Tap 12
12
Miryam ay Arun Ankuri Muisis
1Miryam ay Arun ankuri Muisis aroro Muisis andadwa sa sik mangena tagsiginans talun Kus.#12:1 Kus: at masuad, Etiupya. 2Ay kanya fag dua nalong te, “Ay wain? O nunda Muisis way lang Yawi at fagfakamatoanun? Kanya gfakamatoan yangay emi.” Ay Yawi nadungug duksay at longan.
3(Muisis, nu kamababaun gtungud tua fagayu taw sas fagdaul daga.)
4Nu katanya, Yawi masakit nafakamatoan Muisis, Arun ay Miryam, ay kanya nalong te, “Am fag tulu duksuni ay loi sas Yawi at bale.” Ay kanya fag tulu nalao sanya. 5Sanya ginan, Yawi andasug, siginan sik linyabu takata sik turuk malindug sit Bale at sakbawan, ay kanya nauro duksay Arun ay Miryam. Ay duksay nu nkakbang, 6Yawi nalong te, “Dungugani angku! Nu e taglong kdi si ayu, garingang kro sa anya siginans taginfan. 7Dewa katanya, di katanya nu gfakamatoan au ku fagsuguan Muisis, takamangguna ku ngay taw. 8Nu gfakamatoan au anya gsalubangan mandi mi, aroro nu garingang au sa anya mayamag tua. Ay kanya kata wa nu nalag angku. Nu katanya, wain ay fagmalongun am at mauri sa ku fagsuguan Muisis?”
9Yawi andotama duksay ay nalo wan. 10Ay tagsis tungud bale ramit fag linyabu nu nalyam wan, Miryam anke bangbang,#12:10 bangbang: sik taw at ke fakasaitun takatanya wa masine ya kakbang sas Dius yakmay anfia. ay gladlaksiun wan at balat. Ay Arun nu nalag, 11kanya nalong sat faduksay Muisis te, “Arian,#12:11 Arian: sas Ebreu, Ku fun. lag yap gfaurianan emi, dewa ami nafakamulun at yud matuyan sa emu. 12Lag gfabayan ta faduksay Miryam, kata sik ngenge at mabulan wan gina kasalug, ay takadan sik baltak at bilug.”
13Nu katanya, Muisis nafainfanyuan sas Yawi te, “Ku Dius, gfainfanyuan au sa emu te, fafiai yap ku faduksay Miryam.”
14Yawi nabalus Muisis te, “O nunda at mama nu natufe anya sit mata laman gfae mauri, o kanya wa mabaluanan kaduge fituk menit? Nu katanya, faduksuni anya siginans fagmafulan ay to sanya yap kaduge fituk menit, ay nu nlangfe wan fituk menit, kanya masine wa gsakbo.” 15Nu katanya, nafaduksun Miryam siginans fagmafulan ay kanya nabanwan sanya kaduge fituk menit. Ay kaduge Miryam sis day fagmafulan, ngay taw ya gfataglayun nu glao. 16Ay Miryam nu nfoli wan sas fagmafulan, ngay taw nalao siginans Aserut, ay kanya fagayu andasug sa sik talun at yud e taw sis Paran.
Currently Selected:
Tap 12: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
Tap 12
12
Miryam ay Arun Ankuri Muisis
1Miryam ay Arun ankuri Muisis aroro Muisis andadwa sa sik mangena tagsiginans talun Kus.#12:1 Kus: at masuad, Etiupya. 2Ay kanya fag dua nalong te, “Ay wain? O nunda Muisis way lang Yawi at fagfakamatoanun? Kanya gfakamatoan yangay emi.” Ay Yawi nadungug duksay at longan.
3(Muisis, nu kamababaun gtungud tua fagayu taw sas fagdaul daga.)
4Nu katanya, Yawi masakit nafakamatoan Muisis, Arun ay Miryam, ay kanya nalong te, “Am fag tulu duksuni ay loi sas Yawi at bale.” Ay kanya fag tulu nalao sanya. 5Sanya ginan, Yawi andasug, siginan sik linyabu takata sik turuk malindug sit Bale at sakbawan, ay kanya nauro duksay Arun ay Miryam. Ay duksay nu nkakbang, 6Yawi nalong te, “Dungugani angku! Nu e taglong kdi si ayu, garingang kro sa anya siginans taginfan. 7Dewa katanya, di katanya nu gfakamatoan au ku fagsuguan Muisis, takamangguna ku ngay taw. 8Nu gfakamatoan au anya gsalubangan mandi mi, aroro nu garingang au sa anya mayamag tua. Ay kanya kata wa nu nalag angku. Nu katanya, wain ay fagmalongun am at mauri sa ku fagsuguan Muisis?”
9Yawi andotama duksay ay nalo wan. 10Ay tagsis tungud bale ramit fag linyabu nu nalyam wan, Miryam anke bangbang,#12:10 bangbang: sik taw at ke fakasaitun takatanya wa masine ya kakbang sas Dius yakmay anfia. ay gladlaksiun wan at balat. Ay Arun nu nalag, 11kanya nalong sat faduksay Muisis te, “Arian,#12:11 Arian: sas Ebreu, Ku fun. lag yap gfaurianan emi, dewa ami nafakamulun at yud matuyan sa emu. 12Lag gfabayan ta faduksay Miryam, kata sik ngenge at mabulan wan gina kasalug, ay takadan sik baltak at bilug.”
13Nu katanya, Muisis nafainfanyuan sas Yawi te, “Ku Dius, gfainfanyuan au sa emu te, fafiai yap ku faduksay Miryam.”
14Yawi nabalus Muisis te, “O nunda at mama nu natufe anya sit mata laman gfae mauri, o kanya wa mabaluanan kaduge fituk menit? Nu katanya, faduksuni anya siginans fagmafulan ay to sanya yap kaduge fituk menit, ay nu nlangfe wan fituk menit, kanya masine wa gsakbo.” 15Nu katanya, nafaduksun Miryam siginans fagmafulan ay kanya nabanwan sanya kaduge fituk menit. Ay kaduge Miryam sis day fagmafulan, ngay taw ya gfataglayun nu glao. 16Ay Miryam nu nfoli wan sas fagmafulan, ngay taw nalao siginans Aserut, ay kanya fagayu andasug sa sik talun at yud e taw sis Paran.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines