Rɔm 8
8
Tar uwa dɔ nje gə d-um naa gə gə Jeju Kirisi ang
Gal 3.13-14; 5.16-25
1Ɓisine ɗaa tar kara kara uwa dɔ nje gə d-um naa gə gə Kirisi Jeju ang.
2Mba torondu lə Njil gə ar təbə dəw andə ne naa gə gə Kirisi Jeju le ɔr-m ji torondu gə lə neɗa gə kṵra̰y gə ngaɓa kar yo gə. 3Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə, 4mba kar neɗa gə gadə-gadə gə torondu dəji le uy ne bɛm mə-sijee gə ja nja ɗəw darɔ gə ang, ngaa ɗəw Njil gə.
5Mba, nje gə d-aw kəm baa gəl darɔ gə le, ꞌnja gə go neje lə darɔ, ngaa nje gə Njil o̰ dɔ-je ɗaa ꞌnja go neje gə ɗəw Njil gə tɔ. 6Nja gə go ɓo neje gə darɔ gə to yo, nja gə go ɓo neje lə Njil le to gə təbə, gə ɗɛgɛgɛ. 7Mba ɓo ne lə darɔ le to njeba̰a̰ lə Luba mba darɔ ila kuji dɔ torondu gə lə Luba ang, ɓa kasə ja kara n-asə ang. 8Be ɓa nje gə darɔ o̰ dɔ-je le, d-a kasə ta kəm Luba ang.
9Sisəy le ɗaa, darɔ o̰ dɔ-si ang, nga Njil ngaɓa o̰ dɔ-si, to gə ɓo tɔgərɔ ja Njil Luba isi mə-si gə. To gə ɓo dəw gə Njil Kirisi godo m-e gə nama to nje kar Kirisi ang baa. 10Ngaa to gə ɓo Kirisi ga̰ mə-si gə nama darɔ le uy ɗəw neɗa gə kṵra̰y gə tɔgərɔ ja, ngaa njil to gə təbə ɗəw to gadə-gadə gə. 11Ngaɓa to gə ɓo Njil gə nje ndol Jeju horo nje gə d-uy gə le isi mə-sisəy gə nama, ꞌne gə nje ndol Kirisi Jeju horo nje gə d-uy gə nee le n-a kar darɔ-sisəy gə a kuy le inga təbə ɗəw gə lə Njil-e gə isi mə-sisəy gə le.
12Be ɓa, ngan ko̰-mje, ɓangə to dɔ-si gə ja, nga to ɓangə lə darɔ ɓa gə mba kar-si ja ɗa ne mə njigi lə darɔ ang ngaa. 13To gə ɓo awje kəm baa ɗəw darɔ gə nama a kuyje, ngaa to gə ɓo ꞌtujije kula ɗaje lə darɔ pugudu ɗəw Njil gə nama, a kawje kəm baa, 14mba dəwje tɔ̰y gə Njil lə Luba ɔr no-je le ꞌto ngan lə Luba. 15Ngaɓa sisəy le ingaje njil gə uwa-si gə ɓərə ɓa a ɓəəlje gə ɓəəl ja jaga-jaga ang, ngaa ingaje Njil gə təl-si gə ngan lə Luba, gə ɗəw gə lə-a ɓa j-uru ne ꞌkuwi na: Aba! Bɔy! 16Njil nee le ja pa mə kəji gə lə-si ar-si to gə j-a to ngan lə Luba. 17Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.
Rɔnduba gə a ɗe
Ja̰ 10.27-30
18M-o to gə ko ꞌməsərə lə-si gə ɓogəne le, a kasə naa gə rɔnduba gə d-a kila gə ɗaga kar-sijee gə dɔ ndɔ gə bara gə ang. 19Mba nekundaje ꞌngina kəgəgə kar Luba kila ngan-ɛ gə ɗaga. 20Mba nekundaje le d-umje gəl singa gə gə to gə ne gə baa, gə go mə njigi lə-je ang, ngaa gə go mə njigi lə nje kum-je gəl-e gə ja baa, be kara məkunda ga̰, 21nekundaje nee le, dɔ ndɔ-ɛ nama d-a kɔr-je ji singa gə nje kuwa-je gə ɓərə dan tuji gə mba kar dɔ-je a to doy dan rɔnduba gə naa gə kara baa gə nganje lə Luba. 22Mba j-a gərə to gə saar ɓisine, dɔ nangə nee tɔ̰y ja suum ngaɓa o ꞌməsərə to to gə jene gə ndo to-e be. 23To gə dɔ nangə nee gə kar-ɛ baa ang, ngaa sijee gə j-inga Njil gə dɔngɔr nekarə baa le, sijee ja kara j-a suum mə-si gə kəy, j-a ngina ne dɔ ndɔ gə Luba a kila ne si gə ɗaga gə ngan-ɛ ngaɓa kar darɔ-sijee inga ne dɔ to doy. 24Mba j-inga kaji ja ngaa gə go nekunda mə, to gə dəw o ne nam ɓa unda m-e kəne nama to gə nekunda mə ang baa. Ne gə dəw o nda̰ nam le a kunda m-e kəne cibi wa? 25Ngaa to gə ɓo j-unda mə-si dɔ ne gə j-o ang gə nama may kar j-uwa gədərə dɔ ngina-a gə.
26Ngaɓa to gə be ja tɔ ɓa Njil ɗe la ne gə si dɔ mbɔr-ɛ gə lə-sijee, mba j-a gərə dəji Luba gə go ɗəb-e ang. Ngaa Njil gə darɔ-ɛ ja dəji Luba mba-si gə tar gə dəw asə pa ang; 27ngaɓa ꞌne gə nje njenga̰ mə dəwje le n-gərə ne gə Njil njigi dəji, mba Njil le ɗaa dəji Luba mba njerɔsangəje gə go ɗəb-e gə Luba njigi.
28Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl. 29Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula. 30Ngaɓa nje gə n-gɔl mba-je kede nam le, n-ɓar-je tɔ, ngaɓa nje gə n-ɓar-je le, n-tura-je gə dəwje gə gadə-gadə, cibi nje gə n-tura-je gə dəwje gə gadə-gadə le, n-ula rɔnduba dɔ-je gə tɔ.
31Tar ɗi ɓa j-a pa dɔ-ɛ gə cibi wa? To gə ɓo Luba ila gəl-sijee gə ɗaa na cibi ɓa a kasə kal dɔ sijee wa? 32ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa? 33Na ɓa a kila tar dɔ nje gə Luba mbərə-je gə wa? Luba ja to nje kar dəw to gadə-gadə! 34Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee! 35Na ja a kɔrə sijee mə njigi gə lə Kirisi wa? ꞌMəsərə, ose kar gə gəd gədə, ose nekəmandoo, ose ɓo, ose kaw kudu dum, ose ne gə a ce yo, ose kiya bayi wa? 36To gə ꞌɗa ne mə mbede gə na:
Mba tar lə-i ɓa j-o ne yo gə kəm-si nda̰-nda̰ gə ndɔ-ndɔ.
ꞌƊa-si to to gə badəmje gə d-aw gə je gə lo tɔl-je gə be.
37Ngaa dan neje gə nee tɔ̰y le, sijee j-a to njecɛdə ɗɔje gə to ɓəəl ɗəw gə lə nje njigi-si. 38Mba m-gərə gə maj-ɛ to gə yo ang nəm, təbə ang nəm, anjije ang nəm, njeko̰ dɔ loje ang nəm, ndɔ gə ɓogəne ang nəm, ndɔ gə bara ang nəm, 39singamongəje ang nəm, nekundaje gə dara ang nəm, nekundaje gə nangə nee ang nəm, nekunda gə ɗa-ɗa kara a kɔr sijee mə njigi gə Luba njigi sijee ɗəw gə lə Mbayɓe lə-sijee Kirisi Jeju le ang.
