Rɔm 12
12
TAR NDƏJIJE DANG-DANG
Kun rɔ kar Luba
Epɛ 4.1-16; 1Kɔ 12.12-27
1Be ɓa, ngan ko̰-mje, m-ndəji-si gə go məmayje lə Luba, mba kar unje darɔ-si ja arje Luba gə nepolo gə aw kəm baa, gə to gə losang-ɛ, ngaɓa ta kəm Luba, ye ɓa gə polo gə gə dɔ gɔl-ɛ. 2May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.
3Be ɓa m-pa m-ar-si gə go nuji gə d-uwa sə-m le ɗaa, mba kar dəw kara ja kəji lə-a to kəji kəsə tar gə kəji dɔ godo ang, ngaa kar kəji tar lə-a to gə maj-ɛ gə go ɗəb-e, na-na kara gə go singa takagə gə Luba ar-ɛ. 4Mba ɗəw kara baa to gə darɔ-si kara baa ja ngaa bar kəm-eje bula, ngaɓa bar kəm rɔ-sijee nee le kula ɗa-je dang-dang, 5be ɓa sijee gə j-a bula le j-a to darɔ gə kara baa ɗəw gə lə Kirisi ngaɓa j-a to bar kəm rɔ naa gə yo gə nee. 6Ngaa, gusu lə-si dang-dang gə go mənuji gə j-inga, ɓo to gə gusu kila mbərə lə Luba nama may kar uwa buwa takagə ɓa; 7to gə ɓo to gusu ɗa kula nama kar uwa buwa kəji kula tɔ ɓa, ngaa ɓo to kar netɔji nama kar njenetɔji uwa netɔji le ji-a joo; 8Kar njendəji dəwje nama ore kəm-e kəne; ɓo nje kun ne kar dəwje nama un gə kɔsə rɔ ang; ɓo nje kun dɔ kulaje nama may kar rɔ-je ɔlɛ kəne pɛl-pɛl; kar nje ɗa məmay nama ɗa məmay gə rɔləl.
9May kar njigi to njigi gə tɔgərɔ, ɔsəje ne gə kṵra̰y ngərəng, oreje kəm-si ndəng dɔ ne gə may gə. 10Ɔji dɔ njigi gə horo ngan ko̰ naaje gə le ɗaa, may kar-si ꞌnjigije naa gə yo gə nee, may kar-si ꞌɗɔy-je naa gə gə yo gə nee ar-je al dɔ mar-ɛ. 11Ar-je rɔ-si ɔlɛ kəne pɛl ɓo ꞌdabəje ang. Uwaje gədərə mə kəji gə lə-si, ꞌɗaje kula ar-je Mbayɓe. 12ꞌƊaje rɔləl dɔ kunda mə gə lə-si. Uwaje gədərə dan nekəm ndooje gə. Uwaje dəji Luba gədərə. 13May kar-si ꞌlaje gə njerɔsangəje gə neje gə d-aw ndoo-e. May kar uwa-je mbaje gə kede-kede.
14ꞌTɔrəje ndu-si dɔ njekula kəm-si ndooje gə, ɔr-je ndu ar-jeje ɓo uguje ne ar-jeje ang.
15Nje gə d-aw ꞌɗa rɔləl nama ꞌɗaje gə je rɔləl, ɓo nje gə d-aw no nama ꞌnoje gə je. 16Ar-je mə-si to gə maj-ɛ dɔ naa gə to to gə na-na gə yo gə nee. Undaje dɔ-si taar gəgəgə ang ngaa ar-je kula dɔ ngulum ɓa uwa mə-si. Oje rɔ-si gə njekəm karəje ta kəm-sisəy gə ja ang.#12.16 OjeEja 5.21.
17ꞌDalje ba̰a̰ məyɛr gə dəw ang. ꞌSangəje ne gə may no dəwje gə tɔ̰y. 18To gə ɓo ɗəw to, gə to ne gə kəm kar-si ꞌɗaje nama, ar-je ɗɛgɛgɛ to horo-si gə gə dəwje tɔ̰y. 19Ngan ko̰-mje gə m-njigi-si ya̰, ꞌdalje ba̰a̰ lə-si gə darɔ-si ang, ngaa ḭya̰je wungu lə Luba ar-je ɗa kula, mba ꞌɗa mə mbede gə na: Dal ba̰a̰ to kar ꞌma, kɔr gira to kar ꞌma, ɓa Mbayɓe pa be. 20Ngaa
To gə ɓo ɓo ɔr njeba̰a̰ lə-i nama ar-ɛ ne usa;
To gə ɓo kunda ɔr-ɛ nama ar-ɛ man n-ay;
Mba logə ꞌɗa to gə be le,
To gə yɛl pərje gə ta pər yɛg-yɛg ɓa ɔsə um dɔ-ɛ gə. # 12.20
Ttt 32.35; Gut 25.21-22
21Ar ɗa məyɛr uwa mə-i ang, ngaa uwa t-ɛ gə ɗa may.
Currently Selected:
Rɔm 12: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Rɔm 12
12
TAR NDƏJIJE DANG-DANG
Kun rɔ kar Luba
Epɛ 4.1-16; 1Kɔ 12.12-27
1Be ɓa, ngan ko̰-mje, m-ndəji-si gə go məmayje lə Luba, mba kar unje darɔ-si ja arje Luba gə nepolo gə aw kəm baa, gə to gə losang-ɛ, ngaɓa ta kəm Luba, ye ɓa gə polo gə gə dɔ gɔl-ɛ. 2May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.
3Be ɓa m-pa m-ar-si gə go nuji gə d-uwa sə-m le ɗaa, mba kar dəw kara ja kəji lə-a to kəji kəsə tar gə kəji dɔ godo ang, ngaa kar kəji tar lə-a to gə maj-ɛ gə go ɗəb-e, na-na kara gə go singa takagə gə Luba ar-ɛ. 4Mba ɗəw kara baa to gə darɔ-si kara baa ja ngaa bar kəm-eje bula, ngaɓa bar kəm rɔ-sijee nee le kula ɗa-je dang-dang, 5be ɓa sijee gə j-a bula le j-a to darɔ gə kara baa ɗəw gə lə Kirisi ngaɓa j-a to bar kəm rɔ naa gə yo gə nee. 6Ngaa, gusu lə-si dang-dang gə go mənuji gə j-inga, ɓo to gə gusu kila mbərə lə Luba nama may kar uwa buwa takagə ɓa; 7to gə ɓo to gusu ɗa kula nama kar uwa buwa kəji kula tɔ ɓa, ngaa ɓo to kar netɔji nama kar njenetɔji uwa netɔji le ji-a joo; 8Kar njendəji dəwje nama ore kəm-e kəne; ɓo nje kun ne kar dəwje nama un gə kɔsə rɔ ang; ɓo nje kun dɔ kulaje nama may kar rɔ-je ɔlɛ kəne pɛl-pɛl; kar nje ɗa məmay nama ɗa məmay gə rɔləl.
9May kar njigi to njigi gə tɔgərɔ, ɔsəje ne gə kṵra̰y ngərəng, oreje kəm-si ndəng dɔ ne gə may gə. 10Ɔji dɔ njigi gə horo ngan ko̰ naaje gə le ɗaa, may kar-si ꞌnjigije naa gə yo gə nee, may kar-si ꞌɗɔy-je naa gə gə yo gə nee ar-je al dɔ mar-ɛ. 11Ar-je rɔ-si ɔlɛ kəne pɛl ɓo ꞌdabəje ang. Uwaje gədərə mə kəji gə lə-si, ꞌɗaje kula ar-je Mbayɓe. 12ꞌƊaje rɔləl dɔ kunda mə gə lə-si. Uwaje gədərə dan nekəm ndooje gə. Uwaje dəji Luba gədərə. 13May kar-si ꞌlaje gə njerɔsangəje gə neje gə d-aw ndoo-e. May kar uwa-je mbaje gə kede-kede.
14ꞌTɔrəje ndu-si dɔ njekula kəm-si ndooje gə, ɔr-je ndu ar-jeje ɓo uguje ne ar-jeje ang.
15Nje gə d-aw ꞌɗa rɔləl nama ꞌɗaje gə je rɔləl, ɓo nje gə d-aw no nama ꞌnoje gə je. 16Ar-je mə-si to gə maj-ɛ dɔ naa gə to to gə na-na gə yo gə nee. Undaje dɔ-si taar gəgəgə ang ngaa ar-je kula dɔ ngulum ɓa uwa mə-si. Oje rɔ-si gə njekəm karəje ta kəm-sisəy gə ja ang.#12.16 OjeEja 5.21.
17ꞌDalje ba̰a̰ məyɛr gə dəw ang. ꞌSangəje ne gə may no dəwje gə tɔ̰y. 18To gə ɓo ɗəw to, gə to ne gə kəm kar-si ꞌɗaje nama, ar-je ɗɛgɛgɛ to horo-si gə gə dəwje tɔ̰y. 19Ngan ko̰-mje gə m-njigi-si ya̰, ꞌdalje ba̰a̰ lə-si gə darɔ-si ang, ngaa ḭya̰je wungu lə Luba ar-je ɗa kula, mba ꞌɗa mə mbede gə na: Dal ba̰a̰ to kar ꞌma, kɔr gira to kar ꞌma, ɓa Mbayɓe pa be. 20Ngaa
To gə ɓo ɓo ɔr njeba̰a̰ lə-i nama ar-ɛ ne usa;
To gə ɓo kunda ɔr-ɛ nama ar-ɛ man n-ay;
Mba logə ꞌɗa to gə be le,
To gə yɛl pərje gə ta pər yɛg-yɛg ɓa ɔsə um dɔ-ɛ gə. # 12.20
Ttt 32.35; Gut 25.21-22
21Ar ɗa məyɛr uwa mə-i ang, ngaa uwa t-ɛ gə ɗa may.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved