Rɔm 9
9
IJIRAYƐL JE GƏ GƏL KUJIJE
Luba gə dəw dɔ rɔ-ɛ
Gal 4.22-31
1M-pa tar gə tɔgərɔ mə Kirisi gə, m-ɗəgərə ang, Njil Njerɔsangə pa tar naj-ɛ mə kəji gə lə-m, 2mə-m gangə man to gə boy ngaɓa ɓəngərə-m ti mbidi gə kede-kede. 3Mba m-njinga kar ꞌma ja ɓa kugu uwa-m ngaɓa kar ꞌma ja m-um naa gə Kirisi ang mba may lə ngan ko̰-m, njenujije lə-m gə ɗəw darɔ gə, 4gə to Ijirayɛlje, gə Luba ja turu-je gə ngan-ɛ, gə rɔnduba lə-a, gə koneje, gə torondu, nepolo ngaɓa kuwa dɔ gɔl neje to kar-je, 5gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!
6Ə̰ə̰ə̰, tar lə Luba oso nangə baa ang. Mba dəwje tɔ̰y gə d-uji-je gəl ka Ijirayɛl gə ja ɓa to gə Ijirayɛlje ang, 7ngaɓa dəwje tɔ̰y gə d-uji-je gəl Abəraham gə le, ꞌto ngan-ɛ ja tɔ̰y ang; ngaa ꞌpa na: Ɗəw gə lə Ijagə ja gəl kuji dəwje bula d-a ce kəne ɗaa d-a ɓar-je gə ri-i 8mə tar gə nee le na: Nganje gə ɗəw darɔ gə ɓa ꞌto gə nganje lə Luba ang, ngaa nje gə d-uji-je gə go ɗəw gə Luba uwa dɔ gɔl-ɛ ja ɓa ꞌtura-je gə gəl kuji lə-a. 9Mba tar gə ꞌpa d-uwa ne dɔ gɔl ne le ɓa nee: Dɔ kar a to to gə mar-ɛ nee ɗaa, m-a ɗe ngaɓa Sara a kuji ngon gə jingaw. 10Ə̰ə̰ə̰, ye ja go kara baa ang, ngaa Rebeka kara uji gə ka-sijee Ijagə ja kara baa; 11mba logə nganje le d-uji-je ang ja ɓi ngaɓa ꞌgərə ne gə kṵra̰y gə ne may ang ɓi ja ngaa mba kar ne gə Luba ɔji mba ɗa le aw ne lo-e gə, 12ngaɓa gə go kula ɗaje ang ngaa gə mə njigi lə nje ɓar-je ja, be ɓa ꞌpa d-ar Rebeka na: ꞌYe gə buba a to ngon njekula lə ꞌye gə ngon, 13be ɓa ꞌɗa mə mbede gə na:
M-njigi Jakobo
Ɗaa m-njigi Esaw ang gə kɔrɔ. # 9.13
Lgn 25.23; Mal 1.2-3.
Tar gə ɔji dɔ dəwje gə ꞌgərə Luba ang
14J-a pa na ɗi wa? Luba to njebuguru wa? Be ang baa! 15Mba n-pa n-ar Moyiji na: M-a ɗa məmay gə dəw gə mə-m njigi ɗa sə-a məmay, ngaɓa m-a ko kəmtondoo gə dəw gə mə-m njigi ko kəmtondoo lə-a. 16Be ɓa ɔji go mə njigi lə dəw ang nəm ɔji dɔ singa gə n-unda dɔ mar-ɛ gə ang, ngaa gə go məmay lə Luba. 17Mba mbede pa ar Parawo̰ na: M-o som ja ɓa m-un-i m-unda-i mba tɔji ne singamongə lə-m ngaɓa gə mba kar ri-m ta ne lo dɔ nangə nee tɔ̰y. 18Be ɓa, n-ɗa məmay gə na-na kara gə mə njigi lə-a ꞌne ja, ngaɓa na-na kara n-ar m-e kədərə gə go mə njigi lə-a ꞌne ja tɔ.
