ቆላ̈ ጌላ
ጌላ
ዓና̇ ኪ̈ቲን ጻ̈ፊንቲ̇ኖንዳ ኢ̈ሳ ጋዲን ጋርታ ኤፍሶ̈ና ካታሚንቦ ኣዋ̈ፍ ኬሲ ጎይ ዎን ቆላሳ̈ሳ ካታሚን ጋርታ ዎ ዎ̈ሳ ኬ̈ንቦ። ዪና̇ ዎ̈ሳ ኬ̈ን ኤሲ̇ኖ̈ዲ ጳውሎ̈ሳ ጊዳካ̇ይካሬ ሮማ ጻና ዎ ኢ̈ሳ ኣውራ̈ጂንቦ ዋና̇ ካታማ ማ̈ቂ̇ኖን ኤፍሶ̈ኒ ጋርታፖ ዎጛላ ሳባ̇ኪዝ ኣሳን ኪ̈ታ̇ር ሚሺዛ ኢያ ማ̈ቂ̇ኖኮታ̇ቦ ቆላ̈ሳ̈ሶ ዎ̈ሳ ኬ̈ንባሬ ኢ ዎይሊን ቆፒ̇̈ሬ። ቆላ̈ሳ̈ሶ ዎ̈ሳ ኬ̈ን ጋርታ “ጾ̈ሳ̇̇ ኤራንዳብኬ ኩም ፋቲ ዲጛንዳቦ ዎይ ኣሲ ዎልቃባሮንኬ ሲልጣ̈ናባሮ ኣያ̇ናንቦ ዎይ ሞ̈ኪንታ̇ንዳብ ኮሺ̇̈ሬ” ማ “ኣሲ ዎይ ጋራ̇ዚንታ̇ንዳቦ ማ ጌ̈ሽ̇ ማ̈ቂ̇ኖ ፊ̈ሺኬ ቄ ማ̈ቂ̇ኖ ፊ̈ሺ ፋጊ ኤራንዳ̇ብ ኮሺ̇̈ሬ” ጌይዛንኬ ሜላር ዱማ ዱማ ዎርዳ ቲሚርታ̇ ታማ̈ርሲዝ ኣስታማራን ዎን ጳውሎ̈ሲ ሲስኪ̇ኔ።
ጳውሎ̈ሲ ዓና̇ ኪ̈ቲን ጻ̈ፊኖንዳ ኪን ማ̈ቂ̇ኖ ኣማ̇ና ጎይን ቤይሳር ኢንታኮን ዎርዳ ቲሚርቲ̇ን ታቆ̈ማንዳቦ። ኢ ዪን ማቃ ቲሚርታ̇ንቦ ሺ̈ሺ̇ኖ ማልሳን ጋርታፖ ሺንዳ “ዬሱ̈ስ ክርስቶ̈ሲ ዉርሲ ፋ̈ሬ፤ ዪን ሜላ ጉጃ ባዛንኬ ኦ̈ሳን ዎይ ጾ̈ሳ̇̇ ጋልዳፖ ኣስ ጎቲ̇ሲ̈ሬ” ጋዚንዶ። ጾ̈ሲ̇ ክርስቶ̈ሳ ጎይባራ ዓና̇ ኣላሚን ኮቺ̇ኔ፤ ማ ኢ ጎይባራ ማሃር ዎይባዝ ፌ̈ክ ኤሄይሬ። ኣሲ ዎይ ፋጻንዳብ ዳንዳኢዛ̈ዲ ኪንባር ክርስቶ̈ሳ ኣማ̇ኔጌይን ሙታ̇። ዪዚ ዪኒ̇ ጎይባራ ጳውሎ̈ሲ ዪና̇ ጴች ቲሚርቲን ኣማ̇ኒዝ ኣሳን ዎዛርፌን ኦ̈ሳ ጋልዳ ፌ̈ሻ̇ንዳ̇ብ ኮሺ̇̈ርኮ ሶ̈ሊ̈ሬ።
ዓና̇ ኪ̈ቲን ጳውሎ̈ሳ ጋልዳፖ ኤካ̇ሪ ቆላ̈ሳ̈ሳ ዬልምፔን ሚሺኖ ቲኪቆ̈ሳባር ዎልኣ ኣናስሞ̈ሲ ኢና ዎን ኣራንዳብ ኮሺ̇̈ሬ፤ ጳውሎ̈ሲ ዪ ኣናስሞ̈ሳ ጌይዛ ኣይላባዝ ዲንሪ ፊልሞ̈ናቦ ፔቲ̇ ኪ̈ታ ጻ̈ፊኔ።
ማጻ̈ፊን ጋርታ̇ ዎ ቆፋን
ጌላ 1፡1-8
ክርስቶ̈ሳ ኦ̈ሳኬ ኢ ፌ̈ና ዪርክ ዪርክ ዎቲኖንዶ 1፡9-2፡19
ክርስቶ̈ሳ ጎይባራ ቤንቲ̇ዝ ኦራ ሼምፓ 2፡20-4፡6
ዉርሲ 4፤7-18
Currently Selected:
ቆላ̈ ጌላ: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in