इब्रानियों 8
8
ईसू आपणाँ मायाजक हे
1 #
भज 110:1
ज्यो कई आपाँ केरिया हा, वणा मूँ खास बात तो या हे के, आपणाँ नके एक अस्यो मायाजक#8:1 मायाजक ईसू हे ज्यो हरग में मेमावान परमेसर का गादी का जीमणा पाल्डे बेट्यो तको हे। 2वो वीं पुवितर जगाँ में सेवा कररियो हे ज्यो हाँचा तम्बू हे, जिंने कणी मनक ने, पण परबू बणायो हे।
3हरेक मायाजक ने ईं वाते चुण्यो जावे हे के, वो भेंट अन बली दुई चड़ावे। अन ईं वाते अणी मायाजक का वाते भी ओ जरूरी हे के, वींका नके भी चड़ाबा का वाते कई वेवे। 4यद्याँ वो ईं धरती पे वेतो, तो वो याजक ने वेतो, काँके अटे तो पेल्याई अस्या याजक हे, जीं मूसा का नेमा के जस्यान भेंट चड़ावे हे। 5#निर 25:40जीं जगाँ पे वीं याजकपणा को काम कररिया हे, वो तो ज्यो हरग में हे वींकी नकल अन छाया हे। ईं वाते जद्याँ मूसो पुवितर तम्बू बणाबावाळो हो, तद्याँई वींने चेतावणी दिदी गी के, “ध्यान राकज्ये के, थूँ हरेक चीज वींके जस्यानीस बणाज्ये, जस्यान थने मंगरा पे बतई ही।” 6पण ज्यो सेवा को काम ईसू मसी ने मल्यो हो, वो वाँकी सेवा का कामऊँ भी ओरी बड़िया हे, काँके वो जणी करार को बिचोलियो हो, वो पुराणा करारऊँ बड़िया हे। अन नवो करार ओरी बड़िया वादाऊँ ठम्यो तको हे।
7यद्याँ पेला करार में कई खोट ने वेतो, तो दूँजा करार की जरुतई ने पड़ती। 8#यर 31:31–34पण परमेसर ने वणा लोगाँ में खोट मल्यो। वणा क्यो,
“परबू घोसणा करे हे, वा टेम आरी हे
जद्याँ मूँ इजराएल का घराणाऊँ अन यहूदा का घराणाऊँ एक नवो करार करूँ।
9यो करार वस्यो ने वेई, जस्यो में वाँका पूरबजाँ का हाते किदो हो।
जद्याँ मूँ वाँको हात पकड़न वाँने मिसर देसऊँ बारणे लायो हो।
काँके परबू केवे हे, वीं मारी करार का विस्वास जोगा ने रिया।
में वाँकाऊँ मुण्डो फेर लिदो हे।
10अबे परबू केवे हे के,
ज्यो करार मूँ इजराएल का घराणाऊँ करूँ। अन ईंका केड़े परबू घोसणा करे हे,
वाँके मन में आपणाँ नेम नाकूँ,
वाँके काळजा पे मूँ वाँने लिक देऊँ।
मूँ वाँको परमेसर वेवूँ
अन वीं मारा मनक वेई।
11पछे कुई भी मनक आपणाँ पड़ोसी ने अस्यान ने हिकाई
अन कुई भी मनक आपणाँ भई-बन्दऊँ ने केई के,
‘थाँ परबू ने ओळको।’
काँके वीं हाराई
फोरा अन मोटा मने जाणी।
12काँके मूँ वाँका बुरा कामाँ ने माप करूँ
अन कदी वाँका पापाँ ने आद ने राकूँ।”
13नवो करार करन वणी पेला करार ने बेकार ठेरायो हे अन ज्याँ चीज पुराणी अन बेकार वे जावे हे, वींको खतम वेणो जरूरी हे।
Currently Selected:
इब्रानियों 8: एम टी आर
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
