Esra 10
10
Ngay Taw Israel nu Gfoyung at ngay Asalanan
1Kaduge Esra gtudan gdarangin sis salubangan Dius at bale, kanya gwayway ay gfoyung taw Israel at ngay asalanan. Ay ngayuk taw Israel, mangama, mangena ay sisian tagligung anya, gwayway yangay maksvn. 2Sanya ginan, Sekanyas, Ekyel at baguama, ay Elam at kasugfunanan nalong anya te, “Wami nafakamulun at matuyan sa tam Dius, aroro nafamubay ami sa tibak talun at taw. Dewa katanya, ngay taw Israel e fagsegun yay. 3Nu katanya, katsi, gfatuyanan ami te, gfaning tua ban ami am ngay foyungan sa emi, ay gfaning yangay ban mi ngay tagfaning tam Dius at ngay suguan. Nangawat ami sik nasadian sa tam Dius te, gaiyan wami em ngay mangena tagsiginan tibak gaban taw anggan at ngay sisian. Ay namaning ban mi tam Dius at Faugali. 4Malindugi wan, aroro o wan at ke fakamulun takatanya. Faksvni am amatanganan ay fakamuluni at matuyan. Ay ggubuk ban mi emu.”
5Nu katanya, Esra anlindug wan ay nalong sa sangay tagfangguna, ngay tagfon fanggalangun, ay sa sangay taw Lebi, ay sas fagayu taw Israel te, “Fatuyanani te, gfakamulun ban am Sekanyas at ngay nalong.” Ay kanya fagayu nafatuyanan. 6Ay sanya ginan, Esra nalao sis salubangan Dius at bale ay nasas Eukanan, Elyasib at baguama, at suluk, ay kanya nu ndasug sanya, wa nafangon ay wa nainum aroro kabalu sabaliwa ngay taw Israel at kinfoli siginan at fagatabananan, at fagyudun matuyan.
7-8Ngay taw Israel at ngay tagfangguna ay at ngay fagtainan sas fagdaul talun Uda ay sas Erusalem, nalong sas fagayu at kinfoli siginan at fagatabananan te, afuli sas Erusalem. Ay nu sinu ban at yud andasug sis fatuluk menit, gbul wan siginan anya at ngay fagagbilugun ay wa ban katap ya te, sik ngay taw at kinfoli siginan at fagatabananan.
9Nu katanya, sis fatuluk menit fagayu taw tagbanwan sis Uda ay sis Benamin anful, ay namalunggung sis Dius at bale at fagaweanan tagsis Erusalem. Anfasludan takatanya gina sis faduak safuluk menit sis fasiamk magdanun. Ay kanya fagayu gtadtaruyan aroro sat kafanudan at kamatoanan ay at kaksvnan nu karak.
10Sanya ginan, Esra fag tagfon fanggalangun anlindug ay nalong te, “Anke asalanan am aroro nafamubay am sa tibak gaban taw. Siginan takatanya ay nafakamulun, nafamut am ngay taw Israel at ngay asalanan. 11Katsi, foyungi ay ngay asalanan sas Yawi, ay mangaguyang at Dius, ay fakamuluni at fakaylatun. Ay asamani wan siginan ay ligung fag ngay taw, ay saruayani wan siginan ay ngay mesa bubay tagsiginan tibak talun.”
12Ay fagayu tagbanwan nauro te, “Anud, matuyan! Gfakamulun ban mi kata am suguan. 13Dewa katanya, yaban mi nafafasludan takatanya nu sadi way ay mannga duak menit, aroro ngayu tua si emi at ke asalanan takatanya. Katsi karak yay ay wami magwanta nu maduksunan way mi. 14Tam ngay tagfangguna yakman lang takafamato ste, ay tagfakamulun laman sa sangay taw. Fastaei fagayu at nafamubay siginan tibak talun, gadgaloan at ngay fagtainan ay at ngay tagfawabilugan sit mesa furuan. Gfakamulun tam takatatuy laman umkalyam wan Dius nu kauri antam aroro sa tam asalanan.”
15Ay at kinfamato Yunatan, Asael at baguama, ay Aseya, Tikba at baguama. Ay at nagubuk anya fagayu Mesulam ay Sabetay fag taw Lebi.
16-17Ay fagayu kinfoli siginan at fagatabananan nafafasludan takatanya fag algan. Nu katanya, Esra fag tagfon fanggalangun nafili ngay mangama tagfangguna sa sangay talanan, ay nariruk kanya fagayu at ngay ngayan. Ay taguna fag menit sis fasafuluk magdanun, kanya fagayu namalunggung laman gfasigad nu ginsaful sabaliwa ngay taw Israel at nafanmangena sa tibak gaban taw. Ay gina taguna fag menit sis fasafuluk magdanun, at fadogan fag banwa antabu wan nu ginsaful fagayu at ke ngay mamalong.
Ngay Mangama at Nafamubay siginan Tibak Talun
18-19Kayu tuy at nafamubay sa tibak gaban taw, ay nafatuyanan te, gfasaruayan wan at ngay bubay: (Kanya fagayu nafon ngay tama tupa laman at fanggalangun famalyam at ngay asalanan.)
Siginan ngay tagfon fanggalangun:
Tagsiginan Eswa, Usadak at baguama at talananan, ay at ngay faduksay: Maaseya, Elyeser, Arib ay Gedalya.
20Tagsiginan Imer at talananan: Kanani ay Sebadya.
21Tagsiginan Karim at talananan: Maaseya, Elyas, Semaya, Ekyel ay Usya.
22Tagsiginan Pasur at talananan: Elyuenay, Maaseya, Ismael, Netanel, Usabad ay Elyasa.
23Ay siginan ngay taw Lebi:
Usabad, Simei, Kelaya (at ngayan yangay te, Kelita), Petakya, Uda ay Elyeser.
24Ay siginan ngay tagfawang: Elyasib.
Ay siginan tagulit Yawi at bale at sakbawan: Salum, Telem ay Uri.
25Ay siginan ngay taw Israel:
Tagsiginan Parus at talananan: Ramya, Isya, Malkya, Miamin, Elyasar, Malkya ay Benaya.
26Tagsiginan Elam at talananan: Matanya, Sakaryas, Ekyel, Abdi, Eremut ay Elyas.
27Tagsiginan Satu at talananan: Elyuenay, Elyasib, Matanya, Eremut, Sabad ay Asisa.
28Tagsiginan Bebay at talananan: Eukanan, Kananya, Sabay, ay Atlay.
29Tagsiginan Bani at talananan: Mesulam, Maluk, Adaya, Asub, Seal ay Eremut.
30Tagsiginan Pakat-Muab at talananan; Adna, Kelal, Benaya, Maaseya, Matanya, Besalel, Binwi ay Manase.
31-32Tagsiginan Karim at talananan: Elyeser, Isya, Malkya, Semaya, Simyun, Benamin, Maluk ay Semarya.
33Ay tagsiginan Kasum at talananan: Matenay, Matata, Sabad, Elifelet, Eremay, Manase ay Simei.
34-37Tagsiginan Bani at talananan: Maaday, Amram, Uel, Benaya, Bedya, Kelui, Banya, Meremut, Elyasib, Matanya, Matenay ay Aasu.
38-42Tagsiginan Binwi at talananan: Simei, Selemya, Natan, Adaya, Maknadebay, Sasay, Saray, Asarel, Selemya, Semarya, Salum, Amarya ay Use.
43Tagsiginan Nebu at talananan: Eyel, Matitya, Sabad, Sebina, Aday, Uel ay Benaya.
44Kanya fagayu at nafamubay siginan tibak gaban taw at mangena, ay tiba kanya fag ngay mangena e ngay sisian wan.
Currently Selected:
Esra 10: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
