1 Nje gə Kɔrɛnt 3
3
Njetakagəje gə tɔgə ɗəw Njil gə ang
2Kɔ 6.4-13
1Ngan ko̰-mje, ꞌma le ɗaa, m-pa gə si tar to gə dəwje gə Njil isi mə-je gə ang ngaa m-pa gə si tar to to gə dəwje gə darɔ gə, to gə nganje mə tar gə lə Kirisi be. 2Mba ɓa m-ar-si ay-je ɓo m-ar-si nekusa gə kədərə ang, mba asə kar-si ang ɗɔdə, ngaɓa ɓisine ja kara a kase-je ang ja dɔro ɓi, 3mba darɔ o̰ dɔ-si ɓi. Mba nər mə ngaɓa ko ta naa ang to horo-si gə nəm le se, to neje gə darɔ gə ang wa? Ngaɓa se ꞌnja-je gə go kəji gə darɔ gə ja dɔngɔ ang wa? 4Logə dəw gə kara pa na: ꞌMa m-to nje kar Pɔl! Ngaɓa dəw gə ɗangə na: ꞌMa m-to nje kar Apolos le se to gə kəji lə dəwje ang wa? 5Apolos ɓa to gə ɗi wa? Pɔl ɓa to gə ɗi wa? ꞌTo gə njekulaje gə ɗəw gə lə-je ɓa ꞌta-je ne kagə, gə go ɗəw gə Mbayɓe ar-je ne ne kara kara. 6ꞌMa m-maa, ɗaa Apolos um man kəne, ngaa Luba ɓa ɗa ar-ɛ tɔgə. 7Be ɓa nje maa-e kara to gə ne kara ang nəm, ngaɓa njekum man kəne kara to ne ang nəm, ngaa Luba gə nje ɗa kar tɔgə ja gə kar-e baa. 8Nje maa-e je gə njekum man kəne le d-ore naa kara baa, ngaa na-na kara a kinga kuga lə-a gə go kula lə-a gə ɗa. 9Mba j-a to nje baa kulaje lə Luba. Sisəy ꞌtoje ndɔ lə Luba, ꞌtoje kəy lə Luba.
10Gə go mənuji lə Luba gə m-inga le ɗaa, m-ɔsə gɔl kəy le to to gə njegusu kunda kəy gə kəm-e arə be, ngaɓa dəw gə ɗangə ɗe unda kəy dɔ-ɛ gə. Ngaa may kar na-na kara pa kunda gə unda ne le o gə maj-ɛ ɓa. 11Mba dəw asə kɔsə gɔl kəy gə ɗangə dɔ ꞌye gə kede, gə to Jeju Kirisi le ang. 12Be ɓa gɔl kəy nee le, dəw gə unda kəy dɔ-ɛ gə gə maa, gə lar, gə kɔr ərje gə ndɔ̰y, gə kagə, gə mu, gə kabəra, ɗaa kula lə na-na kara a kila rɔ-ɛ gə ɗaga ɓi. 13Mba dɔ ndɔ-ɛ nama kula nee le a to gada, mba d-a ce ne dan pər gə ngaɓa na-na kara d-a gərə ne singa kula lə-a gə d-a na dan pər gə. 14To gə ɓo kula gə dəw ɗa le ce kəm pər gə gə maj-ɛ nama, ye ɓa nj-ɛ a kinga kuga. 15To gə ɓo pər o̰ kula lə dəw biriri nama n-a lal kuga lə-a, ꞌne ɗaa n-a kinga kaji ngaa a to ɗəw kara baa to to gə dəw gə ɔsə lo ce kəm pər gə be.
16ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa? 17Dəw gə ɓo tuji kəy lə Luba nama Luba a tuj-e; mba kəy lə Luba to gə losang-ɛ, ɗaa sisəy ja ꞌtoje kəy gə nee le.
18May kar dəw ərə rɔ-ɛ ang. To gə ɓo dəw kara horo-si gə o rɔ-ɛ gə nje kəm karə gə dɔ ndɔ gə ɓogəne nama may kar-e təl mbə ɓa mba təl to nje kəm karə ɓi. 19Mba kəm karə gə dɔ nangə nee le to ne mbə kəm Luba gə. ꞌƊa mə mbede gə tɔ, na:
N-uwa njekəm karəje dɔ gusu gə lə-je
20Cibi ngaɓa:
Mbayɓe gərə ɗəw gə njekəm karəje unja ne kəm tar le,
n-gərə to gə to neje gə baa. # 3.20
Job 5.13
; Paj 94.11.
21May kar dəw uwa dəw ɔsə ne gaji rɔ-ɛ ang, mba ne tɔ̰y to kar-sisəy, 22Pɔl, ose Apolos, ose Sepas, ose dɔ nangə nee, ose təbə, ose yo, ose neje gə ɓogəne, ose neje dɔ ndɔ gə bara; tɔ̰y to kar-sisəy; 23ngaɓa sisəy ꞌtoje kar Kirisi, ɗaa Kirisi to kar Luba.
Currently Selected:
1 Nje gə Kɔrɛnt 3: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
1 Nje gə Kɔrɛnt 3
3
Njetakagəje gə tɔgə ɗəw Njil gə ang
2Kɔ 6.4-13
1Ngan ko̰-mje, ꞌma le ɗaa, m-pa gə si tar to gə dəwje gə Njil isi mə-je gə ang ngaa m-pa gə si tar to to gə dəwje gə darɔ gə, to gə nganje mə tar gə lə Kirisi be. 2Mba ɓa m-ar-si ay-je ɓo m-ar-si nekusa gə kədərə ang, mba asə kar-si ang ɗɔdə, ngaɓa ɓisine ja kara a kase-je ang ja dɔro ɓi, 3mba darɔ o̰ dɔ-si ɓi. Mba nər mə ngaɓa ko ta naa ang to horo-si gə nəm le se, to neje gə darɔ gə ang wa? Ngaɓa se ꞌnja-je gə go kəji gə darɔ gə ja dɔngɔ ang wa? 4Logə dəw gə kara pa na: ꞌMa m-to nje kar Pɔl! Ngaɓa dəw gə ɗangə na: ꞌMa m-to nje kar Apolos le se to gə kəji lə dəwje ang wa? 5Apolos ɓa to gə ɗi wa? Pɔl ɓa to gə ɗi wa? ꞌTo gə njekulaje gə ɗəw gə lə-je ɓa ꞌta-je ne kagə, gə go ɗəw gə Mbayɓe ar-je ne ne kara kara. 6ꞌMa m-maa, ɗaa Apolos um man kəne, ngaa Luba ɓa ɗa ar-ɛ tɔgə. 7Be ɓa nje maa-e kara to gə ne kara ang nəm, ngaɓa njekum man kəne kara to ne ang nəm, ngaa Luba gə nje ɗa kar tɔgə ja gə kar-e baa. 8Nje maa-e je gə njekum man kəne le d-ore naa kara baa, ngaa na-na kara a kinga kuga lə-a gə go kula lə-a gə ɗa. 9Mba j-a to nje baa kulaje lə Luba. Sisəy ꞌtoje ndɔ lə Luba, ꞌtoje kəy lə Luba.
10Gə go mənuji lə Luba gə m-inga le ɗaa, m-ɔsə gɔl kəy le to to gə njegusu kunda kəy gə kəm-e arə be, ngaɓa dəw gə ɗangə ɗe unda kəy dɔ-ɛ gə. Ngaa may kar na-na kara pa kunda gə unda ne le o gə maj-ɛ ɓa. 11Mba dəw asə kɔsə gɔl kəy gə ɗangə dɔ ꞌye gə kede, gə to Jeju Kirisi le ang. 12Be ɓa gɔl kəy nee le, dəw gə unda kəy dɔ-ɛ gə gə maa, gə lar, gə kɔr ərje gə ndɔ̰y, gə kagə, gə mu, gə kabəra, ɗaa kula lə na-na kara a kila rɔ-ɛ gə ɗaga ɓi. 13Mba dɔ ndɔ-ɛ nama kula nee le a to gada, mba d-a ce ne dan pər gə ngaɓa na-na kara d-a gərə ne singa kula lə-a gə d-a na dan pər gə. 14To gə ɓo kula gə dəw ɗa le ce kəm pər gə gə maj-ɛ nama, ye ɓa nj-ɛ a kinga kuga. 15To gə ɓo pər o̰ kula lə dəw biriri nama n-a lal kuga lə-a, ꞌne ɗaa n-a kinga kaji ngaa a to ɗəw kara baa to to gə dəw gə ɔsə lo ce kəm pər gə be.
16ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa? 17Dəw gə ɓo tuji kəy lə Luba nama Luba a tuj-e; mba kəy lə Luba to gə losang-ɛ, ɗaa sisəy ja ꞌtoje kəy gə nee le.
18May kar dəw ərə rɔ-ɛ ang. To gə ɓo dəw kara horo-si gə o rɔ-ɛ gə nje kəm karə gə dɔ ndɔ gə ɓogəne nama may kar-e təl mbə ɓa mba təl to nje kəm karə ɓi. 19Mba kəm karə gə dɔ nangə nee le to ne mbə kəm Luba gə. ꞌƊa mə mbede gə tɔ, na:
N-uwa njekəm karəje dɔ gusu gə lə-je
20Cibi ngaɓa:
Mbayɓe gərə ɗəw gə njekəm karəje unja ne kəm tar le,
n-gərə to gə to neje gə baa. # 3.20
Job 5.13
; Paj 94.11.
21May kar dəw uwa dəw ɔsə ne gaji rɔ-ɛ ang, mba ne tɔ̰y to kar-sisəy, 22Pɔl, ose Apolos, ose Sepas, ose dɔ nangə nee, ose təbə, ose yo, ose neje gə ɓogəne, ose neje dɔ ndɔ gə bara; tɔ̰y to kar-sisəy; 23ngaɓa sisəy ꞌtoje kar Kirisi, ɗaa Kirisi to kar Luba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved