ኀበ ሰብአ ቆሮንቶስ 2 6

ምዕራፍ 6

በእንተ አርትዖ ምግባር

1 # 1፥24። ወናስተበቍዕሂ ኀቤክሙ ወንረድእሂ ተወከፉ ለነ ወኢትረስይዋ ለከንቱ ለጸጋ እግዚአብሔር እንተ ነሣእክሙ። 2#ኢሳ. 49፥8። እስመ ከመዝ ይቤ «በዕለት ኅሪት እሰምዐከ ወበዕለተ መድኀኒት እረድአከ» ወናሁ ይእዜ ዕለት ኅሪት ወናሁ ዮም ዕለተ አድኅኖት። 3#ማቴ. 5፥13፤ ሮሜ 2፥17-25። ዑቁ እንከ ወኢተሀቡ ለመኑሂ ዕቅፍተ ከመ ኢታልስሑ መልእክተክሙ ወኢታንውርዋ። 4#4፥2፤ ዕብ. 12፥2-18። ወበኵሉ አርትዑ ርእሰክሙ ወኩኑ ላእካነ ለእግዚአብሔር በብዙኅ ትዕግሥት በኵሉ ሕማም ወጻዕር ወምንዳቤ። 5#11፥23-27። ወበተቀሥፎ ወበተሞቅሖ ወበስራሕ ወበተሀውኮ በትጋህ ወበጾም። 6#1ጢሞ. 4፥12። ወበንጽሕ ወበአእምሮ በምክር ወበተዓግሦ በምሒር ወበመንፈስ ቅዱስ በፍቅር ዘእንበለ አድልዎ። 7#1ቆሮ. 2፥4። በነገረ ጽድቅ ዘእንበለ ኑፋቄ በኀይለ እግዚአብሔር ወወልታ ጽድቅ ዘእምየማን ወዘእምፀጋም። 8በክብር ወበኀሣር በምድኀር ወበመርገም ከመ ኃጥኣን ወጻድቃን። 9ከመ እለ ኢየአምርዎሙ ወዕዉቃን ከመ አብዳን ወጠቢባን ከመ ምዉታን ወንሕነ ሕያዋን ከመ ምንስዋን ወኢቅቱላን። 10ከመ ትኩዛን ወዘልፈ ንትፌሣሕ ከመ ነዳያን ወለብዙኃን ታብዕሉ ከመ ዘአልብክሙ ወኢምንተኒ ወኵሉ ውስተ እዴክሙ።

በእንተ ሰብአ ቆሮንቶስ

11አፉነ ክሡት ለክሙ ኦ ሰብአ ቆሮንቶስ ወርሒብ ልብነ። 12ወአልብነ ንሂክ እምኔክሙ ወኢላዕሌክሙ እምኔነ አላ ንህክሙ ወተመንደብክሙ ለምሕረትክሙ። 13#1ቆሮ. 4፥14። እብለክሙ ከመ ዘለደቂቅየ በእንተ ውእቱ ፍድዩ ዘይደሉ ሊተ ላዕሌክሙ አርሕቡ ሊተ አፍቅሮተክሙ አንትሙኒ።

በእንተ ተፈልጦ እምኢምእመናን

14 # ዘዳ. 7፥2፤ ኤፌ. 5፥11። ወኢትኩኑ ኑፉቃነ ወኢትሑሩ ውስተ አርዑተ እለ ኢየአምኑ መኑ ዘያስተዔርያ ለጽድቅ ምስለ ኀጢአት ወመኑ ዘይዴምሮ ለብርሃን ምስለ ጽልመት። 15ወመኑ ዘያኀብሮ ለክርስቶስ ምስለ ቤልሆር ወመኑ ዘይከፍሎሙ ለመሃይምናን ምስለ ኑፉቃን። 16#1ቆሮ. 3፥17፤ ዘሌ. 26፥12። ወመኑ ዘይዴምር ታቦተ እግዚአብሔር ውስተ ቤተ ጣዖት አኮኑ ንሕነ ውእቱ ቤቱ ለእግዚአብሔር ሕያው በከመ ይቤ እግዚአብሔር «አነ አኀድር ኀቤሆሙ ወአንሶሱ ማእከሎሙ ወእከውኖሙ አምላኮሙ ወእሙንቱኒ ይከውኑኒ ሕዝብየ።» 17#ኢሳ. 48፥20፤ 52፥11፤ ራእ. 18፥4። ወበእንተ ዝንቱ ፃኡ እማእከሎሙ ወተፈለጡ እምኔሆሙ ይቤ እግዚአብሔር ወኢትቅረቡ ኀበ ርኩሳን ወአነ እትዌከፈክሙ። 18#ኤር. 31፥1-9፤33፤ 32፥38። «ወእከውነክሙ አባክሙ ወአንትሙኒ ትከውኑኒ ደቂቅየ ወአዋልድየ ይቤ እግዚአብሔር ዘኵሎ ይመልክ።»

Currently Selected:

ኀበ ሰብአ ቆሮንቶስ 2 6: ሐኪግ

Highlight

Copy