Lebitiku 12
12
Ngay Faugali sabaliwa ngay Mangena at Nafasalug
1Yawi nasugu Muisis 2laman nanlong sa sangay taw Israel te,
Sik mangena nu nafasalug sik munama, tuyani te, kanya fag mangena masuya kaduge fituk menit, kaduge nu gfangigusan.
3Ay nu ndasug at fawaluk menit, fae fakatoglagani wan at ngenge. 4Aroro at mina gfangigusan yay, falangfei tuluk safulu e tuluk menit laman gtuyan anya te, masine wan. Kanya fag mangena wa masine gted fagayu fagagbilugun laman sas Yawi ay wa yangay masine gsakbo sas Yawi at bale yakmay antabu at nafalganan fag buknga. 5Ay sik mangena nu nafasalug sik munina, tuyani anya te, masuya kaduge labi ufatk menit, kaduge yangay nu gfangigusan. Falangfei unumk safulu e unumk menit laman gtuyan anya te, masine.
6Nu nlangfe wan at nafalganan fag buknga, dewa munama ay munina at sisian, kanya gfon sa sangay tagfon fanggalangun sik riangan tupa tagsik banwa, sis Yawi at sakbawan bale, laman at fagirugun fag fanggalangun ay gfon yangay sik labikung laman at fanggalangun famalyam asalanan. 7-8Ngay tagfon fanggalangun gfon fanggalangun sas Yawi laman kanya fag mangena umsine aroro sat nafasalug. Kanya nu dway makatu gfon sik tupa, masine kanya nu gfon duak labikung ay mannga duak udkuruan; at sadi laman sik fagirugun fag fanggalangun ay at sadi fanggalangun famalyam asalanan. Siginan ngay tagfon fanggalangun at fakamulun takatanya, kanya fag mangena at fagmasuyaun umkalyam ay kanya umsine. Katanya ngay faugali sabaliwa sik mangena at nafasalug.
Currently Selected:
Lebitiku 12: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
