YouVersion Logo
Search Icon

1 ቆሮ 12

12
ጌ̈ሻ̇ ኣያ̇ና ኢሚ̇ዝ ኪልሳን
1ቴ ኢሺንታን! ማ ዓት ጌ̈ሻ ኣያ̇ና ኢሚ̇ዝ ኪልሳንባዝ ዪንቲ̇ ኤራምፔ̈ን ቴ ኮያ̈ሬ። 2ዪንቲ̇ ቲ̈ን ጾ̈ሳ̇ ኣማ̇ናካ̇ዮምባ̇ራ ዪንቲ̇ ኤራካ̇ዮ ባዝባር ቲ̈ኒንታ̈ሪ ኣሲ ኮቺ̇ኖ፥ ሶ̈ላንዳብ ዳንዳኢባ̈ሶ ሚሲላብ ጎሽታ̇ንዳብ ሉካ̇ዚን ዪንቲ̇ ኤሪ̈ሬ። 3ዪ̈ኮታ̇ቦ ጾ̈ሳ̇ ኣያ̇ና ኢያ ቲ̈ኒን ዬሱ̈ሳ ባዲ̇ዝ ኣሲ ኦ̈ናካር ባዬ። ማ ጌ̈ሻ ኣያ̇ና ኢያ ቲ̈ናካ̇ይ ኣቴ̇ጌይንዶ ኦ̈ናካር “ዬሱ̈ሲ ጎዴ!” ጌይዝ ኣሲ ባዮ̇ን ቴ ዪንታ̇̇ብ ሶ̈ላሬ።
4ጌሻ ኣያ̇ና ኢሚ̇ዝ ዱማ ዱማ ኪልሳን ዎ፤ ዎቲናካሬ ጌ̈ሻ̇ ኣያ̇ና̈ዲ ፔታ̇ኔ። 5ዱማ ዱማ ኦ̈ሳ ዎ፤ ዎቲናካር ጎዳ̈ዲ ፔታ̇ኔ። 6ጾ̈ሲ ኑባር ማ̈ቃ̇ሪ ዱማ ዱማ ጎይባራ ኦ̈̈ሬ፤ ዎቲናካሬ ዎይን ዎይ ኣስባራ ኦ̈ዛ̈ዲ ፔቲ̇ ጾ̈ሳ̇ ኢያ። 7ዎይ ኣሳንቦ ኢንቲ̇ ጌ̈ሻ̇ ኣያ̇ና ቤይሲዝ ኪልስ ኢማ̇ዚንዳ ዎይንቦ ማ̈ዳ̇ምፔ̈ኔ። 8ጌ̈ሻ̇ ኣያ̇ና̈ዲ ፔቲ̇ ኣሳቦ ኤጪቲባር ሶ̈ሊዝ ኪልስ ኢሚ̇ሬ። ማ ሜላ̈ቦ ዪ̈ ኣያና̈ዲ ኤራባር ሶ̈ሊዝ ኪልስ ኢሚ̇ሬ። 9ዪ̈ ኣያ̇ና ፔታ̇ና̈ዲ ፔታ̇ና̈ቦ ኣማ̇ና ኪልስ ኢሚ̈̇ሬ፤ ሜላ̈ቦ ማኖ ኣስ ፋዝ ኪልስ ኢሚ̇̈ሬ። 10ዪና ኢዝፌ̈ኒ ፔታ̇ና̈ቦ ታሚ̇ራ̈ታ ኦ̈ዝ ዎልቃ ኢሚ̈̇ሬ፤ ሜላ̈ቦ ካ̈ያ ካ̈ዪዝ ኪልሲ፤ ማ ሜላ̈ቦ ጌ̈ሻ̇ ኣያ̇ና ማ̈ቆ̇ ዎይ ሜላ ኣያ̇ና ማ̈ቆ ፋጋር ኤርሲዝ ኪልሲ፤ ፔታ̇ና̈ቦ ኦራ ኖ̈ናባር ሶ̈ላምፔን፤ ሜላ̈ቦ ኦራ ኖ̈ናባር ሶ̈ሊንቲኖን ቢርቺ̇ዝ ኪሊስ ኢሚ̈̇ሬ። 11ዪን ዎይ ኦ̈ዛዲ ፔቲ̇ ኣያ̇ና ኢያ፤ ኢ ዎይ̈ቦ ፌ ኮዪኖ̈ዲፌ̈ኒ ዱማ ዱማ ኪልስ ኢሚ̈̇ሬ።