Currently Selected:
Rɔm 8: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Rɔm 8
8
Tar uwa dɔ nje gə d-um naa gə gə Jeju Kirisi ang
Gal 3.13-14; 5.16-25
1Ɓisine ɗaa tar kara kara uwa dɔ nje gə d-um naa gə gə Kirisi Jeju ang.
2Mba torondu lə Njil gə ar təbə dəw andə ne naa gə gə Kirisi Jeju le ɔr-m ji torondu gə lə neɗa gə kṵra̰y gə ngaɓa kar yo gə. 3Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə, 4mba kar neɗa gə gadə-gadə gə torondu dəji le uy ne bɛm mə-sijee gə ja nja ɗəw darɔ gə ang, ngaa ɗəw Njil gə.
5Mba, nje gə d-aw kəm baa gəl darɔ gə le, ꞌnja gə go neje lə darɔ, ngaa nje gə Njil o̰ dɔ-je ɗaa ꞌnja go neje gə ɗəw Njil gə tɔ. 6Nja gə go ɓo neje gə darɔ gə to yo, nja gə go ɓo neje lə Njil le to gə təbə, gə ɗɛgɛgɛ. 7Mba ɓo ne lə darɔ le to njeba̰a̰ lə Luba mba darɔ ila kuji dɔ torondu gə lə Luba ang, ɓa kasə ja kara n-asə ang. 8Be ɓa nje gə darɔ o̰ dɔ-je le, d-a kasə ta kəm Luba ang.
9Sisəy le ɗaa, darɔ o̰ dɔ-si ang, nga Njil ngaɓa o̰ dɔ-si, to gə ɓo tɔgərɔ ja Njil Luba isi mə-si gə. To gə ɓo dəw gə Njil Kirisi godo m-e gə nama to nje kar Kirisi ang baa. 10Ngaa to gə ɓo Kirisi ga̰ mə-si gə nama darɔ le uy ɗəw neɗa gə kṵra̰y gə tɔgərɔ ja, ngaa njil to gə təbə ɗəw to gadə-gadə gə. 11Ngaɓa to gə ɓo Njil gə nje ndol Jeju horo nje gə d-uy gə le isi mə-sisəy gə nama, ꞌne gə nje ndol Kirisi Jeju horo nje gə d-uy gə nee le n-a kar darɔ-sisəy gə a kuy le inga təbə ɗəw gə lə Njil-e gə isi mə-sisəy gə le.
12Be ɓa, ngan ko̰-mje, ɓangə to dɔ-si gə ja, nga to ɓangə lə darɔ ɓa gə mba kar-si ja ɗa ne mə njigi lə darɔ ang ngaa. 13To gə ɓo awje kəm baa ɗəw darɔ gə nama a kuyje, ngaa to gə ɓo ꞌtujije kula ɗaje lə darɔ pugudu ɗəw Njil gə nama, a kawje kəm baa, 14mba dəwje tɔ̰y gə Njil lə Luba ɔr no-je le ꞌto ngan lə Luba. 15Ngaɓa sisəy le ingaje njil gə uwa-si gə ɓərə ɓa a ɓəəlje gə ɓəəl ja jaga-jaga ang, ngaa ingaje Njil gə təl-si gə ngan lə Luba, gə ɗəw gə lə-a ɓa j-uru ne ꞌkuwi na: Aba! Bɔy! 16Njil nee le ja pa mə kəji gə lə-si ar-si to gə j-a to ngan lə Luba. 17Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.
Rɔnduba gə a ɗe
Ja̰ 10.27-30
18M-o to gə ko ꞌməsərə lə-si gə ɓogəne le, a kasə naa gə rɔnduba gə d-a kila gə ɗaga kar-sijee gə dɔ ndɔ gə bara gə ang. 19Mba nekundaje ꞌngina kəgəgə kar Luba kila ngan-ɛ gə ɗaga. 20Mba nekundaje le d-umje gəl singa gə gə to gə ne gə baa, gə go mə njigi lə-je ang, ngaa gə go mə njigi lə nje kum-je gəl-e gə ja baa, be kara məkunda ga̰, 21nekundaje nee le, dɔ ndɔ-ɛ nama d-a kɔr-je ji singa gə nje kuwa-je gə ɓərə dan tuji gə mba kar dɔ-je a to doy dan rɔnduba gə naa gə kara baa gə nganje lə Luba. 22Mba j-a gərə to gə saar ɓisine, dɔ nangə nee tɔ̰y ja suum ngaɓa o ꞌməsərə to to gə jene gə ndo to-e be. 23To gə dɔ nangə nee gə kar-ɛ baa ang, ngaa sijee gə j-inga Njil gə dɔngɔr nekarə baa le, sijee ja kara j-a suum mə-si gə kəy, j-a ngina ne dɔ ndɔ gə Luba a kila ne si gə ɗaga gə ngan-ɛ ngaɓa kar darɔ-sijee inga ne dɔ to doy. 24Mba j-inga kaji ja ngaa gə go nekunda mə, to gə dəw o ne nam ɓa unda m-e kəne nama to gə nekunda mə ang baa. Ne gə dəw o nda̰ nam le a kunda m-e kəne cibi wa? 25Ngaa to gə ɓo j-unda mə-si dɔ ne gə j-o ang gə nama may kar j-uwa gədərə dɔ ngina-a gə.
26Ngaɓa to gə be ja tɔ ɓa Njil ɗe la ne gə si dɔ mbɔr-ɛ gə lə-sijee, mba j-a gərə dəji Luba gə go ɗəb-e ang. Ngaa Njil gə darɔ-ɛ ja dəji Luba mba-si gə tar gə dəw asə pa ang; 27ngaɓa ꞌne gə nje njenga̰ mə dəwje le n-gərə ne gə Njil njigi dəji, mba Njil le ɗaa dəji Luba mba njerɔsangəje gə go ɗəb-e gə Luba njigi.
28Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl. 29Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula. 30Ngaɓa nje gə n-gɔl mba-je kede nam le, n-ɓar-je tɔ, ngaɓa nje gə n-ɓar-je le, n-tura-je gə dəwje gə gadə-gadə, cibi nje gə n-tura-je gə dəwje gə gadə-gadə le, n-ula rɔnduba dɔ-je gə tɔ.
31Tar ɗi ɓa j-a pa dɔ-ɛ gə cibi wa? To gə ɓo Luba ila gəl-sijee gə ɗaa na cibi ɓa a kasə kal dɔ sijee wa? 32ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa? 33Na ɓa a kila tar dɔ nje gə Luba mbərə-je gə wa? Luba ja to nje kar dəw to gadə-gadə! 34Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee! 35Na ja a kɔrə sijee mə njigi gə lə Kirisi wa? ꞌMəsərə, ose kar gə gəd gədə, ose nekəmandoo, ose ɓo, ose kaw kudu dum, ose ne gə a ce yo, ose kiya bayi wa? 36To gə ꞌɗa ne mə mbede gə na:
Mba tar lə-i ɓa j-o ne yo gə kəm-si nda̰-nda̰ gə ndɔ-ndɔ.
ꞌƊa-si to to gə badəmje gə d-aw gə je gə lo tɔl-je gə be.
37Ngaa dan neje gə nee tɔ̰y le, sijee j-a to njecɛdə ɗɔje gə to ɓəəl ɗəw gə lə nje njigi-si. 38Mba m-gərə gə maj-ɛ to gə yo ang nəm, təbə ang nəm, anjije ang nəm, njeko̰ dɔ loje ang nəm, ndɔ gə ɓogəne ang nəm, ndɔ gə bara ang nəm, 39singamongəje ang nəm, nekundaje gə dara ang nəm, nekundaje gə nangə nee ang nəm, nekunda gə ɗa-ɗa kara a kɔr sijee mə njigi gə Luba njigi sijee ɗəw gə lə Mbayɓe lə-sijee Kirisi Jeju le ang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved