1 Nje gə Kɔrɛnt 2
2
1Ngan ko̰-mje, ꞌma le ɗaa, logə m-ɗe ɓə lə-si le, m-ɗe mba pa tar gə to ɓəəl ose kəm karə ɓa m-ila ne mbərə ne lə Luba gə to lokiya gə m-ar-si ang. 2Mba tar ne gə uwa mə-m horo-si gə le to Jeju Kirisi gə ꞌɓər-e kagə dəsə gə ja kara baa ɓo ne gə ɗangə ang. 3ꞌMa ja kara m-aw ɓə lə-si gə nje tɔgə godo, gə njeɓəəl ngaɓa gə njekisa ɗɛgə-ɗɛgə. 4Tar lə-m gə m-pa gə ne gə m-tɔji le, to tar kəm karə gə mba cɛdə ne gɛngərɛ̰-si ang baa; ngaa to gə Njil ɓa ce ne ngaɓa to gə singamongə. 5Mba kar takagə lə-si ula ne ngira rɔ kəm karə gə lə dəwje baa ang ngaa ula ngira singamongə gə lə Luba.
6Logə m-pa tar kəm karə m-ar dəwje gə ꞌtɔgə dɔ takagə gə le, to kəm karə gə dɔ nangə nee ang nəm, ɓa to kar mbay lə njilje gə njeko̰ dɔ loje gə dɔ nangə nee gə d-a tuji pugudu le ang. 7Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee, 8dəw kara horo mbayje gə lə njilje gə njeko̰ dɔ loje gə dɔ nangə nee kara ꞌgərə ang, mba to gə ɓo ꞌgərə nama d-a ɓərə Mbayɓe gə njerɔnduba kagə dəsə gə ang. 9Ngaa to gə ꞌɗa ne mə mbede gə na:
Ne gə kəm o ang,
ne gə mbi o ang,
ngaɓa andə dɔ ɓəngərə dəw gə ang,
ne gə Luba gɔl mba nje gə ꞌnjigi-e. # 2.9
Eja 64.3
. Oje Eja 52.15.
10Ngaɓa sijee ɓa Luba kila gəl-e ɗəw Njil gə ar-si, mba Njil le tən neje tɔ̰y so-so, mə kəji lə Luba gə uru ya̰ kara n-gərə nəm. 11Na ɓa horo dəwje gə a gərə kəji lə dəw wa? Ɓo bənəng ang nama njil dəw ja baa ɓa a gərə kəji gə mə nj-ɛ gə le ang wa? Ɗəw kara to gə dəw gə asə gərə kəji lə Luba ɗaa Njil lə Luba ja baa ɓa.
12Be ɓa sijee le ɗaa njil gə dɔ nangə nee ɓa j-inga ang baa, ngaa Njil gə ḭ rɔ Luba gə, mba kar j-a gərə ne neje gə Luba ar-si gə go mənuji. 13Ngaɓa sijee kara j-a pa tar neje gə nee le gə ɗəw tar kəm karə gə dəwje ꞌtɔji ang, ngaa gə ɗəw gə Njil tɔji sijee, ja tɔji ne neje gə kar Njil j-ar nje gə Njil Luba to mə-je gə. 14Ngaa dəw gə kəji lə-a to kəji gə darɔ gə le njigi neje gə ɗe ɗəw Njil lə Luba ang, mba n-o gə ne mbə baa ta kəm-e gə; n-asə gərə ang mba ɗəw Njil gə lə ɓa dəw a kɔr kəm ne neje gə nee le. 15Dəw gə Njil isi m-e gə le gərə kɔr kəm ne tɔ̰y, ngaa ꞌne ɗaa dəw kara ja kara asə gangə tar dɔ-ɛ gə ang. 16Be ɓa:
Na ɓa gərə kəji lə Mbayɓe,
mba kar-ɛ tar ndəji wa? # 2.16
Eja 40.13
.
Be ɓa sijee le kəji lə Kirisi to mə-si gə.
Currently Selected:
1 Nje gə Kɔrɛnt 2: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
1 Nje gə Kɔrɛnt 2
2
1Ngan ko̰-mje, ꞌma le ɗaa, logə m-ɗe ɓə lə-si le, m-ɗe mba pa tar gə to ɓəəl ose kəm karə ɓa m-ila ne mbərə ne lə Luba gə to lokiya gə m-ar-si ang. 2Mba tar ne gə uwa mə-m horo-si gə le to Jeju Kirisi gə ꞌɓər-e kagə dəsə gə ja kara baa ɓo ne gə ɗangə ang. 3ꞌMa ja kara m-aw ɓə lə-si gə nje tɔgə godo, gə njeɓəəl ngaɓa gə njekisa ɗɛgə-ɗɛgə. 4Tar lə-m gə m-pa gə ne gə m-tɔji le, to tar kəm karə gə mba cɛdə ne gɛngərɛ̰-si ang baa; ngaa to gə Njil ɓa ce ne ngaɓa to gə singamongə. 5Mba kar takagə lə-si ula ne ngira rɔ kəm karə gə lə dəwje baa ang ngaa ula ngira singamongə gə lə Luba.
6Logə m-pa tar kəm karə m-ar dəwje gə ꞌtɔgə dɔ takagə gə le, to kəm karə gə dɔ nangə nee ang nəm, ɓa to kar mbay lə njilje gə njeko̰ dɔ loje gə dɔ nangə nee gə d-a tuji pugudu le ang. 7Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee, 8dəw kara horo mbayje gə lə njilje gə njeko̰ dɔ loje gə dɔ nangə nee kara ꞌgərə ang, mba to gə ɓo ꞌgərə nama d-a ɓərə Mbayɓe gə njerɔnduba kagə dəsə gə ang. 9Ngaa to gə ꞌɗa ne mə mbede gə na:
Ne gə kəm o ang,
ne gə mbi o ang,
ngaɓa andə dɔ ɓəngərə dəw gə ang,
ne gə Luba gɔl mba nje gə ꞌnjigi-e. # 2.9
Eja 64.3
. Oje Eja 52.15.
10Ngaɓa sijee ɓa Luba kila gəl-e ɗəw Njil gə ar-si, mba Njil le tən neje tɔ̰y so-so, mə kəji lə Luba gə uru ya̰ kara n-gərə nəm. 11Na ɓa horo dəwje gə a gərə kəji lə dəw wa? Ɓo bənəng ang nama njil dəw ja baa ɓa a gərə kəji gə mə nj-ɛ gə le ang wa? Ɗəw kara to gə dəw gə asə gərə kəji lə Luba ɗaa Njil lə Luba ja baa ɓa.
12Be ɓa sijee le ɗaa njil gə dɔ nangə nee ɓa j-inga ang baa, ngaa Njil gə ḭ rɔ Luba gə, mba kar j-a gərə ne neje gə Luba ar-si gə go mənuji. 13Ngaɓa sijee kara j-a pa tar neje gə nee le gə ɗəw tar kəm karə gə dəwje ꞌtɔji ang, ngaa gə ɗəw gə Njil tɔji sijee, ja tɔji ne neje gə kar Njil j-ar nje gə Njil Luba to mə-je gə. 14Ngaa dəw gə kəji lə-a to kəji gə darɔ gə le njigi neje gə ɗe ɗəw Njil lə Luba ang, mba n-o gə ne mbə baa ta kəm-e gə; n-asə gərə ang mba ɗəw Njil gə lə ɓa dəw a kɔr kəm ne neje gə nee le. 15Dəw gə Njil isi m-e gə le gərə kɔr kəm ne tɔ̰y, ngaa ꞌne ɗaa dəw kara ja kara asə gangə tar dɔ-ɛ gə ang. 16Be ɓa:
Na ɓa gərə kəji lə Mbayɓe,
mba kar-ɛ tar ndəji wa? # 2.16
Eja 40.13
.
Be ɓa sijee le kəji lə Kirisi to mə-si gə.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved