Rɔm 11
11
Luba mbadə dəw mə ɓeje lə-a ang
1M-dəji tar na: Luba mbadə dəw mə ɓeje lə-a wa? N-mbadə-je ang! Mba ꞌma kara, m-to Ijirayɛl tɔ, gə gəl kuji Abəraham gə, gə gəl ka gə lə Bɛnjamɛ̰. 2Luba mbadə dəw mə ɓeje lə-a gə ye gərə-je kede nam le ang. Ose mə-si uy dɔ tar gə Mbede pa ɔji dɔ Eli gə səgə Ijirayɛl no Luba gə le wa: 3Mbayɓe, ꞌtɔlje pajambərəje lə-i, ꞌcɛdəje no kɔgəje lə-i, ngaɓa ꞌma ja gə kar-m baa m-nay ɗaa ꞌsangə mba tɔl-m 4Ngaa Luba ila-a kəne na ɗi wa? M-unda dəwje tɔl-tɔl dɔg lo siri gə dɔ ji-m gə d-ɔsə məkəji-je nangə no Baal gə ang.#11.4 1Mb 19.10,18. 5Ɗəw kara baa ja tɔ ɓa, dɔ ndɔ gə ɓogəne kara kɛsə nje gə ꞌmbərə-je ɗəw mənuji gə ꞌga̰ tɔ. 6Be ɓa, to gə ɓo to gə mənuji nama, ɗəw tura go kula ɗaje godo; ɓo be ang nama mənuji to mənuji ang. Ngaɓa to gə ɓo gə kula ɗaje nama, to gə mənuji ang, be ang nama, kula ɗa kara to kula ɗa ang tɔ.
7Pa na ɗi wa? Ne gə Ijirayɛl sangə le inga ang, ngaa nje gə ꞌmbərə-je ɓa d-inga, nje gə kɛm d-isi gə məkədərə, 8to gə ꞌɗa ne mə mbede gə na:
Luba ar njil negərə lə-je to ɓi,
ar kəm-je o nembo̰ baa,
Ngaɓa n-ar mbi-je o tar ang,
Saar ce ɓogəne.
9Ɗaa Dabidi pa na:
May kar nekusaje lə-je təl kula uba-je,
kar to bandə kuwa-je, gə ɗəw koso lə-je ngaɓa kar to ne kɔr gira kula ɗa-je!
10 May kar kəm-je ndul njing-njing ar d-o lo ang,
Ngaɓa kar kula ɗa-je cɛdə gɛngərɛ̰-je gə gə ndɔ-ndɔ ja! #11.10 Ttt 29.3; Eja 6.10; 29.10 9-10: Paj 69.23-24
Kaji lə dəwje gə ꞌgərə Luba ang gə mbəl mə lə Ijirayɛlje
Mat 21.40-43; Epɛ 2.7-13
11M-pa na: Se ꞌtuga-je gɔl-je ɓa ꞌce d-oso-je gə no-je ngaa wa? Be ang baa! Ngaa mbɔr dɔ koso lə-je ɓa d-ar dəwje gə ꞌgərə Luba ang d-inga ne kaji, mba kɔsə neje kar ꞌnər-je ne mə. 12Ngaɓa to gə ɓo koso lə-je to nebaw lə dɔ nangə nee, ngaɓa kɔr rɔ gə gugu lə-je to may lə dəwje gə ꞌto Jiibije ang nama, ɗi ɓa a may kunda təl gə d-a təl gə kar ꞌjejee d-inga kaji barang tɔ wa? 13M-pa m-ar-sisəy tɔ̰y ja, sisəy gə ꞌtoje Jiibije ang le, ꞌma gə m-to njeka̰ykula lə dəwje gə ꞌgərə Luba ang, to gə m-ɔsə gaji rɔ-m dɔ kula gə lə-m, 14mba kar ɗəw to nama nje gə horo gəl kuji-m gə d-ḭ ꞌnər mə ngaɓa gə mba kaji ne nje gə kara-kara horo-je gə. 15Mba to gə ɓo kɔsə gə d-ɔsə-je ngərəng le ɓa ar dɔ nangə nee um ne naa gə gə Luba nama logə d-a təl gə je gugu le ɗi ɓa a ɗa ne wa? Se to to gə d-uy ɓa ꞌtəl d-inga təbə be ang wa?
16Be ɓa to gə ɓo dɔngɔr mbə to gə losang-ɛ nama ꞌye gə ꞌmbo̰y tɔ̰y ja to gə losang-ɛ tɔ; ngaɓa to gə ɓo ngira kagə to gə losang-ɛ nama bar kəm-ɛje kara to gə losang-ɛ tɔ. 17Ngaa to gə ɓo ꞌndər bar kəm-ɛje gə kɛm, ngaɓa ꞌi gə kagə olibiye gə muu baa, d-un-i ꞌnam-i toro-je gə, ngaɓa uba may dɔ ngira gə, gə dɔ bodo kagə olibiye gə to kede le nama, 18ɔsə rɔ-i dɔ bar kəm-ɛje gə ꞌndər le ang. To gə ɓo ɔsə rɔ-i nama may kar-i ꞌgərə to gə to ꞌi ɓa odo ngira kagə ang ngira ɓa od-i ꞌi. 19A kḭ pa na: ꞌNdər bar kəm kagəje gə ɗangə mba kar ꞌnam ꞌma toro-je. 20Tɔgərɔ ja; ꞌndər-je mba takagə lə-je godo, ngaa ꞌi le, takagə ɓa uwa ji-i joo. May kar ɔsə rɔ-i ang ɗaa ꞌɓəəl gə ɓəəl; 21mba to gə ɓo Luba ɔr kəm bar kəm kagəje gə uba ang nama, ꞌi kara n-a kɔr kəm-i ang tɔ. 22May kar o məmay lə Luba gə mongə lə-a, ngaɓa mongə lə-a gə ɔji dɔ nje gə d-oso, ɗaa n-ɗa sə-i məmay, ngaa to gə ɓo isi dan məmay gə nee le dɔ-i gə kede ang nama ꞌi kara d-a kɔr-i gə gugu tɔ. 23ꞌJejee nee kara to gə ɓo d-ḭya̰ go məkədərə nama d-a təl ɗɔdə-je ɓi. Mba Luba asə mba təl ɗɔdə-je to gə sigi. 24To gə ɓo ꞌi, gə ꞌto bar kəm kagə olibiye gə muu, gə lo kunda rɔ-i gə uba ne, ɓa ꞌgang-i ꞌɗe ꞌnam-i dɔ kagə olibiye gə ɓee gə, ngaa ɓədə ɓa ꞌjejee gə ꞌto bar kəm-eje gə kuji kəy ne le d-a təl nam-je kəne gugu ang wa?
25Ngan ko̰-mje, mba m-njigi kar ne gə to lokiya gə le, aw-je kəne dɔ mbə gə ang, mba a kḭ koje rɔ-si gə njekəm karəje. Məkədərə lə Ijirayɛl le, kur-e a kəw ang saar kar dəwje gə ꞌto Jiibije ang tɔ̰y ja d-andə ne lo kaji gə. 26Ngaɓa be ɓa Ijirayɛl tɔ̰y a kinga kaji, to gə ꞌɗa ne mə mbede gə na:
Njekɔr dəwje kila-je taar a kḭ Siyo̰,
N-a kɔsə kal tar dɔ gəl kuji Jakobo gə ngərəng gə ɗangə;
27 Ngaɓa kone gə m-a riya gə je le, a to to gə be
Logə m-a kɔr tar neɗa gə kṵra̰y dɔ-je gə. #11.27 Eja 59.20-21; Eja 27.9.
28Ɔji dɔ Tar gə May le ɗaa ꞌtoje njeba̰a̰je mba sisəy; ngaa ɓo ɔji dɔ mbərə ɗaa ꞌnjigi-je, ngaɓa mba tar lə ka-jeje. 29Mba nekarə baa lə Luba gə ɓar lə-a le tḭ ang. 30Ɗəw kara baa to gə sisəy kara kede ila-je kuji dɔ Luba gə ang, ɗaa gə go kila kuji ang lə-ꞌjejee ɓa ɗa ne gə sisəy məmay, 31ɗəw kara baa ɓisine ꞌjejee kara d-ila kuji ang, gə go ko gə d-o ne kəm to ndoo lə-sisəy, mba ꞌjejee kara ko kəmtondoo nee le d-a kuba maj-ɛ ɓisine tɔ. 32Mba Luba ja ḭya̰ ɗəw ar dəwje tɔ̰y d-ila kuji ang ɓa gə mba ɗa ne məmay gə je tɔ̰y.
33Əy, nebaw lə Luba to ɓəəl ya̰, kəm karə gə negərə lə-a nəm! Kila kagə dɔ tarje gə lə-a na ɓa asə gərə wa? Ngaɓa na ja a kasə gərə neje gə n-gɔl mba ɗa wa?
34 Na ɓa gərə kəji lə Mbayɓe
Ose na ɓa ar-ɛ tar ndəji wa?
35Na ɓa ar-ɛ ne dɔngɔr mba kar n-ɔr gira-a wa? 36Ne tɔ̰y ḭ mə ji-a gə, ne tɔ̰y ɗe ɗəw gə lə-a ngaɓa to mb-ɛ ꞌne ja! Rɔnduba to k-ɛ ja gə ɓal-ɓal. Oyo!
Currently Selected:
Rɔm 11: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Rɔm 11
11
Luba mbadə dəw mə ɓeje lə-a ang
1M-dəji tar na: Luba mbadə dəw mə ɓeje lə-a wa? N-mbadə-je ang! Mba ꞌma kara, m-to Ijirayɛl tɔ, gə gəl kuji Abəraham gə, gə gəl ka gə lə Bɛnjamɛ̰. 2Luba mbadə dəw mə ɓeje lə-a gə ye gərə-je kede nam le ang. Ose mə-si uy dɔ tar gə Mbede pa ɔji dɔ Eli gə səgə Ijirayɛl no Luba gə le wa: 3Mbayɓe, ꞌtɔlje pajambərəje lə-i, ꞌcɛdəje no kɔgəje lə-i, ngaɓa ꞌma ja gə kar-m baa m-nay ɗaa ꞌsangə mba tɔl-m 4Ngaa Luba ila-a kəne na ɗi wa? M-unda dəwje tɔl-tɔl dɔg lo siri gə dɔ ji-m gə d-ɔsə məkəji-je nangə no Baal gə ang.#11.4 1Mb 19.10,18. 5Ɗəw kara baa ja tɔ ɓa, dɔ ndɔ gə ɓogəne kara kɛsə nje gə ꞌmbərə-je ɗəw mənuji gə ꞌga̰ tɔ. 6Be ɓa, to gə ɓo to gə mənuji nama, ɗəw tura go kula ɗaje godo; ɓo be ang nama mənuji to mənuji ang. Ngaɓa to gə ɓo gə kula ɗaje nama, to gə mənuji ang, be ang nama, kula ɗa kara to kula ɗa ang tɔ.
7Pa na ɗi wa? Ne gə Ijirayɛl sangə le inga ang, ngaa nje gə ꞌmbərə-je ɓa d-inga, nje gə kɛm d-isi gə məkədərə, 8to gə ꞌɗa ne mə mbede gə na:
Luba ar njil negərə lə-je to ɓi,
ar kəm-je o nembo̰ baa,
Ngaɓa n-ar mbi-je o tar ang,
Saar ce ɓogəne.
9Ɗaa Dabidi pa na:
May kar nekusaje lə-je təl kula uba-je,
kar to bandə kuwa-je, gə ɗəw koso lə-je ngaɓa kar to ne kɔr gira kula ɗa-je!
10 May kar kəm-je ndul njing-njing ar d-o lo ang,
Ngaɓa kar kula ɗa-je cɛdə gɛngərɛ̰-je gə gə ndɔ-ndɔ ja! #11.10 Ttt 29.3; Eja 6.10; 29.10 9-10: Paj 69.23-24
Kaji lə dəwje gə ꞌgərə Luba ang gə mbəl mə lə Ijirayɛlje
Mat 21.40-43; Epɛ 2.7-13
11M-pa na: Se ꞌtuga-je gɔl-je ɓa ꞌce d-oso-je gə no-je ngaa wa? Be ang baa! Ngaa mbɔr dɔ koso lə-je ɓa d-ar dəwje gə ꞌgərə Luba ang d-inga ne kaji, mba kɔsə neje kar ꞌnər-je ne mə. 12Ngaɓa to gə ɓo koso lə-je to nebaw lə dɔ nangə nee, ngaɓa kɔr rɔ gə gugu lə-je to may lə dəwje gə ꞌto Jiibije ang nama, ɗi ɓa a may kunda təl gə d-a təl gə kar ꞌjejee d-inga kaji barang tɔ wa? 13M-pa m-ar-sisəy tɔ̰y ja, sisəy gə ꞌtoje Jiibije ang le, ꞌma gə m-to njeka̰ykula lə dəwje gə ꞌgərə Luba ang, to gə m-ɔsə gaji rɔ-m dɔ kula gə lə-m, 14mba kar ɗəw to nama nje gə horo gəl kuji-m gə d-ḭ ꞌnər mə ngaɓa gə mba kaji ne nje gə kara-kara horo-je gə. 15Mba to gə ɓo kɔsə gə d-ɔsə-je ngərəng le ɓa ar dɔ nangə nee um ne naa gə gə Luba nama logə d-a təl gə je gugu le ɗi ɓa a ɗa ne wa? Se to to gə d-uy ɓa ꞌtəl d-inga təbə be ang wa?
16Be ɓa to gə ɓo dɔngɔr mbə to gə losang-ɛ nama ꞌye gə ꞌmbo̰y tɔ̰y ja to gə losang-ɛ tɔ; ngaɓa to gə ɓo ngira kagə to gə losang-ɛ nama bar kəm-ɛje kara to gə losang-ɛ tɔ. 17Ngaa to gə ɓo ꞌndər bar kəm-ɛje gə kɛm, ngaɓa ꞌi gə kagə olibiye gə muu baa, d-un-i ꞌnam-i toro-je gə, ngaɓa uba may dɔ ngira gə, gə dɔ bodo kagə olibiye gə to kede le nama, 18ɔsə rɔ-i dɔ bar kəm-ɛje gə ꞌndər le ang. To gə ɓo ɔsə rɔ-i nama may kar-i ꞌgərə to gə to ꞌi ɓa odo ngira kagə ang ngira ɓa od-i ꞌi. 19A kḭ pa na: ꞌNdər bar kəm kagəje gə ɗangə mba kar ꞌnam ꞌma toro-je. 20Tɔgərɔ ja; ꞌndər-je mba takagə lə-je godo, ngaa ꞌi le, takagə ɓa uwa ji-i joo. May kar ɔsə rɔ-i ang ɗaa ꞌɓəəl gə ɓəəl; 21mba to gə ɓo Luba ɔr kəm bar kəm kagəje gə uba ang nama, ꞌi kara n-a kɔr kəm-i ang tɔ. 22May kar o məmay lə Luba gə mongə lə-a, ngaɓa mongə lə-a gə ɔji dɔ nje gə d-oso, ɗaa n-ɗa sə-i məmay, ngaa to gə ɓo isi dan məmay gə nee le dɔ-i gə kede ang nama ꞌi kara d-a kɔr-i gə gugu tɔ. 23ꞌJejee nee kara to gə ɓo d-ḭya̰ go məkədərə nama d-a təl ɗɔdə-je ɓi. Mba Luba asə mba təl ɗɔdə-je to gə sigi. 24To gə ɓo ꞌi, gə ꞌto bar kəm kagə olibiye gə muu, gə lo kunda rɔ-i gə uba ne, ɓa ꞌgang-i ꞌɗe ꞌnam-i dɔ kagə olibiye gə ɓee gə, ngaa ɓədə ɓa ꞌjejee gə ꞌto bar kəm-eje gə kuji kəy ne le d-a təl nam-je kəne gugu ang wa?
25Ngan ko̰-mje, mba m-njigi kar ne gə to lokiya gə le, aw-je kəne dɔ mbə gə ang, mba a kḭ koje rɔ-si gə njekəm karəje. Məkədərə lə Ijirayɛl le, kur-e a kəw ang saar kar dəwje gə ꞌto Jiibije ang tɔ̰y ja d-andə ne lo kaji gə. 26Ngaɓa be ɓa Ijirayɛl tɔ̰y a kinga kaji, to gə ꞌɗa ne mə mbede gə na:
Njekɔr dəwje kila-je taar a kḭ Siyo̰,
N-a kɔsə kal tar dɔ gəl kuji Jakobo gə ngərəng gə ɗangə;
27 Ngaɓa kone gə m-a riya gə je le, a to to gə be
Logə m-a kɔr tar neɗa gə kṵra̰y dɔ-je gə. #11.27 Eja 59.20-21; Eja 27.9.
28Ɔji dɔ Tar gə May le ɗaa ꞌtoje njeba̰a̰je mba sisəy; ngaa ɓo ɔji dɔ mbərə ɗaa ꞌnjigi-je, ngaɓa mba tar lə ka-jeje. 29Mba nekarə baa lə Luba gə ɓar lə-a le tḭ ang. 30Ɗəw kara baa to gə sisəy kara kede ila-je kuji dɔ Luba gə ang, ɗaa gə go kila kuji ang lə-ꞌjejee ɓa ɗa ne gə sisəy məmay, 31ɗəw kara baa ɓisine ꞌjejee kara d-ila kuji ang, gə go ko gə d-o ne kəm to ndoo lə-sisəy, mba ꞌjejee kara ko kəmtondoo nee le d-a kuba maj-ɛ ɓisine tɔ. 32Mba Luba ja ḭya̰ ɗəw ar dəwje tɔ̰y d-ila kuji ang ɓa gə mba ɗa ne məmay gə je tɔ̰y.
33Əy, nebaw lə Luba to ɓəəl ya̰, kəm karə gə negərə lə-a nəm! Kila kagə dɔ tarje gə lə-a na ɓa asə gərə wa? Ngaɓa na ja a kasə gərə neje gə n-gɔl mba ɗa wa?
34 Na ɓa gərə kəji lə Mbayɓe
Ose na ɓa ar-ɛ tar ndəji wa?
35Na ɓa ar-ɛ ne dɔngɔr mba kar n-ɔr gira-a wa? 36Ne tɔ̰y ḭ mə ji-a gə, ne tɔ̰y ɗe ɗəw gə lə-a ngaɓa to mb-ɛ ꞌne ja! Rɔnduba to k-ɛ ja gə ɓal-ɓal. Oyo!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved