገር ዘአልቦ ነውር ዘኢይሜንኖ አሐዱሂ ከመ ይትኀፈር ጸላኢ ወይኅጣእ ዘይነብብ ላዕሌነ ሕሡመ። 9#ኤፌ. 6፥5፤ 1ጢሞ. 6፥1። ነባሪኒ ይትአዘዙ ለአጋእዝቲሆሙ ወያሥምርዎሙ በኵሉ። 10#1፥3። ወኢይቅሥጡ ወኢይትዋሥኡ በኵሉ አላ ያሠንዩ በንጹሕ ሃይማኖቶሙ ከመ ይንአድዋ በኵለሄ ለትምህርተ እግዚአብሔር መድኀኒነ። 11#ኢሳ. 49፥6፤ ዮሐ. 1፥9፤ 3፥4። እስመ ተዐውቀት ጸጋሁ ለእግዚአብሔር በኀበ ኵሉ ሰብእ። 12#ሉቃ. 1፥5፤ ኤፌ. 1፥4። ወይእቲ ትሜህረነ ከመ ንትናከራ ለኀጢአት ወለፍትወተ ዓለም ወንሕየው በጽድቅ ወበንጽሕ ወበተፋቅሮ በዝንቱ ዓለም። 13#ግብረ ሐዋ. 24፥15፤ 1ቆሮ. 1፥7፤ ፊልጵ. 3፥20። እንዘ ንሴፎ አብፅዖ ወምጽአተ ስብሐቲሁ ለአምላክነ ዐቢይ ወመድኀኒነ ኢየሱስ ክርስቶስ። 14#ሚል. 3፥3፤ ማቴ. 3፥12፤ ገላ. 1፥4፤ 1ጢሞ. 2፥6፤ ኤፌ. 2፥10። ዘመጠወ ርእሶ በእንቲኣነ ከመ ይቤዝወነ እምኀጢአት ወያንጽሕ ሎቱ ሕዝበ ሐዲሰ ዘይትቀሐው በምግባረ ሠናይ። 15#1ጢሞ. 4፥12። ከመዝ ንግር ወገሥጽ ወተዛለፍ እንዘ ታቴሕት ርእሰከ ለኵሉ ወአልቦ ዘያስሕተከ።

Currently Selected:

ኀበ ቲቶ 2: ሐኪግ

Highlight

Copy