ኀበ ሰብአ ቆሮንቶስ 2 1

ምዕራፍ 1

ሰላም ወበረከት

1 # 1ቆሮ. 1፥1። እምጳውሎስ ሐዋርያሁ ለኢየሱስ ክርስቶስ በፈቃደ እግዚአብሔር ወጢሞቴዎስ እኁነ ለቤተ ክርስቲያን ዘማኅበረ እግዚአብሔር ዘሀገረ ቆሮንቶስ ወለኵሎሙ ቅዱሳን እለ ሀገረ አካይያ። 2#ሮሜ 1፥7። ሰላም ለክሙ ወጸጋ እግዚአብሔር አቡነ ወእግዚእነ ኢየሱስ ክርስቶስ። 3#ሮሜ 15፥5። ይትባረክ እግዚአብሔር አቡሁ ለእግዚእነ ኢየሱስ ክርስቶስ አቡሃ ለምሕረት ወአምላካ ለኵላ ትፍሥሕት።

ሕማም ወትዕግሥት

4ዘአስተፍሥሐነ እምኵሉ ሕማምነ ከመ ንክሀል አስተፍሥሖቶሙ ለኵሎሙ ሕሙማን በውእቱ ፍሥሓነ ዘአስተፍሥሐነ እግዚአብሔር። 5#መዝ. 33፥19፤ ግብረ ሐዋ. 5፥41። ወበከመ በዝኀ ሕማሙ ለክርስቶስ ላዕሌነ ከማሁ ይፈደፍድ ፍሥሓነ በክርስቶስ። 6#4፥17-18። ወእመኒ ሐመምነ ከመ አንትሙ ትድኀኑ ወትትፈሥሑ ወእመኒ ተፈሣሕነ ንሕነ ከመ አንትሙ ትትፈሥሑ ወትጽንዑ በትዕግሥቱ ለውእቱ ሕማም ዘቦቱ ነሐምም ንሕነሂ። 7ወትውክልትነሂ ጽኑዕ ዘበእንቲኣክሙ ወበከመ ዐረይክሙ ሕማመነ ከማሁ ተኀብሩ በፍሥሓነሂ። 8#ግብረ ሐዋ. 19፥23። ወእፈቅድ ታእምሩ አኀዊነ ዘከመ ሐመምነ በእስያ እስመ ፈድፋደ እምአምጣነ ኀይልነ አመንደቡነ እስከ ቀበጽናሃ ለሕይወትነ። 9ወአጥባዕነ ለመዊት ከመ ኢንትአመን በርእስነ ዘእንበለ በእግዚአብሔር ዘያሐይዎሙ ለምዉታን። 10#2ጢሞ. 4፥18። ዘአድኀነነ እመጠነዝ ሞት ወዓዲ ኪያሁ ንትአመን ከመ ያድኅነነ። 11እንዘ ትረድኡነ አንትሙኒ በጸሎትክሙ ከመ ንርከብ ሞገሰ በጸሎተ ብዙኃን ወአንትሙሂ ትትአኰቱ በኀበ ኵሉ። 12#ዕብ. 13፥18፤ ማቴ. 10፥16። እስመ ዛቲ ይእቲ ትምክሕትነ ወስምዐ ግዕዛንነ በምሕረቱ ወበተመይጦቱ ለእግዚአብሔር ወኢኮነ በጥበብ ዘሥጋ ዳእሙ በጸጋ እግዚአብሔር አንሶሰውነ ውስተ ዓለም ወኢኮነ በትምህርተ ሥጋ ወፈድፋድሰ በኀቤክሙ። 13እስመ አልቦ ዘንጽሕፍ ኀቤክሙ ዘእንበለ ዘታነብቡ ወዘተአምሩ ወዘይትዐወቀክሙ ወእትአመን ከመ ለዝሉፉ ታእምርዎ ለዝንቱ። 14#5፥12። በከመ አእመርክሙነ እምአሐዱ ገጽ ከመ ንሕነ ምክሕክሙ ወከማሁ አንትሙሂ ምክሕነ በዕለተ እግዚእነ ኢየሱስ ክርስቶስ። 15ወበዝንቱ ፍሥሓ ተአሚንየ መከርኩ እምጻእ ኀቤክሙ በቀዳሚ ከመ ትርከቡ ጸጋ ምክዕቢተ። 16ወእሑር መቄዶንያ ወእምህየ እሠወጥ ኀቤክሙ ወአንትሙ ትፈንዉኒ ለምድረ ይሁዳ። 17ወዘንተ እንከ ዘመከርኩ ቦኑ እንጋ ከመ አብድ ዘገበርኩ ወቦኑ ዘእመክር ሕገ ሰብእ እመክር እስመ ይደሉ ይኩን ነገርክሙ እመኒ እወ እወ ወእመኒ አልቦ አልቦ። 18#1ቆሮ. 1፥9። ጻድቅ እግዚአብሔር ወኢኮነ ሐሰተ ቃልነ ዘኀቤክሙ ወኢተቶስሐ እወ ወአልቦ። 19እስመ ወልደ እግዚአብሔር ኢየሱስ ክርስቶስ ዘንሕነ ሰበክነ ለክሙ አነ ጳውሎስ ወስልዋኖስ ወጢሞቴዎስ ኢኮነ እወ ወአልቦ ዳእሙ እወ ኮነ በእንቲኣሁ። 20#ራእ. 3፥14። እስመ ኵሉ ዘአሰፈወ እግዚአብሔር ኮነ እሙነ በክርስቶስ ወበእንተዝ ቦቱ ወበእንቲኣሁ አሚነ ስብሐት ለእግዚአብሔር ንሁብ። 21#1ዮሐ. 2፥27፤ 5፥5፤ ኤፌ. 1፥14፤ 1ጴጥ. 2፥21። ወእግዚአብሔር ውእቱ ዘያጸንዐነ ምስሌክሙ በአሚን በክርስቶስ ዘቦቱ ቀብዐነ ወዐተበነ። 22ወወሀበነ ዐረቦነ መንፈስ ቅዱስ ውስተ ልብነ። 23#11፥31፤ ሮሜ 1፥9። ወአነ አሰምዖ ለእግዚአብሔር በእንተ ነፍስየ ከመ በምሒከ ዚኣክሙ ኢመጻእኩ ቆሮንቶስ። 24#1ጴጥ. 5፥3። ወአኮሰ ዘናጌብረክሙ ትእመኑ ዳእሙ ንረድአክሙ ለገቢረ ፍሥሓክሙ እስመ በአሚን ቆምክሙ ወአጥባዕክሙ በሃይማኖት።

Currently Selected:

ኀበ ሰብአ ቆሮንቶስ 2 1: ሐኪግ

Highlight

Copy