ኀበ ሰብአ ተሰሎንቄ 2 3
3
ምዕራፍ 3
1 #
ቈላ. 4፥3። ወይእዜኒ አኀዊነ ጸልዩ ለነ ከመ ይሩጽ ቃለ እግዚአብሔር ወይሰባሕ በከመ በኀቤክሙ። 2ወከመ ንድኀን እምሰብእ እኩያን ወዐላውያን እስመ አኮ ኵሉ ዘየአምን። 3#1ቆሮ. 10፥13፤ 2ጢሞ. 2፥13፤ ማቴ. 18፥17፤ ሮሜ 16፥17፤ ቲቶ 3፥10፤ 1ቆሮ. 5፥11። ወእግዚአብሔርሰ ምእመን ወጻድቅ ዘያጸንዐክሙ ወየዐቅበክሙ እምኵሉ እኩይ። 4ንትአመነክሙ ምስለ እግዚአብሔር ከመ ትግበሩ ዘአዘዝናክሙ ወገበርክሙሂ። 5ወእግዚእነ ያርትዕ ልበክሙ ውስተ ፍቅረ እግዚአብሔር ወውስተ ተስፋሁ ለክርስቶስ።
በእንተ ረዲአ ርእስ
6አኀዊነ ንኤዝዘክሙ በስመ እግዚእነ ኢየሱስ ክርስቶስ ተገኀሥዎሙ ለኵሎሙ ቢጽ እለ የሐውሩ በትምይንት ወአኮ በሥርዐት ዘሠራዕናሆሙ። 7#1ተሰ. 1፥6፤ 1ቆሮ. 4፥16። ለሊክሙ ተአምሩ ከመ ርቱዕ ትትመሰሉነ ከመ ኢሠሣዕነ ላዕሌክሙ። 8#1ተሰ. 2፥9፤ 1ቆሮ. 4፥12። ወኢበላዕነ እክለ ባዕድ በከንቱ ዘእንበለ ዳእሙ ዘንጻሙ ወንሰርሕ መዓልተ ወሌሊተ ወንትጌበር ከመ ኢናክብድ ላዕሌክሙ። 9#ማቴ. 10፥10፤ 1ቆሮ. 9፥12። ወአኮሰ ዘኢኮነ ብዉሓነ ዳእሙ አርኣያ ከመ ንኩንክሙ ከመ አንትሙ ትትመሰሉነ። 10#ዘፍ. 3፥19። ወአመሂ ሀለውኩ ኀቤክሙ ዘንተ አዘዝኩክሙ ዘኢይፈቅድ ይትቀነይ ኢይሴሰይ። 11ሰማዕነ ከመ ቦ እምውስቴትክሙ እለ የሐውሩ በሁከት ወአልቦ ዘይትቀነዩ ዓዲ መስተሓውራን። 12#1ተሰ. 4፥11። ወለእለ ከመዝ ንኤዝዞሙ ወንጌሥጾሙ በስመ እግዚእነ ኢየሱስ ክርስቶስ ከመ በየውሀት ወበጽምው ይትገበሩ ተግባሮሙ ወይሴሰዩ ሲሳዮሙ። 13#ገላ. 6፥9። ወአንትሙሂ አኀዊነ ኢትትሀከዩ ገቢረ ሠናይ ኵሎ ጊዜ። 14#ማቴ. 18፥17፤ 1ቆሮ. 5፥9-11። ወእመ ቦ ዘኢይትኤዘዝ ለቃልክሙ ወለመጽሐፍክሙ ይትፈለጥ ወኢትትሀወልዎ ከመ ይትኀፈር። 15#ማቴ. 18፥15። ወከመሰ ጸላኢ ኢትረስይዎ አላ ገሥጽዎ ከመ እኁክሙ። 16#ሮሜ 15፥33፤ 16፥20። ወውእቱ አምላከ ሰላም የሀብክሙ ሰላመ በኵሉ ጊዜ ወበኵሉ ግብር። 17#1ቆሮ. 16፥21። ወእግዚእነ የሀሉ ምስለ ኵልክሙ ዘንተ አምኃ ጸሐፍኩ ለክሙ በእዴየ አነ ጳውሎስ ወዝንቱ ትእምርትየ ውስተ ኵሉ መጻሕፍትየ ከመዝ እጽሕፍ። 18#2ጢሞ. 4፥22። ጸጋሁ ለእግዚእነ ኢየሱስ ክርስቶስ የሀሉ ምስለ ኵልክሙ፤ አሜን።
ተፈጸመት ካልእት መልእክት ኀበ ሰብአ ተሰሎንቄ። ወተጽሕፈት በሎዶቅያ ወተፈነወት በእደ ጢኪቆስ።
ወስብሐት ለእግዚአብሔር አሜን።
Currently Selected:
ኀበ ሰብአ ተሰሎንቄ 2 3: ሐኪግ
Highlight
Share
Copy
Want to have your highlights saved across all your devices? Sign up or sign in
