ኀበ ሰብአ ቆሮንቶስ 2 7
7
ምዕራፍ 7
በእንተ አንጽሖ ርእስ
1ወበእንተ ዘብነ ዝንቱ ተስፋ አኀዊነ ናንጽሕ ርእሰነ ወኢናግምን ነፍስተነ ወንግበር በዘንትቄደስ በፈሪሀ እግዚአብሔር። 2#12፥17፤ ግብረ ሐዋ. 20፥33። ወይእዜኒ ተአምሩ አኀዊነ እስመ አልቦ ዘአበስነ ወአልቦ ዘገፋዕነ ወአልቦ ዘአማሰነ ወአልቦ ዘተዐገልነ። 3ወአኮ ለአድልዎ ዘእብል እስመ ወዳእኩሂ እቤ ከመ ምሉኣን አንትሙ ውስተ ልብነ ለመዊትኒ ወለሕይወትኒ። 4ወከመዝ ብየ ብዙኅ ሞገስ በኀቤክሙ ወብዙኅ ትምክሕትየ በእንቲኣክሙ ወፈጸምኩ ፍሥሓየ ወፈድፈደኒ ሐሤትየኒ እምኵሉ ሕማምየ። 5ወበጺሐነ መቄዶንያ ኢረከብነ ወኢአሐተኒ ዕረፍተ ለነፍስነ ወበኵሉ አሕመሙነ በአፍኣኒ ቀትል ወመንሱት ወበውስጥኒ ፍርሀት። 6#1፥3-7፤ 2፥13። ወባሕቱ ውእቱ እግዚአብሔር ዘያስተፌሥሖሙ ለሕሙማን አስተፍሥሐነ በምጽአቱ ለቲቶ። 7ወአኮ በምጽአቱ ባሕቲቱ ዓዲ በፍሥሓ ዘአስተፍሣሕክምዎ ወዜነወነ አፍቅሮተክሙ ዘከመ ትጽሕቁ ለነ ወትትቃኀዉ ወሰሚዕየ ዘንተ ጸንዐ ፍሥሓየ ብክሙ።
በእንተ ትካዝ መፍትው
8 #
2፥4። ወእመኒ አተከዝኩክሙ ቀዳሚ በመጽሐፍ ዘጸሐፍኩ ለክሙ ኢያኔስሐኒ ወእመኒ ነሳሐኩ ናሁ እሬእያ ለይእቲ መልእክት እመሂ ለአሐቲ ሰዓት አተከዝኩክሙ ናሁ ይእዜ እትፌሣሕ በእንቲኣሃ ብዙኀ። 9ወአኮሰ ውእቱ እስመ ተከዝክሙ ዳእሙ እስመ ተከዝክሙ ከመ ትነስሑ እስመ እንበይነ እግዚአብሔር ተከዝክሙ ከመ ኢይትኀጐል አሐዱሂ እምኔክሙ። 10#ማቴ. 26፥75። እስመ ዘበእንተ እግዚአብሔር ኀዘን ንስሓሁ ለሕይወት ዘለዓለም ይከውን ወትካዝሰ ዘበእንተ ዓለም ሞተ ያመጽእ። 11ወናሁ ውእቱ ትካዝ ዘበእንተ እግዚአብሔር ጻሕቀ ወቅስተ ወፍርሀተ ወግርማ ወተፋቅሮ ወተቃሕዎ ፍዳ ገብረ ለክሙ እስከ አቀምክሙ ርእሰክሙ በንጽሕ ወበምግባር ከመ ዘኢተአምሩ ወኢምንተኒ። 12ወዘኒ ዘጸሐፍኩ ለክሙ አኮ በእንተ ዘገፍዐ ወዘተገፍዐ ዳእሙ ከመ ይትዐወቅ ከመ ጽሕቅሙ በእንቲኣነ በቅድመ እግዚአብሔር። 13ወበእንተዝ ተፈሣሕነ ወዓዲ ዲበ ፍሥሓነ ተፈሣሕነ ወፈድፋደሰ በፍሥሓ ቲቶ እስመ አዕረፍክምዋ ለነፍሱ በኀበ ኵልክሙ። 14እስመ ኢያስተኀፈርክሙኒ በኵሉ ዘተመካሕኩ ሎቱ በእንቲኣክሙ አማነ ረሰይክሙ ለነ ዘነገርናሁ ወከማሁ እሙነ ኮነ። 15#2፥9። ወፈድፋደ የአኵተክሙ ወይዜከረክሙ ዘከመ ትትኤዘዙ ሎቱ ወትትዌከፍዎ በፍርሀት ወበረዓድ። 16ወእትፌሣሕ ባሕቱ እስመ በኵሉ እትአመነክሙ።
Currently Selected:
ኀበ ሰብአ ቆሮንቶስ 2 7: ሐኪግ
Highlight
Share
Copy
Want to have your highlights saved across all your devices? Sign up or sign in
