Ergaa Phaawuloos Gara Worra Rooma'aa Erge 13
13
Worra Baallii Qabuuf Ajajamuu
1 #
Yoh. 19:11; Tit. 3:1 Namni maruu worra bulchaniif haa ajajamanii; Rabbiin irraa yoo ta'e malee, baalliin waan hin jirreef. Worri jiran ka baallii qabanillee Rabbiin muudaman. 2Kanaafuu worra baallii qabuun ka mormu, seera Rabbii morma; Worri seera Rabbii mormu murtee ufitti fida. 3#Phex. 1ffaa 2:13-14 Bulchoonni worra hamaa hojatan malee, worra waan mishaa hojjatan waan hin sodaachifneef, worra baallii qaban akka hin sodaanne barbaaddaa? Waan mishaa hojjadhu; galata isarraa argattaa. 4#Seenaa 2ffaa 19:6-7 Worri baallii qaban tajaajiltoota Rabbii ka waan mishaa sii godhan waan ta'aniif, akkanumaan waan guraadee hin hidhanneef, yoo waan hamaa hojjate sodaadhu; inni tajaajilaa Rabbii ka worra hamaa hojjatan irratti dheekkamsa fiduun haluu baasu waan ta'eef. 5Kanaafuu waan dheekkamsaa calla'aa miti. Haata'uu ammoo akkasuma yaada sammu'uutiif bitamuunillee giddi'i. 6Kanaafuu akkasuma gibirallee waan gabbartaniif worri waan kanaan jabaatan #13:6 jabaatan: ciman tajaajiltoota Rabbii waan ta'aniif. 7#Mat. 22:21; Mar. 12:17; Luq. 20:25 Maraafuu waan isaaniif barbaachisu isaanii kenna, ka gibirri maleef gibira, ka qarandhi maleef qaraxa, ka sodaatamuu barbaachisu sodaa'a, ka ulfinni maleef ulfinna kennaa'a.
Wol Jaalachuu
8 #
Mar. 12:31; Yoh. 13:34; Gal. 5:14; Xim. 1ffaa 1:5 Gatiin isin wol irraa qabdan, wol jaalachuu haata'uu; namni nama kaan jaalatu seera raawwateera. 9#Seera Bawu'uu 20:13-17; Seera Leewwotaa 19:18; Seera Keessa deebi'ii 5:17-21; Mat. 22:39-40 «Hin seebarin, hin ajjeesin, hin hatin, sobaan ragaa hin bayin, hin hawwin» jedhu ajaja biraa maraa woliin, «Goshoo kee akka uf jaalattutti jaaladhu» dubbii jedhuun wolitti qabameera. 10#Qor. 1ffaa 13:4 Jaalalti goshoo ufiititti waan hamaa hin godhu. Kanaaf jaalalti raawwii seeraati.
11 #
Efe. 5:14, 16; Tas. 1ffaa 5:6-7 Hennaan hirribaa kaatan amma akka gaye bara beekaa'a, hennaa amanne caalaa fayyuun keenna adha gara keenna waan dhiyaateef. 12#Tas. 1ffaa 5:8; Efe. 5:11; 6:13; Yoh. 1ffaa 2:8 Halkan lufeera, guyyaanillee dhiyaatera, eegasuu hujii dukkanaa mulqannee, wontee ifa woraanaa haa uffannuu. 13#Luq. 21:34; Efe. 5:18 Akka nama ifa guyya'aa keessa jiraatuutitti seeraan haa jiraannuu malee, sirbaa fi machi'iin hin ta'in; seebaru'uu fi wol qirqissuun hin ta'in. 14#Gal. 3:27; 5:16; Qol. 2:23; Phex. 1ffaa 2:11 Haata'uu ammoo Gooftaa keenna Yesuus Kiristoosiin uffadhaa'a; akka fedha ufii hin raawwanne, fooniif hin yaadinaa'a.
Currently Selected:
Ergaa Phaawuloos Gara Worra Rooma'aa Erge 13: WLNT
Highlight
Copy
Compare
Share
Want to have your highlights saved across all your devices? Sign up or sign in
Arsi-Bale Oromo New Testament, Literal Type Translation © Light of Hope Ministry, 2013.
