1 ቆሮ 9
9
ሃዋ̈ራታንቦ ዎ ማብታ̇
1ታ̈ኒ ናጻና̇ታ ታ̈ብ ዎ ኣስ ጊዳካያ? ታ̈ኒ ሃዋሪ ጊዳካ̇ያ? ታ̈ኒ ኑ ጎዳ ዬሱ̈ሳ ቤቃካ̇ያ? ዪንቲ̇ሼ ጎዳ ሱምባራ ቴ ኦ̈ኖ ኦሳ̇ ኣ̈ፍ ጊዳካ̇ያ? 2ታ̈ኒ ጎዳ ዎልቃባር ሃዋ̈ራ ማ̈ቂ̇ኖን ኤርሲዛን ዪንታ̇ ማ̈ቂ̇ኖኮታ̇ቦ ሜላን ታ̈ና ሃዋ̈ራፌ̈ን ፋይዲባ̈ስካሬ ዪንታ̇̇ቦ ታ̈ኒ ኪንባራ ሃዋ̈ራ።
3“ኔቦ ሃዋ̈ራ ማ̈ቂ̇ዝ ማብታ ባዬ” ጋ̈ሪ ታ ጋልዳ ሶ̈ሊዝ ኣሲ ዎኮ ቴ ኢንታ̇ብ ሶ̈ሊዝ ባዝ ዎ፤ ዪ̈ዳሬ፦ 4ኑ̈ኒ ሙይዝ ባዝኬ ኡሽኪ̇ዝ ባዝ ዲጛንዳብ ማብታ̇ ኑ̈ብ ባያ̇? 5ሜላ ሃዋራታን ጎዳ̈ ኢና̇ኣንኬ ጴ̈ጥሮ̈ስኬ ዎታዚንዲፌ̈ኒ ኑ̈ናር ኣማ̇ኒኖ ማጫ̇ ኑባር ኤካ̇ር ቢሪንታ̇ንዳብ ኑ̈ብ ማብታ̇ ባያ̇? 6ዎይ ኦ̈ሳባር ዋ̈ዪ ሙታ̇ ዶኣንዳብ ኮሺ̇ዛን ባርናባ̈ሳኬ ታ̈ናክ ሙታ̇? 7ዳሞ̈ዛ ኢ̈ብ ጪጋካ̇ይ ፌ ሚ̈ሽ ጌቲ̇ን ሙዪ ሙታ̇ ዎታ̇ዳራ ማቃር ኦ̈ዛ ኦ̈ኖ? ዎይ ዎይና ቶካ̇ሪ ኣ̈ፊን ሞ̈ባሶ ኦ̈ኖ? ሚ̈ዝ ቆላር ማ̈ ማ̈ ኡሽኪ̇ባ̈ሶ ኦ̈ኖ? 8ዪኖ̇ ቴ ሶ̈ላዚንዳ ኣሳ ቆ̈ፊፌ̈ን ሙቲ̇ያ? ሙ̈ሳ ሂጊ̇ንዳ ዪኒ̇ፌ̈ን ጋ̈ባሳ? 9“ኡዱማ ጋልዳ ካ ዬ̇ዝ ጌ̈ን ኖ̈ኒን ቃቻፔ” ጋ̈ሪ ሂጋ̇ ማጻ̈ፋ ጋልዳ ጻ̈ፊንቲ̇ኔ፥ ጾ̈ሲ ዪኖ̇ ጌይኖንዳ ጌ̈ንን ባዝ ቆፓ̇ሪያ? 10ጾ̈ሲ ዪኖ ጌዪኖንዳ ኑ ባዝ ቆፓ̇ሪዬ። ዓና ጻ̈ፊንቲ̇ኖንዳ ኪን ኑ̈ቦ፤ ኣባ ጌይን ዎይን ፌ̈ና ዬሊ̇ዝ ባዚ ዎን ኤሪሙታዶ̈ሪ ኦ̈ዝ ና̈ሳ̈ዳሬ ኡፋይስባር ኦ̈ምፔ̈ኒ ካ ቡኪ̇ዛ̈ዳሬ ኡፋይስባር ቡካ̇ምፔ̈ኔ። 11ኑ̈ኒ ዪንታ̇ ጊዳ̇ ኣያ̇̈ና ባ̈ዝ ዜርቃሪ ማ ዪንታ̇ ጋልዳፖ̇ ኑ ኣይሺምቦ ማ̈ቂ̇ዝ ባ̈ዝ ዲጜጌይን ዪ̈ና ጴች ባዛ? 12ሜላን ዪ̈ኒፌ̈ኖ ባዝ ዪንታ̇ ጋልዳፖ̇ ዲጛንዳብ ማብታ̇ ኢንታ̇ብ ዎኮ ኑ̈ቦ ዪፖ̇ ሺ ማብታ̇ ዎዛርፌ̈ን ዶኢባሳ? ኑ̈ኒ ዎቲናካሬ ኑ ማብቲ̇ንባር ጻቃ̇ሚንታ̇ካ̇ዬ፤ ኑ̈ኒ ዪኖ̇ ዎቲኖንዳ ክርስቶ̇̈ሳ ዎጛሊን ዳልጋ ሉካ̇ዚን ጋልዳፖ̇ ኣታ̇ካዮዲፌ̈ኒ ጌዪ ቆፓ̇ሪ ዎይ ባዝባር ጋርዢ ዳንዳኢስቶ ጋ̈ሪዬ። 13ጾ̈ሳ̇ ኬ̈ ጋርታ̇ ኦ̈ዝ ኣሳን ፌ ሞ̈ዝ ፊ̈ሺን ጾ̈ሳ̇ ኬ̈ን ጋርታፖ̇ ዲጛዚንዶ ማ ዣ̈ርሻ ቤሳ ጋልዳ ዣ̈ርሻ ሺ̈ሺ̇ዛንኬ ኢና ኦ̈ ማ̈ዲ̇ዛን ዣ̈ርሻብ ሺ̈ቂኖን ጋልዳፖ̇ ፋጊንታ̇ር ሞ̈ዚን ዪንቲ̇ ኤሪ̈ርባያ? 14ዪና̇ ኢዝፌ̈ኒ ዎጛላ ታማ̈ርሲዝ ኣሳን ፌ̈ብ ዶኢብ ኮሺ̇ዝ ባዚን ዎጛላ ኦ̈ሲን ጋርታ̇ፖ̇ ዲጛምፔ̈ን ጾ̈ሲ̇ ኪ̈ቲ̇ኔ።
15ማ̈ቂ̇ናካሬ ታ̈ኒ ዪን ማብታ̇ን ጋርታ̇ ሜላ ኣቲ̇ን ፔታ̇ኒንዳር ጻቃ̇ሚንታ̇ካ̇ዬ። ማ ቴ ዪንታ̇̇ብ ዓና ጻፊኖንዳሬ ዪን ባዛን ታ̈ብ ዓት ኦ̈ንቶ ጋ̈ር ጊዳካ̇ዬ። ኣሲ ቴ ኬራፊን ሜላ̇ ኣሺሻናፖ ታ̈ብ ዓይቃ ኮሼ̇። 16ዎጛላ ሳባ̇ካምፔን ዶሲ̇ን ኢጺን ታ̈ና ኪቲ̇ኖኮታ̇ቦ ታ̈ና ኦቲ̇ርሲዝ ባዚ ባዬ፤ ታ̈ኒ ዎጛላ ሳ̈ባካካይ ኣቴ̇ጌዪን ታ ባዚ ኣዬ̇! 17ዎጛሊን ቃ̈ሊን ታ̈ኒ ዶሳራ ሳባኬጌይን ታ ዳ̈ቡርሲምቦ ዋ̈ጋ ታ̈ብ ዶኣ̈ሬ። ቴ ዶሳካ̇ይዶራ “ኔ ዓኖ̇ ኦ̈ቤ” ጋ̈ራ ኪ̈ቲንቲ̇ኖምቦ ጋ̈ር ኦጌዪን ታ̈ብ ኢሚ̇ንቲ̇ኖ ዓዳሪን ፎታዶ̇ኬ ሜላ ቴ ኦ̈ኖ ባዚ ባዬ̇። 18ዓት ዪ̈ዶኮ፥ ታ ዳ̈ቡርሲን ጋቲን ኣብዛ? ታ̈ኒ ዎጛሊን ሳባ̇ካ̈ርዶራ ታ̈ብ ዎ ማብቲ̇ን ኣሻ̇ራ ዳሞ̈ዛ ታ̈ብ ጪጊንታ̇ካይዶ̈ን ሜላ̇ ዎጛላ ታማርሴጌይንዶ ታ̈ብ ጋቲን ኢዞ።
