Tap 13
13
At Nanginsaful fag ngay Taw
Deu 1:19-33
1Yawi nalong sas Muisis te, 2“Sugui sik gaban taw laman nanginsaful sas talun Kanaan, kafag talun ku fagnamonun sa sangay taw Israel. Sugui sik ngay tagfangguna, sadi siginans galay kasugfunanan.”
3Nu katanya, Muisis nafaning Yawi at suguan anya. Muisis nasugu ngay taw Israel at ngay tagfangguna laman nanginsaful talun Kanaan. 4-15Kayu tuy ngay kasugfunanan ay at ngay tagfangguna at ngay ngayan:
| Kasugfunanan | Tagfangguna |
|---|---|
| Rubin | Samwa, Sakur at baguama |
| Simyun | Safat, Kuri at baguama |
| Uda | Kaleb, Efune at baguama |
| Isakar | Igal, Use at baguama |
| Efraim | Usea, Nun at baguama |
| Benamin | Palti, Rafu at baguama |
| Sebulun | Gadyel, Sudi at baguama |
| Manase, Use at baguama | Gadi, Susi at baguama |
| Dan | Amyel, Gemali at baguama |
| Aser | Setur, Mikael at baguama |
| Naftali | Nabi, Bupsi at baguama |
| Gad | Gewel, Maki at baguama |
16Kanya fag ngay taw Muisis at nasugu laman at nanginsaful talun Kanaan. (Muisis natubus Usea at ngayan, ay nafangayan anya te, Uswe, Nun at baguama.)
17Ay gina kanya fagayu galoun, Muisis nalong sa anya fagayu te, “Loi sas fawalan fag alvngvdan, ay sanya ginan sam sKanaan sabaliwas fasiunan fag alvngvdan, ay fataglayuni nu glao am yakmay am andasug sanya fag ngay buksul. 18Nanginsaful am te, setain kanya fag talun, ay nanginsaful yangay am te, o sanya fag ngay taw maseganama, o ay mannga momuy, o ay kanya fagayu ngayu o ay mannga wa ngayu. 19Lingamani fia te, o kanya fag ngay taw at fagbanwanan, masine o mannga duan. Ay lingamani yangay te, o at ngay furuan e ngay dingding alad. 20Ay nanlingaman yangay am fia te, o at lutuk masine ay mannga duan, ay o e ngay kayu, o ay mannga duan. Ay ugatani te, gina ban am kafoli e buba tuam ngay rawvg.” (Ginanya, ngay wat ubas at rawvg anlesan wan.)
21Nu katanya, kanya fag ngay taw nalo wan, ay nanginsaful siginans Sin fag talun at yud e taw, sitsigons furuan Rekub, munakbang sis Lebu-Kamat. 22Kanya fagayu nafasigad nalao siginans Negeb yakmay andasug sas Kebrun, nu inda Akiman, Sisay, ay Talmay nu gbanwan; kanya fagayu Anak at ngay kasugfunanan. (Furuan Kebrun fitu wak banwa nu mawatan gina kawat furuan Suan sis talun Igiptu.) 23Ay kanya fagayu nu ndasug sas Liskung Eskul,#13:23 Eskul: at masuad, bungkus. nabul sik rawvg ubas. Kanya fag rawvg nu kabuba mabyat tua, nu katanya, kanya fagayu nabul sik kayu ay nafutus, ay duak taw gsaknayan. Ay gbuba yangay pumigranata ay fun kayu igus at ngay rawvg. 24Ay kafag talun nafangayan te, Liskung Eskul, aroro sanya ngay taw Israel nu gbul sik tanum wat ubas at rawvg.
25Nu nlangfe wan ufatk safuluk menit nu ginsaful talun Kanaan, anfoli 26sas Muisis, Arun ay sa sangay taw Israel sas talun Kades, sas Paran fag talun at yud e taw. Ay kanya fagayu nafoyung sa sangay taw at ngay nalag, ay nafalag at buba fag ngay rawvg. 27Ay kanya fagayu nalong sas Muisis te, “Nalao ami sam nasugu emi fag talun, ay nalag ami te, kafag talun masine tua ay maramraman.#13:27 talun masine tua ay maramraman: sas Ebreu, sik talun at ke familugan susu bilug ay deut. Ay tuy wan tibak rawvg. 28Dewa katanya, tagbanwan sanya fag ngay taw mabalyanan, at ngay furuan gbia ay mafaligungan alad gang. Ay nalag yangay mi sanya Anak at ngay kasugfunanan. 29Ngay taw Amalek gbanwan sis Negeb, ay ngay taw Ket, taw Ebus ay taw Amur gbanwan sa sangay buksul, ay ngay taw Kanaan gbanwan munakbang sis tigyangan dagat ay sis day Liskung Urdan.”
30Kaleb nafasun ngay taw sis Muisis at daga salubangan ay nalong te, “Glao watam laman nangagbilug kafag ngay taw at talun, aroro gtuyan au te, makatu tam nangagbilug.”
31Dewa katanya, at nanangalo Kaleb fag ngay taw laman nanginsaful nalong te, “Watam makatu namawayan aroro kanya fagayu amaseganama yap tua antam.”
32Ay at nananginsaful nafarapyag sa sangay taw Israel at mauri fag barita sabaliwa at nananginsaful fag talun. Kanya fagayu nalong te, “Wa masine em nalag sanya fag talun, ay saman ya kanya, at ngay taw gbia ay ngabat ayu daul. 33Ay sanya nalag yangay mi ngay taw Nefilim,#13:33 Nefilim: at masuad, tagbia fag ngay taw. Anak at ngay kasugfunanan. Nu gfaladlabian ami em sadili sa kafag ngay taw, kadaul waymi ayu sirut sik ngay liung, ay katanya yangay kanya fagayu nu gdama emi.”
Currently Selected:
Tap 13: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
Tap 13
13
At Nanginsaful fag ngay Taw
Deu 1:19-33
1Yawi nalong sas Muisis te, 2“Sugui sik gaban taw laman nanginsaful sas talun Kanaan, kafag talun ku fagnamonun sa sangay taw Israel. Sugui sik ngay tagfangguna, sadi siginans galay kasugfunanan.”
3Nu katanya, Muisis nafaning Yawi at suguan anya. Muisis nasugu ngay taw Israel at ngay tagfangguna laman nanginsaful talun Kanaan. 4-15Kayu tuy ngay kasugfunanan ay at ngay tagfangguna at ngay ngayan:
| Kasugfunanan | Tagfangguna |
|---|---|
| Rubin | Samwa, Sakur at baguama |
| Simyun | Safat, Kuri at baguama |
| Uda | Kaleb, Efune at baguama |
| Isakar | Igal, Use at baguama |
| Efraim | Usea, Nun at baguama |
| Benamin | Palti, Rafu at baguama |
| Sebulun | Gadyel, Sudi at baguama |
| Manase, Use at baguama | Gadi, Susi at baguama |
| Dan | Amyel, Gemali at baguama |
| Aser | Setur, Mikael at baguama |
| Naftali | Nabi, Bupsi at baguama |
| Gad | Gewel, Maki at baguama |
16Kanya fag ngay taw Muisis at nasugu laman at nanginsaful talun Kanaan. (Muisis natubus Usea at ngayan, ay nafangayan anya te, Uswe, Nun at baguama.)
17Ay gina kanya fagayu galoun, Muisis nalong sa anya fagayu te, “Loi sas fawalan fag alvngvdan, ay sanya ginan sam sKanaan sabaliwas fasiunan fag alvngvdan, ay fataglayuni nu glao am yakmay am andasug sanya fag ngay buksul. 18Nanginsaful am te, setain kanya fag talun, ay nanginsaful yangay am te, o sanya fag ngay taw maseganama, o ay mannga momuy, o ay kanya fagayu ngayu o ay mannga wa ngayu. 19Lingamani fia te, o kanya fag ngay taw at fagbanwanan, masine o mannga duan. Ay lingamani yangay te, o at ngay furuan e ngay dingding alad. 20Ay nanlingaman yangay am fia te, o at lutuk masine ay mannga duan, ay o e ngay kayu, o ay mannga duan. Ay ugatani te, gina ban am kafoli e buba tuam ngay rawvg.” (Ginanya, ngay wat ubas at rawvg anlesan wan.)
21Nu katanya, kanya fag ngay taw nalo wan, ay nanginsaful siginans Sin fag talun at yud e taw, sitsigons furuan Rekub, munakbang sis Lebu-Kamat. 22Kanya fagayu nafasigad nalao siginans Negeb yakmay andasug sas Kebrun, nu inda Akiman, Sisay, ay Talmay nu gbanwan; kanya fagayu Anak at ngay kasugfunanan. (Furuan Kebrun fitu wak banwa nu mawatan gina kawat furuan Suan sis talun Igiptu.) 23Ay kanya fagayu nu ndasug sas Liskung Eskul,#13:23 Eskul: at masuad, bungkus. nabul sik rawvg ubas. Kanya fag rawvg nu kabuba mabyat tua, nu katanya, kanya fagayu nabul sik kayu ay nafutus, ay duak taw gsaknayan. Ay gbuba yangay pumigranata ay fun kayu igus at ngay rawvg. 24Ay kafag talun nafangayan te, Liskung Eskul, aroro sanya ngay taw Israel nu gbul sik tanum wat ubas at rawvg.
25Nu nlangfe wan ufatk safuluk menit nu ginsaful talun Kanaan, anfoli 26sas Muisis, Arun ay sa sangay taw Israel sas talun Kades, sas Paran fag talun at yud e taw. Ay kanya fagayu nafoyung sa sangay taw at ngay nalag, ay nafalag at buba fag ngay rawvg. 27Ay kanya fagayu nalong sas Muisis te, “Nalao ami sam nasugu emi fag talun, ay nalag ami te, kafag talun masine tua ay maramraman.#13:27 talun masine tua ay maramraman: sas Ebreu, sik talun at ke familugan susu bilug ay deut. Ay tuy wan tibak rawvg. 28Dewa katanya, tagbanwan sanya fag ngay taw mabalyanan, at ngay furuan gbia ay mafaligungan alad gang. Ay nalag yangay mi sanya Anak at ngay kasugfunanan. 29Ngay taw Amalek gbanwan sis Negeb, ay ngay taw Ket, taw Ebus ay taw Amur gbanwan sa sangay buksul, ay ngay taw Kanaan gbanwan munakbang sis tigyangan dagat ay sis day Liskung Urdan.”
30Kaleb nafasun ngay taw sis Muisis at daga salubangan ay nalong te, “Glao watam laman nangagbilug kafag ngay taw at talun, aroro gtuyan au te, makatu tam nangagbilug.”
31Dewa katanya, at nanangalo Kaleb fag ngay taw laman nanginsaful nalong te, “Watam makatu namawayan aroro kanya fagayu amaseganama yap tua antam.”
32Ay at nananginsaful nafarapyag sa sangay taw Israel at mauri fag barita sabaliwa at nananginsaful fag talun. Kanya fagayu nalong te, “Wa masine em nalag sanya fag talun, ay saman ya kanya, at ngay taw gbia ay ngabat ayu daul. 33Ay sanya nalag yangay mi ngay taw Nefilim,#13:33 Nefilim: at masuad, tagbia fag ngay taw. Anak at ngay kasugfunanan. Nu gfaladlabian ami em sadili sa kafag ngay taw, kadaul waymi ayu sirut sik ngay liung, ay katanya yangay kanya fagayu nu gdama emi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines