Uswe 16
16
Ngay Talun at Nafon sas Efraim ay Manase at ngay Kasugfunanan
1At nafon sas Use at kasugfunanan laman at talun, siginans Liskung Urdan munakbang sis Eriku, sas Eriku at fakamenitan baliwa fag ngay bulbug, gtaglayun sas talun yud e taw sitsigon sangay buksul tagsis ligung furuan Betel. 2Siginans Betel (Betel at ngayan yangay te, Lus), gtaglayun sas Atarut ay si sangay taw Ark at fagbanwanan 3ay gtagbung sas fakayabian baliwa, ay gtaglayun sa sangay taw Aflet at fagbanwanan, anggan sas fatuan Bet-Kurun. Ay gtaglayun sas Geser sitsigons Dagat Mediteranyu. 4Kafag ngay afud daga Manase ay Efraim at kasugfunanan Use at ngay baguama, at nagbilug fag talun.
5Tuy Efraim at kasugfunanan at fagagbilugun at nafud sat ngay kalongan: at fatuan sas fakamenitan baliwa gfasigad siginans Atarut-Adar gtaglayun sas Bet-Kurun 6sitsigons Dagat Mediteranyu. Ay at fatuan sabaliwas fawalan fag alvngvdan siginans Mikmetat, ay kabaraud sas fakamenitan baliwas Taanat-Silu, ay gdalan sas Anuak sas fakamenitan baliwa. 7Ay siginans Anuak gtagbung sas Atarut ay Naara, gdalan sas Eriku ay gtaglayun sas Liskung Urdan. 8Siginans Tapuak, at fatuan gtaglayun sas fakayabian baliwa ay gdalan sas Kana fag liskung, sitsigons Dagat Mediteranyu. Kayunya Efraim at kasugfunanan at nabul fag talun at nafud sat ngay kalongan. 9At fagagbilugun yangay ngay furuan ayu daul ay furuan ayu sirut tagsis Manase at fagagbilugun. 10Kanya fagayu wa naiyan ngay taw Kanaan tagbanwan sis Geser; nu katanya dasug katsi, e ngay taw Kanaan yay tagbanwan magamut ngay taw Efraim, ay kanya fagayu ansik ngay fagsuguan.
Currently Selected:
Uswe 16: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