ፔቲ̇ ኣሳ ጋልዳ ዱማ ዱማ ጋላ̇ን ዎ
12ፔቲ̇ ኣሳ ጋል̇ ጋልዳ ዎይሊን ዱማ ዱማ ጋሊ̇ ዎ። ዪን ኣሳ ጋል̇ ጋልዳ ዎ ጋላ̇ን ዎይሊንካሬ ዪን ዎይ ፔቲ̇ ኣሳ ጋልዳ ዎ። ክርስቶ̈ሳሬ ዪና̇ ኢዝፌ̈ኔ። 13ኑ̈ኒ ኣይሁድ ዜር ማ̈ቂ̇ን ኣይሁድ ባዮ̇ ኣስ ማቂ̇ን፤ ኣይላ ማ̈ቂ̇ን ዎይ ኣይላ ጊዳካ̇ዮ ኣስ ማ̈ቂ̇ን፤ ኑ̈ኒ ዎልኣ ፔታ̇ን ማ̈ቃ̇ንዳቦ ጌ̈ሻ̇ ኣያ̇ናባር ጻማ̇ቂን̇ቲኔ፤ ኑ ዎይን ዪ̈ ፔቲ̇ ኣያ̇ና ጋልዳፖ ኡሽኪ̇ኔ።
14ኣሳ ጋሊ̇ ኮቺ̇ንቲ̇ኖ̈ዲ ዱማ ዱማ ጋላ̇ን ጋልዳፖዶኬ ፔቲ̇ ጋል̇ ጋልዳፖ ሙታ̇ ጊዳካ̇ዬ። 15ቶሂ “ታ̈ኒ ኩሽ ጊዳካዮኮታ̇ቦ ጋል̇ ጊዳካ̇ዬ!” ጌዬጌዪን ዪዚ ኢ ዪኖ̇ ኢ ጌይኖ ጊሽ̇ ጋል̇ ማ̈ቃ̇ዚን ኣታ̇̈ራ? 16ዋይ “ታ̈ኒ ኣ̈ፍ ጊዳካ̇ዮኮታ̇ቦ ጋል̇ ጊዳካ̇ዬ!” ጌዬጌዪን ዪዚ ኢ ዪኖ̇ ጌይኖ ጊሽ̇ ጋል̇ ማ̈ቃ̇ዚን ኣታ̇ራ? 17ኣሳ ጋል̇ ጋዳ ዎ̈ዲ ኣ̈ፍ ሙታ̇ኮ ዎን ኣሲ ኣብዝባር ሲስካ̇ንዳብ ዳንዳኢ̈ራ? ኣሳ ጋል̇ ጋልዳ ዎን ዋይ ሙታ̇ኮ ኣሲ ኣብዝባር ሲ̈ንዳብ ዳንዳ̇ኢ̈ራ? 18ዎቲናካሬ ዎይ ጋላ̇ን ጾ̈ሲ ፌ ኮዪኖ ቤስ̇ ጋልዳ ጋዲ̇ኔ። 19ኣሳ ጋልዳ ዎ ጋሊ̇ ዎይ ፔቲ̇ ኣይናታ ሙታ̇ ማ̈ቂኔፌንኮ ኣሲ ኩም ጋል̇ ኢ̈ብ ዎ ማ̈ቃ̇ንዳብ ዳንዳኢባ̈ሴ። 20ዪዚ ፔቲ̇ ኣሳ ጋልዳ ዎይሊን ዱማ ዱማ ጋሊ̇̇ ዎካሬ ኣሳብ ፔቲ̇ ጋል̇ ሙታ̇ ዎ።
21ኣ̈ፊ ኩሽኮ “ኔ ታ̈ብ ኮሻ̇ባሴ!” ጋ̈ንዳብ ዳንዳኢባ̈ሴ፤ ቆማ̇ር ቶሃኮ “ኔ ታ̈ብ ኮሻ̇ባሴ!” ጋ̈ንዳብ ዳንዳ̇ኢባ̈ሴ። 22ሜላ ኣቲ̇ን ኣሳ ጋል̇ ጋልዳ ዉርሲ ጊላ̇ ማይጻር ቤንቲ̇ዝ ጋላ̇ን ሺ ኮሺ̇ዛን። 23ሌቂንቲ̇ኖ ማይጻር ቤንቲ̇ዝ ጋላ̇ንቦ ኑ ሺ ቦንች ኢሚ̇ሬ፤ ቤቃ̇ንዳብ ኣስ ዬ̈ሊ̇ዝ ኑ ጋ̈ላ̇ን ሜላ ጋላ̇ንፖ ሺ ኣፊላ ማኢ ና̈ጊ̈ሬ። 24ፋላ̇ ጋልዳ ቤንቲ̇ዝ ኑ ጋላ̇ንቦ ዪ̈ ዎይ ኮሺ̇ባ̈ሴ፤ ጾ̈ሲ ሌቂንቲ̇ኖ ማይጻር ቤንቲ̇ዝ ኑ ጋላ̇ንቦ ሺ ቦንች ኢማ̇ምፔን ዎታር ኮቺ̇ኔ። 25ዪኖ ኢ ዎቲኖንዳ ኑ ጋላ̇ን ጊዳ̇ ፋጊቲ ዶኣካይዶን ዎል ዎልኣ ቆፓ̇ምፔ̈ኔ። 26ኑ ጋሊ̇ን ጋልዳፖ̇ ፔታ̇ኒን ጋ̈ልዳ ሜታ̇ ዬሌጌይን ኑ ጋላ̇ን ዎይን ማሬ፤ ኑ ጋሊ̇ን ጋልዳፖ ፔታ̇ኒን ቦንቺንቴ̇ጌዪን ሜላን ጋላ̇ንር ኢዝባር ዎልኣ ኡፋይቲ̇ሬ።
27ዪንታ̇̇ሬ ክርስቶ̈ሳብ ጋሌ̇፤ ዪንቲ̇ ዎይ ዪንታ̇̇ ቆሚ̇ን ቆሚ̇ን ኢብ ጋሌ̇። 28ዪ̈ኮታ̇ቦ ጾ̈ሲ ዎ̈ሳ ኬ̈ ጋርታ ዱማ ዱማ ኦ̈ሳ ዶኣምፔ̈ን ዎቲኔ። ዪኒ̇ ጎይባራ ቲ̈ን ሃዋ̈ራ̈ታን ናምኢ ናባን ዓይዚ̇ ኣስታማ̈ራን፥ ኢናፖ̇ ታሚ̇ራ̈ታ ኦ̈ዝ ኣሳን፥ ማኖ ኣሳን ፋዝ ኣሳን፥ ኣስ ማ̈ዲ̇ዝ ኪልሲ ዎ ኣሳን፥ ኣስ ኣቂሲዝ ኣሳንኬ ኦራ ኖ̈ናባር ሶ̈ሊዝ ኪልሲ ዎ ኣሳን ሹ̈ማር ጋዲ̇ዴ። 29ዎይን ሃዋ̈ራቲያ? ዎይን ናቢያ? ዎይን ኣስታማ̈ሪያ? ዎይን ታሚ̇ራ̈ታ ኦ̈̈ራ? 30ዎይንቦ ኣስ ፋዝ ኪልሲ ዎ? ዎይን ኦራ ኖ̈ና ሶ̈ላንዳብ ዳንዳኢ̈ራ? ዎይን ኦራ ኖ̈ናባር ሶ̈ሊንቲኖን ቢርቺ̈ራ? 31ዪዚ ዪንቲ̇ ዎይፖ̇ ሺዝ ኪልሲን ዲጛንዳብ ኮዪብቴ።̇
ዓት ቴ ዪንታ̇ ዎይፖ̇ ሺዝ ጎይሚን ቤይሳስቶ።

Highlight

Share

Copy

None

Want to have your highlights saved across all your devices? Sign up or sign in