19ታ̈ኒ ኦ̈ባካር ኣይላ ጊዳካ̇ዬ፤ ዎቲናካሬ ታ̈ብ ዳንዳኢንቲ̇ኖንዲፌ̈ን ዎይሊንን ክርስቶ̈ሳክ ማ̈ሳንዳቦ ጋ̈ራ ዎይ̈ንቦ ኣይላ ማ̈ቃ̇ዴ። 20ኣይሁዳን ማ̈ሳንዳቦ ጋ̈ራ ኢንታ̇ባር ኢንታ̇ፌ̈ን ማ̈ቃ̇ዴ፤ ታ̈ኒ ሂጋ̇ፖ̇ ጻና ባ̈ይዶራ ሂጋ̇ፖ̇ ጻ̈ና ዎን ማ̈ሳንዳቦ ጋ̈ራ ሂጋ̇ፖ̇ ጻ̈ና ዎ ኣሳንፌ̈ን ማ̈ቃ̇ዴ። 21ታ̈ኒ ጾ̈ሳ̇ ሂጊ̇ንፖ ጎቲ̇ኖ ኣስ ጊዳካ̇ይዶር ማ ክርስቶ̈ሳ ሂጊ̇ምፖ ጻ̈ና ኣቂዝ ኣስዶራ፥ ሂጊ̇ ኢንታ̇ብ ባዮ̇ ኣሳን ማ̈ሳንዳቦ ጋ̈ራ ሂጋ̇ ባዮ̇ ኣስፌ̈ን ማ̈ቃ̇ዴ። 22ዳ̈ቡሪኖ ኣሳን ማ̈ሳንዳቦ ጋ̈ራ ታ̈ናር ኢንታ̇ፌ̈ን ዳ̈ቡሪኖ ኣስ ማ̈ቃ̇ዴ። ታ̈ብ ዳንዳኢንቲ̇ኖንዲፌ̈ኒ ፔታ̇ን ፔታ̇ናን ማ̈ሳንዳቦ ጋራ ዎይ ኣሳንባር ታ̈ኒ ማ̈ቃካ̇ዮ ባዚ ባዬ̇። 23ታ̈ኒ ዎጛላ ኣንጃ ፋጊንታ̇ ኤካ̇ንዳቦ ጋ̈ራ ዎጛላ ጊሻ̇ብ ዪ ዎይ ዎቲኔ።
24ዎ ጋርታ̇ ዎይን ዎጺ̇̈ርዶኒ ኢንታ̇ ጋርታፖ̇ ፔታ̇ኒ ሙታ̇ ሺሊ̇ማ̈ታ ኤካ̇ዚን ዪንቲ̇ ኤሪ̈ርባያ? ዪ̈ኮታ̇ቦ ዪንታ̇̇ሬ ሺሊ̇ማታ̇ ኤካ̇ንዳብ ዎጺ̇ብቴ̇። 25ዎ ዎጺ̇ዛን ዎይ ኢንታ̇ ጋሊ̇ን ሚ̈ጛምፔ̈ኒ ኮሺንቻ̇ር ጋስ ማ̈ቃካ̇ይ ኮይሪ̈ሬ። ኢንቲ̇ ዪ̈ፌን ዎይ ዳቡሪዛ̈ዲ ዪዝ ሺሊ̇ማ̈ታ ኣክሊላ ዲጛንዳቦ። ኑ ዳቡሪዛ̈ዲ ዪባ̈ሶ ሜናብ ዶኢዝ ኣክሊላ ሺልማ̈ታ ዲጛንዳቦ። 26ታ̈ኒ ዣ̈ሾትፌ̈ን ቴ ሉካ̇ዝ ቤሲ̇ን ኤራካ̇ይዶር ዎጻ̇ባሴ̇፤ ኣባክ ባዮ̇ ቤስ̇ ጋልዳ ሜላ̇ ኣይጊ ቡኪ̇ዝ ኣስፌ̈ኒ ሜላ̇ ዓሪ ኦሊንታ̇ባሴ። 27ታ̈ኒ ሜላን ሳባ̇ካ ዎንቦ ጼይጋራ ቴ ቆሚ̇ን ዎን ጋርታ̇ፖ̇ ኬስካካ̇ዮ̈ዲፌ̈ን ቴ ታ̈ና ና̈ጋራ ታ ጋሊ̇ን ታ̈ብ ኪ̈ቲንታምፔ̈ን ዎታ̈ሬ።
Currently Selected:
1 ቆሮ 9: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
