Oduu Nagayaa Ka Yohaannisii 2
2
Fuudhaa Fi Heeruma Qachaa Qaana'aa
1 #
4:46; 21:2 Guyyaa saddaffa'aatitti Galiilaa qachaa Qaana'aatitti cidhatu ture. Haati Yesuusiillee achi turte. 2Yesuusii fi darasoonni isaallee cidha sanitti waamamaniiran. 3Hennaa daadhiin woyni'ii isaan jalaa dhumate, haati Yesuusii, «Daadhii woyni'ii hin qabanii bee» jettee Yesuusitti himte.
4 #
7:30; 8:20; Mat. 12:48 Yesuusillee, «Aayyii, waan ani huju ati natti hin himini; hennaan kiyya hin geenne» isi'iin jedhe.
5Achiin maayessa haati Yesuusii, «Waan inni isinitti himu godhaa'a» jettee worra ansaadanitti himte.
6 #
Mar. 7:3-4
Yihuudonni aadaa ufi qulqulleessu'uu waan qabaniif, gaanii dhaga'aa jaha achii qaban. Gaaniin martinuu waabaa lama yookiin sadi qabata. 7Yesuusillee worra cidha galchuun#2:7 cidha galchuun: ansaaddu'uun gaanii sanniinitti bisaan guutaa jedhe. Isaanillee haga afaanii guutan. 8Amma buusa'aatii worra cidha galchutti kennaa'a jedheen. Isaanillee isaanitti kennan. 9Ka cidha galchullee bisaan daadhii ta'e hennaa afaaniin qabu#2:9 afaaniin qabu: dhandhamu eessaa akka dhufe hin beenne. Hojjattoonni bisaan woraaban ammoo hin beekan. Ka cidha galchu Abbaa cidhaa waamee, 10Akkana jedheen, «Namni maruu duraan dursee daadhii mishaa namaa kenna. Haga machaayaniin maayii ammoo booruu namaa kenna. Ati ammoo daadhii mishaa haga ammaa tursiifte!» jedheen. 11#1:14; 12:37, 41; 20:30 Yesuus maalalee jalqabaa qachaa Qaanaa Galiila'aatitti godhe. Ulfinna ufiillee mudhise, darasoonni isaallee isatti amanan. 12#Mat. 4:13; 13:55 Kanaan maayii, Yesuus haadha ufii, Ilmaan haadhaatii fi darasoota ufii woliin gara Qifirinaahomii gad bu'anii; guyyaa hago'oof achi taa'an.
Yesuus Gara Mana Woyyu'uu Dhaqe
(Mat. 21:12-13; Mar. 11:15-17; Luq. 19:45-46)
13 #
6:4; 11:55; Seera Bawu'uu 12:1-27 Hennaa Ayyaanni Faasika'aa ka Yihuudii dhiyaate, Yesuusillee gara Yeruusaalemii dhaqe. 14Mana woyyuu keessatti worra sangoota, hoolotaa fi handarii gurgurataniif, worra birrii sharafan#2:14 sharafan: jijjiiratan ka taa'aniiran argee, 15Innillee xurqaayyee dhayatee, sangootaa fi hoolota mana woyyuu keessaa baasee; worra birrii jijjiiratu waan isaan birrii irra kaayataniiran garagalchee#2:15 garagalchee: kufisee birrii isaaniillee jalaa bittinneesse. 16Worra handarii gurgurataniinillee, «Kana asii kaasaa'a; mana Abbaa kiyyaa mana daldalaa hin godhinaa'a» isaaniin jedhe. 17#Kitaaba Faarfanna'aa 69:9 Darasoonni isaallee, «Hinaaffaan mana keetii, akka ibiddaa na guba» jedhamee ka barreeffame qaabatan.
18Kanaaf, «Yihuudonni kana godhu'uuf malkata maali'iin nutti mudhifta?» jedhaniin.
19 #
Mat. 26:61; 27:40; Mar. 14:58; 15:29 Yesuusillee deebisee, «Mana Woyyuu kana diigaa'a! Ani ammoo guyyaa sadihitti deebisee ijaara» isaaniin jedhe. 20Kanaaf Yihuudonni, «Manni Woyyu'uu kun hojjatamu'uuf woggaa afurtamii jahaa fixe, ati ammoo guyyaa sadi keessatti ijaaree fixa jettaa?» jedhaniin. 21#Qor. 1ffaa 6:19 Inni ammoo waan mana woyyuu qaama ufii dubbate. 22#12:16; 14:26; 20:9; Luq. 24:8, 26-27 Kanaaf haga du'aa ka'een maayii, darasoonni isaa kana akka dubbate qaabatanii, kitaaba Woyyu'uu fi waan Yesuus dubbate amanan.
Yesuus Yaada Namaa Mara Beeka
23Uduu Yeruusaalem jiru hennaa ayyaana Faasika'aa malkata inni godhe haga argan, namoonni hedduu maqaa isaatitti amanan. 24-25Haata'uu ammoo Yesuus namoota maraa hin beeka. Waan namaa eennullee isaa raguu hin barbaachisu, Inninuu waan nama keessa jiru waan beekuuf.
Currently Selected:
Oduu Nagayaa Ka Yohaannisii 2: WLNT
Highlight
Share
Copy
Want to have your highlights saved across all your devices? Sign up or sign in
Arsi-Bale Oromo New Testament, Literal Type Translation © Light of Hope Ministry, 2013.