19A pa kar-m na: N-nḭ gə jingaw mba ɗi cibi wa? Mba na ɓa asə kila karəw gə mə njigi lə-a wa? 20ꞌI, ꞌto na ja ɓa ꞌma̰y gə Luba tar wa? Jo asə pa kar nje kuba-a na: Mba ɗi ɓa uba-m to gə be wa ang.#9.20 OjeEja 29.16; 45.9. 21Nje kuba jo le to ꞌɓəə ənji, ɗaa ənji gə njekara gə n-mbo̰y nee ja, n-asə kuba ne bay ɗɔy dəwje ngaɓa kar ɗa ne kulaje gə baa nəm ang wa? 22Ngaɓa to gə ɓo Luba njigi tɔji wungu lə-a ngaɓa gə tɔji singamongə lə-a, ɓa ore ur-e ndəng dɔ nje gə d-asə kar wungu lə-a ɗe dɔ-je gə ngaɓa tuji-je. 23Ngaɓa mba kar ꞌgərə ne nebaw riɓar lə-a gə ɔji dɔ bayje gə kar məmay gə gə n-gɔl kede mba rɔnduba. 24Sijee gə n-ɓar-si horo Jiibije ja kara baa ang, ngaa horo dəwje gə ꞌgərə Luba ang ja cibi, 25to gə n-pa ne mə mbede gə lə Oje na:
Nje gə ꞌto dəw mə ɓeje lə-m ang ja, m-a ɓar-je dəw mə ɓeje lə-m,
Ngaɓa gəl kuji gə m-njig-e ang ja m-a ɓar-ɛ ye gə m-njig-e ya̰;
26 Ngaɓa lo gə njekara gə ꞌpa kəne d-ar-je na: ꞌToje dəw mə ɓeje lə-m ang!
D-a ɓar-je kəne gə ngan lə Luba gə nje kisi kəm baa. # 9.26
Oje 2.25
; Oje 2.1.
27Ejay pa k-ɛ ɓolong ər kara gə, ɔji dɔ Ijirayɛl na:
Logə kɔr ngan Ijirayɛlje a to to gə ꞌnangəra̰ gə ta babo gə be le,
Kɛsə-je ja baa d-a kaji.
28 Mba Mbayɓe a kar tar lə-a aw lo-e yɛrɛrɛ ngaɓa gə tɔg-ɛ baa dɔ nangə nee.
29Ngaɓa, to gə Ejay pa ne kede na:
To gə ɓo Mbayɓe lə njeɗɔje ḭya̰ gəl kuji kara ar-si ang nama,
J-a təl to to gə Sɔdom,
J-a kḭ ta naa gə Gɔmɔr be. # 9.29
Eja 1.9
; Lgn 19.23-28.
Ijirayɛl je gə tar gə ɔji dɔ takagə
Rɔm 3.19-29; Gal 3.8-14,21-29
30Ɗi ɓa ja pa ɓi wa? Dəwje gə to Jiibije ang gə ꞌsangə go gadə-gadə ang ja, d-inga-a, gadə-gadə gə ɗe gə go takagə, 31ngaa Ijirayɛl gə sangə torondu ɓa mba to ne gadə-gadə le inga-a ang. 32Mba ɗi wa? Mba Ijirayɛl sangə to gadə-gadə gə go takagə ang, ngaa ɗəw kula ɗaje gə. Be ɓa d-ar dɔ-je dɔ ne gə to jigi no-je gə, 33to gə ꞌɗa ne mə mbede gə na:
Oje, m-ila kɔr ər tuga Siyo̰ gə, gə
Jigi kar tuga koso,
Ngaa ɓo dəw gə ta kag-ɛ nama rɔ kul a kuwa-a ang. #9.33 Eja 28.16, Oje Eja 8.14-15.
Currently Selected:
Rɔm 9: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Rɔm 9
9
IJIRAYƐL JE GƏ GƏL KUJIJE
Luba gə dəw dɔ rɔ-ɛ
Gal 4.22-31
1M-pa tar gə tɔgərɔ mə Kirisi gə, m-ɗəgərə ang, Njil Njerɔsangə pa tar naj-ɛ mə kəji gə lə-m, 2mə-m gangə man to gə boy ngaɓa ɓəngərə-m ti mbidi gə kede-kede. 3Mba m-njinga kar ꞌma ja ɓa kugu uwa-m ngaɓa kar ꞌma ja m-um naa gə Kirisi ang mba may lə ngan ko̰-m, njenujije lə-m gə ɗəw darɔ gə, 4gə to Ijirayɛlje, gə Luba ja turu-je gə ngan-ɛ, gə rɔnduba lə-a, gə koneje, gə torondu, nepolo ngaɓa kuwa dɔ gɔl neje to kar-je, 5gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!
6Ə̰ə̰ə̰, tar lə Luba oso nangə baa ang. Mba dəwje tɔ̰y gə d-uji-je gəl ka Ijirayɛl gə ja ɓa to gə Ijirayɛlje ang, 7ngaɓa dəwje tɔ̰y gə d-uji-je gəl Abəraham gə le, ꞌto ngan-ɛ ja tɔ̰y ang; ngaa ꞌpa na: Ɗəw gə lə Ijagə ja gəl kuji dəwje bula d-a ce kəne ɗaa d-a ɓar-je gə ri-i 8mə tar gə nee le na: Nganje gə ɗəw darɔ gə ɓa ꞌto gə nganje lə Luba ang, ngaa nje gə d-uji-je gə go ɗəw gə Luba uwa dɔ gɔl-ɛ ja ɓa ꞌtura-je gə gəl kuji lə-a. 9Mba tar gə ꞌpa d-uwa ne dɔ gɔl ne le ɓa nee: Dɔ kar a to to gə mar-ɛ nee ɗaa, m-a ɗe ngaɓa Sara a kuji ngon gə jingaw. 10Ə̰ə̰ə̰, ye ja go kara baa ang, ngaa Rebeka kara uji gə ka-sijee Ijagə ja kara baa; 11mba logə nganje le d-uji-je ang ja ɓi ngaɓa ꞌgərə ne gə kṵra̰y gə ne may ang ɓi ja ngaa mba kar ne gə Luba ɔji mba ɗa le aw ne lo-e gə, 12ngaɓa gə go kula ɗaje ang ngaa gə mə njigi lə nje ɓar-je ja, be ɓa ꞌpa d-ar Rebeka na: ꞌYe gə buba a to ngon njekula lə ꞌye gə ngon, 13be ɓa ꞌɗa mə mbede gə na:
M-njigi Jakobo
Ɗaa m-njigi Esaw ang gə kɔrɔ. # 9.13
Lgn 25.23; Mal 1.2-3.
Tar gə ɔji dɔ dəwje gə ꞌgərə Luba ang
14J-a pa na ɗi wa? Luba to njebuguru wa? Be ang baa! 15Mba n-pa n-ar Moyiji na: M-a ɗa məmay gə dəw gə mə-m njigi ɗa sə-a məmay, ngaɓa m-a ko kəmtondoo gə dəw gə mə-m njigi ko kəmtondoo lə-a. 16Be ɓa ɔji go mə njigi lə dəw ang nəm ɔji dɔ singa gə n-unda dɔ mar-ɛ gə ang, ngaa gə go məmay lə Luba. 17Mba mbede pa ar Parawo̰ na: M-o som ja ɓa m-un-i m-unda-i mba tɔji ne singamongə lə-m ngaɓa gə mba kar ri-m ta ne lo dɔ nangə nee tɔ̰y. 18Be ɓa, n-ɗa məmay gə na-na kara gə mə njigi lə-a ꞌne ja, ngaɓa na-na kara n-ar m-e kədərə gə go mə njigi lə-a ꞌne ja tɔ.
19A pa kar-m na: N-nḭ gə jingaw mba ɗi cibi wa? Mba na ɓa asə kila karəw gə mə njigi lə-a wa? 20ꞌI, ꞌto na ja ɓa ꞌma̰y gə Luba tar wa? Jo asə pa kar nje kuba-a na: Mba ɗi ɓa uba-m to gə be wa ang.#9.20 OjeEja 29.16; 45.9. 21Nje kuba jo le to ꞌɓəə ənji, ɗaa ənji gə njekara gə n-mbo̰y nee ja, n-asə kuba ne bay ɗɔy dəwje ngaɓa kar ɗa ne kulaje gə baa nəm ang wa? 22Ngaɓa to gə ɓo Luba njigi tɔji wungu lə-a ngaɓa gə tɔji singamongə lə-a, ɓa ore ur-e ndəng dɔ nje gə d-asə kar wungu lə-a ɗe dɔ-je gə ngaɓa tuji-je. 23Ngaɓa mba kar ꞌgərə ne nebaw riɓar lə-a gə ɔji dɔ bayje gə kar məmay gə gə n-gɔl kede mba rɔnduba. 24Sijee gə n-ɓar-si horo Jiibije ja kara baa ang, ngaa horo dəwje gə ꞌgərə Luba ang ja cibi, 25to gə n-pa ne mə mbede gə lə Oje na:
Nje gə ꞌto dəw mə ɓeje lə-m ang ja, m-a ɓar-je dəw mə ɓeje lə-m,
Ngaɓa gəl kuji gə m-njig-e ang ja m-a ɓar-ɛ ye gə m-njig-e ya̰;
26 Ngaɓa lo gə njekara gə ꞌpa kəne d-ar-je na: ꞌToje dəw mə ɓeje lə-m ang!
D-a ɓar-je kəne gə ngan lə Luba gə nje kisi kəm baa. # 9.26
Oje 2.25
; Oje 2.1.
27Ejay pa k-ɛ ɓolong ər kara gə, ɔji dɔ Ijirayɛl na:
Logə kɔr ngan Ijirayɛlje a to to gə ꞌnangəra̰ gə ta babo gə be le,
Kɛsə-je ja baa d-a kaji.
28 Mba Mbayɓe a kar tar lə-a aw lo-e yɛrɛrɛ ngaɓa gə tɔg-ɛ baa dɔ nangə nee.
29Ngaɓa, to gə Ejay pa ne kede na:
To gə ɓo Mbayɓe lə njeɗɔje ḭya̰ gəl kuji kara ar-si ang nama,
J-a təl to to gə Sɔdom,
J-a kḭ ta naa gə Gɔmɔr be. # 9.29
Eja 1.9
; Lgn 19.23-28.
Ijirayɛl je gə tar gə ɔji dɔ takagə
Rɔm 3.19-29; Gal 3.8-14,21-29
30Ɗi ɓa ja pa ɓi wa? Dəwje gə to Jiibije ang gə ꞌsangə go gadə-gadə ang ja, d-inga-a, gadə-gadə gə ɗe gə go takagə, 31ngaa Ijirayɛl gə sangə torondu ɓa mba to ne gadə-gadə le inga-a ang. 32Mba ɗi wa? Mba Ijirayɛl sangə to gadə-gadə gə go takagə ang, ngaa ɗəw kula ɗaje gə. Be ɓa d-ar dɔ-je dɔ ne gə to jigi no-je gə, 33to gə ꞌɗa ne mə mbede gə na:
Oje, m-ila kɔr ər tuga Siyo̰ gə, gə
Jigi kar tuga koso,
Ngaa ɓo dəw gə ta kag-ɛ nama rɔ kul a kuwa-a ang. #9.33 Eja 28.16, Oje Eja 8.14-15.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved