Ergaa Phaawuloos Gara worra Qorontoosii Erge ka 1ffaa 6
6
Wol Himannaa Woldaa Kiristaanaa Keessa Jiru Balleessuu
1Isin keessaa tokko goshoo ufii woliin mormii yoo qabaate, woyyoota afo'otti wolitti murteessuu irra, hammeyyii afo'otti wolitti murtessuu uggaa? 2#Mat. 19:28; Daani'eelii Raatticha 7:22 Woyyoonni adunyaa irratti akka murteessan hin bettanii? Adunyaa irratti uduu murteessitanii waa maraa caalaa diqqoo waan ta'uutti murteessuu hin dandeettanii? 3#Phex. 2ffaa 2:4 Waan fuudhaa fi herrumaa dhiisa'aatii, Maleekkootattuu akka murteessinu hin beettanii? 4Eeganaa waan fuudhaa fi heerumaa manni murti'ii yoo isin barbaachise, worra woldaa Kiristaanaa keessatti tuffataman worra murte'ee gootanii keettanii? 5Isin saalffachiisu'uuf kana jedha. Akkanumaa? Obboloota jiddu'uu manguddoo ta'uu ka danda'u namni hayyuun tokko isin birratti hin argamuu? 6Haata'uu ammoo, obboleessi obboleessa himata; kanallee worra hin amanne afo'otti godhaa?
7 #
Mat. 5:38-41; Tas. 1ffaa 5:15; Phex. 1ffaa 3:9 Eegasuu sirimaa wol mormiin isin keessa jiru hanqinna keessaniin. Uduu ufii yakkamtanii isinii hin woyuu? Yoo sobamtan isinii hin woyyuu? 8#Tas. 1ffaa 4:6 Haata'uu ammoo, isinuu hin yakkitan hin sobdanille'e sanuu obboleeyyan keessan. 9#Gal. 5:19-21; Efe. 5:5; Mudh. Yoh. 21:8; 22:15 Moo hammeeyyiin jeennata Rabbii akka hin dhaalle hin beettanii? Hin dogoggorinaa'a. Seebartoota yoo ta'an yookiin worra waaqa tolfamaa kaddaaman yookiin worra seebaran yookiin dhiira dhiira bira geettu, 10Yookiin hattoonni yookiin worri horii dharra'an yookiin worri machaayan yookiin worri nama arrabsan yookiin saamtoonni jeennata Rabbii hin galan. 11Isin keessallee gariin akka kanniinii turtan. Haata'uu ammoo Maqaa Gooftaa Yesuus Kiristoosiitiin Ayyaana Rabbii keennaatiin dhiqattaniirtu woyyoomtaniirtan qajeellota taataniirtan.
Nafa Ufii Ulfinna Rabbiitiif Oolchuu
12 #
Qor. 1ffaa 10:23 «Maruu naa eeyyamameera» maruu ammoo hin fayyadu. Maruu naa eeyyamameera; tokkollee narratti hin mooyu. «Nyaanni gara'aaf, garaanillee nyaataaf» 13#Mat. 15:17; Tas. 1ffaa 4:3-5 Rabbi ammo kanallee sanillee hin balleessa. Nafti keenna Gooftaa tajaajilu'uuf Gooftaanillee nafa kunuunsu'uuf malee, ittiin seebaruu hin barbaachisu. 14#15:20-21; Rom. 8:11; Qor. 2ffaa 4:14 Rabbiin Gooftaa kaase nullee hunna ufiitiin nu kaasa.
15 #
12:27
Nafti keessan qaama Kiristoosii akka ta'e hin beettanii? eegasuu qaama Kiristoosii fuudhee qaama seebartootaa godhuu barbaachisaa? hin ta'u. 16#Seera Uumamaa 2:24 Moo ka seebartootaan wol ta'u foon tokko akka ta'u hin beettanii? «Lachuu foon tokko ta'an» waan jedhameeruuf. 17#Yoh. 17:21-23 Ka Goofta'aan wol ta'u Ayyaana Goofta'aatiin tokko. 18#10:8 Seebaruu irraa dheessaa'a. Namni cubbuu hojjatu maruu fooniin ala. Ka seebaru ammoo foon ufii irratti cubbuu hojjata. 19-20#Qor. 1ffaa 3:16; Qor. 2ffaa 6:16 Moo nafa keessan ka Rabbiin irraa fudhattan ka isin irra jiru mana woyyuu Ayyaana Woyyu'uu akka ta'e hin beettanii? Gati'iin waan bitamtaniirtaniif isin ufiifii miti. Kanaafuu nafa keessaniin Rabbiin kabajjaa'a.
Currently Selected:
Ergaa Phaawuloos Gara worra Qorontoosii Erge ka 1ffaa 6: WLNT
Highlight
Copy
Compare
Share
Want to have your highlights saved across all your devices? Sign up or sign in
Arsi-Bale Oromo New Testament, Literal Type Translation © Light of Hope Ministry, 2013.
