1 थिस्सुलुनिक्यों हेंद-पेचाण
हेंद-पेचाण
रोमी राज में नरई परदेस हा वाँका में एक परदेस मकिदुनिया भी हो, जिंकी राजदानी थिस्सुलुनिक्यों ही। फिलिप्पी नगरऊँ आया केड़े पोलुस अटे एक ओर मण्डली बणई। पण अटे भी यहूदी मनकाँ, दूजी जात्या ने हव हमच्यार हुणायो जाबा पे आड़ी दिदी, काँके दूजी जात्या हव हमच्यार ने मानबा लागगी ही अन ईं बात ने लेन वीं पोलुस पे रिस्याँ बळता हा। ईं वजेऊँ पोलुस थिस्सुलुनिक्यों छोड़न बिरिया परोग्यो। ईंका केड़े जद्याँ वो कुरिन्तुस पोंछ्यो तो पोलुस का हाते काम करबावाळा हण्डाळ्याँ तिमुतीऊँ वटा की मण्डली का बारा में हमच्यार मल्यो। हमच्यार आया का केड़े पोलुस थिस्सुलुनिक्यों की मण्डली ने हिम्मत देवा का वाते ओ कागद लिक्यो। वो वाँका विस्वास अन परेम का बारा में हुणन वाँने धन्नेवाद देवे हे। वो वाँने वाँका हाते बिताया दनाँ का बारा में आद देवाड़े हे। अन मसी का पाच्छा आबा का सवाला को जवाब देवे हे जतरा भी मण्डली में पेदा व्या हे कन ज्यो विस्वासी मसी का पाच्छा आबाऊँ पेल्याँई मरग्या हा, वीं भी वणी जीवन में भेळा वेई ज्यो मसी का पाच्छा आबाऊँ मलबा वाळो हे? अन मसी पाच्छा कदी आई? ईं मोका पे पोलुस वाँने बतावे हे के, वणी टेम जद्याँ थाँ मसी का पाच्छा आबा की वाट देकरिया हे, ईं वाते हव काम करबा में लाग्या तका रेवो।
रूप-रेखा
राजी-खुसी को हमच्यार 1:1
धन्नेवाद अन बड़ई 1:2—3:13
मसी का वेवार वाते उपदेस 4:1–12
मसी का पाच्छा आबा का बारा में हिक 4:13—5:11
आकरी उपदेस 5:12—5:22
कागद बन्द करणो 5:23–28
Currently Selected:
1 थिस्सुलुनिक्यों हेंद-पेचाण: एम टी आर
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved