कुलुसियों 4

1 # इपि 6:9 ओ मालिकाँ, आपणाँ-आपणाँ हाळयाँ का हाते सई वेवार राको अन हाराई ने एक हरिका राको, ओ हमजन के, हरग में थाँको भी एक मालिक हे।

विस्वास्याँ का वाते पोलुस की सला

2थाँ हेंचेत रेन परमेसर को धन्नेवाद करता रेवो अन परातना करता रेवो। 3अन ईंका हातेई हाते माकाँ वाते भी परातना करता रेवो के, परमेसर माँके परच्यार करबा को अस्यो गेला खोल देवे के, माँ मसी का वीं भेद को बखाण कर सका। अन परच्यार करबा के मस मूँ जेल में बन्द हूँ। 4अन ईंका वाते भी परातना करज्यो के, मूँ वीं भेद ने अस्यान परगट करूँ, जस्यान मने करणो छावे। 5#इपि 5:16हाराई मोका ने हव तरियाऊँ काम में लेता तका अविस्वासी मनकाँ का हाते हव अकलऊँ वेवार करो। 6थाँकी बोली हरदाण दयाळू अन मिठी वे, ताँके थाँ जाण सको के, हाराई मनकाँ ने कस्यान जवाब देणो हे।

आकरी नमस्कार

7 # थर 20:4; 2 तिमु 4:12 # इपि 6:21,22 प्यारा भई अन विस्वासी दास, तुखिकुस ज्यो परबू में मारा हाते सेवा करबावाळो हे, वो मारी हारी बाताँ थाँने बता देई। 8में वींने थाँका नके ईं वाते खन्दायो के, वो थाँने माकाँ हमच्यार देवे अन थाँकी हिम्मत बड़ावे। 9#फिले 1:10–12वींका हाते विस्वास जोगो अन लाड़लो भई उनेसिमुस भी आरियो हे। वो थाँका मेईलोईस हे। वीं दुई अटा की हारी बाताँ थाँने बताई।

10 # थर 19:29; 27:2; फिले 1:24; थर 12:12,25; 13:13; 15:37–39 मारा हाते का केदी अरिस्तखुस भी थाँने आद कररियो हे वस्यानीस बरनबास को भई मरकुस भी थाँने आद करे हे। (जद्याँ मरकुस थाँका नके आई तो थाँ वींकी आवभगत करज्यो ईंका वाते में थाँने पेल्याँई आदेस दे दिदो हो।) 11अन यसू जिंने युसतुस भी बोले हे। वो थाँने आद कररियो हे। मारा नके बेस ईं तीन ईंस यहूदी विस्वासी मनक हे ज्यो परमेसर की राज की बढोतरी का वाते मारा हाते काम करे हे। अणा मारी घणी मदत किदी हे।

12 # कुलु 1:7; फिले 1:23 इपफरास, ज्यो थाँका मेईलोईस हे अन मसी ईसू को दास हे, वो थाँने आद कररियो हे अन हरदाण थाँका वाते आका मनऊँ परातना करे हे। जणीऊँ थाँ हमजदारी अन पूरा भरोसा का हाते परमेसर की मरजी में अटल रेवो। 13मूँ वींको गुवा हूँ के, वो थाँका वाते अन लोदकिया अन हियारापलिस नगर का लोगाँ का वाते घणी मेनत करे हे। 14#2 तिमु 4:11; फिले 1:24; 2 तिमु 4:10; फिले 1:24लाड़लो वेद लूको अन देमास भी थाँने आद कररिया हे।

15लोदकिया का रेबावाळा भायाँ ने अन नुमफास अन वाँका घर भेळी वेबावाळी मण्डली ने भी माँ आद कराँ हाँ। 16जद्याँ ओ कागद थाँका अटे भण लिदो जावे तो अस्यो करज्यो के, लोदकिया की मण्डली में भी भणाज्यो, अन ज्यो कागद लोदकियाऊँ आयो हे वींने थाँ भी भणज्यो। 17#फिले 1:2अन अर्खिप्पुसऊँ केज्यो के, ज्यो सेवा परबू में वींने हूँपी हे, वींने वो जरुर पुरी करे।

18मूँ ज्यो पोलुस खुद थाँने नमस्कार लिकरियो हूँ। मारी हतकड़ीया आद राकज्यो।

परमेसर की दया थाँका पे वेती रेवे। आमीन।

Currently Selected:

कुलुसियों 4: एम टी आर

Highlight

Copy